ރިޔާޒް: ފުލުހުން ބަލާ އެކި މައްސަލަތަކުގެ މައުލޫމާތު ބައެއް ފުލުހުން ކައިރިން އޭނާ ހޯދި ކަމަށް ބުނެ ދައުލަތުން ވަނީ އޭނާގެ މައްޗަށް ދައުވާ ކޮށްފައި --ފޮޓޯ/މިހާރު
11 މާޗް 2018 - 18:54
20 comments
ފުލުހުން ބަލަމުން އަންނަ އެކި މައްސަލަތަކުގެ މައުލޫމާތު ބައެއް ފުލުހުންގެ ފަރާތުން، ރައްޔިތުންގެ މަޖިލީހުގެ ކިނބިދޫ ދާއިރާގެ މެމްބަރު އަދި ކުރީގެ ޕޮލިސް ކޮމިޝަނަރު އަބްދުﷲ ރިޔާޒް ހޯއްދެވި ކަމަށް ދައުލަތުން ކްރިމިނަލް ކޯޓުގައި މިއަދު ބުނެފި އެވެ.
ރިޔާޒްގެ މައްޗަށް ދައުލަތުން ކުރާ، ރަސްމީ ހައިސިއްޔަތުން ކުރަންޖެހޭ ކަމަކަށް ނުފޫޒު ފޯރުވުމުގެ ދައުވާގެ މިއަދު ބޭއްވި ފުރަތަމަ އަޑުއެހުމުގައި ދައުލަތުން އިއްވި ދައުވާގައިވާ ގޮތުން، 2015 ވަނަ އަހަރުން ފެށިގެން ފުލުހުން ބަލަމުން އަންނަ އެކިއެކި މައްސަލަތަކާ ގުޅިގެން ސޯޝަލް މީޑިއާ މެދުވެރިކޮށް އެކި ރޭންކްތަކުގެ ފުލުހުންނާ ސުވާލުކޮށް، އެކަންކަމާ ގުޅިގެން މުއާމަލާތު ކޮށްފައިވާ ކަމަށެވެ.
ދައުލަތުން ދައުވާ އިއްވުމުން ރިޔާޒް ވަނީ ދައުވާއަށް އިންކާރު ކުރައްވައިފަ އެވެ. އަދި ވަކީލަކު ހަމަޖައްސަން ބޭނުންވާ ކަމަށް ވިދާޅުވެ، އެކަމަށް 10 މުއްދަތެއް ދެއްވުމަށް ރިޔާޒް އެދިވަޑައިގަތެވެ. ކުއްލި ނުރައްކަލުގެ ހާލަތުގެ ދަށުން މިހާރު ބަންދުގައި ހުންނެވި ރިޔާޒް ވިދާޅުވީ ވަކީލަކު ހަމަޖައްސައި، މައްސަލައަށް ތައްޔާރުވާން މިހާރު ފަސޭހަ ނުވާނެ ކަމަށެވެ.
ވަކީލަކު ހަމަޖައްސަން ރިޔާޒަށް ގާޒީ ހައިލަމް ދެއްވީ ފަސް ދުވަހެވެ. އަދި ދެން އޮންނަ އަޑުއެހުމެއްގައި ދައުވާއަށް ޖަވާބުދާރީވެ ވަޑައިގަތުމަށް ތައްޔާރުވެގެން ވަޑައިގަތުމަށް ރިޔާޒަށް އެންގެވި އެވެ.
އެ ދައުވާ ސާބިތުވެއްޖެ ނަމަ ރިޔާޒްގެ މައްޗަށް ނުވަ މަހާއި 18 ދުވަހުގެ ޖަލު ހުކުމެއް އަންނާނެ އެވެ.
ރަސްމީ ހައިސިއްޔަތުން ކުރަންޖެހޭ ކަމަކަށް ނުފޫޒު ފޯރުވުމުގެ ދައުވާ ރިޔާޒްގެ މައްޗަށް ކުރާއިރު އޭނާގެ މައްޗަށް ދައުވާލިބޭ އިތުރު ދެ މައްސަލައެއް ވެސް ކްރިމިނަލް ކޯޓާއި ހައި ކޯޓުގައި އެބައޮތެވެ. އޭނާގެ ދެވަނަ މައްސަލައެއްގެ ގޮތުގައި ކްރިމިނަލް ކޯޓުގައި މިހާރު އޮތީ މިދިޔަ ޖުލައި މަހު އިދިކޮޅު މެމްބަރުން ގަދަކަމުން މަޖިލީހަށް ވަން މައްސަލާގައި ރިޔާޒާއި މަޖިލީހުގެ އިތުރު 11 މެމްބަރަކަށް ކުރާ ދައުވާ އެވެ.
ހައި ކޯޓުގައި އޮތީ ފުލުހުންގެ ތަހުގީގެއްގައި ރިޔާޒްގެ ފޯނު ކޯޓު އަމުރެއްގެ ދަށުން ހިފަހައްޓައި، ފޯނު ހުޅުވަން އެންގުމުން އެކަން ނުކުރި ކަމަށް ބުނާ މައްސަލަ އެވެ. އެ މައްސަލާގައި ރިޔާޒްގެ މައްޗަށް ކުށް ސާބިތުނުވާ ކަމަށް ކްރިމިނަލް ކޯޓުން ހުކުމް ކުރުމުން އެ މައްސަލަ އިސްތިއުނާފްކުރީ ދައުލަތުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޅިޔަންބޭ
12 March 2018
ކާކުދެން މިހާ ދަށުދަރަޖައަކައް ވެއްޓިފައޮތް ދައުލަތެއް ދައްކާވާހަކަ ގަބޫލުކުރާނީ... ދައްކާ ކޮސްވާހަކަ.
ހަސަނު
12 March 2018
މައުލޫމާތު ހޯދުމަކީ ގާނޫނު އަސާސީގެ 29 ވަނަ މާއްދަ އިން ލިބިދީފަިވާ ހައްގެއް... ދެން އެ ހޯދަން ބޭނުންވާ ނުވަތަ ހޯދާ މައުލުމާތަކީ ސިއްރު މައުލުމާތެއްނަމަ އެ މައުލުމާތު ހުރި މީހާ ރީތިކޮށް ބުނަނީ ބައްލަވާ ސާ އޭ މި މައުލޫމާތު ދެވޭކަށް ނެތޭ... އެ ނިމުނީ.... އަސާސީގެ 19 ވަނަމަ މާއްދާގަ އެބަ ބުނޭ މަނާ ނުކުރާ ކޮންމެ ކަމެއް ކުރެވޭނެއޭ... ހިނގަމުންދާ މައްސަލަ އެއްގެ ތަހުގީގުގެ ވާހަ އެއްވެސް މީހެއްގާތު އަހައިގެން ނުވާނެ ކަމަސް ސަރީހަ އިބާރާތުން މަނާ ކޮށް އެކަމަށް އަދަބެއް ކަނޑައަޅާފައެއް ނެތް.. މީހެއްގެ ހާލު އަހާލުމަކީ ކުށަކަށް ވާނަމަ މީހުން އުޅެން ޖެހޭނީ އެކަކު އަނެކަކާ ވާހަކަ ނުދައްކާ....
ޑޮންޑޮން މަތި
12 March 2018
ސަރުކާރުން ނުވަތަ ޝަރީޢަތުން ކަން ކުރާގޮތުގެ މަޢުލޫމާތު ހޯދައި އަހައި އޮޅުން ފިލުވުމކީ ކުށަކަށވާނަމަ . ޙުރިހާ ނޫސްވެރިންނާ އަނބިންނާ ދަރިންނާ މައިންނާ ބފައިންނކީ ކުއްވެރިން . ހަޤީޤަތަކީ މިފަދަމީހުންނާ މެދު ސަރުކާރު ހިންގާން ގަވާލުވެ ހުންނެވި ބޭފުޅކުގެ ހިތުގައި އަނދާ އަލިފާންގޑެއް ބަޔަކު ދަރުއަޅާ އަންދަމުން ގެންދިއުން .
ޔާމީނު.
12 March 2018
ވައްކަން ކުރި މީހާގެ މައްސަލައެއް ނެތް. ވައްކަން ކުރިއޭ ބުނިމީހާގެ މައްލަ އޮންނަތަން މި ފެންނަނީ.
މެންޓަލިސްޓް
12 March 2018
ބަލަ ތިޔައީ އަޅުގަނޑުވެސް ނިކަންގިނައިން ކޮއްއުޅުނު ކަމެށް ،،،، އެއީ ރާޢްޖޭގައި ވަރަށްފަސޭހަކަމެށް ،،، ނިކަން ބައްލަވާ މިހާރުވެސް ޓްވީޓަރގައި އުޅޭނޭ ދައުލަތުގެ ހުރިހާ ސިއްރަކާއި ލައިވް ކޮމެންޓްރީ ،،،، އެބައޮތް މޮޅުގޮތެއް ،،،، ހުރިހާ ފުލުހުންގެ ވެސް އޮފީސްތެރޭގައި މޯބައިލް ފޯންގެންގުޅުން މަނާކުރާނީ ،،، އަދި ފިކްސްޑް ލައިންތަށްވެސް ނަގާނީ ،،، ހަމައެކަނި ފުލުސްއޮފީހުގައި ގެންގުޅޭނީ މޮޓޮރޯލާ ޓޯކީތަށް ،،،، ދެން މައްސަލަ ބަލާ ހުރިހާ އެންމެންވެސް ފުލުސްއޮފީހުގައި ނިދާގޮތަށްހަދާނީ ،،،، އޭރުން މައްސަލަނިމެންދެން ބަންދެއްގައިތިބޭނީ ،،، މައުލޫމާތް ލީކްނުވާނެ ،،، އަޅުގަނޑު ހީއްކުރަން މިޙިޔާލް ސަރުކާރަށް ކަމުދާނެކަމަށް ،،، މައައްސަލާމާ
ބަލްގިސް
12 March 2018
މީނަމީ ހަމަ ޖަލަށްދާންޖެހޭ މީހެއް. ރ. ނަޝީދުގެ ވެރިކަން ބައާވާތަކުން ވައްޓާލިއިރު ސިޓީ ހިފައިގެން ހިގިމީހާމީ
ވެރާ
12 March 2018
ކޮބާ މައްސަލަ އަކީ..މައުލޫމާތު ހޯދާ ލިބިގަތުމަކީ ކުށެއް ނޫނެވެ.
ތުނިޔަ
12 March 2018
ރިޔާޒް އެދޭ އިރަށް ފުލުހުން ތަހްޤީޤު ތަކުގެ މަޢުލޫމާތު ދޭން ޖެހޭތަ؟ ޖެނެރަލް އަދުރޭއަށްވެސް އެނގޭ ނޫންތޯ ފުލުހުންގެ މުއައްސަސާއިން ނިންމާ ހުރިހާ ކަމެއް މާކުރިން! ކީތްވެތޯ ޖެނެރަލް ހައްޔަރުކޮށް އެކަން ތަޙްޤީޤު ނުކުރަނީ؟
ޕީޕީޕީ
12 March 2018
ޖެނެރަލް ހައްޔަރުކޮށްފަ މިއަށްވުރެ ބޮޑު ދައުވާއެއް ކުރާތަން އަދި ދުނިޔޭގަ ތިބި މީހުނަށް ފެންނާނެ، އޭގެ މިސާލެއް ރިޔާޒު، އަދީބު، މައުމޫން، މިމީހުންގެ މައްޗައް ރާއްޖޭގެ ކޯޓެއްގަ ޝަރީއަށްކުރުމަކީ ވާނެ ކޮމެއްނޫނޭ ކިޔާފަ މޭ ފުއްޕާފަ އުޅުނު ޕީޕީ ކުދިން އަހަރެމެން ދެކުނިން، ރީކޯ މެން މެޓްރިކުސް މޯޑްމެން ތިބެންޖެހޭނީ އުމުރަށް ޖަލުގައޭ ބުނި މީހުން މިއަދު އެތިބީ އޭސީ ރޫމްގަ އަށްޖަހަން
ޙަސަން
12 March 2018
މީނަގެ ނޯކުރެޑިބިލިޓީ މިމީހާޔަކީ ޝޭހުގެ މައްސަލައިގައި ރީނދޫވެފަހުރިމީހެއް
ގާސިރު
12 March 2018
މީނާ މީ ޝޭހު އަފްރާޝީމް ގެ އަނިޔާވެރި މަރު މީނާޔަށް ނުބެލުނީ މިހާރު މީނަހުރި ފަޅީގަ އޭރުވެސްހުރީމަ