އިލްމުވެރިންގެ މަހާސިންތާ ފެށުމުގެ ރަސްމިއްޔާތުގައި ޑިފެންސް މިނިސްޓަރު އާދަމް ޝަރީފު ވާހަކަދައްކަވަނީ.-- ފޮޓޯ: އިސްލާމިކް މިިނިސްޓްރި
16 ނޮވެމްބަރ 2017 - 14:03
13 comments
ރާއްޖޭގައި ހުރި އިޖުތިމާއީ މައްސަލަތައް ހައްލުކުރުމުގައި ދީނީ އިލްމުވެރިން ކުރިއަށް ވުރެ ބޮޑަށް ތެދުވަން ޖެހޭ ކަމަށް ޑިފެންސް މިނިސްޓަރު އާދަމް ޝަރީފު އުމަރު މިއަދު ވިދާޅުވެއްޖެ އެވެ.
ދީނީ އިލްމުވެރިންގެ ފަސް ވަނަ މަހާސިންތާ ފެށުމުގެ ރަސްމިއްޔާތުގައި ވާހަކަދައްކަވަމުން ޑިފެންސް މިނިސްޓަރު ވިދާޅުވީ ދިވެހިންނަކީ ދީނީ އިލްމުވެރިންނަށް އިހުތިރާމް ކުރާ ބައެއް ކަމަށެވެ. އެ ބޭފުޅުން ދައްކަވާ ވާހަކަތައް ގަބޫލުކުރާނެ ކަމަށް ވެސް އޭނާ ވިދާޅުވި އެވެ.
އާދަމް ޝަރީފް ވިދާޅުވީ މުޖުތަމައުގެ ތެރޭގައި އުފެދޭ ހިޔާލު ތަފާތުވުންތަކުގެ ސަބަބުން ދީނީ އިލްމުވެރިންގެ މެދުގައި ވެސް އެކި ކަންކަމާ މެދު ހިލާފުތައް އުފެދޭ ކަމަށެވެ. ނަމަވެސް އެކަމުން ނިކުމެދާނެ ނުރަނގަޅު ނަތީޖާއާ މެދު ސަމާލުވާން ޖެހޭ ކަމަށް އޭނާ ވިދާޅުވި އެވެ.
އާދަމް ޝަރީފް ވިދާޅުވި ގޮތުގައި އެހެން ގައުމުތަކާ ގުޅިގެން މީގެ ކުރިން ވެސް ރާއްޖެއަށް އެކި ދީންތައް ފެތުރުމުގެ މަސައްކަތް ކުރި އެވެ. ނަމަވެސް އެކަން ކޮންޓްރޯލްވީ ދީނީ އިލްމުވެރިންގެ ސަބަބުން ކަމަށާއި މިހާރު ވެސް ރާއްޖޭގައި އެކި ދީންތަކާއި ހަރުކަށި ފިކުރުތައް ފަތުރަން މަސައްކަތް ކުރަމުން ދާ ކަމަށް ވިދާޅުވި އެވެ.
"އެހެން ދީންތައް އަޅުގަނޑުމެންގެ ގައުމަށް ގެނައުމުގެ މަސައްކަތް ކުރުމަށް ޒުވާނުންނަށް އެކި ވަސީލަތް މެދުވެރިކޮށް ތަފާތު އެހެން ދީންތަކުގެ މައުލޫމާތު ފެތުރުމާއި އަދި އިސްލާމް ދީނާ ބެހޭ ގޮތުން ދައްކާ ބުހުތާނު ދޮގު ވާހަކަތައް ނުވަތަ އަގީދާއާ ކުޅެލާ އެކި ޕްރޮޕެގެންޑާތައް އަޅުގަނޑުމެންގެ ތެރެއަށް ފެތުރުމަށް އެބަ މަަސައްކަތް ކުރެމުންދޭ،" ޑިފެންސް މިނިސްޓަރު ވިދާޅުވި އެވެ.
އޭނާ ވިދާޅުވީ އެހެން ގައުމުތަކުގައި ހުންނަ މައްސަލަތައް ރާއްޖެއާ ހަމައަށް އަންނައިރު ދީނީ އިލްމުވެރިންގެ ހިއްސާ އާއި ޒިންމާ ބޮޑު ކަމަށެވެ.
އިލްމުވެރިންގެ މަހާސިންތާ ފެށުމުގެ ރަސްމިއްޔާތު --ފޮޓޯ: އިސްލާމިކް މިނިސްޓްރީ
"އަޅުގަނޑުމެން ގަބޫލުކުރަން ޖެހޭ ހަގީގަތަކީ އިސްލާމް ދީނާއި އާދަކާދައާ އެއްގޮތަށް އަޅުގަނޑުމެން މި ގައުމު ތަހުޒީބުވެ ކުރިއަރައި ދިއުމަށް އިލްމުވެރިންގެ ހިއްސާ ވަރަށް ބޮޑުވާން ޖެހޭކަން،" އޭނާ ވިދާޅުވި އެވެ.
މިނިސްޓަރު ވިދާޅުވީ ދުނިޔޭގެ ފެންވަރުގެ ގައުމުތަކާ އަޅާ ބަލާފައި ރާއްޖެ އަކީ ތައުލީމީ ގޮތުން ވެސް ކުރިއަރާފައިވާ ގައުމެއް ކަމަށާއި މިހެން ދިމާވީ އިލްމުވެރިންގެ ބުރަ މަސައްކަތުން ކަމަށެވެ.
މާދަމާ އިން ފެށިގެން އަންނަ އާދިއްތަ ދުވަހާ ހަމައަށް ކުރިއަށްގެންދާ މި މަހާސިންތާގައި 90 އިލްމުވެރިން ބައިވެރިވެވަޑައިގަންނަވަ އެވެ. އޭގެ ތެރޭގައި ރާއްޖޭން ބޭރުގެ ފަސް އިލްމުވެރިޔަކު ވެސް ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ އީމަން
17 November 2017
މިދީން މިއަޒުމެއް މިހަތަކުން ފިލައެނުދާނެ.
ސަޅިބައިސާ
17 November 2017
ރައީސް މައުމޫނުގެ ވެރިކަން ފުރޮޅާލުމުމުގައިވެސް އަދި ރައީސް ނަޝީދުގެ ވެރިކަން ފުރޮޅާލުމުގައިވެސް ތިއަބުނާ ބަޔަކު އަރުވާޖަހާފަ ނިކުތީ. ތަނަކުން ޑިގްރީއެއް ހިފައިގެން އަންނަހާ މީހަކީ ޢިލްމުވެރިއަކަށް ނުވާނެ. ތިއަބަޔަކުގެ ސަބަބުން މި ޤައުމު ފަސަަދަވީ. ދެ ޝައިޚަކު އެކައްޗެއް ނުކިޔާނެ. މީހުނަށް ޙަރާމް ޙަލާލުވެސް އޮޅޭވަރުކޮށްފަ ތިބި ބަޔަކަށް ދީނީ ޢިލްމުވެރިންނޭ ކިޔަން ލަދުގަނޭ. ދީނީ ޢިލްމުވެރިންނެއް އުންމަތުގެ ޤަދަރުވެރި ޢާލިމުންނަށް ހުތުރުބަސް ރައްދުވާގޮތަށް ފަތުވާއެއް ނުދޭނެ.
އަލްޖިބްރާ
17 November 2017
ހުރިހާވަސީލަތެއް ހުސްވީމަ އެންމެ ފަހުން އިލްމު ވެރިންނޭ ގޮވަމުން ނިކުތީ ދޯ ؟ މި ފައިތުވި ދުވަސްތަކުގައި ތިބުނާ ބަޔަކަށް ބަވާފަ އެންމެ ފަހުން މިހާރު ހުކުރު ދުވަހުގެ ޚުތުބާއަކީވެސް ވެރިކަމަށް ކުރާ ކެމްޕޭނަކަށް ހަދާތަން ވެސް އަހަރުމެނަށް އެބަފެނޭ ! ކެރެންޏާ ސައްހަ ވޯޓަކަށް ތައްޔާރުވޭ !
ހުނި
17 November 2017
އެކަކު ނިކުމެ ހެސްކިޔާފަ އިލްމުވެރިންނަށް ބަވަނީ އަނެކަކު ނިކުމެ މަތިއޮމަންކުރަނީ ބޯހަލާކު
ަސދަސދ
16 November 2017
މިދިޔަ ހަފުތާގެ ހުތުބާ އާއި ދޭތެރޭ ދެކެނީ ކިހިނެއްތޯ. ވެރިޔާ ކޮށްމެ ގޮތެއް ހެދިޔަސް ބުނިގޮތަކަށް ހެދިގެން ތިބެންވީ ؟
އަލީ ނަސީރު
16 November 2017
އިލްމު ވެރިންނޭ؟ ކޮބާތަ ތިބަޔަކު؟
ކުޅުދުއްފުށި ބިއްލޫރި އެއާޕޯޓު
16 November 2017
އިލްމުވެރިންނައް އެނގޭތަ ދޮގުހެދުމަކީ ވައްކަންކުރުމުގެ ތަޅުދަނޑިކަން ރިސޯޓު ހިއްސާ ދޭނަމޭބުނެ ހަރާމްކޯރުވީކާކު.މިމީހުންނައް ނަސޭހަތް ދިނުން މާބޮޑައް އައުލާ.
ބްރެޒިލް
16 November 2017
ބްރެޒީލްގެ ކުކުޅު މަސް ކައިގެން 5 ނަމާދުކޮށްލީމަ ތިމާގެ ދީނީ ބައި ފުރިހަމަ ވީމަކަށް ހީކުރާ ނަމަ އަދިވެސް ބޮޑެތި ދަތި އުނދަގޫތަކާ ކުރިމަތިވާނެ. ކާއެއްޗިއްސާ އިމާންކަމާ ބޮޑު ގުޅުމެއް އޮވޭ.
ހުސެންބެ
16 November 2017
ގައުމުގެ 80% މީހުންނަކީ ގައުމުގެ ރައްޔިތުން ނޫންކަމަށް ހަދައި އެއީ ގައުމުގެ ހަލާކު ކަމަށް ދައްކައިގެން ކަމެއް ރަނގަޅެއް ނުވާނެ. ހީވާކަހަލަ އަމިއްލަ އަމިއްލަޔަށް ހުރިހާ ކަމެއް ކުރެވިދާނޭ. ދިވެހި ގައުމު ތިކިޔަނީ އެއްކަލަ 80% މީހުންނުލާ ކަމަށްވާނަމަ ތިޕާޓީތެރޭ ކޮންމައްސަލައެއްތޯ އޮތީ ބަލާ އެކަމެއް ދަރުބާރު ފެކްޝަނުން ހައްލުވާންޖެހޭނެ. އިތުރު އެހީތެރިކަމެއް ބޭނުމެއް ނުވާނެ.
އަސްލުމައްސަލަ
16 November 2017
މީ ބަރާބަރު ކޮމެންޓެއް. ދިވެހި ރައްޔިތުންގެ އެތެރޭގެ މައްސަލައެއް ސަރުކާރުން އެނޫންބަޔަކާ ބައްސާނެކަމެއް ނޯންނާނެ.
ބަރަފޯސް
16 November 2017
ދީނީގޮތުން ކިތައްމެ ވާހަކައެއް ދެއްކިޔަސް ބޮޑުވަރަކަށް ހުތުބާގަ ބުނެވޭނީ ވެރިންނަށް ކިޔަމަންވާން. ޕީޕީއެމް މެމްބަރުން ނުވާނަމަ އޭ މައްސަލައެއް. އެހެނަސް ދެންތިބި ޕާޓީތަކުގެ މީހުން ތިވާހަކަ އަހަންބޭނުންނަމަ އެމީހުން ބުނާގޮތްވެސް ހަދައިގެން ވާނީ. ޕާޓީތަކުގެ ވެރިން ހައްޔަރުކޮށްފަ ތިކިޔަނީ އޭ ލީޑަރުންގެ މައްސަލައެކޭ. ކޮންމެ ލީޑަރެއްގެ ފަހަތު ބަޔަކު ނެތްނަމަ ތިހުރިހާއެއްޗެކޭ މިއަދު ކިޔާކަށްނުޖެހުނީސް ނޫންތޯ.
ސުވާދީބު ރާނީ
16 November 2017
ޝަރީފަށް ދަންނަވަން ބޭނުންވަނީ މުޖުތަމައު މިއަދު އޮތް ހާލަތަށް ދިއުމަށް މެދުވެރިވި ސަބަބުތަކަކީ؛ 1- ފުލުހުން ލައްވާ ކުށްވެރި އުފެއްދުން 2- މާލޭ ރައްޔިތުން މުއްސަނދިކުރުމަށް ރަށް ރަށުމީހުންނަށް މާލެ އައުމަށް މަޖުބޫރުކުރވުން 3- ދެމެހެއްޓެނިވި ތަރައްގީއަށް ވުރެ ބޮޑަށް ސިޔާސީ ބޭނުމަށް ތަރައްގީކުރުން 4- ރައްޔިތުންގެ ތެރެއިން ނުފޫޒު ގަދަ 5 ވަރަކަށް މީހުންގެ ބާރު މުޅިގައުމުގައި އޮތުން 5- އިޖުތިމާޢީ ހަމަޖެހުމަށްވުރެ ބާރުގަދަ މީހާގެ މަސްލަހަތު އިސްކުރުން 6- ޤާނޫނު ތަންފީޒު ކުރަން ތިބި މުޢައްސަސާތައް ކޮންޓްރޯލްކޮށް ބާރުގަދަ މީހާ ބޭނުން ގޮތަށް ކަންކަން ނިންމުން 8- ސިޔާސީ ބޭނުމަށް އިސްލާމްދީން ބޭނުން ކުރުން 9- އިލްމުވެރިންގެ ތެރޭގައި " މުނާފިގު" ސިފަތައް ހުރި މީހުން ގިނަވުން 10- ސަރުކާރުގެ ކަންތަކާ ނުބެހޭ މީހުން ސަރުކާރުގެ ކަންތައްތަކަށް އުނދުޅި ބޭނުން.