ސީއެޗްއެސްއީގެ ދަރިވަރުންތަކެއް: މަތީ ތައުލީމް ހާސިލްކުރަން ދޭ 1000 ލޯނަށް އަންނަ މާޗު މަހު ހުޅުވާލާނެ --ފޮޓޯ: ހުސެއިން ވަހީދު/މިހާރު
08 ޖެނުއަރީ 2018 - 12:32
7 comments
މަތީ ތައުލީމް ހާސިލްކުރަން ސަރުކާރުން ދޭން ނިންމާފައިވާ 2050 ސްކޮލަޝިޕުން ކިޔެވޭ ދާއިރާތައް ކަނޑައަޅައިފި އެވެ.
ޑިޕާޓްމަންޓް އޮފް ހަޔާ އެޑިއުކޭޝަނުން މިދިޔަ ހަފުތާގައި ކުރި އިއުލާނުގައި ބުނީ އެ ސްކޮލަޝިޕުން ކިޔެވޭނީ މައިގަނޑު 10 ދާއިރާއަކުން ކަމަށެވެ. އަދި އެ ދާއިރާތަކުން ވެސް، ކިޔެވޭނެ ވަކި ކޯސްތަކެއް ކަނޑައަޅާފައި ވެ އެވެ.
އެ ފުރުސަތުގެ ދަށުން ތައުލީމާއި ވިޔަފާރި، ސިއްހަތު، އިންޖީނިއަރިން އަދި އައިޓީ ފަދަ ދާއިރާތަކުން ކިޔެވޭނެ އެވެ.
"މިހާރު"އާ ވާހަކަދައްކަވަމުން، ހަޔާ އެޑިއުކޭޝަން ޑިޕާޓްމަންޓް ހިންގުމާ ހަވާލުވެ ހުންނެވި ސްޓޭޓް މިނިސްޓަރު ޑރ. އަބްދުﷲ ނަޒީރު މިއަދު ވިދާޅުވީ މާލެ ސަރަހައްދުގައި ހިންގާ ބޮޑެތި މަޝްރޫއުތަކަށް ހާއްސަކޮށްގެން ހިންގާ ސްކޮލަޝިޕުން ދަރިވަރުން ކިޔަވާ ނިމޭ އިރު، ވަޒީފާތައް ހަމަޖެހިގެންދާނެ ކަމަށެވެ.
"ދަރުމަވަންތަ ހޮސްޕިޓަލް ފަދަ ބޮޑެތި މަޝްރޫއުތައް ނިމޭއިރު، އެ ތަންތަނުގައި ހުންނަ ވަޒީފާގެ ފުރުސަތުތަކަށް އަޅުގަނޑުމެން ދަރިވަރުން މި ތަމްރީނުކޮށްދެނީ. މި ސަރަހައްދުގައި ބޮޑެތި މަޝްރޫއުތައް ހިންގާ ފަރާތްތަކުގައި އަޅުގަނޑުމެން އެދުނީ ކޮން ދާއިރާތަކަކުން ހެއްޔޭ ވަޒީފާ އަށް މީހުން ބޭނުންވަނީ. އެ ފަރާތްތަކުން ދިން ލިސްޓަށް ބިނާކޮށް ދާއިރާތައް ކަނޑައަޅާފައި މިވަނީ،" ނަޒީރު ވިދާޅުވި އެވެ.
ސެޓްފިކެޓް ލެވެލް އިން ފެށިގެން ޑިޕްލޮމާއާ ހަމަ އަށް ރާއްޖޭގައި ކިޔަވަން ލިބޭ މި ސްކޮލަޝިޕަށް އަންނަ ޖުލައި މަހުގެ ނިޔަލަށް ކުރިމަތިލެވޭނެ އެވެ. އެއީ މި މަހާއި ޖުލައި މަހުގެ ތެރޭގައި ކޮލެޖްތަކުގައި ވެސް ފަށާ ކޯސްތަކަށް ހާއްސަކޮށްގެންނެވެ.
ނަޒީރު ވިދާޅުވީ ފޯމު ހުށަހަޅާ ވަރަކަށް ޕްރޮސެސްކޮށް ސްކޮލަޝިޕް ލިބޭ ދަރިވަރުން ހޮވަމުން އަންނަ ކަމަށެވެ. އަދި އެ ލިބޭ ފުރުސަތުން، މި އަހަރުގެ ތެރޭގައި ކިޔަވަން ފަށަން ޖެހޭނެ ކަން ނަޒީރު ފާހަގަކުރެއްވި އެވެ.
މި ސްކޮލަޝިޕްތަކަށް ސަރުކާރުން 50 މިލިއަނެއްހާ ރުފިޔާ ހަރަދުކުރެ އެވެ. އަދި އަންނަ މާޗު މަހުގެ ތެރޭގައި މަތީ ތައުލީމުގެ 1000 ފުރުސަތަށް ހުޅުވާލާނެ ކަމަށް އެޑިއުކޭޝަނުން ވަނީ ކުރިން ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙައްވަ
08 January 2018
ފުރަތަމަ ކުރިން ލޯނަށް ހޮވުނުކުދިންނަށް ލޯނުގެ ލާރިކޮޅު ދޭންވީނުން
ހަބޭސްހަތްދިހަފަހެއް
08 January 2018
މީގެ ބައެއް ކޯސްތަށް ލިބެނީވެސް 2050ހުގައި
ރާއްޖެތެރެ
08 January 2018
ދިވެހި ހުރިހާ ރައްޔިތުންގެ ލާރި ބޭނުން ކޮއްގެން ސްކޮލާޝިޕް ދެނީ މާލެ ސަރަހައްދުގެ ވަޒީފާ ތަކަށް ބޭނުންވާ ތައުލީމު ހޯދަދޭން!!! ކިޔަވާ ނިމިގެން ރާއްޖެތެރެ ކުއްޖެއް ނަމަ ކުލީ އަޅަކަށް ވެގެން މާލޭގަ ވަޒީފާ އަދާކުރަން ޖެހެނީވެސް! މިއީ މާލޭގެ ބިންވެރިން މުއްސަނދި ކުރުވާ، އަތޮޅުތެރޭގެ ނިކަމެތި ރައްޔިތުން ސިސްޓަމެޓިކް ކޮށް އަޅުވެތި ކުރުވުމަށް ޑިޒައިން ކޮއްފައިވާ 2050 ސްކޮލާޝިޕް!
ބަޝީރާ
08 January 2018
ކޯސްތަށް ހުޅުވާލާފައިވަނީ މުޅި ރާއްޖެއަށް، ހިލޭ ހުޅުވާލީމަ އޭގެ ހަބަރު ބަލާލައި އަތުގައި އޮތް ފޯނުން މައުލޫމާތު ހޯދައި ކޮންމެވެސް މަސައްކަތެއް ކޮށްލައްވާ އެއިރުން ކޯސްލިބޭނީ، ގޭގައި ރަށުގައި ހުއްޓަސް މީހަކު ނުދާނެ ތަބަކަށް އަޅައިގެން ކޯސް ހަދާނެތޯ ބަލަން، މިކަހަލަ ކަމެއް ހުޅުވާލުމުން އޭގެ ބޭނުންކުރީމަ ނިމުނީ، އަދި ޝުކުރު އަދާކުރުރީމަ އޭގެ ބަދަލު ދެވުނީ، ރަށުގައި ހުންނަ ގޭގެ ދޮރުމައްޗަށްގޮސް ކިޔަވައިނުދެވޭނެ، ސްކޫލު ބަންދުގައި ބޭރަށްވެސްދެވޭ، ބަލިވީމަ ބޭސްކުރަންދެވޭ، މަސައްކަތްކުރަންވީމަ ރިސޯޓަކަށްދެވޭ އެކަމަކު ކިޔަވަންވީމަ މާލެއަންނަން ވަގުތެއް ނޮއޮވޭ، މިއީ ދިވެހިންގެ ހާލަތަކީ، ދެން ވަޒީފާ ގެއްލުނީމަ އެވާހަކަ، ވަޒީފާ ނުލިބުނީމަ އެވާހަކަ، ދެން ސަރުކާރަށް ބަރޯސާވެގެންތިބޭނީ ކޮންމެވެސް ޕާޓީއެއްގެ ފަހަތަށްވަދެ އަތްޖަހަން
ހިލްމީ
08 January 2018
ވަރަށް ރަނގަޅު ކަމެއް، ފުލެޓްނުދެވުނަސް ކިޔެވޭނެ ގޮތެއް ހޯދައިދީފިއްޔާ ކިޔަވައިގެން ފުލެޓްވެސް ހޯދިދާނެ، ވަޒީފާއެއްވެސް ހޯދިދާނެ، ހުރިހައި އެއްޗަކީ ތައުލީމް، 50 މިލިއަންވެސް މަދު، 500 މިލިއަންވެސް ތިޔަކަމަށް ހޭދަކުރަން މިހާރު އެބަޖެހޭ، ހަމަ ގައިމުވެސް ޖަލަށާއި، ޑިރަގް ކޯޓަށާއި، ޑްރަގް ސެންޓަރުތަކަށް ހޭދަކުރާ މިންވަރަށް މަތީތައުލީމަށް ސަރުކާރުން ހަރަދުކުރާނަމަ ޖަލުގައި ބޯގިނަނުވާނެ ޒުވާނުން މަގުމަތިނުވާނެ، ޒުވާނުންނަށް ބޭނުންވެފައިވަނީ ހުނަރާއި އިލްމު،
ޝިފާއު
08 January 2018
ތިޔަކުދިން ކިޔަވާހިއްވާކަހަލަ ކޯސްތަކެއްބާ ތިޔަހުޅުވާލީ، ކޯސްތަކެއް ހުޅުވާލިޔަސް ކިޔަވާކުއްޖާ ކިޔަވަން ބޭނުންވާ ދާއިރާ އަދި އޭނާ މަސައްކަތްކުރާ ހިތްވާ ދާއިރާއާއި، އޭނާގެ އިލްމާއި ހުނަރު ބަލައި ބަޔަކު އޭނާއަށް މަގުދައްކާފައި ތިޔަފަދަ ކޯހެއްގައި ބައިވެރިކުރަންވާނީ، އެކަންކަން މިހާތަނަކަށް އައިއިރު އެންމެ ރަނގަޅަކަށްނޫން ތިޔަ އޮފީހުން ކުރަނީ، އެހެންކަމުން އެކަންކަން ކުރެވޭނީ އިންސްޓިޓިއުޓްތަކުން، ސަރުކާރުން އެތަންތަނަށް ކިޔަވަންދާ ކުދިންގެ ލިސްޓު ހޯދައިގެން އެކުދިންގެ ހާލަތު ބަލައި، އެކުދިން މަސައްކަތްކުރަނީ ކޮންތަނެއްގައިތޯ ބަލައި އެކުދިންނަށް އެހީވުން މާމުހިންމު އެއިރުން ޓިއުޝަންފީ ބޭނުންވައިހުންނަ ކުއްޖާއަށް އެހީވެދެވޭނެ، އެއިރުން އޭގެ ފައިދާކުރާނެކަން ކަށަވަރު
އުމަރު
08 January 2018
ސްކޯލާޝިޕް ގިނައިން ދިނުން އެއީ ރަނގަޅުކަމެއް، ތަރައްޤީވަމުން އަންނަ ގައުމެއްގައި މިވަރުވެސް މަދު، 50 މިލިއަން ރުފިޔާ އެއީ އެއްވެސް އެއްޗެއްނޫން ތިޔަފަދަ މުހިންމުކަމަކަށް، ސަރުކާރުން ބައެއް ފަހަރު އިމާރާތެއްވެސް އެބައަޅާލާ 2 ބިލިއަން ބަޖެޓުން ހަރަދުކޮށްގެން، އެކަމަކު އެތަންތަނަށް ބޭނުންވާ މީހުން ބިނާކުރުމަށް ހޭދަކުރަނީ ވަރަށްކުޑަކުޑަ ނިންބަތެއް، އެހެންވުމުގެ ސަބަބުން އެއްވެސް އިންޑަސްޓްރީއެއް އޭގެ އެންމެ ރަނގަޅު މިނެއްގައި ތަރައްޤީނުވޭ، ސްކޫލު ދައުރު ނިންމާ 7000 ވަރަކަށް ކުދިން އެބަޖެހޭ އެއްކޮށް ތަމްރީންކުރަން، އަދި ބޮންޑެއް ހަވާލުކުރަންޖެހޭ އެއީ ތަމްރީނާއި ތައުލީމް ހޯދުމަށް، 18 އަހަރު ފުރެންދެން ސްކޫލުގެ ތެރޭގައި ގެންގުޅޭނެވާހަކަ ވިދާޅުވިޔަސް އެކުދިންނަކަށް އެޑިއުކޭޝަނުން ތަމްރީނެއް ނުދެވޭނެ ހުރިހައި މީހުން ނުގުޅި، ސަރުކާރުން އެބަޖެހޭ ހުރިހައި ކަމެއް ކުރުމުގެ ބަދަލުގައި ބައިވެރިވެގެން ކަންކަންކޮށް މަގުސަދު ހާސިލްކުރަން،