ބޮލަށް ކޮތަޅެއް ލައްވައިގެން މޫނު "ފޮރުވައިގެން" ވައްކަންކުރަން ވަންނަނީ
18 މާޗް 2018 - 06:38
5 comments
އިންޑިއާގެ ޓެމިލްނާޑޫގެ ކަންޔާކުމާރީގައި މޯބައިލް ފޯނު ވިއްކާ ފިހާރަޔަކުން ފޯނެއް ވަގަށް ނެގި މީހަކު ސިފަ އޮޅުވާލަން ބޮލަށް ކޮތަޅެއް މަހައިގެން އުޅުމުން އެކަން ބޮޑު ޖޯކަކަށް ވެއްޖެ އެވެ. މި މީހާ ބޮލަށް މަހައިގެން އުޅުނީ ހުރަހެއް ނެތި ފެންނަ ސާފު ރަބަރު ކޮތަޅެއް ކަމަށް ވާތީ އެއީ ކާކުކަން ރީއްޗަށް އެނގެ އެވެ.
މި ވަގު ކަލޭގެ ފެންނަ ވީޑިއޯ ފުޓޭޖެއް ޓީވީ ސްޓޭޝަނަކުން ވަނީ އާންމުކޮށްފަ އެވެ. އެ މީހާ ފިހާރަޔަށް ވަންނަނީ ވެސް މޫނު "ނިވާކޮށްގެން" ވަރަށް ތައްޔާރުވެގެންނެވެ. ފިހާރަޔަށް ވަނުމަށް ފަހު މީހަކު ބަލަން ހުރިތޯ ހޯދަ އެވެ.
މީޑިއާ ރިޕޯޓްތައް ބުނާ ގޮތުގައި ވައްކަން ކުރި މީހާގެ ވާތުގައި ޓެޓޫއެއް ޖަހާފައި އިނުމުން އެކަން ވެސް ވީ ވަގު ކަލޭގެ އަތުލައިގަތުމަށް ބޮޑު އެހީއަކަށެވެ. އެހެންވެ ފުލުހުންނަށް މި މީހާގެ މޫނާއި އަތުގެ ފާހަގަ ވެސް އޮތީ ފެންނާށެވެ.
މި މީހާ ވަގަށް ނެގީ އެއް ލައްކަ ރުޕީސްގެ ފޯނެކެވެ. އެކަން އެނގުނީ ފޯނު ވަގަށް ނެގިތާ އެއް ދުވަސް ފަހުންނެވެ. ފިހާރައިގެ ވެރިމީހާ ސީސީޓީވީ ފުޓޭޖް ބެލުމުން ފެނުނު މަންޒަރުން އައީ ހިންޏެވެ. އެއީ ފިހާރައިގެ ވެރިމީހާއަށް ވެސް އެނގޭ މީހެކެވެ. އެހެންވެ ފުލުހުންނަށް އެކަން ރިޕޯޓްކުރުމާ އެކު ވަރަށް ފަސޭހައިން އަތުލައިގަނެވިއްޖެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދީޕް
19 March 2018
އަންނި އުޅުނު ގޮތް ދޮތަ؟
ބޮޑުވަގު
18 March 2018
މިގައުމުގައި ތިކަން ކުރަނީ ކުޑަމިނުން ކޮތަޅެއްވެސް އަރުވާނުލާ. ވާކަމެއް ހަރާން. އަހަރެމެން މިތިބެނީ އެމީހުންގެ ވައްކަންކުރުމުގެ ޓެލެންޓް އެޕްރިޝިއޭޓްކޮށް އަތްޖަހާލަ ޖަހާލާ ކަން ޔަގީން
ސުލައިމާނު.
18 March 2018
ތިހާފާޅުކަން ބޮޑުކޮށް މިގައުމގަވެސް މިހާރު އެއޮށްކުރަނީނު
އޯ އޯ އޯ ޑާންސް ޑާންސް
18 March 2018
އަސްލުވެސް .. ދެން ބުނާނީ އެއީ ވައްތަރު މީހެކޭ މަށެއްނޫނޯ.
ކޮމެންޓެއް
18 March 2018
ލައިވްކޮށް ޓީވީއިން ދައްކާ ރައްޔިތުންގެ މަޖިލީހުގަވެސް ކުރާ ވައްކަމުގެ ވާހަކަ އަމިއްލަޔަށްވެސް ކިޔާދޭ މިގައުމުގަ. އެހެންވީމަ މާކުރީގަ އަހަރުމެން މިއުޅެނީ.