ޓެކްސްގެ ގޮތުގައި ލިބެންޖެހޭ 22 މިލިއަން ރުފިޔާ ހޯދަން މީރާ އިން ކޯޓަށް

މީރާއިން ބަޔަކު ޚިދުުމަތް ހޯދަނީ: ޓެކްސްގެ ގޮތުގައި ލިބެންޖެހޭ 22 މިލިއަނަށް ވުރެ ގިނަ ރުފިޔާ ހޯދަން މީރާއިން ވަނީ ދައުވާ ކޮށްފައި --ފޮޓޯ/މިހާރު

މުއިއްޒު އިބްރާހިމް، މިހާރު

14 ޖެނުއަރީ 2018 - 18:52

8 comments

އެކި ބާވަތުގެ ޓެކްސްގެ ގޮތުގައި ދައުލަތަށް ލިބެންޖެހޭ 22 މިލިއަނަށް ވުރެ ގިނަ ރުފިޔާ ހޯދަން އެކި ފަރާތްތަކާ ދެކޮޅަށް މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ދައުވާކޮށްފި އެވެ.

މިދިޔަ ހަފުތާގައި ސިވިލް ކޯޓުގައި މީރާއިން ދައުވާކުރީ 15 ފަރާތަކާ ދެކޮޅަށެވެ. އޭގެ ތެރޭގައި ކުންފުނިތަކާއި ވަކިވަކި ފަރުދުން ވެސް ހިމެނެ އެވެ. އެ ހުރިހާ މައްސަލަތަކެއްގައި ދައުލަތަށް ހޯދަން އެދޭ ފައިސާގެ ޖުމްލަ އަދަދު 22 މިލިއަން ރުފިޔާއަށް ވުރެ ގިނަ އެވެ.

މީރާ އިން މިފަހަރު ދައުވާކުރި މައްސަލަތަކުގައި ހިމެނެނީ މުދަލާއި ޚިދުމަތުގެ އަގުން ނަގާ ޓެކްސް، ޖީއެސްޓީ އާއި ވިޔަފާރީގެ ފައިދާއިން ނަގާ ޓެކްސް ބީޕީޓީގެ ގޮތުގައި ލިބެންޖެހޭ ފައިސާ އާއި އެ ފައިސާ ނުދެއްކުމުން އަރާފައިވާ ޖޫރިމަނާގެ ފައިސާ އެވެ. އެ ހުރިހާ މައްސަލަތަކެއް ވެސް ކޯޓުން މިހާރު ވަނީ ބަލައިގެންފަ އެވެ.

ޓެކްސް ނުދައްކައިގެން ގިނަ ފަރާތްތަކެއްގެ މައްސަލަ މިހާރު ވެސް ސިވިލް ކޯޓުގައި ދަނީ ހިނގަމުންނެވެ.

ޓެކްސް ނުދައްކާ ފަރާތްތަކުގެ މައްސަލަ ކޯޓަށް ހުށަހެޅުމުގެ އިތުރުން، ފައިސާ ހޯދުމަށް ޓެކްސް ނެގުމާ ބެހޭ އިދާރީ ގާނޫނުގެ ދަށުން ގިނަ ފިޔަވަޅުތަކެއް މީރާއިން އަޅަ އެވެ. އެގޮތުން އެކައުންޓް ފްރީޒްކޮށްގެން ފައިސާ ނެގުމާއި ދައުލަތުގެ އިދާރާތަކުން އެ ފަރާތްތަކަށް ޚިދުމަތް ދިނުން ހުއްޓާލުމުން ފަދަ ފިޔަވަޅުތައް ވެސް އަޅަ އެވެ.

ސިވިލް ކޯޓް މީރާ ޓެކްސް ޖީއެސްޓީ ވިޔަފާރި ފައިދާ ޓެކްސް

8 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހުމަދުބެ

15 January 2018

މީރާއިން މައްސަލަތައް ކޯޓައް ފޮނުވުމުގައި ސިޔާސީ މީހުނާ އަދި އެހެން މީހުން ތަފާތު ކުރެއެވެ. އަދި މީހުން އަތުން ލިބެންޖެހޭ ފައިސާ އަށް ވުރެ ޖޫރިމަނާ ބޮޑުވެގެންދެއެވެ. ޖޫރިމަނާ މީހާ މަރުވިއަސް ހުއްޓޭގޮތެއް ނޯވެއެވެ. ކޯޓުން ނިންމާ،މައްސަލަ ތަކުގަވެސް ދައްކަން އޮތް ވަރާ ޖޫރިމަނާ އަށް އެރިވަރު އެނގޭކަށް ނޯވެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަނޑުހަނޑޫ

15 January 2018

2017 ވަނަ އަހަރު ޓެކުހުގެ ގޮތުގަ ރައްޔިތުންގެ އަތުން 15.2 ބިލިއަން ރުފިޔާ ނަގައިފި މަގުތަކުގަ ކުނި ތޮއްޖެހިފަ ކާނތައް ކުނިން ފުރި ބާރު ވެފަ މަދިރި އެތަންތާނގަ އުތުރި އަރަނީ އިންތިހާއަށް އެކަމަކު ހަމަ ނަގާވަރަށް ނަގަނީ ޚިދުމަތަކުން އެކަމެއް ނުފެނޭ ވަކި ބައެއްގެ އެކައުންޓްތަކާ ޖީބުތައް ބޮޑުވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން

15 January 2018

ކުދިމެދު ފަންތީގެ ވިޔަފާރިތަކަށާއި އުނގު ވިޔަފާރި ކުރާ ވަކިވަކި ފަރުދުންނަށް މީރާ އަކީ ނައިޓްމެއަރ އެއް. ޖޯޑު ޖޯޑަށް މީރާ ޓީޝާރޓް ލައިގެން އިންސަޕެކްޓް ކުރަން އުޅޭ ކުދިން މަގުކޮޅުން ފެނުނީމަގަ ސޭޓު މީހާ ހުންއައިސް ބޮލުގަ ރިއްސާ ލޭ މައްޗަށް ދާގޮތްވޭ ... ... ދެރައީ ޓެކްސްގެ ގޮތުގައި ލިބޭ ލާރި ޙަރަދުވާގޮތް ނޭނގޭތީ ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބިރިހިންބެއްޔާ

15 January 2018

ޕާކިން ޖުރުމާނާ ޑަބަލް ކޮއްގެން ގެއްލުން ފޫބައްދަން ފެނޭ. މާތްﷲ ޕާކް ކުރާމީހުނަަށް އިތުރު ތަނަވަސް ކަން މިންވަރުކުރައްވަވާފާދޭވެ. ޢާމީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަޛާން

14 January 2018

ޙެޔޮނުވާނެ ރައްޔެތުންގެ ޚާދިމުން އިންސާފާ ހަމަ ވިސްނާބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަރީ އަތް

14 January 2018

ރައްޔިތުންގެ ފައިސާ ވީމަ ނޫންތޯ ޝަރީއަތުން އެ ފައިސާ ހޯދަން އެ އުޅެނީ. އެއީ ދޭންޖެހޭ ފައިސާ އެއްތޯ ކަނޑައަޅާނީ ޝަރީއަތުން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރީ

15 January 2018

ޝަރީއަށް އެއީކީ އިންސާފަށް ކަންތައްތައް ނިންމާ ޝަރީއަތެއްނޫންކަން މިހާރު ކުޑަކުދިންނަށްވެސް އެނގޭނެ. ޝަރީއަތުން ނިންމީމައޭ ބުންޏަކަސް އަދި ނުނިމޭ. ސަރުކާރުން ޓެކްސްނަގާއިރު އެޓެކްސް ދައްކަން ޖެހޭ މީހާގެ ހައްގުތަށް ނިގުޅައިގަނަ އެމީހާ އިނދަޖައްސާލާފަ ދެން ޝަރީއަތަށް ދިޔައިމާ އެ ހިލާފުވެވެނީ މާތްﷲގެ ޝަރީއަތާ! އެކަމާމެދު ވިސްނާލާ. މިދުނިޔޭގެ ޝަރީއަތް ކޮރަޕްޓްވިޔަސް އާހިރަތުގެ ތިކުރާހުރިހާކަމަށް ޖަވާބުދާރީ ވާންހަމަޖެހޭނެ!