ނޫސްވެރިންގެ ބައްދަލުވުމެއްގައި ޝިފާން ވާހަކަ ދައްކަވަނީ. - ފޮޓޯ: ހުސެއިން ވަހީދު/ މިހާރު
14 މާޗް 2018 - 15:45
67 comments
ސަރުކާރު "ހުއްޓުވައި، ވައްޓާލަން" ދުރާލައި ރާވައިގެން އަންނަ ހުކުރު ދުވަހު މާލޭގައި އިދިކޮޅު ފަރާތްތަކުން ބާއްވާ އެއްވުމަށް ފުރުސަތު ނުދޭނެ ކަމަށް ފުލުހުން މިއަދު ބުނެފި އެވެ.
ހުކުރު ދުވަހުގެ އެއްވުމާ ގުޅޭ ގޮތުން ފުލުހުން ބޭއްވި ޕްރެސް ކޮންފަރެންސެއްގައި، ފުލުހުންގެ ތަރުޖަމާނު އަހްމަދު ޝިފާން ވިދާޅުވީ "ހުއްޓުވާ"ގެ ނަމުގައި އިދިކޮޅު ފަރާތްތަކުން ބާއްވަން އުޅެނީ ޣައިރު ގާނޫނީ އެއްވުމެއް ކަމަށެވެ. އެ އެއްވުމުގައި ސަރުކާރާ ދެކޮޅަށް ހަމަނުޖެހުން ހިންގައި، މާލެ ތެރޭގެ އަމާންކަން ނަގާލަން ރާވާފައިވާ ކަމަށް ޝިފާން ވިދާޅުވި އެވެ.
އެހެންވެ، އެ މައްސަލައިގައި ބަޔަކު ހައްޔަރުކޮށް މިހާރު ވެސް ތަހުގީގު ހިންގަމުން އަންނަ ކަމަށް ޝިފާން ވިދާޅުވި އެވެ. އެކަމަކު އެ ތުހުމަތަށް ހައްޔަރުކުރީ ކޮން ބައެއް ކަމެއް އޭނާ ވިދާޅެއް ނުވެ އެވެ.
"ގާނޫނީ ގޮތުން އުފެދިފައިވާ ސަރުކާރު ވައްޓާލައި ސަލާމަތީ ބާރުތަކާ ކުރިމަތިލައި އެކަމަށް ހިތްވަރު ލިބޭ ގޮތަށް ވާހަކަ ދައްކައި ތާރީހަކަށް ފަހު ތާރީހެއް ކަނޑައަޅައި އެއްވުންތައް ބޭއްވުމަށް ކުރަމުންދާ މަސައްކަތަށް ގޮވާލާ ގޮވާލުންތަކަކީ ގާނޫނާ ޚިލާފު ކަންކަން،" ޝިފާން ވިދާޅުވި އެވެ.
އޭނާ ވިދާޅުވި ގޮތުގައި އެފަދަ ގާނޫނާ ޚިލާފު ކަންކަން ކުރާ ފަރާތްތައް ހުއްޓުވައި ފުލުހުން ފިޔަވަޅު އަޅާނެ އެވެ.
ޝިފާން ވިދާޅުވީ އެއްވުމަށް، މީހުން މާލެ ގެނައުމަށް ބައެއް ރަށްރަށުގައި ތިބި ނުފޫޒު ގަދަ މީހުން މަސައްކަތް ކުރާ ކަމުގެ ޝަކުވާ ފުލުހުންނަށް ހުށަހަޅާފައިވާ ކަމަށެވެ. ރަށްރަށުގައި، ހުރި އުޅަނދުތަކަކީ ވަކި ކަންކަމަށް ހުއްދަ ދީފައިވާ އުޅަނދުތަކެއް ކަމަށާއި އެއާ ޚިލާފުވެ މީހުން މާލެ ގެންނަ ނަމަ، އުޅަނދުތަކާ މެދު ފިޔަވަޅު އަޅާނެ ކަމުގެ އިންޒާރު ވެސް ފުލުހުން ވަނީ ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދު އިބްރާހިމް
15 March 2018
ކީއްވެހޭ އިންތިހާބު ޖެހެންދެން ކެތް ނުކުރެވިގެން ތިއުޅެނީ... މަގުމަތިން ސަރުކާރު ވައްޓާލުމުން ލިބުނު ގެއްލުން ނޭގެނީތޯ؟ މިރާއްޖޭގެ ވެރިކަމެއް މަގުމަތިން ވެއްޓޭކަށް ދެން ބޭނުމެއް ނޫން....
ދައްތަ
15 March 2018
ޖަލުގޮޅި ފެނޭތަ
ފަސީ
15 March 2018
އަލްފާޟިލް ޝިފާން. ކީއްވެގެންތޯ އޮޅުވާލައްވަނީ؟ މައްސަލައެއްނެތް ސަރުކާރު ހުއްޓުވަން ފުރުޞަތެއް ބޭނުމެއްނޫން. ގާނޫނު އަސާސީއިން ރައްޔިތުންނަށް ދީފައިވާ މިނިވަންކަން ބޭނުންކުރުމުގެ ފުރުޞަތު ދެއްވާ. މިހުރިހާ ސުވާލުތަކުގެ ޖަވާބު ދެއްވާ. (ރައީސްމީހާގެ އެކައުންޓަށް ވަން ފައިސާ، ގޮނޑި ދަށުގަ އިން ރެކޯޑަރ، ސުޕްރީމްކޯޓުން ކުރި ވަކި ހުކުމަކަށް އަމަލުނުކުރަންވީ ސަބަބު، ....
ޙެއްވާަ
15 March 2018
ޢާނ ސަރުކާރު ދިފާއު ކުރަން ކަލަެމެންނަށް އޮތީ ގާނޫންގަ ލިޔެފަދޯ ވަރަށް ހެއްވާ ހެހެހެ ރަޑްޔިތުން މިބުނާވާހަކަ އަމިއްލަޔަށް އްއްބަސް ތިވެވުނީ ސަލާމް ބުނި އަދީބު
ދުއްލިސާ
15 March 2018
ގައުމީ ޚިދުމަތުގައި ތިގޮތުގައި ތިއްބަވާ ސާބަސް ދިވެހިސަލާމަތީން.
ދައްތަ
15 March 2018
ތިޔަކަހަލަ ފޮނިބަސް ބުނެފަ އުޅުނު ކިތައްމީހުން އެތިބީ ޖަލައްގަޅާލާފަ މާބޮޑާނުވެ ހުރޭ ސަރުކާރު ހުއްޓުވާނެ މިވެރިކަން ނިމޭނެ
އަހުމަ
15 March 2018
ދިވެހިރާއްޖޭގެ ހުރިހާ ވެސް މައްސަލައަކީ އަސާސީ ފެންނވަރުވެސް ނެތް ބަޔަކު ރާއްޖޭގައި ފުލުހުންގެ "ހިދުމަތް" ދޭން މިތިބީ
އެކުސް ޕޮލިސް އޮފިސަރ
14 March 2018
ހަމަ ހޭގައި ހުރޭ ރައްޔަތުން ބޭނުންވަނީ އެބައިމީހުންގެ ގައުމު ސަލާމަތްކުރަން ! ސަރުކާރެއްނެތް ބަޔަކު ހުއްޓުވާކަށެއް. މިކަމަކީ މިއަދު ކަލޭވެސް ތިޔަ ބަލި ކަށި ހަށިގަނޑުގައި ހުރިވަރެއް ދައްކަންޖެހިފައިވާ ވަގުތު.. މާބޮޑައް ނުފުއްޕާ
ޮޕިންކީއަންޑީ
14 March 2018
އަޅުގަނޑަށް އެނގިފައިވާގޮތުން ބުރާސްފަތި ދުވަހު ހެނދުނުންފެށިގެން ހުކުރުދުވަހު ރޭނގަނޑުގެ ނިޔަލަށް އައްޑޫ ހުވަދޫއިން 500 މީހުން މޯލްޑިވިއަންއިން ދޭ. ގޮވާލަން އެކަން ހުއްޓުވުމަށް. ނުވަތަ މޯލްޑިވިއަންގެ ހުއްދަ ބާޠިލްކުރުމަށް.
ޑާޑާޑާޑާޑާ
14 March 2018
ސަރުކާރު "ހުއްޓުވައި، ވައްޓާލަން" ފުރުސަތެއް ނުދޭނަން: ފުލުހުން، ރަނގަޅު އެއްގޮތަކަށްވެސް ފުރުސަތު ނުދޭތި، އެކަމަކު ފުރުސަތު ނުދިނަސް ވައްޓާލަން ނުކުންނަ މީހުން ހަމަ ނުކުންނާނެ، ޝިފާނުމެން ހަދާނެ ބިޑިއެއްހަދާ، އަނިޔާ ކުރިއްޔާ، ކުރިއަނިޔާގެ ބަދަލު އެއަނިޔާ ކުރި މީހަކާ އަރާހަމަ ކުރާނެ، އަނިޔާކުރާ މީހުންގެ އާއިލާތައްވެސް އުޅެނީ މިތާދޯ.