ޕެންޝަން އޮފީހުގެ ސީއީއޯ މުހައްމަދު މަނިކު: ޕެންޝަން ފަންޑުގެ އިދާރީ ފީ މީގެކުރިން ވެސް ވަނީ ކުޑަކޮށްފައި --ފޮޓޯ/މިހާރު
06 ޑިސެމްބަރ 2017 - 10:13
15 comments
މޯލްޑިވްސް ރިޓަޔާމެންޓް ޕެންޝަން ސްކީމް (އެމްއާރުޕީއެސް) ގައި ބައިވެރިވުމަށް ނަގާ އިދާރީ ފީ އަންނަ އަހަރުން ފެށިގެން ކުޑަކުރަން ނިންމައިފި އެވެ.
ޕެންޝަން އޮފީހުން ނަގާ އެޑްމިނިސްޓްރޭޓިވް ފީ އަކީ ޕެންޝަން ސްކީމް ހިންގުމުގެ ޚަރަދާއި އެ ސްކީމް ތަރައްގީ ކުރަން ގެންނަން ޖެހޭ ބަދަލުތައް ގެނައުމަށް ޕެންޝަން ސްކީމްގެ ބައިވެރިންގެ އަތުން ނަގާ ފީ އެކެވެ.
އެޑްމިނިސްޓްރޭޓިވް ފީ ގެ ގޮތުގައި މިހާރު ނަގަނީ ޕެންޝަން ފަންޑުގައި އެ މީހެއްގެ ރިޓަޔާމެންޓް ސޭވިން އެކައުންޓުގައި ހުރި ޖުމްލަ އަދަދުގެ 0.8 ޕަސެންޓެވެ.
ޕެންޝަން އޮފީހުން ބުނިގޮތުގައި އެ ފީ ކުޑަކޮށް، އަންނަ ޖެނުއަރީ މަހުގެ ފުރަތަމަ ދުވަހުން ފެށިގެން ނަގަން ނިންމާފައިވަނީ 0.6 ޕަސެންޓެވެ. އެއީ ކޮންމެ އަހަރަކު މުރާޖާ ކުރަމުންދާ ފީއަކަށް ވާތީ ކުރިއަށް އޮތް ތަނުގައި ވެސް އެ ފީ އަށް ބަދަލެއް ގެންނަން ޖެހޭ ނަމަ އެކަން ކުރާނެ ކަމަށް ޕެންޝަން އޮފީހުން ބުންޏެވެ.
މީގެ ކުރިން ވެސް އެކި ފަހަރު މަތިން އެ ފީ ވަނީ ކުޑަކޮށްފަ އެވެ.
ޕެންޝަން ސްކީމް ގާއިމް ކުރުމާ އެކު 2010 އިން ފެށިގެން 2014 އަށް އިދާރީ ފީ ގެ ގޮތުގައި ނެގީ އެއް ޕަސެންޓެވެ. އަދި 2015 އާއި 2016 އާ ހަމައަށް ނެގީ 0.9 ޕަސެންޓެވެ. އެންމެ ފަހުން އެ ފީ ކުޑަކުރީ މި އަހަރުގެ ކުރީކޮޅު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަޓު
06 December 2017
ޕެންސަން އޮފީހުން ހަދާފަ އިންނަ އެޕްލިކޭސަނުގަ ވެސް ހުރިހާ މައުލޫމާތެއް އިނގިރޭސިން ލިޔެފަ އޮންނަނީ މީ އިނގެރޭސީންގެ ޕެންސަން ފަންޑެއްތަ؟ ނޫނީ ދިވެހިންނަށް ވާނުވާ އެނގިދާނެތީ ބިރުގަންނަނީތަ؟
ދަހަނާ
06 December 2017
ތިޔަ ފަންޑެއްހެދީ މުވައްޒަފުން ބުނެގެންނޫން. ސަރުކާރުން ފަންޑުހެދީ. ސަރުކާރުން ޖެހޭނެ ތިޔަތަނަށް ކުރަންޖެހޭ ހުރިހާ ޚަރަދެއް ކުރަން. މުވައްޒަފުންގެ ފައިސާކޮޅު ދަވާލާނެ ގޮތްގޮތް ބެލުން އަބަދުވެސް އޮތީ.
ައަބުދުﷲ އަލީ
06 December 2017
ތިޔަފަންޑުން ފަންދުގެ ބައިވެރިން ނަށް އޮތީ ކޮން ފައިދާ އެއް. މި ކަމާ ބަހުސެއް ކޮއްލަން ރަގަޅު މައުލޫ އެއް މީ. މިކަހަލަ ރައްޔިތުން ނަށް ފައިދާ ނުވާ ހަމަ އެކަނި ސަރުކާރަށް ފައިދާވާ ފަންޑުތަށް އުވާލުމަށް ސަރުކާރަށް ދިވެހި ރައްޔިތުން ގޮވާލާ އަޑު ނީވެނީބާ
މޮޑަފްް
06 December 2017
ތިބުނާ ފަންޑުގަ މަޖްބޫރުން ބައިވެރިކޮއްފަ ތިބި ރައްޔިތުންނަށް ކުޑަމިނުން ތީތި ވޯރކް ކުރާގޮތެއްވެސް ތިތަނުގެ އިސް މީހުން މީޑިޔާ މެދުވެރިކޮށް ކިޔާދޭން ވެއްޖެއެއްނު. އެބުނާހެން އެނގިފަވަނީ ބައިވެރިވިޔަސް ނުވިޔަސް 65 ވީމަ 5000 ރުފިޔާއޭ ލިބެނީ. ފަންޑުގަ 2ލައްކަ ރުފިޔާ ހުރި މީހާ އާ ފަންޑުގަ އެންމެ ލާރިއެއް ނެތް މީހާއާ ތަފާތެއް ނެތިއްޔާ ތީ ބޭކާރު ފަންޑެއް.
ޕެންޝަން
06 December 2017
ޕެންޝަން އޮފީހުގެ ވެބްސައިޓުގަ ގިނަ މަޢުލޫމާތު ހުންނާނެ. ވަރަށް ގިނަ މީޑިއާ ތަކަށް ޕެންޝަން އޮފީހުގެ ބޭފުޅުން ދޭ މަޢުލޫމާތު ދޭން. މިޒަމާނުގަ އަމިއްލައަށް މަޢުލޫމާތު ހޯދޭނެ ވަސީލަތްތައްވެސް އެބަހުރި. 1441 އަށް ގުޅައިގެނވެސް މަޢުލޫމާތު ލިބޭނެ. އަދި ޕެންޝަނަށް ކޮންޓރިބިއުޓް ކުރާމީހުންނަށް 5000ރުފިޔާގެ އިތުރުން ޕެންޝަނަށް ޖަމާކުރި ފައިސާއިންވެސް މަހަކަށް ހހޖެހޭވަރު ލިބޭނެ. އެހެންވީމަ ޕެންޝަން ސްކީމަށް ފައިސާ ޖަމާކުރި މީހަކަށް 5000ރުފިޔާއަށްވުރެ ގިނައިން ލިބެމުންދަނީ. ސާފުވެއްޖެތޯ.
އުމަރު
06 December 2017
ޕެންޝަން ފަނޑު ސަންދޮކަކަށް އަޅާފައި ވަޅުލާންވީނޫންތޯ؟ ނުވަތަ ބޮޑު ކޮޓަރިއަކަށް ލައިގެން ބޮޑު ތަޅުއަޅައިގެން މިޖީލުގެ ހުރިހައި މީހުން މުސްކުޅިވެ 65 އަހަރުވަންދެން ބަހައްޓައި ގަނޑުކުރަންވީނޫންތޯ؟
އަހާ
06 December 2017
ޕެންޝަނަކީ ކޮބައިތޯ ގޫގަލް ކޮށްލެއްވުން އެދެން. ދުނިޔޭގެ ގައުމުތަކުގަ މިފަދަ ފަންޑު ހިންގާތޯވެސް ބައްލަވާ ލައްވާ.
އިކޮނޮމިސްޓް
06 December 2017
ނިކަމެތި ރައްޔިތުން އޮޅުވާލައިގެން ނަގާ ވައްތަރެއްގެ އިންކަމް ޓެކްސްއެއް މިއީ. ޕެންޝަން ފަންޑަށް ލާރި ލާ މީހާއާއި ލާރި ނުލާ މީހާއާއި ހަމަހަމަ.65 އަހަރު ވުމުން ލާރި ލީ މީހާއަށް ވެސް 5000ރ، ނުލާ މީހާއަށްވެސް 5000ރ. ލާރި ލީ މީހާއަށް އިތުރަށް ލިބޭ އެއްޗެއް ނެތް. މިއަށްވުރެން ޕްރޮވިޑެންްޓް ފަންޑް މާ ފުރިހަމަ
ދޮންކަލޭފާނު
06 December 2017
ތިޔަ ޕެންޝަން ފަންޑަކީ އަހަރެމެން އެއްގޮތަކަށްވެސް ފައިސާދޭން ބޭނުން ފަންޑެއްނޫން، ތިޔަ ނަގާ ފައިސާތަކަކީ އަހަރެމްނެގެ ރުހުމާއެކު ނަގާ އެއްޗެއް، ގަދަކަމުން ފޭރިގަނެގެން ނަގާ ފައިސާ ތަކެއް، އަހަރެންގެ ކަޒިންއެއް ކިޑްނީ ލައިލިސިސް ހަދަން އެތަށް ފަހަރަކު އިންޑިޔާއަށްގޮސް އެ ފަކީރު އަތު ހުރިި ހުރިހާ ފައިސާއެއްގޮސް މީސްމީހުން އަތުން ސަލާންޖަހައިގެން ކަހަލަ ގޮތަކަށް ފައިސާ ހޯދާ ޑައިލިސިސް ހަދަމުން ދިޔަ އިރު އެ ޕެންޝަން ފަންޑުގައި 6 ލައްކަ ރުފިޔާއާއި ގާތަށް ފައިސާ ހުރި، އެންމެފަހުން އޭނާއަށް ފައިސާނުލިބި ބޭސްފަރުވާ ނުކުރެވި މި ދުނިޔެއާއި އަލްވިދާޢްކީ، އެ ފައިސާތައް ވީ ބޮޑު ފިތުނައަކަށް ދަރިންގެ މެދުގައި އެ ރަގަޅަށް ނުބެހެވި ބޮޑު މައްސަލައަކަށް ވެގެން އެ ދިޔައީ، ކޮބައިތޯ ޕެންޝަން ފަންޑުގެ ބޭނުމަކީ، ޕެންޝަން ފަންޑަށް ފައިސާ ނުކަޑާމީހުންނަށް 5000 އަނެއްކާ އެ ކިޔަނީ 7000 ވެސް ދެވިދާނެޔޯ، އެކަމު އަހަރެމެން އަތުން ފައިސާ ކަނޑަން ޖެހޭތަ؟ ޕެންޝަން ފަންޑަށް ފައިސާ ކެނޑުން ހުއްޓާލުމަށް ގޮވާލަން
މަނިކްފަންޑު
06 December 2017
އަހަރެންވެސް ހަމަ މިކަހަލަ ތަޖްރިބާއެއްކޮށްފިން! ޕެންޝަންފަންޑުގަ ލާރި ހުރެގެން އެނުލިބި، ބޭސްނުކުރެވި، ހައްޖަށްނުދެވި، ދުނިޔެއާއި އަލްވަދާޢުކިޔަންޖެހުނީ ބޭބެޔަށް! އޭނަގެ ދަރިން އަދިވެސް އެފައިސާޔެއް ނުނަގާ، އެކުދިންނަކަށްނެތް ދުވަލުދާ ހަތަރުދަމު އެތާ އަޅައިގެންތިބެވޭކަށް، ޕޮރޮސީޖާތަކާއި ގަވައިދުތައް އެކި ގޮތްގޮތަށް އެކިފަހަރު އަންގާތީވެ އެއްމެފަހުން އެކުދިން އެކަން ދޫކޮއްލީ!
ގަމާރު
06 December 2017
މީ އަނެއްކާ އަނެއްކަންތަ. މީގެ ހަގީގަތްވެސް އެބަޖެހޭ ހޯދަން މިހާރުން އެބަޖެހޭ މިކަމާއިބެހޭ ދިރާސާއެއް ކޮށްލަން ކިހާވަރެއްތޯ ބޭނުން ކިރަނީ މިވެސް ހީވަނީ ބޮޑު ޖަރީމާއެއްހެން
ސަމަދު
06 December 2017
އުވާލަން ޖެހޭ ކަމެއް މިވެސް. ދުވަހަކު ވަޒީފާއަކަށް ނުދާ މީހާވެސް 65 ވީމާ 5000 ރުފިޔާ ލިބޭ.
އަހުމަދުބެ
06 December 2017
ޕެންޝަން ފަންޑުގަ މިހާރު މަދު ފައިސާ ކޮޅެއް ނޫނީ ހުރި ހެނެއް ހިއެއް ނުވެއެވެ.
އީބީ
06 December 2017
5އަހަރު ވަޒީފާގަހުރެފަ އަނެ 20 އަހަރު ވަޒީފާގަ ނެތި ޕެންޝަން ފަންދުގަ ހުރި ފައިސާ ހުސްވެދާނެތޯ؟
ރަތަފައި
06 December 2017
"ހަސަނަށް ހީވާނެ ފުޅަށްބުޑުން ދަންޏާ ކެޔޮގަޑުކަނޑާނޭ" މިގޮތަށް ތިމާމެން ނޭއްގާނީކޮށް ކަންކަން ކޮށްފައި އޮތީމާ އެންމެންވެސް ކަންކަން ކުރާނީ އެގޮތަށްކަމަށް ހީވެސް ވާނީ! ކޮބާ އެމްޑީޕީ ގެ ދުވަސްވަރު އަހަރުމެން އަތޮޅުތެރޭގެ ރައްޔިތުން ޖަމާކޮށްފައި ހުރި، ބައެއް ރަށް ރަށުގެ އެކައުންޓަށް ޖަމާވެފައި ހުރި ލައްކަ ލައްކަ ހަދާލިގޮތް ހަނދާނަށް އަންނަނީ ދޯ؟