އިޒްރޭލުގެ ވެރިރަށް ގުދުސް ނަހަދާނެ އެއްގޮތެއް ވެސް ނޯންނާނެ: ނަތަންޔާހޫ

ވޯލްޑް އިކޮނޮމިކް ފޯރަމްގައި އެމެރިކާގެ ރައީސް ޓްރަމްޕް (ކ) އާއި އިޒްރޭލުގެ ބޮޑު ވަޒީރު ނަތަންޔާހޫ ބައްދަލު ކުރައްވަނީ.

ހަސަން އާމިރު، މިހާރު

26 ޖެނުއަރީ 2018 - 17:51

ޒިއުރިކް (ޖެނުއަރީ 26) - އިޒްރޭލުގެ ވެރިރަށަކީ ގުދުސް ކަމަށް ނަހަދާނެ އެއްގޮތެއް ވެސް ނޯންނާނެ ކަމަށް އެ ގައުމުގެ ބޮޑު ވަޒީރު ބެންޖަމިން ނަތަންޔާހޫ ވިދާޅުވެއްޖެ އެވެ.

ސްވިޒަލެންޑުގައި ކުރިއަށްދާ ވޯލްޑް އިކޮނޮމިކް ފޯރަމްގައި ވާހަކަ ދައްކަވަމުން ނަތަންޔާހޫ ވިދާޅުވީ ފަލަސްތީނާ އެކު ސުލްހައިގެ ވާހަކަތަކައިގެން ކުރިއަށްދާން އިޒްރޭލުން ތައްޔާރަށް އޮތް ކަމަށެވެ. އަދި މަޝްވަރާތަކުގައި ގުދުސް އަކީ އިޒްރޭލުގެ ވެރިރަށް ކަމަށް ކަނޑައަޅަން ޖެހޭނެ ކަމަށް އޭނާ ވިދާޅުވި އެވެ. ސްވިޒަލެންޑުގައި ނަތަންޔާހުއާ ބައްދަލު ކުރެއްވުމަށް ފަހު އެމެރިކާގެ ރައީސް ޑޮނަލްޑް ޓްރަމްޕް ވަނީ އިޒްރޭލާ އެކު ސުލްހައިގެ މަޝްވަރާތަކުގައި ބައިވެރިނުވާ ނަމަ ފަލަސްތީނަށް ދޭ އެހީ ކަނޑާލާނެ ކަމުގެ އިންޒާރު ދެއްވައިފަ އެވެ.

މިދިޔަ މަހު ކުރީކޮޅު ޓްރަމްޕް ވަނީ އިޒްރޭލުގެ ވެރިރަށަކީ ގުދުސް ކަމަށް އެމެރިކާ އިން ބަލައިގަންނަކަން އިއުލާންކޮށްފަ އެވެ. އަދި އަންނަ އަހަރު ފަހުކޮޅު ވަނީ އެމެރިކާ އެމްބަސީ ގުދުސް އަށް ބަދަލު ކުރަން ނިންމައިފަ އެވެ. ގުދުސް އަކީ އިޒްރޭލުގެ ވެރިރަށަށް ހެދުމުގެ މަސައްކަތަށް އާ ފޯރިއެއް ލިބިފައި މި ވަނީ ޓްރަމްޕުގެ އެ ނިންމެވުމުގެ ސަބަބުންނެވެ.

ނަތަންޔާހޫ ވިދާޅުވީ އީރާނުން ނިއުކްލިއާ ހަތިޔާރުގެ ގާބިލްކަން ހޯދުމުގެ ފުރުސަތު ވެސް ނުދޭނެ ކަމަށެވެ. ދާދި ފަހުން އިންޑިއާ އަށް ކުރެއްވި ދަތުރަށް އިޝާރާތް ކުރައްވާ ނަތަންޔާހޫ ވިދާޅުވީ ދުނިޔޭގެ ވަރަށް ގިނަ ގައުމުތަކުން އިޒްރޭލާ އެކު ވިޔަފާރީގެ އެއްބަސްވުންތައް ގާއިމް ކުރަން ބޭނުންވާ ކަމަށެވެ. އަދި އެ ގައުމުތަކުން ބޭނުން ވަނީ ޓެރަރިޒަމުގެ ނުރައްކަލުން އިޒްރޭލް ސަލާމަތްވެ އޮތުމަށް ކަމަށް ވެސް ވިދާޅުވި އެވެ.

އިޒްރޭލް ފަލަސްތީން ބިންޔާމިން ނަތަންޔާހޫ

7 ކޮމެންޓް, 20 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދޮން ބަބުރު ސޮރު

28 January 2018

ބަލަ މިހާރުވެސް އީރާނުގައި ނިއުކުލިއަރ ހަތިޔާރު ހުރިވާހަކަ ނަތަންޔާހޫގެ ގާތުގަ ސިއްރު އޭޖެންޓުން ނުބުނޭ ދޮތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުއްލާ

27 January 2018

ވެރި ރަށަކަށް ގުދުސް ހަދައިފިނަމަ އެހެދުނީ ރެޕަބްލިކް އޮފް ފަލަސްތީނު އެ ހިސާބުން އިޒްރާއީލެއް ނޯންނާނެ ދެން އޮންނާނީ މިނިވަން ފަލަސްތީނެއް . އެބިމަށް ހިޖްރަކޮށްގެން އުޅޭ ހުރިހާޔަހޫދީ ސަހެޔުނީން. އެބިމުން ބޭލޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަޅިބައިސާ

27 January 2018

ގުދުސަކީ އިޒްރޭލުގެ ވެރިރަށަށް ހެދޭނެ ޝަރުޢީ އަދި ގާނޫނީ އެއްވެސް ހުއްޖަތެއް ނޯންނާނެ. ގަދަބާރުން ތިކަން ކޮށްފިނަމަ އިލާހީ އަޒަލުގެ ނިޔާފުޅު އަންނާނެކަން ޔަހޫދީންގެ ގިނަ މުސްކުޅި ރާހިބުންވެސް ދަނޭ. ނަމަވެސް ހަރުކަށި މީހުންގެ ބާރު ގަދަވީމަ ތިއަކަން ތިއަކުރަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮކްތެރެޕީ

27 January 2018

ޔަހޫދީންނަ ތާއީދުކުރާނީވެސް ޔަހޫދީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަލިކައްޑޫ

26 January 2018

1948 ވަނަ އަހަރުން ފެށިގެންވެސް ވެރިކަން އެގޮތަށް ބަދަލު ނުކުރީ ކީއްވެ؟ އެހެން މީހުން ލައްވާ އެގޮތަށް ވެރިކަން ބަދަލުކުރުވަން މަޖްބޫރު ކުރަނީ ކީއްވެ؟ ގުދުސަކީ އާދައިގެ ބިމެއް ނޫން، ޔަހޫދީންގެ ނިމުން އަންނާނެ ތިގޮތަށް ވެރިކަން ބަދަލު ކޮށްފިނަމަ.