ޚަބަރު / މެމްބަރު ގާސިމް އިބްރާހިމް (މާމިގިލި)

މިހުރީ ވަރަށް ހިތްދަތިކަމުގައި، އެކަމަކު ވެސް ފަހަތަކަށް ނުޖެހޭނަން: ގާސިމް

ގާސިމް ކްރިމިނަލް ކޯޓުގެ ބޭރުގައި: ރައްޔިތުންނާ ދުރުގައި ހުންނެވި ނަމަވެސް އޭނާ ހުންނެވި އިސްލާހީ މަސައްކަތުގައި ސާބިތުވެ ކަމަށް ގާސިމް ވިދާޅުވި. --ފޮޓޯ/މިހާރު

ފަޒީނާ އަހުމަދު، މިހާރު

31 ޑިސެމްބަރ 2017 - 19:17

45 comments

ނުހައްގުން ބޮޑެތި އަނިޔާތަކެއް ލިބި ހިތްދަތި ތަކުލީފުތަކެއް އުފުލަން ޖެހިފައިވާ ކަމަށާއި މި ހާލަތު މެދުވެރިވެފައިވީ ނަމަވެސް އިސްލާހީ މަސައްކަތުގައި އެންމެ އިންޗިއެއް ވެސް ފަހަތަށް ޖެހިވަޑައިނުގަންނަވާނެ ކަމަށް ޖުމްހޫރީ ޕާޓީގެ ލީޑަރު ގާސިމް އިބްރާހިމް މިއަދު ވިދާޅުވެއްޖެ އެވެ.

އާ އަހަރުގެ ތަހުނިޔާ ރައްޔިތުންނަށް ފޮނުއްވައި ނެރުއްވި ބަޔާނުގައި ގާސިމް ވިދާޅުވީ، ދިވެހިންނާ ކިތަންމެ ދުރުގައި މިވަގުތު ހުންނެވި ނަމަވެސް ރައްޔިތުންގެ އުއްމީދުތަކާއި ހުވަފެންތައް ހަގީގަތަކަށް ހަދަން ކުރަންޖެހޭ މަސައްކަތްތައް ކުރައްވާނެ ކަމަށެވެ. އެ މަސައްކަތުގައި، އޭނާ ހުންނެވީ ރޫހީ ގޮތުން ކޮންމެ ރައްޔިތަކާ ވެސް އެންމެ ގާތުގައި ކަމަށް ވިދާޅުވި އެވެ.

ރިޝްވަތުގެ ކުށް ސާބިތުވެ ތިން އަހަރުގެ ޖަލު ހުކުމެއް އިއްވާފައިވާ ގާސިމް ހުންނެވީ ޖަރުމަނުވިލާތުގަ އެވެ. އޭނާ އެ ގައުމަށް ވަޑައިގަތީ، ހިތުގެ އާލާސްކަންފުޅެއްގައި، ރާއްޖެ އިން ދެވެން ނެތް ފަރުވާ އަށް ސިންގަޕޫރަށް ފޮނުވުމުންނެވެ.

"އިރާދަކުރެއްވިއްޔާ ކުރިއަށް އޮތް އަހަރަކީ ރައްޔިތުންގެ އެދުމާއި ހުވަފެންތައް ހަގީގަތަކަށް ހެދުމަށް އެންމެ މުހިއްމު ނިންމުން ނިންމުމަށް ރައްޔިތުންނަށް ލިބޭ އެންމެ ތަނަވަސް ފުރުސަތު ލިބޭނެ އަހަރެވެ،" ގާސިމް ވިދާޅުވި އެވެ.

އެއީ، ރައްޔިތުންގެ އުއްމީދުތަކުގައި ކުލަޖައްސާނެ ވެރިއަކު އިންތިހާބު ކުރުމުގެ ފުރުސަތުކަން ފާހަގަކުރައްވައި ވިސްނުންތެރިކަމާއި ހިކުމަތްތެރިކަމާ އެކު އެ ފުރުސަތަށް ތައްޔާރުވުމަށް ގާސިމް އެދިވަޑައިގެންނެވި އެވެ.

ގާސިމް ވިދާޅުވި ގޮތުގައި ރައްޔިތުންގެ އުއްމީދަކީ ސިޔާސީ ގޮތުންނާއި އިޖުތިމާއީ ގޮތުން އަދި އިގްތިސާދީ ގޮތުންނާއި ޚާރިޖީ ގޮތުން ރާއްޖެ ތަހައްމަލްކުރަމުންދާ ނުތަނަވަސްވެރިކަމުން އަރައިގަނެ ގާނޫނުއަސާސީ އާއި ގާނޫނުތަކުން ކަށަވަރުކޮށްދީފައިވާ ހައްގުތައް ކަށަވަރުވުމެވެ. އަދި ނުހައްގުން ރައްޔިތުންނަށް ދެމުންދާ އަނިޔާތައް ހުއްޓޭނެ ގޮތެއް ވުމެވެ.

"ޒަމާނީ ތައުލީމުގެ ފުރުސަތުތައް ހުރިހާ ކުދިންނަށް ފަހި، އިތުބާރު ހުރި ފުރިހަމަ ސިއްހީ ނިޒާމެއްގެ ފަސޭހަކަން ލިބި ނާޖާއިޒު ފައިދާތަކުގެ އަޅުންނަށް ދިވެހިން ވުމަށް މަޖުބޫރުނުކުރާ، ހަރުދަނާ ޖީލެއް ބޮޑެތިވާ ތަނަކަށް ރާއްޖެ ވުމެވެ،" ގާސިމް ވިދާޅުވި އެވެ.

ސިޔާސީ ޕާޓީ މެމްބަރު ގާސިމް އިބްރާހިމް (މާމިގިލި) އިދިކޮޅު ފަރާތްތައް ރީފޯމް އެޖެންޑާ ޖުމްހޫރީ ޕާޓީ އާ އަހަރު

45 ކޮމެންޓް, 114 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަމިންސް

02 January 2018

އިންތިޚާބެއްގަ ދެފުށްކެހެރި ވީމަ ގޯސް. ވެރިކަމުގެ ނިޒާމްގަ އެބުރޭ ވަހުތާނަކަށް އެއްވިސްނުމެއްގަ މަސައްކަތެއް ނުކުރެވޭނެ. އަމިއްލަ ފައިދާއަށް ވަކި ކޮޅެއް ނަގާފަ އެކަމެއް ނުވީމަ އަނެއްކޮޅެއް ނަގާފަ ވަކިވެފަ ގުޅިފަ ހަދާ މީހަކަށް ވެރިކަމެއް ނުކުރެވޭނެ. އެއް އަމާޒަކަށް އެއްވިސްނުމެއްގަ ކުރިއަށް ދާ މީހަކަށް އަބަދުވެސް ކާމިޔާބު ލިބޭނެ. ކަތިވަޅި ގެއްލި މަރިޔަބު ގެއްލެނީވެސް އަބަދު މޮޅު ގޮތް ހޯދަން އުޅުމުން ކަމަށް ވެދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަންގަލީ

02 January 2018

ކެޑި ކަނޑުލުން ހިތިފިލުވަން ނޭގުނު މީހަކައް ކޮން ވެރިކަމެއް ކުރެވޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރާންތި

02 January 2018

ސިޔާސީ ގޮތުންނާއި އިޖުތިމާއީ ގޮތުން އަދި އިގްތިސާދީ ގޮތުންނާއި ޚާރިޖީ ގޮތުން ރާއްޖެ ތަހައްމަލްކުރަމުންދާ ނުތަނަވަސްވެރިކަމުން އަރައިނުގަނެވިގެން އުޅެންމިޖެހެނީ ތިކަހަލަ ދެބޯބުރާންތިންނާހެދި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިއްދަތި

02 January 2018

ކޮށިދަނޑު ގެއްލި ،، ކަތިވަޅި ގެއްލި ،، މަރިޔަބު ގެއްލުނީމަ ހިއްދަތިވަނީ . ހަގު އަނބި ގެއްލުނީ ވެސް މަކަރުވެރިކަމާހުރެ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު އަހްމަދު

02 January 2018

އިދިކޮޅު ޕާޓީ ތަކުގެ އިސްވެރިންނަށް..... އިދިކޮޅު ޕާޓީ ތަކުގެ މެދުގައި ޕަރައިމަރީ އެއެް ބޭއްވުމެކޭ ޕްރައިމަރީ އެއް ނުބާއްވާ ރައީސް ނަޝީދަށް ތާއީދު ކުރެމެކޭ އެއްވެސް ތަފާތެއް އެބައޮތްތޯއެވެ؟ އެމްޑީޕީގެ މެންބަރުންގެ އަދަދު 80000 އަށް އަރާއިރު، ދެން ތިބި އެންމެން އެއްކުރީމާ 10000 ހަމަ ނުވެއެވެ..... އެމްޑީޕީން މި ބުނާ ޕްރައިމަރީ އާ ދޭތެރޭ ބުއްދިއެއް ހުރި ބަޔަކު ވިސްނާލުން ރަނގަޅެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮކަބީ

02 January 2018

އަހަރެންގެ ވޯޓު އަތުލީވެސް ދޮގާމަކަރުން ރިސޯޓު ހިއްސާ ދޭނަމޭ ކިޔައިގެން މަޖިލިސްވެސް އޮތީ ސަރުކާރުގެ ބާރު ގާނޫނައް ބަދަލު ގެނެސްގެން ނަމަވެސް 5 މިނެޓުން ނިންމާލެވޭވަރައް އޮތީ ބާރުތައް ލިބިފަ ރިސޯޓު ހިއްސާ ދިންނަމައީ މިދާއިރާގެ ހުރިހާ ވޯޓެއްވެސް ލިބުނީސް ނަމަވެސް 5 އަހަރު ވާއިރު އެކަންނުވީމަ ދެންބޭނުންވަނީ މިވެރިކަން ނިންމާލަން ދެންދުވަހަކުވެސް ޔާމީނަކައް ވޯޓެއްނުދޭނަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން، ހިތަދޫ / އައްޑޫ އަތޮޅު

01 January 2018

މަނިކުފާނައް މާތްﷲ ތަނަވަސް ކަން ދެއްވުމުން އޭގެ މާނައަކީ ތަޢުލީމީ ހީލުތަކެއް އޮތްގައުމެއްގެ ވެރިކަމާއި ތޮޅެންޖެހޭނެ ސަވަބެއްނޫން... މަނިކުފާނުގެ ވިޔަފާރި އޭގެ ގޮތުގައި ހިނގަމުންދޭ އަދި ފައިދާވެސް ދަނީ ވަމުން، އަޅުގަނޑަކައް އެއްގޮތަކަށްވެސް ނުވިސްނޭ ޖާރމަނީގައި މަނިކުފާނު ހިތްދަތި ވާންޖެހޭ ސަވަބެއް..