ރާއްޖޭގައި މަރުގެ އަދަބު ނުދޭން ގޮވާލައި އީޔޫ އާއި އަށް ގައުމަކުން ދިވެހި އެމްބަސީ އަށް!

އީޔޫ އާއި ގުޅިފައިވާ ގައުމުތަކުގެ ސަފީރުން ޑިމާޝް ހުށަހަޅުއްވަން މިއަދު ދިވެހި ހައި ކޮމިޝަންގައި.-- ފޮޓޯ: އީޔޫ

11 ޖުލައި 2016 - 12:16

ރާއްޖޭގައި މަރުގެ އަދަބު ތަންފީޒު ނުކުރަން ޔޫރަޕިއަން ޔޫނިއަން (އީޔޫ) އާއި އެ އިއްތިހާދާ ގުޅުން އޮތް އަށް ގައުމަކުން ރާއްޖެ އަށް މިއަދު ރަސްމީކޮށް އަންގައިފި އެވެ.

އީޔޫގެ އިތުރުން އިނގިރޭސިވިލާތާއި ނެދަލެންޑްސް އާއި ސްވިޓްޒަލެންޑާއި އިޓަލީ އާއި ނޯވޭ އާއި ފްރާންސް އަދި ކެނެޑާ އާއި އޮސްޓްރޭލިއާގެ ސަފީރުންނާއި ނައިބުން ވަނީ ލަންކާގައި ހުންނަ ދިވެހި ހައި ކޮމިޝަނަށް ވަޑައިގެން، ޑެމާޝްއެއް ހަވާލުކޮށްފަ އެވެ. ޑެމާޝްއަކީ އެ ގައުމަކުން ރަސްމީކޮށް ދެކޭ ގޮތް އަނެއް ގައުމަށް ހާމަކުރަން ހާރިޖީ ދާއިރާގެ ފަރާތްތަކުން ނެރޭ އެއްޗެކެވެ.

ދިވެހި ސަފީރު ޒާހިޔާ ޒަރީރާ ހަވާލު ކުރި މި ޑެމާޝްގައި އެ ގައުމުތަކުން ވަނީ މަރުގެ އަދަބު ނުދީ އޮތް އޮތުން ދަމަހައްޓަން ސަރުކާރަށް ގޮވާލާފަ އެވެ. ކޮންމެ ޝަރުއީ ނިޒާމެއްގައި ވެސް ބޭއިންސާފަށް ޖާގަ އޮންނަ ކަމަށާއި އެހެންވެ މަރުގެ އަދަބު ދީގެން ނުވާނެ ކަމަށް އެ ގައުމުތަކުން ބުނެފައިވެ އެވެ.

"މަރުގެ އަދަބު ދީގެން ކުށް ކުރުން ނުހުއްޓުވޭކަން ވަނީ ސާބިތުވެފަ އެވެ. އެއީ އިންސާނީ ކަރާމާތާ ދިމާ އިދިކޮޅު އަދަބެކެވެ،" ޑެމާޝްގައިވެ އެވެ.

މަރުގެ ހުކުމް އިއްވާފައިވާ ދެ މީހެއްގެ ޝަރުއީ ހުރިހާ މަރުހަލާއެއް ފުރިހަމަކޮށް، އެ މީހުން މަރަން ސަރުކާރުން ދަނީ ތައްޔާރުވަމުންނެވެ. އެއީ މަޖިލީހުގެ ކުރީގެ މެމްބަރު އަފްރާޝީމް އަލީގެ ގާތިލު ހުސެން ހުމާމް އަހުމަދާއި ގާނޫނީ ވަކީލު އަހުމަދު ނަޖީބުގެ ގާތިލު އަހުމަދު މުއްރަތެވެ. އެ ދެ މީހުންނަށް އިއްވި މަރުހެ ހުކުމަށް ސުޕްރީމް ކޯޓުން ވަނީ ތާއީދުކޮށްފަ އެވެ.

ސުޕްރީމް ކޯޓުގައި ހުރި މަރުގެ މައްސަލަތައް ބާރު ސްޕީޑެއްގައި ކުރި އަށް ގެންދަން ފެށީ އެ މައްސަލަތައް އަވަހަށް ނިންމައި މަރުގެ އަދަބު ތަންފީޒު ކުރައްވާނެ ކަމަށް ރައީސް ޔާމީން ވިދާޅުވި ފަހުންނެވެ. އެ މަނިކުފާނު މިދިޔަ ހަފުތާގައި ވެސް ވަނީ މަރުގެ އަދަބު ތަންފީޒު ކުރަން ސަރުކާރުން ނިންމި ނިންމުން ދިފާއު ކުރައްވާފަ އެވެ.

ސުޕްރީމް ކޯޓުގައި އޮތް އަޑުއެހުމަކަށް ހުމާމް ވައްދަނީ: ހުމާމްގެ އިތުރުން މުއްރަތު މަރަން ކުރި ހުކުމް ވެސް ސުޕްރީމް ކޯޓުން ވަނީ ދަމަހައްޓާފައި.-- ފައިލް ފޮޓޯ: މުހައްމަދު ޝަރުހާން/ މިހާރު

މަރުގެ އަދަބު ތަންފީޒު ކުރުމާ ބެހޭ ގަވާއިދުގެ ދަށުން ލީތަލް އިންޖެކްޝަން ޖަހައިގެން ނުވަތަ ދަން ޖައްސައިގެން މަރުގެ އަދަބު ދެވޭއިރު، މަރުގެ އަދަބު ދޭން ހަމަޖައްސާފައިވާ ދުވަހު ވެސް މަރުވި މީހާގެ ވާރިސަކު ގާތިލަށް މާފުކޮށްފި ނަމަ އެ މީހަކު މަރުގެ އަދަބުން ސަލާމަތް ވާނެ އެވެ. އެކަމަކު އެ ހާލަތުގައި ތައުޒީރީ އަދަބެއް އެ މީހަކަށް ދެވި ދާނެ ކަމަށް އެ ގަވާއިދުގައިވެ އެވެ.

ބައި ގަރުނަށް ވުރެ ގިނަ ދުވަސް ވަންދެން މަރުގެ އަދަބު ނުދީ އޮތުމަށް ފަހު އެކަން ކުރަން އުޅޭތީ ބޭރުގެ ފަރާތްތަކުން އަންނަނީ ކަންބޮޑުވުން ފާޅު ކުރަމުންނެވެ. އޭގެ ތެރޭގައި އދ. އާއި އީޔޫގެ އިތުރުން އެމެރިކާ އަދި އިނގިރޭސިވިލާތް ފަދަ ގައުމުތައް ހިމެނެ އެވެ. އަދި ހުމާމްގެ ޝަރީއަތް އިންސާފުވެރި ނޫން ކަމަށް ބުނެ، އޭނާ މެރުމާ ދެކޮޅަށް ރާއްޖޭގެ ޖަމިއްޔާތަކުން ވެސް އަންނަނީ ތަފާތު ހަރަކާތްތައް ހިންގަމުންނެވެ.

އީޔޫ މަރުގެ އަދަބު ޑިޕްލޮމެސީ ރާއްޖެ-އީޔޫ ރާއްޖެ-ޔޫރަޕް ޑިޕްލޮމެޓިކް ގުޅުން

46 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިބްރާހިމް

11 July 2016

އީޔޫއަކީ ރާއްޖެއަށް ހުރިހައިގޮތަކުންވެސް ދެރަދޭން ރާވައިގެން ޖަރީމާ ހިންގާ ބައެއް. ރާއްޖެއަށްވެސް އަދި އެމީހުންނަށްވެސް ރިޒްޤު ދެއްވަނީ ﷲތަޢާލާ. އެކަލާނގެ އެންގެވިމަގުން ހިނގުމަށް ޝައިތާނާ ދެކޮޅުވާނެކަން އަބަދުވެސް ދަންނަންޖެހޭ. މަރުގެ އަދަބު ތަންފީޒްކުރުމަށް ރައީސަށް އިލްތިމާސްކުރަން . އީޔޫއަކަށް އެއްވެސް ކަމެއްނުކުރެވޭނެ އިންޝާﷲ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާނިޔާ

11 July 2016

ނަން އޮފް ޔޯ ބިޒްނަސް ފަރަންޖީން . އިންސާނީ ކަރާމާތާއި ހައްޤަކީ ކޮބައިކަން ގޮސް އިޒްރޭލުގެ ޔަހޫދީންނާއި މިޔަންމާގެ ބުޑިސްޓުންނަށް ދަސްކޮށްދީބަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަނދުޅޭ

11 July 2016

މިހެންވާން ދިމާވެގެން މިއުޅެނީ ލޯހުޅުވިފައިވާ ދުނިޔޭ ގެ ކުރިމަތީ ގާ އެއްވެސް އިންސާފެއް ނެތި ކޯޓުތައް ތިމާގެ މުށުތެރެއައް ލާ ގެން ޙުކުމް ކޮއް ބޮޑެތި މާރާމާރީތައް ހިންގާ ލާއިންސާނީ ޖަރީމާތައް ހިންގާ އިންސާނިއްޔަތާ ހިލާފު ކަންތައްތައް ފޮރުވަން އުޅޭކަން ދުނިޔޭގެ ހުރިހާ ފަރާތްތަކައް ޝައްކެއްނެތި ހާމަޔައް ފެނިގެން ދާތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބުރާހީމު

11 July 2016

އީޔޫއެއް އަހަުމެން ދަންނާކަށް ނުޖެހޭ. ދުނިޔޭގައި މީހުން އުޅެންވާގޮތް ކަންކުރަންޖެހޭގޮތް އެއޮތީ އިލާހީ ގާނޫނުގައި. އީޔޫ ދާންވީނުން އެމެރިކާގައި ތަންފީޒު ކުރާމަރުގެ އަދަބުތައް ހުއްޓުވަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަޓަޕް

11 July 2016

އިންސާނީ ކަރާމަތޭ؟ އިންސާނާގެ ފުރާނަޔަކީ މާތް އެއްޗަކަށްވީއިރު އުސާމާ ބިންލާދިން އާއި މުއައްމަރުލް ގައްޒާފީ އާއި ސައްދާމު ހުސައިން ފަދަ މީސްމީހުން ކަލޭމެން ޔޫރަޕާ އެމެރިކާ ވެގެން ގަތުލުކުރީ ކީއްވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޫފީ ފައިލަސޫފި

11 July 2016

ހަތް އުޑުމަތީން ރައްބު ބާއްވާލެއްވި ބަސްފުޅުގެ ތެރެއިން ތިމާމެން ވަކާލާތުކޮށް ދަމަހައްޓަން ޖެހެނީ ހަމައެކަނި ބައެއް ޙުކުމްތޯއެވެ؟ ތާއަބަދު އިވެނީ އެންމެ ހަރުކަށި ޙުކުމްތަކަށް ތާއީދުކޮށް ގޮވޭ ގޮވެލިފަތީގެ އަޑެވެ. ތިމާގެ ސިޔާސީ ނުވަތަ "ދީނީ" ޚިޔާލު ކުރިއަށް ނެރެ، ދަލީލު ދައްކަން ބޭނުންވާ ކޮންމެ ފަހަރަކު މާތްވި އިލާޙުގެ ފޮތުން ފުރާނައިގެން ނެރެ ދައްކާ ތިންހަތަރު އާޔަތުގެ ނިވަލުގައި ތިބެ ތިމާމެންގެ ބަސް މިހިސާބުން މި ސާބިތުވީއޭ ބުނާ ފަރާތްތަށް އޮޅުވާލަން އުޅެނީ އަނެކުންނަށްތޯ ނޫނީ ތިމާގެ އަމިއްލަ ނަފްސުއަށްތޯ ސުވާލުއުފެދެވެ. ހަމަ އެ ކަލާންގެގެ މާތްވެގެންވާ ބަސްފުޅުތަކުގައި އެތައް އެހެން ކަމަކަށްވެސް އަނުރުކުރައްވާފައިވެއެވެ. ދުރު ހުރި ޤާތިލަށް ޤިޞާޞް ހިފަން ގޮވާއިތު، ތިމާގެ އަވަށްޓެރިޔާ އޮތީ ކާއެތިކޮޅުނުލިބި ބަނޑުހައިހޫނުކަމުގައިތޯ ނުވަތަ ތިމާ އިހުމާލުވެފައިވާ މުސްކުޅި މައިންބަފައިން ތިބީ ފަހުނޭވާގައި އެމީހުންގެ ދަރިންނަށް އެދިގޮވަންތޯ، ނުވަތަ ﷲ ފެތުރެއްވެވި ބިންމަތީ، އެކަލާންގެ ހިދާޔަތުގެ އަލިކަން "އަދި ނުދެއްވާ ހުރި" ގައިރު މުސްލިމެއްގެ ކިރުބޯ ޅަދަރިއަކު އިސްލާމް ދީނުގެ ކަލިނައެއް ބިންވަޅުނަގާފައިވާ "ކަނޑިއެއްގެ" މިޔައިން އޮހޮރުވާލެވުނު ލެއިން ތަތްތެޅިފައިވާ އިރު -- އިޔައިގެ ތެރެއިން ކިތައް ދޫބާ ޙަތަކާކް ކުރަނީ ﷲ ބަސްފުޅު ފާޅުކޮށް އަޑުގަދަކުރަން؟ އިންސާނަކަށްވެ އިންސާނިއްޔަތުކަން ތިމާގެ ގައިގައި އަށަނުގަނެ ހުރެ ހަތްއުޑުގެ ވާހަކަ ދައްކަން ލަދުވެތި ނުވާތީ ހަމަ ޙައިރާންވަމެވެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓެސްޓް1

11 July 2016

މިފަހަރު އޮތީ ދެ ޗޮއިސް. 1- މާތްﷲގެ އަމުރަށް ކިޔަމަން ގަތުން އަދި އިސްލާމީ ޝަރީއާ ތަންފީޒް ކުރުން. 2- އީ ޔޫ އަށް ކިޔަމަންގަތުން، އެމީހުންގެ ގާނޫނު ނުވަތަ އެދޭގޮތް ﷲގެ އަމުރަށް ވުރެ މަތިކުރުން. ޔާމީންގެ ހުރި ގަޓު ޓެސްޓް ކުރަން ލިބޭ ފުރުސަތެއް. ނަމަވެސް ހުމާމު މަރާލާކަށް އަހަރުމެން އެއްބަހެއް ނޫން. ސަބަބަކީ އަދި ހުމާމުގެ ފަރާތުން ދެން އެކަމުގައި ބައިވެރިވި މީހުން ހޯދަން ކުރަންޖެހޭ މަސައްކަތް ސަރުކާރަށް ނުވެ އޮތީމާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަރެން

11 July 2016

އީޔޫގަ ހިމެނޭ ގައުމުތަކާ އެމެރިކާމީހުން ވެގެން އިސްލާމީ ގައުމުތަކުގެ ކުށެއްނެތް ރައްޔިތުން ހާހުން މަރާއިރު މިމީހުނަށް އެއީ މާބޮޑުކަމަކަށް ނުވޭ! އިސްލާމްދީނުގަ ހިމެނޭ ހައްދުތަކުގެ ވާހަކަ ދައްކާއިރަށް މިބައިގަޑަށް މިއޮތްވާގޮތެއް!