ކ. މަނިޔަފަރުގައި ރިސޯޓެއް ހަދަން ހިއްކާފައި.
21 މާޗް 2018 - 14:15
10 comments
ކ. މަނިޔަފުށީ ކައިރީގައި އޮންނަ މަނިޔަފަރު ފަޅު ހިއްކައިގެން ރިސޯޓެއް ހަދަން ފަށައިފި އެވެ.
ޑްރެޖިން ޓުޑޭ ވެބްސައިޓްގައިވާ ގޮތުން އެ ފަޅު ހިއްކީ މެލޭޝިއާގެ ކުންފުންޏެއް ކަމަށްވާ އިވޯސަން އެސްޑީއެން ބީއެޗްޑީ ކިޔާ ކުންފުންޏަކާ ހަވާލު ކޮށްގެންނެވެ. މަނިޔަފަރު ފަޅު ހިއްކަން ގާތްގަނޑަކަށް 380،000 ކޮޑި މީޓަރުގެ ވެލި އެޅި އެވެ.
ރާއްޖޭގައި މިހާރު ދެ ރިސޯޓެއް ހިންގާ އެ ކުންފުނިން އެ އެފަޅު ހިއްކުމުގެ މަސައްކަތް ހަވާލުކުރީ ދެ މިލިއަން ޑޮލަރު (30 މިލިއަން ރުފިޔާ) އެވެ. އެ ރަށް ތަރައްގީކުރުމުގެ މަސައްކަތްކުރަނީ އެބޮނީ ޕްރައިވެޓް ލިމިޓެޑް ކިޔާ ކުންފުންޏަކުންނެވެ.
ރިސޯޓެއް ހަދަން ކ. މަނިޔަފަރުގައި ފަޅު ހިއްކައި ނިންމާފައި.
ޓޫރިޒަމް ހަބަރުތައް ގެނެސްދޭ ވެބްސައިޓެއްގައި ބުނެފައި ވަނީ އެ ފަޅު ހިއްކަން މިދިޔަ އަހަރު ޖުލައި 1ގައި ހަވާލު ކުރުމުން އެ މަޝްރޫއު ނޮވެމްބަރު 15 ގައި ނިންމާލާފައިވާ ކަމަށެވެ. އެ ފަޅު ހިއްކުމަށް ފަހު މިހާރު އަންނަނީ ވަށައިގެން ތޮށިލުމުގެ މަސައްކަތް ކުރަމުންނެވެ.
މަނިޔަފަރުގެ އިތުރުން މާލެ އަތޮޅުގެ އެކި ސަރަހައްދުން ގިނަ އަދަދެއްގެ ފަޅު ހިއްކައިގެން ރިސޯޓު ހެދުމުގެ މަސައްކަތް އަންނަނީ ކުރަމުންނެވެ. އެގޮތުން ކ. އެނބޫދޫފަޅުގައި ނުވަ ރަށް ހިއްކައިގެން މަތީ ފެންވަރުގެ ރިސޯޓުތަކެއް ތަރައްގީކުރަން ވަނީ ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދު އިބްރާހިމް
22 March 2018
ފަޅުރަށްތަކާއި ، ފަޅުތަކާއި ހާހަލާއި ގިރިތަކާއި ނޫން އިތުރު ވަސީލަތެއް އެބައޮތްތޯ؟ ވުމާއިއެކު އިންވެސްޓަރުން ބޭނުން ދިމާލަކުން އެވެރިން އިންވެސްޓް ކުރާނެ ތަން ދެއްކީމަ ނޫންތޯ ރާއްޖޭގަ އިންވެސްޓް ކުރާނީ.... ތަންކޮޅެއް ފުންކޮށް ވިސްނާލައްވާ.... ނެރޯ މައިންޑަޑް ދިވެހިން.... ހަމަ އެކަނި ކަނޑުމަސް ކާތީ ޖެހޭ މައްސަލަ އެއްތީ..... ނިއުޓްރިޝަން ރަނގަޅަށް ނުލިބެނީ....
ބަރުސާތު
21 March 2018
ފަޅުތަކާއި ރަށްތަށް ވިއްކާލާ ، 90 އަހަރަށް ކުއްޔަށްދީ ލިބޭ ފައިސާތަށް ހަދާނުހަދާގޮތެއް ނޭގި ރައްޔަތުންނަށް އަނިޔާ ކުރަމުން ދާއިރުވެސް . ދިވެހިން ހަމަ ހީލަހީލާ އަތްޖަހާލަ ޖަހާލާ، ކ. ގުރައިދޫގަ މާލެ ނައިސް ތިބެންވީތޯ.
އިންސާރފް
21 March 2018
މިއށް ކިޔަނީ ވަސީލަތްލައް "އެކްސްޕްލޮއިޓް" ކުރުން. ބޭނުން ނުވާވަރަށް ނަގާ ހުސކުރުން. އަންނަން އޮތް ޖީލަށް އެއްޗެއް ނެތުން.
ހަސަންމަނިކުފާނު
21 March 2018
ކޮން ބައެއް ހަދާ ރިސޯޓެއް! އަޅުގަނޑުމެންނަށް މުހިއްމީ ރިސޯޓްަ ހިންގާ ފަރާތް! ރަގަޅު ބްރޭންތަކުން ހިންގާކަމަށް ވަންޏާ މުވައްޒިފުންނަށް ހުރިހާ ގޮތަކުންވެސް ރަނަގޅީ! މިސާލަކަށް ޖުމެއިރާ ޖޭޑަބްލިއު އަނަންތަރާ ފޯސީޒަން ވަންއެން އޮންލީ ކަހަލަ ތަންތަން ސެންތާރާ ކަހަލަ ތަންތަން ކަމަކުނުދޭ
އުމަރު
21 March 2018
ފަޅުތަށް ހިއްކައިގެން ކާރީގައި ގުދުރަތީގޮތުން ހެދިފައިވާ ރަށުގެ ބީޗުތަށްގިރާ އަދި އެރަށްތަށް ހަލާކުވޭ
ޖައްސާތި
21 March 2018
މާލެ ސަރަހައްދުގައި އެބައޮތް 1000 ފަޅު. އެ 1000 ފަޅު ހިއްކައިގެން ރިސޯރޓްްސް ތައް ހެދުން އެއީ ކޮންމެހެން ކުރަން ޖެހޭނެ ކަމެކެވެ. އެއިރުން ވެލާނާ އެއާރޕޯރޓް ފީސްބްލް ވާނީ. ދުވާލަކު 3 މިލިއަން ޓޫރިސްޓުން ޖެހޭނެ އަންނަން މާލެ ސަރަހައްދަށް އެކަނި. އެއިރުން ރާއްޖޭގެ އިގްތިސާދަށް ހިންދެމިލެވޭނީ. މިވަރަށް ޖެއްސޭނީ ހުރިހާ ފަޅު ތައް އެއްކޮށް ރިސޯރޓްސް ތައް ހަދަން 100 އަހަރަށް ދީގެންނެވެ. މިއަހަރު ވެސް 500 ފަޅު ދޫކޮށްލަންވީއޭ އަވަހަށް ރިސޯރޓްސް ތައް ހަދަން.
އިލަބޯ
21 March 2018
އޭތް ކޯޑެނޭޓަރާ މިރާއްޖޭގަ ރީތި ރައްތައްހުއްޓަ އާޓިފިސަލު ރައްތަކެއް ތަރައްގީކޮއް މާލެއަތޮޅު އެއީ އާޓިސަލް ތިމާވައްޓާ ރައްޓެހީނޫން މާލެހެން ތޮއްޖެހިފައޮތް ޓުއަރިޒަމެއް ގޮތުގަ މައްސޫރު ވެއްޖެއާ ހާދާނީ ކިހެންތޯ
މާރިޔާ
21 March 2018
ސާބަހޭ ސާބަހޭ ރައީސް ޔާމިން 2018 ކުރިޔައް ދިވެހިގައުމް
ދެރަ
21 March 2018
މިވެރިކަން ނިމޭއިރު ނުވިއްކާ އެކައްޗެއްވެސްނޯންނާނެ. އެއީ ހަމައެކަނި ވެރިކަމުގައި ހުރުމުގެ ނިޔަތަކީވެސް
އަސްލުވެސް
21 March 2018
ރާއްޖެއިން ދީފައިހުރި ރަށްތަކާއި ފަޅުތަކުގެ ވާނުވާ ރާއްޖޭގެ ނޫސްވެރިންނަކަށްވެސް ނޭނގޭ. މުޅީންހެންވެސް ލިޔެފައި ހުންނާތީ ފެންނަނީ ބޭރުގެ ކޮންމެވެސް ނޫހެއްގައި ލިޔުނީމާ އެލިޔުން ތަރުޖަމާ ކޮށްފަ.