ވިޔަފާރި / ވެލާނާ އިންޓަނޭޝަނަލް އެއާޕޯޓް

ހުޅުލޭގައި ހަދާ އާ ރަންވޭގައި ތާރު އަޅަން ފަށައިފި

ވެލާނާ އިންޓަނޭޝަނަލް އެއާޕޯޓުގެ އާ ރަންވޭގެ ފުރަތަމަ ތާރު ފަށަލަ އެޅުމުގެ މަސައްކަތް މިއަދު ކުރަނީ. ފޮޓޯ: ހުސެއިން ވަހީދު /މިހާރު

އަބްދުﷲ ޖަމީލު، މިހާރު

14 މާޗް 2018 - 11:37

11 comments

ވެލާނާ އިންޓަނޭޝަނަލް އެއާޕޯޓް (ވީއައިއޭ)ގެ އާ ރަންވޭގެ ފުރަތަމަ ތާރު ފަށަލަ އަޅަން ފަށައިފި އެވެ.

އާ ރަންވޭގެ މަސައްކަތް ކުރިއަށް ދާ ގޮތް ދައްކާލުމަށް ފަހު ނޫސްވެރިންނާ ވާހަކަދައްކަވަމުން މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް)ގެ މެނޭޖިން ޑިރެކްޓަރު އާދިލް މޫސާ މިއަދު ވިދާޅުވީ މޫސުން ރަނގަޅު ނަމަ ފުރަތަމަ ތާރު ފަށަލަ އެޅުމުގެ މަސައްކަތް އެއް މަސް ތެރޭގައި ނިންމާލެވޭނެ ކަމަށެވެ. ދުވާލަކު 100- 140 މީޓަރުގެ ސަރަހަދެއްގައި ތާރު އެޅޭނެ ކަމަށް ވެސް އާދިލް ވިދާޅުވި އެވެ.

"މީގެ އިތުރު ދެ ލޭޔަރު [ފަށަލަ] އެޅޭނެ. އޭރުން ރަންވޭގެ މައިގަނޑު ކޮންސްޓްރަކްޝަން މަސައްކަތް ނިންމާލެވުނީ،" އޭނާ ވިދާޅުވި އެވެ.

ވީއައިއޭ އާ ރަންވޭގެ ފުރަތަމަ ތާރު ފަށަލަ އެޅުމުގެ މަސައްކަތްކުރަނީ. ފުރަތަމަ ފަށަލަ އެޅުމުގެ މަސައްކަތް މަހެއްހާ ދުވަހުގެ ތެރޭގައި ނިމޭނެ ކަމަށް އެމްއޭސީއެލް އިން ބުނޭ. ފޮޓޯ: ހުސެއިން ވަހީދު /މިހާރު

އާދިލް ވިދާޅުވީ ރަންވޭގައި ތާރު އެޅުމުގެ މަސައްކަތް ކުރަމުން އަންނަ އިރު މިހާރުގެ ރަންވޭއާ ގުޅާލުމުގެ މަސައްކަތާއި ރަންވޭގެ ޝޮލްޑާތައް ހެދުމުގެ މަސައްކަތްކުރަމުން އަންނަ ކަމަށެވެ.

"ރަންވޭ ޕްރޮޖެކްޓް އަޅުގަނޑުމެން ޕްލޭން ކުރި ގޮތަށް އެބަ ކުރިޔަށް ގެންދެވޭ. އިތުރު ދެ [ތާރު] ލޭޔަރާއެކު މި އަހަރުގެ ފަހު ކުއާޓަރުގައި ނިންމާލެވޭނެ،" އޭނާ ވިދާޅުވި އެވެ.

އާ ރަންވޭގެ ތާރު ފަށަލަ އެޅުމުގެ މަސައްކަތް ފެށި އިރު، އާ ރަންވޭގެ މެދެއްހާ ހިސާބުގައި ހުރި ސީސީއާރު ބިލްޑިންގް ކުރިމަތިން އޮތް ބައިގެ މަސައްކަތް އަދި ނުފަށަ އެވެ. އެތަނުގެ މަސައްކަތް ނުފެށި ލަސްވަނީ ސީސީއާރު ބިލްޑިން އެހެން ސަރަހައްދަކަށް ބަދަލުނުކުރެވި ލަސްވެގެންނެވެ.

Aa runwayge masahkaiy thaavalaa eh gothah dhanee kuriyah: Adil

The most trusted news source in the Maldives

Mihaaru

"ސީސީއާރު އާ ބިލްޑިން ހަދައި، ރީލޮކޭޓްކޮށް މާދަމާ އަށް ނިންމާލެވޭނެ. މާދަމާ އިން ފެށިގެން މުޅި ރަންވޭގެ އޭރިއާ އެވައިލެބްލް [ލިބޭނެ] ވާނެ. މި ދެބައި ގުޅާލުމުގެ މަސައްކަތް ކުރިޔަށް ގެންދެވޭނެ ޕެރެލަލްކޮށް،" އާދިލް ވިދާޅުވި އެވެ.

އޭނާ ވިދާޅުވީ މުޅިން ރަންވޭގެ މަސައްކަތް މިއަހަރުގެ ފަހު ކުއާޓަރުގެ ކުރިން ނިންމާލެވޭނެ ކަމަށެވެ.

ޗައިނާގެ ބެއިޖިން އާބަން ކޮންސްޓްރަކްޝަން ގްރޫޕް (ބީޔޫސީޖީ) އާ ހަވާލުކޮށްގެން ކުރިޔަށްގެންދާ މަޝްރޫއުގެ ދަށުން، ދިގުމިނުގައި 3،400 މީޓަރު އަދި ފުޅާމިނުގައި 60 މީޓަރު ހުންނަ ރަންވޭ ހަދަނީ ޗައިނާގެ އެގްޒިމް ބޭންކުން 400 މިލިއަން ޑޮލަރުގެ ލޯނެއް ނަގައިގެންނެވެ. މި ލޯނުގައި ރަންވޭގެ އިތުރުން 45 މިލިއަން ލީޓަރުގެ ތެޔޮ ރައްކާކުރެވޭނެ ފިއުލް ފާމަކާއި 120،000 ޓަނުގެ ކާގޯ ފެސިލީޓީއެއް ހެދުން ވެސް ހިމެނެ އެވެ.

ވީއައިއޭގެ އާ ރަންވޭގެ ތާރު އަޅަން ބޭނުންކުރާ ވެހިކަލެއް ސާފުކުރުމުގެ މަސައްކަތް މީހަކު މިއަދު ކުރަނީ: ރަންވޭގެ ފުރަތަމަ ތާރު ފަށަލަ އެޅުމުގެ މަސައްކަތް ފެށީ މިއަދު. ފޮޓޯ: ނިޝާން އަލީ /މިހާރު

ވީއައިއޭގައި މިހާރު ބޭނުންކުރާ ހަމައެކަނި ރަންވޭއަށް ދޭތެރެ ދޭތެރެއިން މައްސަލަ ދިމާވެ މަރާމާތުކުރަން ޖެހެ އެވެ. އޭގެ ސަބަބުން އެއާޕޯޓް ހުއްޓުމަކަށް އާދެ އެވެ. މިހާރުގެ ރަންވޭގެ މަތީ ފަށަލަ ރަނގަޅުކުރަން ގާތްގަނޑަކަށް 15 މިލިއަން ޑޮލަރު (231 މިލިއަން ރުފިޔާ) އަށް ޗައިނާ ސިނޯ ހައިޑްރޯ ކޯޕަރޭޝަނާ ހަވާލުކޮށްގެން ހިންގި މަޝްރޫއުއަށް ފަހު ވެސް އެ މައްސަލަ ދިމާވުން ހުއްޓުމަކަށް ނާދެ އެވެ. މިއީ ފަހުގެ ތާރީހެއްގައި ބޮޑު ހަރަދެއްކޮށްގެން އެ އެއާޕޯޓުގެ މުޅި ރަންވޭ މަރާމާތުކުރި ފުރަތަމަ ފަހަރެވެ.

އެ އެއާޕޯޓުގެ ރަންވޭގެ ބައެއް ތަންތަނުން ވަޅުގަނޑު ހެދި އަދި ތާރު ނައްޓައިގެންދާތީ އެއާލައިންތަކުން ވެސް ޝަކުވާކޮށްފައިވެ އެވެ. އަދި ބައެއް ބޯޓުތައް ޖެއްސުމުގެ ތެރޭގައި ތާރުގަނޑު ނެއްޓިގެން ފްލައިޓްތައް ޑިލޭވުން ފަދަ މައްސަލަތައް އަދިވެސް ދިމާވަމުންދެ އެވެ.

އެމްއޭސީއެލް ވީއައިއޭގެ އާ ރަންވޭގެ މަޝްރޫއު އާދިލް މޫސާ (ކުރީގެ އެމްޑީ، އެމްއޭސީއެލް) ވެލާނާ އިންޓަނޭޝަނަލް އެއާޕޯޓް

11 ކޮމެންޓް, 32 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދޮން ބަބުރު ސޮރު

15 March 2018

މިހާރުގެ ރަންވޭގެ މަތީ ފަށަލަ ރަނގަޅުކުރަން ގާތްގަނޑަކަށް 15 މިލިއަން ޑޮލަރު ޚަރަދު ކުރި މަޝްރޫއުއަށް ފަހު ވެސް އެ މައްސަލަ ދިމާވުން ހުއްޓުމަކަށް ނާދެ އެވެ.؟؟؟؟ އަނެއްކާ ޗައިނާގެ އެގްޒިމް ބޭންކުން 400 މިލިއަން ޑޮލަރުގެ ލޯނެއް ނަގައިގެން ހަދާ އާ ރަންވޭ ބޭނުން ކުރަން ފެށުމުން ބޮޑެތި ވަޅުގަނޑު ހެދޭތީ ބޭނުން ނުކުރެވިގެން، މަރާމާތަށް އިތުރު 400 މިލިއަން ޑޮލަރުގެ ލޯނެއް ނަގަން ނުޖެހޭނެ ބާ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެތެރޭ މީހާ

14 March 2018

އިނދިކޮޅު މީހުންނަށް ފެނޭތަ މި މަންޒަރު . މިކަހަލަ ކަންކަން ކުރާތީ ދޯ ތި ރުޅި އަންނަނީ ރައީސް ޔާމީން ދެކެ . މި ރާއްޖެ ތަރައްޤީ ކުރަމުންދާތީ ތޯ މި ވެރިކަން ވައްޓަން ވެގެން ތި މޮޔަފުޅުވަނީ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންނާނު

14 March 2018

ތިޔަ އެއާޕޯޓްގެ ނަންވެސް ކިތެއް ނަމަށް ބަދަލު ކޮށްގެން ލޯންނަގައިފި އެކިފަހަރު އެކިނަންނަމުގަ ލޯންމިނަގަނީ މިހާރު ޔަޤީންވާ ގޮތުން 2ބިލިއަން ޑޮލަރު ނަގިދާނެ ކޮންމެ ލޯން އެއްގެވެސް ބޮޑުބައި ދަށުން ދަމާލަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަންރީދޫ ޓްވިޓަރޭ

14 March 2018

ސްޕްރީމް ސޯޓްގެ ބޭނުމެއް ނެތް މިހާރުވަނީ އެތަނުގެ ބާރު ކަޑުވާލާފަ މިސަރުކާއޮއްވާ ތީގެ އެއްވެސްކަމަކަށް އިންސާފެއް ނުލިބޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

14 March 2018

ޖީއެމް އާރުން ރާއްޖޭގެ ވައިގެ ބަނދަރު ހިންގިއިރު ދެވަނަ ރަންވޭއެއް އަޅާކަށް ނެތް. އެއީ ވަރަށް ބޮޑު ލަނޑެއް ދިނުމަށް އެމީހުން ކުރި ކަމެއް. އަދި އޭރުގެ ސަރުކާރުން ހެދި ޑީލަކުން އެގޮތަށް އެއްބަސްވެ ޖީއެމް އާރަށް އެއާޕޯރޓް ދިނީ މިރާއްޖެ އެތައް ތަނެއް ފަހަތަށް ޖައްސާލުމަށްޓަކައި. ނަމަވެސް މިހާރު އެދަނީ މިރާއްޖޭގެ ކުރިމަގު ދިވެހިންގެ އަތްމަތީގައި ބައްޓަންކޮށް މުޅިން އާރަންވޭއެއް އަޅަމުން. ދިވެހިރާއްޖެ ދެކެ ލޯބިވާ ކޮންމެ ރައްޔިތަކުވެސް މިކަމާއި އުފާކުރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާނިޔާ

14 March 2018

އެއްމެ އަވައްޓެރި ލަންކާގައި ކޮންމެ ދުވަހަކު އެތަކެއް ހާސް ކިލޯމީޓަރ ގެ ދިގުމިނުގައި އެދަނީ ތާރުވެސް އަޅަމުން ބުރިޖުތައް ހަދަމުން ނަމަވެސް މާބޮޑުކަކައް ގަދައިގެން އެތަނުގެ ސަރުކާރުން ނިއުސް ތަކައް ޚަރަދުކޮށް ޝޯއޮފުނުކުެރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުއްޅަބޭ

14 March 2018

އަވަށްޓެރި ލަންކާގައި ބުރިޖާއި ހައިވޭހެދީ ކޮންވެރިކަމެއްގައި؟ އެވެރިކަން ނިމުނުފަހުން އަދި މިވީތަނަށް އެއްވެސް އާ ޕްރޮޖެކްޓެއް ނުހިންގާ! ޗައިނާގެ އެހީގައި ކުރަން ފެށިމަސައްކަތެއްވިއްޔާ އެކަމެއް މިހާރުވެސް އެހިގަނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެއްސް

14 March 2018

ދިވެހި ނޫހެއްގަ އިގިރޭސިބަސް މިބޭނުން ކުރަނީ ކީވެތޯ އަހާލެވިދާނެތޯ. އާދިވެހި ލަފުޒުތައް ހަދައިގެން އުޅޭއިރު އެލަފުޒުތައް ބެެޭނުން ކުރައްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެއިންފުތު

14 March 2018

ތިވެސް ވަރަށް ގިނަނަން ނަމުގަ ބޮޑެތި އަދަދު ތަކުން ލޯންނަގާފަ އެޔަށް ވީގޮތް ނޭގިވާ ތަނެއް މިހާރު ތީގެ 10 އެއާރޕޯޓް އަޅާވަރަށް ލޯންނެގިއްޖެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަހާމު ޝަރީފް

14 March 2018

މިފެންނަނީ ތަރައްގީ. ބޭރުން ލޯނު ނަގާ ރާއްޖެ ދަރުވާލަނީ އޭ ކިޔައިގެން އިދިކޮޅު ފަރާތްތަކުން ދޮގު މަޢުލޫމާތު ދީ ތާޅަފިލިން އެ ގޮވެލި ފަތި ގޮވަ ގޮވާ އޮއްވާ ގައުމު ތަރައްގީކޮށް މިއޮއް ނިންމާލަނީ. 2018 ރައީސް ޔާމީން ކާމިޔާބު ކުރައްވާނޭ ކަމުގެ ފުރިހަމަ ހެކިތައް މިދަނީ ފެންނަމުން. ކިތަންމެ ވަރަކަށް "ވަގަށް" ގޮވިޔަސް އެކަން ގަބޫލު މިހާރު ކުރާބަޔަކު ނެތް. ނުވަތަ އެމްޑީޕީގެ ދެތިން މަދު މީހުންކޮޅެއް ފިޔަވާ އެކަން ގަބޫލެއް ނުކުރޭ. ނުވަތަ އެވާހަކަ ދައްކާކަށް ބޭނުމެއްނުވޭ. އެމީހުން ބޭނުންވަނީ ތަރައްގީއާއި ތަމައްދުން. މާލީ ތަރުބިއްޔަތު. އަދި ފުއްދުންތެރިކަން. މިހުރިހާ ކަމެއް މިހާރު މިދަނީ ހާސިލުވަމުން. ޝުކުރިއްޔާ ރައީސް ޔާމިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުންއަސަރު

14 March 2018

ކުރާކަމެއް ރަނގަޅަށް ކުރޭ. އޭރުން އިރުއިރުކޮޅާ ތަންތަން މަރާމާތުކުރާކަށް ނުޖެހޭނެ. ތާއަބަދު ތަންތަން މަރާމާތުކުރުމުން، ތަނެއް ހަދަން ދާވަރަށްވުރެ ޚަރަދުތައް ބޮޑުވަމުންދާނެ. މީ ވިސްނާލުން މުހިންމު ކަންކަން.