އިރަށް ކުރާ ފުރަތަމަ ދަތުރު

އަހުމަދު ނިޔާޒް، މިހާރު

12 އެޕްރީލް 2018 - 07:36

އިރަށް އުޅަނދެއް ފޮނުވުމަށް ނާސާ ތައްޔާރުވަނީ އެވެ. ނާސާ ބުނާ ގޮތުގައި، އަންނަ ޖުލައި 31 ގައި، "ޕާކާ ސޯލާ ޕްރޯބް" ބިމުން ފުރާނެ އެވެ. މަންޒިލަކީ އިރު ނަމަވެސް، ހަލާކުނުވެ އިރަށް ވެއްޓިގަނެވޭ ވަރުގެ ކުޅަދާނަކަން މި އުޅަނދަށް ލިބިފައެއް ނުވެ އެވެ.

ޕާކާ ސޯލާ ޕްރޯބް ދަތުރުކޮށް ގޮސް، ދުވަހަކު ވެސް އިންސާނުންގެ ހިލަމެއް ނުވާ ހިސާބު އިރާ ކައިރީގައި، މުގޯލިއަޅާނެ އެވެ. ބޭނުމަކީ އިރަށް އަންނަ ބަދަލުތައް ދަސްކުރުމެވެ. ސޯލާ ވިންޑް އުފެދޭ ގޮތް އަދި އިރުން ބުރައިގެންދާ ކަނިތަކުގެ ހަގީގަތް ދެނެގަނެވޭތޯ ބަލާނެ އެވެ. އިރުން ހުޅުފަޅައިގެންދާ އަސާސްތައް އަދި ވިރިކެކޭ އަލިފާންގަނޑާ ބެހޭ ގޮތުން އެއްޗެއް ދަސްވޭތޯ މަސައްކަތްކުރާނެ އެވެ. މޫސުމީ ބަދަލުތައް އިރާ ގުޅިފައިވާ ނިސްބަތަކީ ކޮބައިތޯ ވެސް ބަލާނެ އެވެ.

ސައިންސްވެރިން ގަބޫލުކުރާ ގޮތުގައި، ޕާކާ ސޯލާ ޕްރޯބް ކުރާ ދަތުރު ފަސޭހައެއް ނުވާނެ އެވެ. ދަތުރުމަތީގައި ގަދަފަދަ ހޫނު އަދި ބާރުގަދަ ރޭޑިއޭޝަން ތަޖުރިބާކުރާނެ އެވެ. އެ ވަރުގެ މާހައުލެއްގައި އުޅަނދު ރައްކާތެރިކޮށް، ހަތް އަހަރު ދުވަހުގެ މުއްދަތަކަށް ދެމެހެއްޓުމަށްޓަކައި، ދުނިޔެ ދަންނަހާ ޓެކްނޮލޮޖީއެއް އުޅަނދު ބަނުމަށް ބޭނުންކުރާނެ އެވެ. އަދި އުޅަނދު ފޮނުވާލުމުގެ ކުރިން ގަބޫލުކުރަން އުނދަގޫ ފެންވަރުގެ ޓެސްޓްތަކަށް ހުށަހެޅޭނެ އެވެ.

ޕާކާ ސޯލާ ޕްރޯބް އަށް ހަވާލުކުރާ ޒިންމާތަކުގެ ތެރޭގައި، ކާއިނާތަށް ބަލައި، އިރާ އަޅާކިޔެން ހުރި ތަރިތަށް ގުނުން ހިމެނެ އެވެ. ދުނިޔެ އުފެދުނު ކަމަށް ދުނިޔެވީ ގޮތުން ފެންނަން ހުރި މައުނަވީ ސިފަތައް ހޯދުމަށް ތަރިތަކުގެ އިޝާރާތްތަކަށް ފާރަލުން ވެސް ހިމެނެ އެވެ.

ނާސާ

7 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އީމަން

12 April 2018

އިރަކީ މޫސުމެއް އެކުލެވޭ ތަރިއެކެވެ. އަދި އިރުގެ މޫސުމަށް އަންނަ ބަދަލުތަކަކީ ދަނެގަންނަން ވަރަށް މުހިއްމުކަމެއް ގޮތުގައި ބެލެވެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޙްމަދު1

12 April 2018

ޚަބަރުތައް މިގޮތަށް ލިޔެފައ ހުންނަ ނަމަ ކިޔުންތެރިންނަށް ބޮލުގައި ރިހުމަކާ ނުލާ ޚަބަރު ކިޔާލުމުގެ ހިތްހަމަޖެހުން ލިބޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޙްމަދު ޒާ

12 April 2018

ނިޔާޒްގެ ލިޔުންތައް ވަރަށް ފުރިހަމަ، ސާދާ ތިލަކޮށް ފަހުމްވާ ގޮތަށް ގެނެސް ދޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަވޭއޭ

12 April 2018

އިރަށް ކުރާ ފުރަތަމަ ދަތުރު ނާސާ އިން ފެށުން އެއީ ރަނގަޅު ކަމެކޭ އެކަމަކު އިރުން އުފެދޭ އެނަރޖީ އެއީ އިނޯރމަސް އޭ އިރަށް ލޭންޑް ކުރެވޭނެ އުޅަނދު އިންސާނުންނަށް އުފެއްދޭނެއޭ އެއީ ސިމްޕްލް އީކްއޭޝަން އެކޭ އެއީ ފުރަތަމ އިރުގެ ޓެމްޕްރޭޗަރ އަށް ވުރެން މަތީ ޓެމްޕްރޭޗަރ އެއްގައި ވިދް ސްޓޭންޑް ކުރާ އުޅަނދަކަށް ވުމޭ އަދި އޭގައި ބޭނުން ކުރާ ހުރިހާ އިލެކްޓްރޯކިން ޗިޕްސް ތައް އެގޮތް ވުމޭ ދަގަނޑު ވެސް ހޫނު ވުމުން ވިރިގެން ދެއޭ ދެން އިރުގެ ޓެމްޕްްރޭޗައ އިނޯރމަސް ވާއިރު އިރަށް ލޭންޑް ކުރުމަށް ޓަކައި ބޭނުންވާނެ މެޓީރިއަލް އަކީ ކޮބައިތޭ. އެމެޓީރިއަލްސް ވެސް އާރްތް ގައި ލައްވަވާފައިވާނެއޭ ހޯދުމުން ފެންނާނެއޭ އިންސާނާ ދުނިޔެއަށް ފޮނުއްވީ ދުނިޔެ އިމާރާތް ކުރަންއޭ ދުނިޔެ ފަނާ ކުރަން ނޫނޭ މިކަން ޖެހޭނެއޭ ދަނެގަންނަން. އިންސާނާގެ ސިކުނޑީގެ ކިތައް ޕަރސެންޓް ބޭނުން ކުރެވޭތޭ އެއީ ސުވާލަކީ މިހާތަނުން. މަޑުމަޑުން މަގުމަތީގައި ހިނގަމުން ދަމުން ބިންމައްޗަށް ބަލާލުމުން ވެސް އަޖައިބުވެއޭ މަގުމަތިން ފެންނަ ކަންކަމުން..