ދަރުމަވަންތަ ހޮސްޕިޓަލްގެ ބައެއް: އެމްބީބީއެސްއަށް ކިޔަވައިދޭން ފަށަނީ އެ އިމާރާތުގެ ދެ ފްލޯގައި-- ފޮޓޯ: ހުސެއިން ވަހީދު/ މިހާރު
12 އެޕްރީލް 2018 - 10:01
22 comments
ޑޮކްޓަރުކަން ކިޔެވުމަށް ރާއްޖޭގައި އަލަށް ފަށާ ކޯހުގައި ބައިވެރިވާން މޯލްޑިވްސް ނޭޝަނަލް ޔުނިވާސިޓީ (އެމްއެންޔޫ) އިން ހުޅުވާލައިފި އެވެ.
އެމްއެންޔޫ އިން މިދިޔަ ހޯމަ ދުވަހު ކުރި އިއުލާނުގައި ބުނީ އެމްބީބީއެސް ޕްރޮގްރާމުން 50 ދަރިވަރުންނަށް ޖާގަ ދޭން ނިންމާފައިވާ ކަމަށެެވެ. ނަމަވެސް ކޯހަށް އެދޭ ފޯމު ބަލައިގަންނަން ފަށާނީ މި މަހުގެ 22 ވަނަ ދުވަހެވެ. ފޯމު ބަލައިގަތުމުގެ އެންމެ ފަހު ތާރީހަކީ އަންނަ ޖޫން 14 ވަނަ ދުވަހެވެ.
ފަސް އަހަރުގެ މުއްދަތަށް ކުރިއަށްގެންދާ އެމްބީބީއެސް ޕްރޮގްރާމަށް އެދުމުގެ ޝަރުތުތަކުގެ ތެރޭގައި، އޭ ލެވެލްގައި ބަޔޮލޮޖީ، ކެމިސްޓްރީ، ޕިޒިކްސް އަދި ހިސާބުން ފާސްވުމާ އެކު އޯ ލެވެލް އިމްތިހާނުގައި މަދުވެގެން ފަސް މާއްދާއިން ފާސްވުން ހިމެނެ އެވެ. އޭގެ ތެރޭގައި އިނގިރޭސި މާއްދާއިން މަދުވެގެން ސީ ފާހެއް ލިބެން ޖެހޭނެ ކަމަށް އެ ޔުނިވާސިޓީން ބުންޏެވެ.
އެމްއެންޔޫ އިން އެމްބީބީއެސް ކޯސް ހިންގާނީ އަލަށް ގާއިމްކުރާ މެޑިކަލް ކޮލެޖް ހުޅުވަންދެނެވެ. އެ ކޮލެޖު ގާއިމްކުރެވެންދެން ކޯސްތައް ހިންގަން ނިންމާފައިވަނީ އައިޖީއެމްއެޗާ ޖެހިގެން މިހާރު ހަދަމުން އަންނަ 25 ބުރީގެ ދަރުމަވަންތަ ހޮސްޕިޓަލް ހުޅުވުމުން، އެ ތަނުގެ ބައެއްގަ އެވެ.
އަންނަ ޖުލައި މަހުގެ ތެރޭގައި އެމްބީބީއެސް ފެށުމަށް އެމްއެންޔޫ އިން އަންނަނީ ތައްޔާރުވަމުންނެވެ. އެގޮތުން އެތަނަށް ބޭނުންވާ ލެބޯޓްރީ އާއި ކިޔަވައިދިނުމަށް ބޭނުންވާ ޓެކްނިކަލް ސާމާނު މިހާރު ވަނީ ހޯދައިފަ އެވެ.
އެ ކޯހުގައި ބައިވެރިވާން ބޭނުންވާ ދަރިވަރުންނަށް ހާއްސަކޮށްގެން ޑިޕާޓްމަންޓް އޮފް ހަޔަ އެޑިއުކޭޝަން (ޑީއެޗްއީ) އިން ވަނީ ލޯނުގެ 50 ފުރުސަތު ވެސް ހުޅުވާލައިފަ އެވެ. އެ ފުރުސަތު އަންނަ އާދިއްތަ ދުވަހު ހަމަވާނެ އެެވެ.
އެ ޔުނިވާސިޓީން ބުނި ގޮތުގައި ކޯހުގެ ފީ އާއި މުހިއްމު އެހެން މައުލޫމާތުތައް އަންނަ ހަފުތާގައި އިއުލާނުކުރާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޞަލަ
13 April 2018
ބޮޑުންގެ ދަރިން މިކޯހަށް އެންރޯލު ކޮށްފިއްޔާ އެގިދާނެ. އޭރުންރަގަޅުވާނެހެން ހީވަނީ. އޭގެކުރިން އެއްޗެއްބުނަން ދަތި. ގިނަފަރަށް ވާގޮތަކީ މިކޯސްތަކަށް ކިޔަވަންދަނީ ފަގީރުން. އެހެންވެ ފެންވަރުވެސް ހުނަނީ އެކަހަލަ ގޮތަކަށް.
ތައުލީމު
12 April 2018
އަހަރެން ހަމަ ކަންބޮޑުވަނީ ސިޔާސީ ބޭނުމަށް ތަޢުލީމު ހަލާކުކުރާތީ. މެޑިސިންނޯ
ގޮޅި
12 April 2018
ހިނި އަންނަނީ... މިއުޅެނީ އެމްއެންޔޫ ގަ ކިޔަވާދޭ ކޯސްތަކަށް ބޭނުންވާ ޓީޗަރުން ހަމަނުކުރެވިގެން.... މިތާ ފަށަންވީ ޕްރެފެސަރުން ތަމްރީނު ކުރާ ކޯސް. ބުނީމަ ނިމުނީ...
ހަންޑި
12 April 2018
ކުރިޓީރިޔާ ކަޑަ ވަރަށް
ހިތްނުފުރޭ އިންސާނުން
12 April 2018
ހެޔޮ އެއްގޮތެއްވެސް މި ދިވެހިންނަކައް ނޯންނާނެ!! ކޮންމެ ބަޔަކު ކޮންމެ ގޮތަކައް ފެށިޔަސް އޭގެ ފައިދާ ދިވެހިންނައް ލިބެނިކޮއް ނިމުނީ ދޯ!!
ރޫމް
12 April 2018
ކޮންމެ ބަޔަކު ކޮންމެގޮތަކަށް ފަށާކަހަލަ ކަންކަމެއް ނޫން މިއީ، އެއީ އިންސާނުންގެ ފުރާނަ ސުވާލެއްގެ ތެރޭގައި އޮންނަ ހާލަތުގައި އެއަށް ޖަވާބުދެވޭނެ ފެންވަރަށް ނުގެންދެވޭގޮތަކަށް ކިޔަވައިދިނުމުގެ އިންތިޒާމުތައް ދޯދިޔާކޮށް ހުންނަ ކަމަށްވަންޏާ ކަންބޮޑުވާނެ. އެވަރަށް ތައްޔާރުވެގެން ފެށުމާމެދަކު އެއްވެސް މައްސަލައެއް ނެތް. އެފަދަ ދާއިރާއަކުން ކިޔެވުމުގެ ފުރުސަތު ހުޅުވިފައި އޮތުމަކީ އުފާކުރަންޖެހޭކަމެއް.
ހުއްބުލް ވަތަން
12 April 2018
ކޮންމެ ސަރުކާރަކުން ކުރިޔަސް ރަނގަޅު ކަންތައް ބަލައިގެންފަ އަދި ކޮންމެ ސަރުކާރަކުން ކުރިޔަސް ގޯސްކަންތައް ކުއްވެރި ކުރާ ބަޔަކަށް ރައްޔިތުން އެބަ ވާން ޖެހޭ
އަބްދުއްލާ
12 April 2018
ރާއްޖޭގަ ކިޔެވީމަ ދަރިވަރުންގެ އަތުން ހިގާހަރަދު ކުޑަވާނެ ، ކިޔަވާނީ ބޭރުގެ އެމްބީބީ އެސް ކިޔަވާދޭމެޑިކަލް ކޮލެޖެއްގެ ސިލަބަހާ މުގައްރަރަށް .އިމްތިހާނާ ނަތީޖާ އަދި ސެތްފިކެޓް ލިބިގެންދީ ބޭރުގެ ދުނިޔެ ގަބޫލުކުރާ މެޑިކަލް ކޮލެޖަކުން . ވީމާ މައްސަލައެއް ކޮބާ ، ސްޕްސަލައިޒްވާންދާނީ ނޭޕާލަށް . އޯކޭތަ ؟
މަންޑޭލާ
12 April 2018
އެމްޑީޕީ ވެރިކަމުގަ ދިޔައީ ދިވެހިން އަޅުވެތިވަމުން މިސަރުކާރު މިދަނީ މިރާްއްޖެ ތަރައްގީކުރަމުން.
ސޮކްތެރެޕީ
12 April 2018
ހަގީގަތުގާ މިސަރުކާރު އެޅި ރަގަޅުބިންގަލެ މީގެފެށުން ރަގަޅުވާނެ އިންޝާﷲ
ލޯލޯލޯ
12 April 2018
ޤާނޫނީ ކޯސްތަކަށް ވާވަރު ނުވިއްޔާ ރަނގަޅު.