އެމެރިކާގެ ރައީސް ޓްރަމްޕް (ކ) އާއި ނޯތު ކޮރެއާގެ ލީޑަރު ކިމް.
09 އެޕްރީލް 2018 - 12:11
2 comments
ވޮޝިންޓަން (އެޕްރީލް 9) - ނިއުކްލިއާ ހަތިޔާރު ނައްތާލުމުގެ މަޝްވަރާ އަށް ނޯތު ކޮރެއާގެ ލީޑަރު ކިމް ޖޮން-އުން ތައްޔާރަށް ހުންނެވި ކަމަށް ނޯތު ކޮރެއާގެ އޮފިޝަލުން އެމެރިކާގެ މަންދޫބުންނަށް ދަންނަވައިފި އެވެ.
އެމެރިކާގެ ރައީސްއާ އެކު ސަމިޓެއް ބޭއްވުމަށް ކިމް ވަނީ ސައުތު ކޮރެއާ މެދުވެރިކޮށް ހުށަހަޅައިފަ އެވެ. ރައީސް ޑޮނަލްޑް ޓްރަމްޕް ވަނީ ކިމްއާ ބައްދަލު ކުރައްވާނެ ކަމަށް ވިދާޅުވެފަ އެވެ.
"ކޮރެއާ ޕެނިންސުލާ އަކީ ނިއުކްލިއާ ހަތިޔާރު ނެތް ތަނަކަށް ހެދުމަށް މަޝްވަރާ ކުރުމަށް ކިމް ޖޮން-އުން ހުންނެވިކަމުގެ ޔަގީންކަން ވަނީ ލިބިފައި،" އެމެރިކާ ސަރުކާރުގެ އޮފިޝަލަކު ވިދާޅުވި އެވެ.
ދެ ގައުމުގެ އޮފިޝަލުން މިހާރު ދަނީ ޓްރަމްޕް އާއި ކިމްގެ ސަމިޓަށް ތައްޔާރުވަމުންނެވެ. ނޯތު ކޮރެއާ އާއި އެމެރިކާގެ އިންޓެލިޖެންސް އޮފިޝަލުން ތިން ވަނަ ގައުމެއްގައި އެތައް ފަހަރަކު މިހާރު ބައްދަލުކޮށްފައިވާ ކަމަށް ވެސް ވެ އެވެ. ސަމިޓް ބާއްވާނެ ކަމަށް ލަފާކޮށްފައި ވަނީ އަންނަ މަހުގެ ތެރޭގަ އެވެ.
މިއީ އެމެރިކާ އާއި ނޯތު ކޮރެއާގެ ލީޑަރުން ބާއްވާ ފުރަތަމަ ސަމިޓެވެ. އެކަމަކު ސަމިޓް ބާއްވާނެ ތަނަކާ ބެހޭ މައުލޫމާތު އާއްމުކޮށްފައެއް ނުވެ އެވެ. ނޯތު ކޮރެއާ އާއި އެމެރިކާގެ ވެރިންގެ ސަމިޓް ބޭއްވުމުގައި މެދުވެރިއެއްގެ ރޯލު އަދާކުރަމުން ދަނީ ސައުތު ކޮރެއާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮބާ
09 April 2018
ކޮބާ ނޯތް ކޮރެއާ އާއި ގުޅޭ ގޮތުން އެމެރިކާ އާއި ޔޫރަޕް ދައްކަމުން ދިޔާ އެއީ ރޯބުހުތާނު ދޮގު ކަން މިއަދު އެގިގެން މިދަނީ ނޫންތޭ އިނގިރޭސިން ދެން މަަހަށް ދޭބަލަ ނުކެރުނު ދޯ އެމެރިކާ އަށް އަރަން ނޯތް ކޮރެއާ އަށް އެރިނަމަ ވޮޝިންގް ޓަން އޮތް ތަނުގައި އޮންނާނީ ކަނޑޭ މަމެން ބުނަން ނެތީމު ދޯ.
ހާޖަރާ
09 April 2018
ތިޔަސަމިޓުގެ އެންމެ އުފާވެރި ކަމަކަށްވާނީ އެމެރިކާއާ އިޒްރޭލުންވެސް ތިޔަބުނާއެއްޗެއް ނައްތާލަން އެއްބަސްވުމުން. ހަމަޔަގީން އެހެންމީހުންއަތުގާހުރި އެއްޗެއް ނައްތާލާފާ މިމީހުންގެ އަތުގާ ހުރި އެއްޗެއްވިއްޔާ ފޮރުވާފާ ބަހައްޓާނެކަން. މުޅިންވެސް ތިއުޅެނީ އެހެންމީހުން ގުނބޯހައްދަން. މަކަރޭދޯ؟