އޮސްޓްރޭލިއާ ސަރުކާރުން ދޭ ސްކޮލަޝިޕް ލިބުނު ދަރިވަރުންނާއެކު ފޮރިން މިނިސްޓަރު އާސިމް އަދި އޮސްޓްރޭލިއާ ސަފީރު ފޮޓޯއަކަށް ހުއްޓިލައިގެން-- ފޮޓޯ: ފޮރިން މިނިސްޓްރީ
23 ނޮވެމްބަރ 2017 - 21:50
10 comments
އޮސްޓްރޭލިއާ ސަރުކާރުން ރާއްޖެއަށް މި އަހަރު ދިން ސްކޮލަޝިޕަށް ހޮވުނު 10 ދަރިވަރަކަށް އެކަމުގެ ލިޔުން މިއަދު ހަވާލުކޮށްފި އެވެ.
ހޮޓެލް ޖެންގައި ބޭއްވި ރަސްމިއްޔާތެއްގައި ސްކޮލަޝިޕް ލިބުނު ދަރިވަރުންނަށް ލިޔުން ހަވާލުކޮށްދެއްވީ ފޮރިން މިނިސްޓަރު. ޑރ. މުހައްމަދު އާސިމާއި އޮސްޓްރޭލިއާ އިން ރާއްޖެ ކަނޑައަޅާފައި ހުންނަވާ ސަފީރު ބްރައިސް ހުޗެސަނެވެ.
މި ރަސްމިއްޔާތުގައި ވާހަކަދައްކަވަމުން އާސިމް ވަނީ އިންސާނީ ވަސީލަތް ތަރައްގީކުރަން އޮސްޓްރެލިއާ ސަރުކާރުން ދެމުން އަންނަ އެހީތެރިކަމަށް ޝުކުރު ދަންނަވައިފަ އެވެ.
އޭނާ ވިދާޅުވީ އޮސްޓްރޭލިއާ އާއި ރާއްޖެއާ ދެމެދު އޮންނަނީ ވަރަށް ހާއްސަ ގުޅުމެއް ކަމަށެވެ. އަދި އެކަން އެންމެ ބޮޑަށް ހާމަވެެގެންދާ އެއް ކަމަކީ، އާސިމް ފާހަގަކުރެއްވި ގޮތުގައި، އޮސްޓްރޭލިއާ އެވޯޑްސްގެ ދަށުން ލިބޭ ކޯސްތަކެވެ.
އޮސްޓްރޭލިއާ އެވޯޑްސްގެ ދަށުން ސްކޮލަޝިޕް ދެމުން އަންނަނީ ވަރަށް މުހިއްމު ދާއިރާތަަކަށް ކަމަށާއި އެއީ ކުރިއަރަމުން އަންނަ ރާއްޖެ ފަދަ ގައުމުތަކުން އިސްކަންދޭން ޖެހޭ ދާއިރާތައް ކަން ވެސް މިނިސްޓަރު ފާހަގަކުރެއްވި އެވެ.
އޮސްޓްރޭލިއާ ސަރުކާރުން ދޭ ސްކޮލަޝިޕް ހަވާލުކުރަން މިއަދު ހަވީރު ބޭއްވި ރަސްމިއްޔާތުގައި ފޮރިން މިނިސްޓަރު އާސިމް ވާހަކަދައްކަވަނީ.-- ފޮޓޯ: ފޮރިން މިނިސްޓްރީ
މި ސްކޮލަޝިޕް ދެނީ މައިގަނޑު ހަތަރު ދާއިރާއަކުންނެވެ. އެއީ ތައުލީމް، ގުޑް ގަވަނެންސް، އިކޮނޮމިކް ޑިވެލޮޕްމަންޓް އަދި އެންވަޔަރްމަންޓް މެނޭޖްމަންޓުންނެވެ.
އޮސްޓްރޭލިއާގެ ސަފީރު ބްރައިސް ވިދާޅުވީ އެ ސްކޮލަޝިޕްގެ ދަށުން މިހާތަނަށް 600 އަށް ވުރެ ގިނަ ދަރިވަރުން މަތީ ތައުލީމް ހާސިލްކޮށްފައިވާ ކަމަށެވެ. އަދި އެ ފުރުސަތުގެ ކިޔަވާވިދާޅުވި ބޭފުޅުން ރާއްޖެއަށް މުހިއްމު ހިދުމަތްތަކެއް ކޮށްދެއްވަމުން އަންނަކަން ވެސް ސަފީރު ފާހަގަކުރެއްވި އެވެ.
މާސްޓާސް ފެންވަރަށް ކިޔަވަން ހުޅުވާލި ސްކޮލަޝިޕަށް 100 އެއްހާ ދަރިވަރުން ކުރިމަތިލި އެވެ.
އޮސްޓްރޭލިއާއިން އަންނަނީ ކޮންމެ އަހަރަކު ވެސް ރާއްޖެއަށް ސްކޮލަޝިޕް ދެމުންނެވެ. އޮސްޓްރޭލިޔާގެ ސްކޮލަޝިޕްގެ ދަށުން ކިޔެވި ބޭފުޅުންގެ ތެރޭގައި ރައްޔިތުންގެ މަޖިލީހުގެ ރައީސް އަބްދުﷲ މަސީހާއި އެޑިއުކޭޝަން މިނިސްޓަރު ޑރ. އާއިޝަތު ޝިހާމާއި ރާއްޖޭން އދ. އަށް ކަނޑައަޅާފައި ހުންނަވާ މަންދޫބު ޑރ. އަލީ ނަސީރު ހިމެނިވަޑައިގަންނަވަ އެވެ.
މި ސްކޮލަޝިޕް ދެމުން އަންނަތާ މިހާރު 54 އަހަރު ވެއްޖެ އެވެ. މިއީ ބޭރު ގައުމަކުން ރާއްޖެއަށް މިހާތަނަށް އެންމެ ގިނަ ދުވަސް ވަންދެން ދެމުން އަންނަ މަތީ ތައުލީމުގެ ފުރުސަތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނޫސަންގު
24 November 2017
ރޭސިޒަމް އޭ ތިކިޔާ އެއްޗެއް މިގައުމުގަ ނޯވޭ ދޯ. ދަފްތަރޭ ކިޔާ އެއްޗެއް ހެދީ ކީއްކުރަން. ބަންގާޅުންނަށް އަހަރެމެން ހަދާ ގޮތް ބަލާބަލަ. މުސާރަ ކޮޅުވެސް ނުދޭ. ނިޒާމުގެ ތެރެއިން ތިބުނާ ދޮން ގައުމުގައި ތަފާތެއް ނުކުރާނެ. ތިބުނާ ގައުމުގައި ދުނިޔޭގެ ހުރިހާ ގައުމެއްގެ މީހުން އުޅޭ. އެކަމަކު ސިޓީ މެދުތެރޭގައި ވަޅި ޖެހުން ރާއްޖެއަށްވުރެ ނިސްބަތުން މަދު. އެ މީހުން ދޭ ކޮންމެ ސްކޮލަރޝިޕެއް މިލިއަނަކަށްވުރެ އަގު ބޮޑުވާނެ. އެދެނީ އިންސާނިއްޔަތު ވަންތަކަން އެއީ އޮންނަ އެއްޗެއްކަން އެމީހުން ގަބޫލް ކުރާތީ. އެއީ އެ ގައުމުގެ ރައްޔިތުން ދޭން ބޭނުންވާތީ އަހަރެމެންނަށް ލިބޭ އެއްޗެއް. ޝުކުރުވެރިވާން ނުދަންނަ މީހުން ގިނައީ.
ގައުމު ސުމަކަށް
24 November 2017
ހާދަ އަދަދު މަދުވީ. މިހާރު ކޮމަންވެލް ސްކޮލަޝިޕްވެސް ނުލިބޭ. ސައުދީއާގުޅުންބަދަހިވީމަ ލިބުނުއެއްޗެއްހަރާން
ކާސިމަޖާ
24 November 2017
މަވެސް 30 އަހަރު ވެއްޖެ އޮސްޓްރޭލިއާގަ އުޅޭތާ ނުދެކެން މޯޑް އެއް......
ދޮން އާމިރު
25 November 2017
މެވެސް މިހާރު އުޅޭތާ 31 އަހަރުފުރެނީ.
ހުސެން މީމުލީ
24 November 2017
އޮސްޓްރޭލިޔާ އަކީ ވަރަށް ރޭސިސްޓު މީހުން އުޅޭ ތަނެއް. ދޮންމީހުން ނޫން ބަޔަކަށްޔުނިވާސިޓީ ތަކުގައިވެސް ރައްކާތެރި ކަމެއް ނޯވޭ. ދިވެހިން މެލޭޝިއާ ޔޫކޭ އަށް ދަނީ މިހެންވެ.
މޯޑު
24 November 2017
ކީކޭ؟ މަ މިހާރު މިތާ އުޅޭތާ ތިން އަހަރު ވީ. ތި ބުނާ ރޭސިޒަމް ނުދެކެން. ވަރަށް ހައިރާން ވެއްޖެ. ކޮން ޔުނީއެއްގަ ތަ ހުސެން ކިޔެވީ؟
ހުސެން މީމުލީ
24 November 2017
މޯޑު ހަންގަޑު ދޮނަސް އަހަރެންނަކީ ކަޅު މީހެއް. މިތާގަ ރޭސިސަމް އޮވޭ މިބުނަނީ ތަހައްމަލު ކޮށްފަ. ކެންބެރާ ޔުނިވާރސިޓީގައި ހިނގާ ހާދިސާތަކުގެ ވާހަކަ އެހެރީ ނޫސްތަކުގައި. ދޮން މީހުންނަކީ ރޭސިސްޓު ބައެއް. މުސްލިމުންނަށް ހަދާނެ ގޮތެއް ހަދަނީ.
އަލީ ނާޒިމް
24 November 2017
ހޭބުރާންތި ވެފަ ތި ހުންނަނީ؟ 10 އަކުން 9 ލިބޭނެ އަރަބި ގައުމު ތަކުގަ، އެނޫން ނަސްލު ތަކައް ރޭސިސްޓް ވުމުގަ. އެހިސާބުން ގައުމަކައް އެރުނަސް މޮޔަ ހިތައްއަރާނެ. މެލޭޝިއާ ގަ 7 ލިބޭނެ މެލޭ ނޫން ހުރިހާ ނަސްލު ތަކައް. ރާއްޖޭގަވެސް 3 ލިބޭނެ ހާއްސަ ކޮން ބަންގާޅީންނައް ޖެހުނީމަ. އޮސްޓްރޭލިޔާ، ޔޫކޭ، އަދި ކެނެޑާ ގަވެސް 1 އައް ވުރެ ދައްވާނެ ހުރިހާ ގޮތަކުން ބެލިޔަސް! މެލޭ، ޔޫކޭ، އޮސްޓްރޭލިޔާ ގަ އުޅެފަ ހުރިމީހެއްގެ ހައިސިއްޔަތުން މިބުނަނީ!
އަލީހަމީދު
24 November 2017
އަޅުގަނޑު އޮސްޓްރޭލިޔާގަ 4 އަހަރު ވަންދެން ކިޔަވަން އުޅުނިން. ގިނައިން ކިޔަވަންދާ ކުދިން އުޅެނީ ޔުނިވާސިޓީ ކެމްޕަސްގަ. އެކުދިންނަކަށް ރޭސިޒަމް އެހާ އެކްސްޕީރިއަންސް ނުކުރެވިދާނެ. އެކަކަކު އާންމު ރައްޔިތުން ދިރިއުޅޭ ދުރު ސަބާބަން އޭރިއާ ތަކުކަ އޫޅޭ މީހުން މިކަން ތަހައްމަލް ކުރާނެ. ގިނަ ދިވެހިންނަކީ އެތަނަށް ގޮސް 3 ނޫނީ 4 އަހަރު ވަންދެން ޔުނިވާސިޓީގެ ހަތަރު ފާރުން ބޭރު ނުވެ ރާއްޖެ އަންނަ މީހިން. އެމީހުންނަށް މިކަންކަން ތަޖުރިބާ ނުކުރެވިދާނެ،
އަށްޑޫ މީހާ
25 November 2017
ހުސޭނާ ތީ މާކުރީގަ އޮތް ކަމެއް، މިހާރު ގައުމުތަކުގައި ތިކަމެއް ނޯޥޭ،