ކާފިއު އިއުލާންކޮށްފައިވާ ކެންޑީގައި ފުލުހުން ހަރަކާތްތެރި ވަނީ. --ފޮޓޯ:އޭއެފްޕީ
07 މާޗް 2018 - 18:30
1 comments
ކޮލަމްބޯ (މާޗް 7) - ސްރީ ލަންކާގައި ދީނީ ހަމަނުޖެހުންތައް ބޮޑުވުމުން ކުއްލި ނުރައްކަލުގެ ހާލަތު އިއުލާންކޮށްފައިވީ ނަމަވެސް ހައްދުފަހަނަޅާފައިވާ ބުޑިސްޓުން ފުލުހުންނާ ކުރިމަތިލާ އިތުރު ހަމަނުޖެހުން ހިންގައިފަ އެވެ.
ކެންޑީގައި ފުލުހުންނާ ކުރިމަތިލީ ބުޑިސްޓުން ހުއްޓުވަން ރޭ ވަނީ ކަރުނަ ގޭސް ބޭނުންކޮށްފަ އެވެ. އަދި ތިން ފުލުހަކަށް ވަނީ އެކިވަރުގެ އަނިޔާތައް ލިބިފަ އެވެ.
ފުލުހުންގެ ތަރުޖަމާން ރުވާން ޑުނަސޭކަރަ ވިދާޅުވީ ކާފިއުއާ ޚިލާފުވި ހަތް މީހަކު ކެންޑީން ހައްޔަރުކޮށްފައިވާ ކަމަށެވެ.
ވެރިރަށް ކޮލަމްބޯގެ އިރުން 115 ކިލޯ މީޓަރު (72 މޭލު) ދުރުގައި އޮންނަ ކެންޑީގެ ސްކޫލްތައް މިއަދު ވެސް ވަނީ ބަންދުކޮށްފަ އެވެ. ފުލުހުންނަށް އެހީތެރިވުމުގެ ގޮތުން އިތުރު ސިފައިން ކެންޑީ އަށް ފޮނުވަން ސަރުކާރުން މިހާރު ވަނީ ނިންމައިފަ އެވެ.
ލަންކާގެ ހަމަނުޖެހުންތަކުގައި މިހާތަނަށް ވަނީ 150 އަށް ވުރެ ގެއާއި ފިހާރަ އަދި ވެހިކަލްތަކަށް ގެއްލުން ދީފަ އެވެ. ދެ މީހުން ވަނީ މަރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަޅިބައިސާ
07 March 2018
ޔަހޫދީންގެ މަގުސަދަކީ ދުނިޔޭގެ އެއްވެސްތާކު މުސްލިމަކަށް އަމާންކަމާއެކު އުޅުނަ ނުދިނުން. އެމީހުންނާ ގުޅުން އޮންނަ ވިޔަފާރިވެރިން މެދުވެރިކޮށް ދުނިޔޭގެ ހުރިހާ ގައުމެއްގާ މުސްލިމުން ނައްތާލުމުގެ ޖަރީމާ ހިންގާ. އެކަމަކު ﷲ އިރާދަކުރެއްވިއްޔާ އެމީހުންގެ ނިމުން ގާތްވެއްޖެ.