އޭޖީ އަނިލް:އެ މައްސަލާގައި ކުރިން އޭނާ ދެއްކެވި ވާހަކަ ވެސް ކޯޓުން ވަނީ ބާތިލްކޮށްފައި .---ފޮޓޯ/މިހާރު
11 ޖުލައި 2016 - 13:36
31 comments
ހަވީރުގެ ކުރީގެ މުވައްޒަފުންނަށް ސިވިލް ކޯޓުން ކުރި އަމުރު އިސްތިއުނާފް ކުރަން އެޓާނީ ޖެނެރަލް ނިންމި ނިންމުމަކީ ހަމަހަމަކަމާ އެކު އެޅި ފިޔަވަޅެއް ނޫން ކަމަށާއި ކޯޓުގެ ހުކުމްތަކަށް ތަބާނުވާން އެޓާނީ ޖެނެރަލް ހިތްވަރު ދޭ ނަމަ ފިޔަވަޅު އަޅާނެ ކަމަށް ސިވިލް ކޯޓުން މިއަދު ބުނެފި އެވެ.
ހަވީރުގެ ކުރީގެ މުވައްޒަފުން ކުރިއަށް އޮތް ދެ އަހަރު ވަންދެން ހަވީރު ނޫސް ފިޔަވައި އެހެން މީޑިއާއެއްގައި އުޅުން މަނާކޮށް، މިދިޔަ މަހު ސިވިލް ކޯޓުން އަމުރުކުރީ އެ ނޫސް ހިންގައިގެން ވޭތުވެދިޔަ މުއްދަތުގައި ލިބުނު ފައިދާގެ މިންވަރު ހޯދަން ތިން ހިއްސާދާރަކު ހުށަހެޅުމުންނެވެ.
އެ މައްސަލާގައި ހަވީރު ކުރީގެ މުވައްޒަފުންގެ މައްޗަށް ނެރުނު އަމުރު އިސްތިއުނާފް ކުރަން އޭޖީ މުހައްމަދު އަނިލް ނިންމަވާފައި ވަނިކޮށް އޭޖީއަށް ސިވިލް ކޯޓުން މިއަދު އެންގި އެންގުމުގައި ވަނީ އެ މައްސަލައަކީ ވަކި ފަރުދުންތަކެއްގެ މެދުގައި އުފެދޭ މައްސަލަތަކުގައި މީގެކުރިން އޭޖީ މަސައްކަތްކޮށްފައި ނުވާ ކަމަށެވެ. ނަމަވެސް ހަވީރު ކުރީގެ މުވައްޒަފުންގެ މައްސަލާގައި އެހެން މައްސަލަތަކާއި ތަފާތުކޮށް އޭޖީ އަމަލު ކުރުމަކީ އަދުލުވެރިކަމާއި ދުސްތޫރީ ހަމަތަކާ ޚިލާފް ކަމެއް ކަމަށް އެ އެންގުމުގައިވެ އެވެ.
މީގެ އިތުރުން އެ މައްސަލަ އިސްތިއުނާފް ކުރަން ނިންމައި، އެކަން އޭޖީ އޮފީހުގެ ވެބްސައިޓްގައި ޝާއިއުކޮށްފައިވާތީ އެއީ ވެސް ހެޔޮ ނިޔަތެއް ނެތި ކުރި ކަމެއް ކަމަށް އެ އެންގުމުގައިވެ އެވެ.
އެ އެންގުމުގައި އިތުރަށް ބުނެފައިވަނީ އޭޖީ އަކީ ކޯޓުގެ ހުކުމްތައް ބާތިލް ކަމަށް ނިންމޭނެ ފަރާތެެއް ނޫން ކަމަށާއި އިސްތިއުނާފް މަރުހަލާގައި ހުކުމް ބާތިލް ނުކުރާހާ ހިނދަކު އެ ހުކުމަށް އަމަލުކުރުން ލާޒިމްވާނެ ކަމަށެވެ. އަދި ހުކުމް ތަންފީޒު ކުރަންޖެހޭ މަސައްކަތް ކޯޓުތަކުން ކުރާނެ ކަމަށް އެ އެންގުމުގައިވެ އެވެ.
"ކޯޓުން ކުރާ ހުކުމެއް ކޯޓުން ތަންފީޒު ކުރުމުގައި ކޯޓުތަކަށް ގޮތް ހުސްވެ ނުދާނޭކަން އެނގެން އޮންނަ އޮތުމެވެ،" އެ އެންގުމުގައިވެ އެވެ.
އިސްތިއުނާފްގެ މަރުހަލާގައި މައްސަލަ ވަނިކޮށް ދަށު ކޯޓުގެ ހުކުމަށް ގޮންޖަހައި، އެ ހުކުމަށް އަމަލު ނުކުރަން ހިތްވަރު ދިނުމަކީ އެއްވެސް ފަރާތަކަށް ކުރެވޭނެ ކަމެއް ނޫން ކަމަށާއި އެކަންކަމަށް ފިޔަވަޅު އެޅޭނެ ކަމަށް އެ އެންގުމުގައި ބުނެފައިވެ އެވެ.
"އެފަދަ އަމަލުތައް ކުރާ ނަމަ ދިވެހި ދައުލަތުގެ ބަންޑާރަ ނައިބެއް ކަމަކު ކޯޓުގެ ޝަރީއަތުގެ ތަޅުމަށް ހާޒިރުކޮށް ދައުލަތުގެ އެންމެމަތީ މަސްލަހަތު ގާއިމް ކުރުމުގެ ގޮތުން އަދުލު އިންސާފަށްޓަކައި ކޯޓުގެ ހުރުމަތުގައި އަޅާ ފިޔަވަޅު ކޯޓުން އަޅާނެ ކަމުގައި ދިވެހި ދައުލަތުގެ ބަންޑާރަ ނައިބާއި ބަންޑާރަ ނައިބުގެ އޮފީހުގައި މިކަމުގައި ޝާމިލްވާ އެންމެހައި ފަރާތްތަކަށް ބުނެ އަންގަމެވެ،" އެ އެންގުމުގައިވެ އެވެ.
ހަވީރުގެ ކުރީގެ މުވައްޒަފުން އެހެން މީޑިއާއެއްގައި އުޅުން މަނާކޮށް އަމުރު ކުރިޔަސް އެކަން ތަންފީޒު ކުރެވޭނެ ގޮތެއް ނެތް ކަމަށް އޭޖީ ކުރިން ވިދާޅުވުމުން އެ ވާހަކަ ވެސް ސިވިލް ކޯޓުން ބާތިލްކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަރާދޭ
12 July 2016
ތާކުން ތާކުުނުޖެހެ ހުކުމެކުރެވުނީމަ އަދިވެސް ތިއުޅުއްވަނީ އެކަންދިފާއުކުރަން މިހާރު ގަބޫލު ކުރެވޭ ތި ފަނޑިޔާރުން ކޮންމެ ފަދަހުކުމެއް ވެސް ކޮއްފާނެކަން
ސާމީ
12 July 2016
މިއޮތްވާގޮތެއް ! ބާުރުގަދަ ފަރާތެއް އެނގިދާނެތާ...!
ބޫ
11 July 2016
ބަލަ ދަޢުވާގައި ނުހިމެނޭ ބަޔަކަށް ތިޔަ ކޯޓުން ޙުކުމްކުރުން އެއީ ތިޔަބުނާ ހަމަހަމަކަމާ އިންސާފުތަ؟ ޙައިރާން ހީވޭ.
އެކްސް
11 July 2016
ކާކުތަބުނީ ސިވިލްކޯޓުގެ ހުކުމް ބާޠިލްކޮށްފީމޭ، ބަންޑާރަނައިބަކީ ދައުލަތާއި ރައްޔިތުންގެ މަސްލަހަތުހިމެނޭގޮތަށް ޤާނޫނީލަފާއަރުވަންހުރި ބޭފުޅާއަށްވާތީ އެބޭފުޅާވިދާޅުވާ އެއްޗަކީ ޤާނޫއަސާސީއާއި ޚިލާފަށްކުރާ ހުކުމަކީ ބާޠިލްހުކުމެކޭ. އެވާހަކަ ލިއެފައޮންނަނީ ޤާނޫނު އަސާސީގައި، އެހެންވީއިރު އެންމެފުރަތަމަ ޤާނޫއަސާސީ އަކީވެސް ބާޠިލް އެއްޗެސްތާ ސިވިލްކޯރޓުން ތިބުނާގޮތުންވިއްޔާ! އެހެނީ ބަންޑާރަނައިބު ބުނީ ޤާނޫނުއަސާސީގައި އޮތް އެއްޗެއްވިއްޔާ، ސިވިލްކޯޓުގެ ތިހަރުކަށި ޢަމަލުތަކަށް ފިޔަވަޅުއެޅުމަށް ދައުލަތުގެ ކަމާއިބެހޭފަރާތްތަކަށް ގޮވާލަން، އެތައް ދިވެހި ރައްޔިތުންނާ މެދު ކަނޑައެޅިގެން ޤާނޫނުއަސާސީ އާއި ޚިލާފު ހުކުމެއްކޮށްފަ އަދި އެވަރުން ނުވެގެން ދައުލަތުގެ ބަންޑާރަނައިބަށް ބޮންޖަހަމުން އެދަނީ.
މިނިވަންކަން / ބޮޑުތިލަދުންމަތި
11 July 2016
ބޭކާރު ކޯޓުތަކެއް. މިވަރުހުކުމެއް ކޮށްގެން ދެންތިބި މީހުން އެކަން ރަގަޅުނޫންކަން ވިސްނައި ދިނުމުންވެސް ފެނިގެން މިދަނީ ބޮޑާހާކާ ހަރުކަށި ކަން. މިވަރުގެ ގާޒީންނަށް ފިޔަވަޅު އެޅޭނެ ގޮތެއް ނެތް ހަމަ ގައިމުވެސް މިހާރު. ވާހަކަ ދެއްކިއްޖެ. ދެން ރައްޔިތުން ތި ކޯޓަކަށް އިތުބާރެއް ނުކުރާނެ.
ވަޓްވަޓް
11 July 2016
ސިވިލް ކޯޓް މިއުޅެނީ އެއީ ދިވެހިންގެ މައްޗަށް އިންސާފު ހިންގަން ތޯ ނުވަތަ ކޮން ކަމަކަށްތޯއެވެ. ދިވެހިންނަށް ކޯއްޗެއް އަންގާދޭން ތޯ ސިވިލް ކޯޓް ތިޔާ އުޅުއްވަނީ. ދިވެހިންނަށް ސިވިލް ކޯޓް އަކީ އެއީ ބާރުގަދަ ތަނެއްގެ ގޮތުގައި ދައްކަން ތޯ ސިވިލް ކޯޓް މަސައްކަތް ކުރަނީ. ކާކުތޯ ބުނީ ސިވިލް ކޯޓް އިން ކުރި ހުކުމެެއް ބާތިލް ވެއްޖެއޭ. ރައްޔިތުން ހޮވި ސަރުކާރެއްގެ އޭޖީ ރައްޔިތުންގެ ދިފާއުގައި ނިކުތުމުން ދެން ސިވިލް ކޯޓް މިވަގުތަށް ހައިބަރނޭޓް މޯޑް އަށް ދިއުމަށް ފަހު ޒާތީ ގޮތް ތައް ދޫކޮށްލާ ބުއްދީގެ ހަމަ ތަކުން ވިސްނާ ވިސްނުންތެރި ކަން ކުރިއަށް ނެެރެންވީއެވެ.
ހައުކަމް
11 July 2016
ކީއްވެގެންތޯ ކޯޓަށް އެހާފާޅު ކަން ބޮޑު ގޮތެއްގައި އެޓާރނީ ޖެނެރަލް ގެ ލަފަޔާއި އިރުޝާދާއި އެެއްގޮތްވާ ގޮތުގެ މަތިން ކަންކަން ކުރިއަށް ގެންދަން މަސައްކަތް ނުކުރެވިގެން އުޅެނީ. މީ ކެބިނެޓްގެ އެންމެ ޕަވަރފުލް ލީގަލް ޕޯސްޓްގައި ހުރި ކޮލިޓީ ބޭފުޅަކާއި ކޯޓުން މި ޗެލެންޖް ކޮށްލަނީ ދޯ.
ނައީމު ސ.މީދޫ
11 July 2016
ދެން އޭޖީގެ މައްޗަށް ޖަލުހުކުމެއް އައުމުން ހަމަހަމަކަމާއި އަދުލުއިންސާފު އޮންނާނީ ފުރިހަމަވެފައެވެ.
ފަހިޒަމާން
11 July 2016
ސިވިލް ކޯޓުގެ ހުކުމުގަ ޝާމިލުވާ ހަވީރުގެ ކުރީގެ މުވައްޒަފުން ހައިކޯޓުގައި އަމިއްލަޔަށް އިސްތިއުނާފު ކުރެވިދާނެބާ؟ ކުރެވޭނަމަ އަވަހަށް ކުރަންވީ. އަދި މިއަދު އޮންލައިންއިން ނިކަން ހަވީރުގެ ކުރީގެ މުވައްޒަފަކު ގެ ބަހެއް ނިކަން ގެނެސްދީބަލަ. ވަޒީފާގެ އެއްބަސްވުމުގަ ހަވީރުގެ ވަޒީފާއިން ވަކިވުމަށްފަހު ގުޅުން ހުރިދާއިރާއަކުން 2 އަހަރު ނުވަތަ އެހެން މުއްދަތަކަށްވެސް ވަޒީވާ އަދާނުކުރެވޭނެ ކަމަށް އޮވޭތޯ؟ މިފަދަ ޝަރުތެއް ކޮށްފަ އޮތިއްޔާ ކޯޓުގެ ހުކުމް ރަގަޅު. އެކަމަކު ސުވާލަކީ ދައުވާ ކުރި މީހުން ދައުވާ ކޮށްފައި ނުވާ ކަމަކަށް ހުކުމެއް އައިސްފައި ވަނީ ކިހިނެއްތޯ؟ ހަވީރުގެ ކުރީގެ މުވައްޒަފުނާ މެދު ކޮށްފައިވާ ހުކުމް ބާތިލް ކަމަށް މަތީ ކޯޓުން ނިންމައިފިއްޔާ ސިވިލް ކޯޓުން އެހުކުން ކުރި ގާޒީއާއި މެދު ފިޔަވަޅު އަޅަން ޖެހޭނެ. އަނިލްގެ ދުވަސް ދުއްވާލަން ކުޅޭ ކުޅިގަނޑެއްހެންވެސް ހީވޭ އެބަ؟؟
އޯކޭ
11 July 2016
ސަޅިކޯޓެއްތީ