އެމްއެންޔޫގެ އިމާރާތުގެ ޝީޓުން ބައެއް މިއަދު ވެއްޓިފައި.- ފޮޓޯ: އަވަސް އޮންލައިން
20 މާޗް 2018 - 16:21
8 comments
މޯލްޑިވްސް ނޭޝަނަލް ޔުނިވާސިޓީ (އެމްއެންޔޫ)ގެ ފެކަލްޓީ އޮފް އިންޖީނިއަރިން ސައިންސް އެންޑް ޓެކްނޮލޮޖީ އިމާރާތުގެ ޝީޓުން ބައެއް މިއަދު ވެއްޓިއްޖެ އެވެ.
އެ ޔުނިވާސިޓީގެ ޑެޕިއުޓީ ވައިސް ޗާންސެލަރު އާއިޝަތު ޝާހީން ވިދާޅުވީ، ބިލަބޮންގް ސްކޫލްގެ ކުރިމަތީގައި ހުންނަ އެ އިމާރާތުގެ ޝީޓުން ބައެއް ވެއްޓުނީ މަރާމާތުގެ މަސައްކަތް ކުރަނިކޮށް ކަމަށް ބެލެވޭ ކަމަށެވެ.
އެ އިމާރާތް ބާވެފައި ވާތީ އެތަން މަރާމާތު ކުރުމުގެ މަސައްކަތް މިހާރު ވަނީ ފަށައިފަ އެވެ.
މި ހާދިސާގައި އެއްވެސް މީހަކަށް ގެއްލުމެއް ނުވެ އެވެ.
"މިއަދު ކްލާސްތައް ނުނަގަން އަންގާފައި އޮންނާނީ. ދަރިވަރުންނަށް ގެއްލުމެއް ލިބޭނެ ގޮތަކަށް އަޅުގަނޑުމެން މަސައްކަތެއް ނުކުރާނަން. އެހެންވެ އެހެން ދިމާއެއްގައި އެ ދަރިވަރުންގެ ކްލާސްތައް ނެގުމުގެ މަސައްކަތްތައް ކުރަމުން މި އަންނަނީ،" ޝާހީން ވިދާޅުވި އެެވެ.
"އެ އިމާރާތް މަރާމާތު ކުރުމުގެ މަސައްކަތް މިއަދު ވެސް ކުރަމުން ދިޔައީ. އެކަމަކު އެ ކަން ހިނގި ފަހުން އަޅުގަނޑުމެން ވާނީ މަސައްކަތް ހުއްޓާލާފައި. ބޮޑަށް ބެލެވެނީ އެހެން ވެގެން ކަމަށް އެ ވެއްޓުނީ. އިޝޫތައް ފާހަގަކޮށް މައްސަލަ ހައްލުުކުރަމުން މި އަންނަނީ."
ޝީޓުން ބައެއް ވެއްޓުނީ އިމާރާތުގެ ސިޑިއާ ދިމާލުންނެވެ.
ޝާހީން ވިދާޅުވި ގޮތުގައި އިމާރާތުގައި ކްލާސްތައް ނުނަގަން އަންގާފައިވާނެ ކަމަށާއި އެތަނުން ދަރިވަރުން ނެރެފައިވާ ކަމަށެވެ.
މީގެ ކުރިން ވެސް އެމްއެންޔޫގެ އެކި ފެކަލްޓީތައް ހިންގި، ބާ ޖަމާލުއްދީންގެ އިމާރާތް ވަނީ ހައުސިން މިނިސްޓްރީން ރަތް ނޯޓިސް ދިނުމާއެކު 2015 ގައި ހުސްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ ނާޒިމް
20 March 2018
ސަޅި! އެއްވެސް ކުއްޖެއް ގައިގަ ޖެހުނުތަ؟ ނޫން ދެއްތޯ؟ މުޅި ގައުމުވެސް ހަމަ މިހެން! އެތިއެތި ގަޑު ނެއްޓި ނެއްޓި މި ހިރަ ދަނީ!
ޝިޔާޒާ މުހައްމަދު
20 March 2018
ފޮޓޯއިން ފެންނަ ފެނުމުގައި ނުވެއްޓިި ހުރިތަން މާބޮޑު.!!!
މަގު
20 March 2018
ޝީޓުން ބައެއް ވެއްޓޭ ވާހަކަބާ މަގުތަކަށް ނިކުމެ ގޮވަމުން އެދިޔައީ
ސޯބޭޑް
20 March 2018
މީ އިންޑިއާ އިން ހަދާ ދޭ ތަންތަނުގެ ފެންވަރު ހުންނާނެ ގޮތަކީ. ތަޅާ ތިރި އަރުވާލާ ޗައިނާ ގެ އެހީގައި ތިޔާ ތަން އަޅަންވީ އައިޖީއެމްއެޗް ވެސް ހުރީ ހަމަ ތިޔާ ފަދަ ހާލަތެއް ގައޭ އިންޑިއަން ގްރާންޓް އެއިޑް އެއީ ވައިވެސް އެޅެން ހެޔޮ ވާވަރުގެ އެއްޗެއް ނޫނޭ ފުލް އޮފް ކޮރަަޕްޝަން އޭ އިނގޭތޭ. ދޭ އާރ ޑުއިން ދަ އެންޑިންގް ސޯ ބޭޑް ދޯ.
ހިންދުބެ
20 March 2018
ކަލޯ. އިންޑިއާ އިން އަޅާދީފަ ހުރި އިމާރާތަކުން ފާރުގަޑެއްވެސް ތަޅާލެވެނީ ވަރަށް ހާލުން. ފިސާރި ވަރުގަދަކޮށް ހުންނަނީ. ކުރީގައި މައިޓު ހިންގި އިމާރާތް ގޮސް ބަލާބަލަ. އައިޖީއެމްއެޗުވެސް ގޮސް ބަލާބަލަ ކޮންކުރީޓާއި ފާރުތައް ވަރަށް ގަދަވާނެ.
ސޯޓުބޭލި
20 March 2018
ބަލަގަ ތީ އިންޑިޔާއިން ހެދިތަނެއް ނޫނޭ! ކޮއްމެވެސް އެއްޗެކޭ ކިޔޭތޯ ބަލާތި!
ސިވިލް އިންޖިނޭރ
20 March 2018
ޝާހީނުވެސް ހެލްމެޓް އަޅައިގެން އުޅޭތި.
ރަދީފް
20 March 2018
ވަރަށް ޒަމާންވީ އިމާރާތެއް ތިޔައީ.ލޮނު ވެލި ބޭނުންކޮއްގެން މަސައްކަތްކޮއްފަ ހުރިހެން ވެސް އެބަހީވޭ.އަނެއްކާ އަޅާފަ ހުރި ދަގަނޑާއި ސީޓްގެ ބޯމިނަށް ބަލާއިރު ސްޕޭސް ވަރަށްކުޑަ.ސްޕޭސް ކުޑަ ވާވަރަކަށް ސްޓްރެންތު ކުޑަވާނެ.އަދި ދަނގަޑުތަކުގަ ދަބަރު ޖަހާވަރަކަށް ޝީޓްގެ ފަށަލަ (ފޮޓޯގަ) ފެންނަން ހުރިގޮތަށް ފަޅައިގެން ދާނެ.ނަމަވެސް އިމާރާތަކީ ގާތްގަނޑަކަށް 30 އަހަރުވާން ކައިރިވެފަހުރި އިމާރާތެއް.އިންޖިނިއަރިންގް ފޯލްޓެއް ކަމަށް ބެލެވޭނެ ހެކިއެބަހުރި.ނަމަވެސް ސައިޓް އިންސްޕެކްޝަނެއް ހެދީމަ އަސްލު މައްސަލަ ހޯދޭނީ.ވ.ވެދުން {އިންޖިނިއަރިންގ ކޮންސަލްޓެންޓް}