100 އަށް ވުރެ ގިނަ މިސައިލް ސީރިއާ އަށް ފޮނުވާލި: ރަޝިޔާ

ސީރިއާ އަށް ހަމަލާ ދިނުމަށް ފްރާންސްގެ ހަނގުރާމަ މަތީ ބޯޓެއް ނައްޓާލަނީ. --ފޮޓޯ:އޭއެފްޕީ

ހަސަން އާމިރު، މިހާރު

14 އެޕްރީލް 2018 - 11:15

މޮސްކޯ (އެޕްރީލް 14) - އެމެރިކާ އާއި ފްރާންސް އަދި އިނގިރޭސި ވިލާތުން މިއަދު ހެނދުނު ސީރިއާ އަށް ދިން ހަމަލާތަކުގައި 100 އަށް ވުރެ ގިނަ މިސައިލް ފޮނުވާލި ކަމަށާއި މީގެ ތެރޭން ގިނަ މިސައިލް ވައްޓާލާފައިވާ ކަމަށް ރަޝިޔާ އިން ބުނެފި އެވެ.

ރަޝިޔާގެ ޑިފެންސް މިނިސްޓްރީން ބުނީ ސީރިއާގެ އަސްކަރީ އަދި މަދަނީ ތަންތަނަށް ވެސް ހަމަލާދީފައިވާ ކަމަށެވެ. އެމެރިކާ އިސްވެ ދިން ހަމަލާތަކުގައި ފޮނުވާލި މިސައިލްތައް ވައްޓާލުމަށް ބޭނުންކޮށްފައި ވަނީ ސީރިއާގެ ވައިގެ ދިފާއީ ނިޒާމް ކަމަށް ވެސް ރަޝިޔާ އިން ބުނެފައިވެ އެވެ. ސީރިއާގައި ވަނީ ރަޝިޔާގެ ވައިގެ ދިފާއީ ނިޒާމެއް ގާއިމްކޮށްފަ އެވެ. ނަމަވެސް މިއަދުގެ ހަމަލާތައް ހުއްޓުވުމަށް ރަޝިޔާގެ ނިޒާމް ބޭނުންކޮށްފައެއް ނުވެ އެވެ.

ރަޝިޔާގެ އަސްކަރިއްޔާ އިން ބުނެފައި ވަނީ ސީރިއާ އަށް ހަމަލާ ދީފައި ވަނީ ރެޑް ސީގައިވާ އެމެރިކާގެ މަނަވަރުތަކުންނާއި މެޑިޓެރޭނިއަން އަދި ސީރިއާގެ އަލް ތަންފް ސިޓީގައި ގާއިމްކޮށްފައިވާ އެމެރިކާގެ ވައިގެ މަރުކަޒަކުން ކަމަށެވެ. އިނގިރޭސި ވިލާތުން ސީރިއާ އަށް ހަމަލާ ދިނީ ހަތަރު ޓޯނޭޑޯ ޖެޓް ބޭނުންކޮށްގެންނެވެ. އެމެރިކާގެ އޮފިޝަލުން ބުނެފައި ވަނީ ސީރިއާގެ އަމާޒުތަކަށް ހަމަލާ ދޭން ބޭނުން ކުރީ ޓޮމަހޯކް ކްރޫޒް މިސައިލް ކަމަށެވެ.

ރަޝިޔާ އިން ބުނީ ސީރިއާގައި ގާއިމްކޮށްފައިވާ ރަޝިޔާގެ އަސްކަރީ އެއްވެސް މަރުކަޒަކަށް މިސައިލް ހަމަލާ އަރާފައި ނުވާ ކަމަށެވެ.

ޕެންޓަގަންގެ އޮފިޝަލުން ބުނީ ހަމަލާ ދިނީ ސީރިއާގެ މައިގަނޑު ތިން އަމާޒަކަށް ކަމަށެވެ. އެއީ ވެރިރަށް ދިމިޝްގުގައިވާ ސައެންޓިފިކް ރިސާޗް ސެންޓަރަކަށާއި ހިމްސްގެ ހުޅަނގުގައިވާ ކެމިކަލް ހަތިޔާރު ރައްކާކުރާ ތަނަކަށާ އަދި ހިމްސްއާ ކައިރީގައިވާ ކެމިކަލް ހަތިޔާރުގެ އިކުއިޕްމަންޓް ރައްކާކުރާ ތަނަކަށް ކަމަށެވެ.

ސީރިއާ އަށް ދިން ހަމަލާތަކާ ގުޅިގެން ރަޝިޔާ ސަރުކާރުން ނެރުނު ބަޔާނެއްގައި ބުނެފައި ވަނީ މި ބާވަތުގެ ހަމަލާތަކަށް ރައްދު ނުލިބި ނުދާނެ ކަމަށެވެ. ރަޝިޔާ އިން ކުރިން ވަނީ ސީރިއާ އަށް ހަމަލާ ދޭން ފަށައިފި ނަމަ ހަނގުރާމައެއް ފެށިދާނެ ކަމުގެ އިންޒާރު ދީފަ އެވެ.

ޕެންޓަގަނުން ބުނީ ސީރިއާ އަށް ހަމަލާ ދޭ ތަންތަނުގެ ނޯޓިސް ރަޝިޔާ އަށް ކުރިން ދީފައި ނުވާ ކަމަށެވެ.

ރަޝިއާ ސީރިއާ

4 ކޮމެންޓް, 63 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބޫސޮއުނު

14 April 2018

އެމެރިކާއާ ރަޝިޔާއާ އިސްރޭލް އެއީ އެއްބައެކޭ ތިންބައެކޭ ކިޔުމުގެ ބޭނުމެއް ނެތް. އެނގޭ ކަމަކީ ބައްޝާރުގެ ސަރުކާރާ ރަޝިޔާ ކޯލިޝަން ހަދައިގެން ސީރިޔާގެ ރައްޔިތުން މަރާ ސުންނާފަތިކުރިޔަ ނުދީ ހުއްޓުވަން ޖެހޭކަން. އަދި އިތުރަށް އެނގެނީ ބައްޝާރުލް އަސަދު، ސައްދާމު، ޤައްޒާފީ، އަލްޤާއިދާ، އައިއެސްއައިއެސް، ދާޢިޝް، ޙޫތީން، މިހުރިހާ ޤާތިލުުންނަކީ މުސްލިމުންގެ ތެރޭގައި ތިބި ބައެއްކަން. އެމީހުން އުޅެނީ މުސްލިމުންގެ ތެރޭގައިކަން. އަދި އެމީހުން އަނިޔާދީ މަރަމުން ގެންދާ ރައްޔިތުންނަކީ އަދި އެ ޖަރީމާގައި އެމީހުނގެ އެހީތެރިންނަކީވެސް މުސްލިމުން ކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޫފިސޫފާ

14 April 2018

ދެން މީ ކިހާދެރަކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮކްތެރެޕީ

14 April 2018

އެމެރިކާޔާ އިޒްރޭލުން އެދަނީ ސޫރިޔާގެ ހޮސްޕިޓާތަކަ ހަމަލާދީ ސީރިޔާގެބޮލަ ޖަހަމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިޔާސީ

14 April 2018

އެމެރިކާ ތިޔަކަމުންވެސް އެންމެފަހުން ބަލިވެ ފައިސާ ހޯދަން އާދޭސްކުރީނީ ސައުދީއަށް، ހަޤީގަތުގަވެސް އަރަބި ދުނިޔޭގެ މުސްލިމުން ބިކަވަނީ ސައުދީގެ މަދަދާއެކު. ހިތާމަހުރި