މާލޭގައި އެންމެ ފުރަތަމަ ގެސްޓް ހައުސްއެއް ހިންގި ތަނުގައި އަލަށް ހެދި "މާގިރި ހޮޓެލް" މިއަދު ހެނދުނު ރަސްމީކޮށް ހުޅުވުމުގެ ގޮތުން އެ ހޮޓާ ހިންގާ ކުންފުނީގެ އިސްވެރިން ރިބަން ކަނޑުއްވަނީ. ފޮޓޯ: މާގިރި ހޮޓެލް
12 އެޕްރީލް 2018 - 19:36
15 comments
މާލޭގައި ހުންނަ ހުޅުމާލޭ ފެރީ ޓާމިނަލް ކުރިމަތީގައި ހަދާފައިވާ، މަތީ ފެންވަރުގެ 52 ކޮޓަރި ހިމެނޭ "މާގިރި ހޮޓެލް" މިއަދު ހުޅުވައިފި އެވެ.
ގާތްގަނޑަކަށް ހަ މިލިއަން ޑޮލަރު (92.5 މިލިއަން ރުފިޔާ) ހޭދަކޮށްގެން ހެދި މާގިރި ހޮޓެލް ރަސްމީކޮށް ހުޅުވީ މިއަދު ހެނދުނު ބޭއްވި ރަސްމިއްޔާތެއްގައި، އެ ހޮޓާ ހިންގާ ރިޖެންޓް މޯލްޑިވްސްގެ އިސްވެރިންނެވެ. އެ ކުންފުނީގެ އިސްވެރިންގެ ގޮތުގައި ކްރައުން ކޮމްޕެނީގެ ޑިރެކްޓަރު އަހުމަދު ނަޒީރާއި ލިލީ ހޮޓެލްސްގެ ޑިރެކްޓަރު އަހުމަދު ހަފީޒާއި އަބްދުލް މުހުސިނާއި ކުރީގެ ރައީސް އިބްރާހިމް ނާސިރުގެ އަނބިކަނބަކަލެއް ކަމަށްވާ ނަސީމާ މުހައްމަދު ކަލޭފާނު ހިމެނިވަޑައިގަންނަވަ އެވެ.
އެ ހޮޓަލުގެ އިސް އޮފިޝަލަކު މިއަދު ވިދާޅުވީ އަލަށް ހެދި ނުވަ ބުރީގެ ހޮޓަލުގައި އެންމެ ޒަމާނީ ވަސީލަތްތަކާއެކު ހަތަރު ކެޓަގަރީއެއްގެ ކޮޓަރިތަކުގެ އިތުރުން 100 މީހުންގެ ޖާގައިގެ ރެސްޓޯރަންޓާއި 62 މީހުންގެ ޖާގައިގެ ރެސްޓޯރަންޓެއް އަދި ކެފޭއަކާއި ކޮންފަރެންސް ހޯލަކާއި މީޓިން ރޫމަކާއި ފިޓްނަސް ސެންޓަރެއް ވެސް ހިމެނޭ ކަމަށެވެ.
މާލޭގައި އަލަށް ހުޅުވި މާގިރި ހޮޓެލްގެ ޓެރަސް: މި ހޮޓަލުގައި ތަފާތު ހަތަރު ކެޓަގަރީގެ ކޮޓަރި ހުރޭ. ފޮޓޯ: ހުސެއިން ވަހީދު /މިހާރު
މާލޭގައި 1970ގެ އަހަރުތަކުގައި އެންމެ ފުރަތަމަ ހުޅުވި ގެސްޓްހައުސް ހިންގި ތަނުގައި ހެދި ހަތަރު ތަރީގެ ހޮޓަލުގެ ކޮޓަރީގެ އަގު ފެށެނީ ރެއަކަށް 120 ޑޮލަރުންނެވެ. އެތަނުގައި 50 އަކަމީޓަރުގެ ހަ އެގްޒެކެޓިވް ސުއިޓާއި 41 އަކަމީޓަރުގެ ހަ ޖޫނިއާ ސުއިޓް އަދި 22- 24 އަކަމީޓަރުގެ 20 ޕްރީމިއާ އޯޝަން ވިއު ރޫމް އަދި އެ ސައިޒުގެ 20 ޕްރިމިއާ ރޫމް ހުރެ އެވެ.
"މާލޭގައި މިހާރު ހުރި ހޮޓެލްތަކަށް ބަލާއިރު އެކަށީގެންވާ ރަނގަޅު އަގުތަކެއްގައި މިތަނުން ކޮޓަރި ލިބެން ހުންނާނެ. އަދި މިތަނުގެ ރެސްޓޯރަންޓުތަކުގައި ޕާޓީ ފަދަ ހަފުލާތައް ބޭއްވުމަށް ވެސް ދޫކުރަން ވަނީ ހަމަޖެހިފައި،" އެ އޮފިޝަލް ވިދާޅުވި އެވެ.
އަލަށް ހުޅުވި މާގިރި ހޮޓެލް: މިތަނުގައި މަތީ ފެންވަރުގެ 52 ކޮޓަރި ހުރޭ. ފޮޓޯ: ހުސެއިން ވަހީދު /މިހާރު
މާލޭގެ އެންމެ ހިތްގައިމު އެއް ސަރަހައްދުގައި ހަދާފައިވާ ހޮޓަލުގެ ޓެރަހުގައި ހުންނައިރު އިރު އަރާ މަންޒަރާއި ހުޅުލެއަށް މަތިންދާބޯޓު ޖައްސާ މަންޒަރު އަދި މާލެ އާއި ހުޅުލެއާ ގުޅުވައިދޭ ބްރިޖް ފަދަ ހިތްގައިމު މަންޒަރުތައް ވަރަށް ރީތިކޮށް ފެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދެން ކޮންމެވެސް މީހެއް
13 April 2018
ކޮންބައެެއް ހެދި ތަނެއް؟
ހިރުނަ
12 April 2018
އެއްޒަމާނެއްގަ އިރާޤު އެމްބަސީވެސް މިތަނުގަ ހުރި
ސާލިޔާ
12 April 2018
ޔާމީނަށް ކޮންސާބަހެއް މިކަމުގަ ދޭންވީ އޭނާޔާކޮން ކަމެއް
ގޮންގް
13 April 2018
ޓުއަރިޒަމް ފެސިލިޓީޒްތައް އިތުރު ކުރަން އަދި ފަށައިގެން ކުރިއަށް ނުގޮސް ހުރި ޕްރޮޖެކްޓްތައް ނިންމަން ސޮވިރިން ގެރެންޓީ ދިނުމަށްފަހު ކޮންސްޓްރަކްޝަން މެޓީރިއަލްސްއިން ޑިއުޓީ މާފުކޮށް ލޯނު ލިބޭނެ ފަސޭހަ ގޮތްތަކެއް މަގުފަހި ކޮށްދިނުން މިއީ ތިކިޔާ ޔާމިން ކޮށްދިން ބައެއް ކަންތައް. ގިނަ ކަންތަކަކީ ފެންނަން ހުންނަ ކަންތަކެއް ނޫން
ނަޒީރު
13 April 2018
އެވާނީ އަޑީއަޑީން ގުޅީފަ އޮތީކަމައް.. ދެން މީހެން ނުބުންޏަސް ގީނަ ރައްޔީތުންނައް ހަމަ ވަރައް ސާފުކޮއް މީކަންކަން ހީނގާ އުސޫލު އީނގޭ..
ޤާދިރު
14 April 2018
ނޭގޭ މީހަކަށް ބުނެދިނަސް ނޭގޭނެ...
ވަހީދު
14 April 2018
މާލޭގެ ގިނަ މީހުންނަށް ނުހެދި ހުރި ގެތައް ޔާމީނުގެ ސަރުކާރުގައި ދިން ލޯނު ނަގައިގެން ހަދާތީ
7 ސްޓާރ
12 April 2018
ސިވިމިންގ ޕޫލް އޮވޭތަ؟
ހަޒީން
13 April 2018
އާދެ ކުރީމަތީގަ ހުޅުމާލޭ ޓާރމީނަލުން ފަޝައީގެންގޮސް ފުނަދޫއާއީ ހަމައަށް އެއޮތީ ސުވީމީންގ ޕޫލް.
އުމަރު
12 April 2018
މިބޭފުޅުން މިހާރު ރިސޯޓްތަށް ހުޅުވައި އެތަންތަން 90 އަހަރަށް މިލްކުކޮށްފައި ދެން އެއުޅެނީ ގެސްޓްހައުސްތަކުގެ ވިޔަފާރިއަށް ވަންނަން، މިމީހުން ކީއްތޯވާނީ ރާއްޖޭގައި ސްކޫލެއް ހިންގިއްޔާ، ކުޑކުދިންނަށް އެހީވާ ތަނެއް ހުޅުވިއްޔާ، އެތަކެއް ޖަމްއިއްޔާތަކުން މުޖުތަމައުގައި ހާލުގައި ޖެހިފައިވާ އާއިލާތަކަށާއި ނުކުޅެދޭކުދިންނަށް އެހީތެރިވަމުންދާއިރު މިމަހުޖަނުން އަދިވެސް އެކައުންޓަށް ފައިސާގިނަކުރަން ގެންދަނީ ހޮޓާހުޅުވަމުން، ދުނިޔޭގެ މިފަދަ މަހުޖަނުން ވަކި ވަރަކަށް މުއްސަނދިވީމަ ދެން ބަލަނީ މުޖުތަމައުގައި އެހީއަށް ބޭނުންވެފައިވާ މީހުންނަށް އެހީތެރިކަން ފޯރުކޮށްދެވޭތޯ، އެކަމަކު ރާއްޖެއިން މިފެންނަނީ އެހެންމަންޒަރެއް
ހަނީ
13 April 2018
ތިހެން ތިވަނީ ކީއްވެތޯ ބުނެދެންތޯ؟ އެއީ އިންސާނާގެ ކުރިމަތީގަ ދުނިޔޭގެ އުފަލާއަރާމަކީ ކަނޑުގެ ލޮނުގަނޑު ބުއިންފަދަ ކަމެއް، އެލޮނުބޯ ވަރަކަށް ހައްތަހާވެސް އަނގަހިއްކާނީ
ައަހްމަދު
12 April 2018
ޕާރކް ކުރާނެ ތަން ހުރޭތޯ!
އެސް. ޓީ. އޯ ގެ ހުޅުމާލެ ހޮޓާ
12 April 2018
އެސް. ޓީ. އޯ ގެ ހުޅުމާލެ ހޮޓާ ހަދަހަދަ ހުއްޓާ އެ ނިންމާލަފައި ހުޅުވީ ހޮޓާ. ކިހިނެއްތަ މިވަނީ؟
ޔަމެ
12 April 2018
ސަަބަހޭ ރައީސް ޔާމިން.
ޑރ ވާންޗޯ
14 April 2018
ކަލޯ ކަމަކާ ބިރުންތަ ތިއުޅެނީ! މިކަމާ ޔާމީނާ ކޮން ބެހޭކަމެއް