އިންޖިނިއަރިން ފެކަލްޓީގެ އިމާރާތުގެ ސީލިންގުން ބައެއް ވެއްޓިފައި.- ފޮޓޯ: އަވަސް އޮންލައިން
20 މާޗް 2018 - 22:59
8 comments
ޝީޓުން ބައެއް ވެއްޓުނު، މޯލްޑިވްސް ނޭޝަނަލް ޔުނިވާސިޓީ (އެމްއެންޔޫ)ގެ ފެކަލްޓީ އޮފް އިންޖީނިއަރިން ސައިންސް އެންޑް ޓެކްނޮލޮޖީ އިމާރާތް ރައްކާތެރި ނޫން ކަމަށާއި އެހެންވެ އެ އިމާރާތް ހުސްކުރަން މާދަމާ ރަސްމީކޮށް އަންގަވާނެ ކަމަށް ހައުސިން މިނިސްޓަރު ޑރ. މުހައްމަދު މުއިއްޒު މިރޭ ވިދާޅުވެއްޖެ އެވެ.
މިނިސްޓަރު މުހައްމަދު މިރޭ ކުރެއްވި ޓުވީޓެއްގައި ވިދާޅުވީ އިންޖިނިއަރިން ފެކަލްޓީގެ އިމާރާތް ހުރި ގޮތް ބެލިއިރު، އެތަނަކީ ބޭނުން ކުރަން ރައްކާތެރި ނޫން ކަމަށެވެ.
We have done a visual inspection today of 'Salaahuddeen Bldg" and found it to be structurally unsafe to use. An official notice to vacate the bldg with immediate effect will be served tomorrow (21st March)
— Dr.Mohamed Muizzu (@MMuizzu) March 20, 2018
މުއިއްޒު މިރޭ ކުރެއްވި ޓުވީޓު.
ބިލަބޮންގް ސްކޫލްގެ ކުރިމަތީގައި ހުންނަ އެ އިމާރާތުގެ ޝީޓުން ބައެއް ވެއްޓުނީ މަރާމާތުގެ މަސައްކަތެއް ކުރަނިކޮށެވެ. މި ހާދިސާގައި އެއްވެސް މީހަކަށް ގެއްލުމެއް ނުވެ އެވެ.
އެމްއެންޔޫގެ ޑެޕިއުޓީ ވައިސް ޗާންސެލަރު އާއިޝަތު ޝާހީން ވިދާޅުވީ، އިމާރާތުގެ ސިޑިއާ ދިމާލުން އިމާރާތުގެ ޝީޓުން ބައެއް ވެއްޓުމާ ގުޅިގެން އިމާރާތުގައި ކްލާސްތައް ނުނަގަން އަންގާފައިވާނެ ކަމަށެވެ. އަދި ދަރިވަރުން އެތަނުން ނެރެފައިވާ ކަމަށް ޝާހީން ވިދާޅުވި އެވެ.
މީގެ ކުރިން ވެސް އެމްއެންޔޫގެ އެކި ފެކަލްޓީތައް ހިންގި، ބާ ޖަމާލުއްދީންގެ އިމާރާތް ވަނީ ހައުސިން މިނިސްޓްރީން ނޯޓިސް ދިނުމާއެކު 2015 ގައި ހުސްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދުބެ
21 March 2018
ބާޖަމާލުއްދީން ވެސް ހުސް ކުރިއެވެ. ދެން އެތަން ދިނީ އެހެން ބަޔަކަށެވެ. މިތަން ހުސް ކޮށްފަ ޕާޓީ އޮފީހަކަށް ނުހަދައިފިނަމަ ރަނގަޅެވެ. ހުސް ބިމެއް ފެނޭތޯ ބަލަބަލާ ޔިބޭ ބައެކެވެ. އިންތިހާބުގެ ކުރީން ބިން ބަހާ ހުސްކުރަނީއެވެ.
ތުއްތުނާ
21 March 2018
ސިވިލް އިންޖިނިއަރިން ކިޔަވަދޭ ފެކަލްޓީގެ ހާލަތު މީ... ގައިމު އިންޖިނިއަރުންވެސް އެތާ އުޅޭނެ އެއްނުން.. ރަނގަޅު އިންސްޕެކްޝަނެއްހަދާފަ ތިޔަ މުއިއްޒަށް ފޮނުވި ނަމަ ފޮނުވިކަން އިނގޭނެއްއްނުން. ތިތާ އިންޖިނިއަރިން ކިޔަވާކުދިން ބުނަނީ އިމާރާތގެ ސްޓްރަކްޗާރ ފެއިލްވެފައިވާ ކަމަށް. ހުރިހާ ތަނބުތައްވެސް ފަޅައިގެންގޮސް ދަނގަޑުތައް ފެންނަން ހުންނަ ކަމަށް. މިވަރު ތަނަކަށް ކުދިން ކިޔަވަން ވައްދާއިރު ޔުނިވަސިޓީގެ ވެރިންނަށް ހަމަ ރޭކާވެސް ނުލަނީތަ؟
ވަޙީދު
21 March 2018
އަރަބިއްޔާގެ އާ އިމާރާތައްވުރެ ތިތަން ރަނގަޅު ކަމަށް ފެނޭ.
ލައްކަވާހަކަ
21 March 2018
ކުރިޔަށް މިއޮތް ދިހަ އަހަރު ތެރޭ މި ކަހަލަ ބަައިވަރު ހަބަރުތައް ނޫސް ތަކުން ފެނިގެން ހިނގައިދާނެ ކަމަށް ލަފާ ކުރެވޭ.
ކަމަރުއްދީން
21 March 2018
މި މިމިނަސްޓަރ ނޭނގެނީނުން. ޕާ ޖަމާލުއްދީން ޕާވެގެން ޔުނިވަރުސިޓީ ކުދިން ނެރުނީނީނުން. މިހާރު ޕާވެގެން އާވަނީނުން. ސްކައުޓް އެސޯސިއޭޝަން، ކެޑޭޓްކޯ، އިލެކްޝަން ކޮމިޝަން ހުންނަނީނުން. ނައު ނޯ ޑޭންޖަރ. ބޯގޯސް މިނިސްޓަރ މުޢިއްޒު ނޫން. ޕާޕަރު މުޢިއްޒުނު.
އަސްލު ހުއްބުލްވަތަން
21 March 2018
ސޯޝަލް މީޑިއާގަ ނުރުހުން ފާޅުކުރުމުގެ ކުރިން ކަމެއްކުރަން ޒިންމާދާރު މުއައްސަސާތަކަށް ނޭންގެނީ ކީއްވެބާ؟ ކޮންމެ ކަމެއްވެސް މިޖެހެނީ ބުނެ އާދޭސްކުރާ އުސޫލުން ކުރާން. ދެރަކެމެއް.
އަހުމަދުބެ
21 March 2018
އާކަމެއް ނޫނެވެ. ދޭތެރެ ދޭތެތެއިން ވާ ކަމެކެވެ. ކިޔަވާކުދީން ހާސްކަމެއްގައެވެ.
އަަހުމަދު
21 March 2018
ދެން ޖަމާލުއްދީނުން ޔުނިސިޓީ ބޭރުކުރިކޮތަށް ތިތަނުންވެސް ބޭރުކޮށް ތިޔަ ބިންވެސް އަތުލާފައި އެހެން ބަޔަކަށްދީ. އޭރުން ޔުނިވަސިޓީއަށް ހުންނާނީ ވަރަށް ފައިދާވެފައި. މުއީޒަށްވަރަށް ސަލާމް.