މޯލްޑިވިއަން އައިޑޮލް ސީޒަން ތިނެކުން ރޭ ކެޓި ރައިހާން. ފޮޓޯ: ޕީއެސްއެމް
15 އެޕްރީލް 2018 - 10:37
23 comments
މޯލްޑިވިއަން އައިޑޮލްގެ ސްޓޭޖް ގަދަ 7 އާ ހަމައިން ދޫކޮށްލަން ޖެހުނަސް ރައިހާން އާދަމްގެ ހިތްވަރު ބައްޔެއް ނުވެ އެވެ. ރޭގެ އެލިމިނޭޝަންގައި ވަކިވި ރައިހާން ބުނަނީ މި ދަތުރަކީ މުޅިން ތަފާތު އަދި ވަރަށް ގިނަ ކަންކަންކަން ދަސްވި ހަނދާން ފޮހެނުލެވޭނެ ދަތުރެއް ކަމަށެވެ.
ދ. މީދު އަށް އުފަން ރައިހާން، 21، މުބާރާތުން ވަކިވުމަށް ފަހު، ޓީވީއެމްގެ "ހެނދުނު ހެނދުނާ" ޕްރޮގްރާމްގައި މިއަދު ބުނީ އޭނާގެ މިއުޒިކީ ހަޔާތް އަދި ކުރިއަށް އޮތީ ކަމަށެވެ. ރައިހާން ބުނި ގޮތުގައި މިއުޒިކް ދާއިރާގައި ހާސިލު ކުރަން ވޭނުންވާ އެންމެ ބޮޑު އެއް ކަމަކީ އަމިއްލަ ރާގުގެ އަލްބަމެއް އުފެއްދުމެވެ.
"އިންޝާ ﷲ އިރާދަކުރެއްވިއްޔާ އަހަރެންގެ އަމިއްލަ ރާގުގެ އަލްބަމެއް ގެނެސް ދޭނަން،" އަމިއްލަ ރާގުތަކަށް ވަރަށް ބޮޑަށް ލޯބިކުރާކަން ފާހަގަކޮށް ރައިހާން ބުންޏެވެ. "އެކަމަކު އޭގެ ކުރިން ކުރާނެ ކަމަކީ ގިޓާ ކުޅެން ދަސްކުރުން. އަދި ކިޔަވަން ވެސް ބޭނުން."
އޭނާ ބުނި ގޮތުގައި އައިޑޮލްގައި ބައިވެރިވެގެން ވަރަށް ގިނަ އެއްޗެހި މިހާތަނަށް ދަސްވެއްޖެ އެވެ. އެހެންވެ އައިޑޮލްގެ މުޅި ޓީމަށް ޝުކުރު އަދާކުރާ ކަމަށް ބުންޏެވެ.
"ނޭނގޭ ވަރަށް ގިނަ އެއްޗެހި ދަސްވުމުގެ އިތުރަށް، އައިޑޮލްގެ ސަބަބުން ވަރަށް ބޮޑު ފެމިލީއެއް އަސްލު ލިބުނީ. ވަރަށް މިސްވާނެ އެންމެންގެ މަތިން،" އައިޑޮލްގައި ރީތި ހުށަހެޅުންތަކެއް ގެނެސް ދިން ލަވަ ކިޔުންތެރިޔާ ބުންޏެވެ.
ރައިހާންގެ ދަތުރު ރޭ ކުރުކޮށްލަން ޖެހުމާ އެކު، މޯލްޑިވިއަން އައިޑޮލް ސީޒަންގައި ވާދަ ކުރާ ބައިވެރިންގެ އަދަދު މިހާރު ވަނީ 6 އަށް ތިރިވެފަ އެވެ. އޭގެ ތެރޭގައި މިހާރު ހިމެނެނީ އަންހެން ތިން ބައިވެރިންނާއި ފިރިހެން ތިން ބައިވެރިންނެވެ.
ރައިހާން ހުކުރު ދުވަހުގެ ރޭ ހުށަހަޅައި ދިން ލަވަ.
މޯލްޑިވިއަން އައިޑޮލް 3ގެ ގަދަ 6:
* ސައިނާ މުހައްމަދު ރަޝީދު
* ހަސަން ޝަހްދާން
* ތަލްސީމް އަބްދުލް ކަރީމް
* މަރިޔަމް މައީޝާ
* ނައުޝާދު އަބްދުއްލަތީފް
* އައިޝަތު އަޒަލް ޒާހިރު
ރައިހާންގެ އައިޑޮލްގެ ރަށު ދަތުރުގެ ތެރެއިން.
އައިޑޮލް ތިނެއްގެ މި ހަފުތާގެ ހުކުރު ދުވަހުގެ ރޭގެ ޝޯގައި ބައިވެރިން އާންމުންގެ ވޯޓަށް ދިޔައީ ރެގޭ ސްޓައިލްގެ ލަވަތައް ހުށަހަޅައި ދިނުމަށް ފަހު އެވެ. އެގޮތުން ރޭގެ އެލިމިނޭޝަން ޝޯގެ ނަތީޖާ އިއުލާން ކުރީ އާންމުންގެ 50 ޕަސެންޓް ވޯޓާއި ހަތަރު ޖަޖުންގެ 50 ޕަސަންޓް މާކްހާ އެކުގަ އެވެ. ރޭގެ ޝޯ ހާއްސަ ކުރީ "އިލެކްޓްރޯނިކް ޑާންސް މިއުޒިކް" އަށެވެ. އެހެންވެ ރެއަކީ "އީޑީއެމް ނައިޓް" އެވެ.
ރޭގެ ޝޯގައި ބައިވެރިންގެ ޑުއެޓް އަދި ޓްރިއޯ ހުށަހެޅުންތަކެއް ގެނެސް ދިނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަން ނުކިޔާ
15 April 2018
ހޫ އިޒް ތަލްސީމް؟؟؟
ޭEynaަ
15 April 2018
ހދަ ރީތި ކުއްޖެކޭ ރއީ...
ރާއްޖެ ތެރޭ މީހާ
15 April 2018
ދޮންކަލޯ އިމިއްލަޔަށް ގޭގަ އޮވެގެން ލަވަކިޔާބެލަ އެހެން މީހުންނަށް އުނދަގޫ ނުކޮށް
ނާޝް
15 April 2018
ސައިނާ އަށް ތިދީފަ ތިކަން ނިންމަން މަށަށް ފެންނަނީ.
ޭއެކެޑަމީ
15 April 2018
މިހާ ހިސާބަށް އައި އިރުވެސް ރަނގަޅަށް ނަން ނުޖެހޭ!؟؟ ތަލްސީމް؟؟
ޢަލީބަލީ
15 April 2018
ރެގޭ ނައިޓްގަ ބޮޑުބެރު ލަވަ ކިޔިމީހުން ޓޮޕް 6 އަށް. ރެގޭ ލަވަކިއީމަ މިސޮރު ކެޓީ. ބޯހަލާކު.
ރެގޭ
15 April 2018
ތިޔައީ މިފަހަރުގެ އެއްވަނަ. އަޑު، ކިޔާ ގޮތް އަދި ސްޓައިލް. ހިތްތަކުގައި އޮތީ ރައިހާންގެ ނަން. ކުރީ ފަހަރު ޝަލަބީ.
އުމީ
15 April 2018
ތަލްސީމެއް އުޅޭބާ؟! އެސޮރަށް ކިޔަނީ ތަސްލީމް. ?
ޖަހާމު ޝަރީފް
15 April 2018
ޝައިނާ ކޮންމެ ރެއަކު ކަޑަކޮށް ކިޔާފައި، ބުނާނެ އަޑު ސަކަރާތީއޭ. އަނެއްކާ ރެގޭ ތީމްގައިވެސް ކީ ހިންދީ ރާގަކަށް ހަދާފައި އޮތް ލަވައެއް. އަނެއްކާ ޖަޖުންނަށް ހާއްސަކޮށް އުނޫޝާ އަށް އެބައިނގޭ އަޑު ހަލާކުވެފައި ހުރިކަން މާކުރިންސުރެއް. ދެން ބުނާނެ، އަޑު ސަކަރާތް ކޮށް ހުރެ ކީމާވެސް "އޮބިނަސް ޓު ދަ މެކްސް" އޭ...! މުޅި ޖަޖުންގެ ޕެނަލްގައި މިފަހަރު އެންމެ ރަނގަޅަށް ކޮމެންޓްކުރަނީ ޒާރާ އާއި އައްފާން. އެދެމީހުން ފިޔަވައި ދެންތިބީ، ވަކި މީހަކަށް ޓައިޓަލް ދީގެން އައިސް ތިބި ދެ މީހުން. އަންމަޑޭވެސް ހިމެނޭގޮތުން. އިންސާފެއް ނެތް. އަނެއްކާ، އެބަޖެހޭ ޖަޖުންގެ ނަތީޖާވެސް ހާމަކުރަން. އަދި އެސްއެމްއެސް ވެސް ޕަބްލިކަށް ހާމަކުރަން. އެމެރިކަން އައިޑޮލްގައިވެސް ތަންކޮޅެއް ކުރިން އެގޮތަށް ކަންކުރި.
ސާއިމާ އިދްރީސް
15 April 2018
ރީތިކޮށް ލަވަކިޔާ އެންމެން ކަޓުވާލާނެ އެއިރުންދޯ ސައިނާ 1 ވަނަ އަށް ގެންނަން ފަސޭހަވާނީ މީ އުނޫޝާ ކުޅޭގޭމެއް
ސަމްވަން11
15 April 2018
ސައިނާ އޭ އެންމެ ރީތިކޮށް ކިޔަނީ ބަޔަކަށް ހަޖަމް ނުވިޔަސް..ރޯގާ ޖެހިފަ ހުއްޓަސް ހަމަ އެވަރެއް ނެތް!!އަދި މި ޕްލެޓްފޯމް އަކަށް ނާރާ ސައިނާ ވަރު ޓެލެންޓެޑް ކުއްޖެއް..ހެޓާސް ގޮނަ ހޭޓް ބަޓް ނޯ އޮފެންސް މިހާރު ތިބި ކުދިންގެ ތެރެއިން ހަމަ އެންމެ ރީތިި ކޮށް ލަވަ ކިޔަނީ ސައިނާ!
ސަމްވަން22
16 April 2018
ސައިނާ ކިޔަންވެސް ޖެހޭނެއޭ އެންމެނަށްވުރެ ރީތިކޮށް. އެންމެ ތުއްތު އިރުން ފެށިގެން ޓްރެއިނިންގ ދޭއިރު.. މިހާރުވެސް އެއީ މަޝްހޫރު ލަވަކިޔުންތެރިއެއް. ސައިނާ ކަހަލަ ކުދިންނަށް މިކަހަލަ ޝޯއެއްގަ ބައިވެރިވާން ފުރުސަތުދެންޏާ ޓެލެންޓްހުރި ފަށައިގަންނަ ކުދިންނަކަށް ޗާންސެއް ނުލިބޭނެ