ސްރީ ލަންކާގެ ރައީސް ސިރިސޭނާ.
12 އެޕްރީލް 2018 - 23:23
3 comments
ކޮލަމްބޯ (އެޕްރީލް 12) - ސްރީ ލަންކާގެ ޕާލަމެންޓް ރައީސް މައިތުރިޕާލާ ސިރިސޭނާ ވަގުތީ ގޮތުން ސަސްޕެންޑްކޮށްފައިވާ ކަމަށް އެ މަނިކުފާނުގެ ސެކްރެޓަރީ ވިދާޅުވެއްޖެ އެވެ.
ޕާލަމެންޓް ސަސްޕެންޑްކޮށްފައި މި ވަނީ ކޯލިޝަން ސަރުކާރުގެ ތެރޭގައި މައްސަލަތައް ބޮޑުވެފައިވާ ދުވަސްވަރެއްގަ އެވެ. އަދި ކެބިނެޓަށް ބަދަލުތަކެއް ގެނައުމަށް މަސައްކަތް ކުރަމުންދާ ދުވަސްވަރެއްގަ އެވެ.
"މިރޭ 12 އިން ފެށިގެން މެއި މަހު 8 ވަނަ ދުވަހާ ހަމައަށް ޕާލަމެންޓް ސަސްޕެންޑް ކުރުމަށް ސިރިސޭނާ ވަނީ ނިންމަވާފައި،" ރައީސްގެ ސެކްރެޓަރީ އައޮސްޓިން ފެނާންޑޯ ވިދާޅުވި އެވެ.
އޭނާ ވިދާޅުވީ ސިރިސޭނާ އެ ފިޔަވަޅު އެޅުއްވީ ގާނޫނު އަސާސީގެ 70 ވަނަ މާއްދާގެ ދަށުން ރައީސް އަށް ލިބިދޭ ބާރުގެ ދަށުން ކަމަށެވެ. ޕާލަމެންޓް ސަސްޕެންޑްކުރި ސަބަބެއް ހާމަކޮށްފައެއް ނުވެ އެވެ.
ލަންކާ ބޮޑު ވަޒީރު ރަނިލް ވިކްރަމަސިންހައާ ދެކޮޅަށް ޕާލަމެންޓުގައި ވޯޓު ދިން ސިރިސޭނާގެ އެސްއެލްއެފްޕީގެ 16 މިނިސްޓަރުން އިއްޔެ ވަނީ އިސްތިއުފާ ދީފަ އެވެ. އިސްތިއުފާ ދިން މެންބަރުން ވަނީ ކޯލިޝަން ސަރުކާރުން އެސްއެލްއެފްޕީ ވަކިވުމަށް ވެސް ގޮވާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަމަންދަރު
13 April 2018
ރާއްޖެއަކީ އެކަހަލަ ސަކަރާތް މަދުންޖަހާ ގައުމެއް
ރާއްޖެ
13 April 2018
މަ ހީކުރީ ރާއްޖޭގަ އެކަނި ކަމަށް މި ކަހަލަ ސަކަރާތް ޖަހަނީ....
ޖައި
13 April 2018
ރާއްޖެއާއި ލަންކާގެ ރިޔާސީ ނިޒާމް ތަފާތު. އެކަމަކު ރާއްޖޭން މިގައުމުގެ ވެރިކަން ކުރާން އުޅެނީ ލަންކާގޮތަށް. ލަންކާގައި މިނިސްޓަރަކަށް ވެވޭނީ ޕާލަމެންޓް މެންބަރުންނަށް. އަދި ސަރުކާރުގެ ވެރިޔަކީ ރައީސެއްނޫން. ބޮޑުވަޒީރު.