ރިލްވާންގެ މައްސަލައިގެ މިއަދުގެ އަޑުއެހުން ވެސް ކެންސަލްކޮށްފި

ރިލްވާން: އޭނާ ގަދަކަމުން ފޮރުވި ކަމަށް ބުނެ ދައުލަތުން ދައުވާ ކުރަނީ ދެ މީހަކަށް

މުއިއްޒު އިބްރާހިމް، މިހާރު

15 އެޕްރީލް 2018 - 11:52

ނޫސްވެރިޔާ އަހުމަދު ރިލްވާން ގެއްލުނު ކަމަށް ބުނާ މައްސަލާގައި ދައުލަތުން ދައުވާކުރާ ދެ މީހުންގެ ޝަރީއަތުގެ މިއަދުގެ އަޑުއެހުން ވެސް ކެންސަަލް ކޮށްފި އެވެ.

އޮގަސްޓް، 2014 ގައި ރިލްވާން ގަދަކަމުން ފޮރުވި ކަމަށް ބުނެ ޓެރަރިޒަމްގެ ދައުވާ ދައުލަތުން ކުރަނީ ހ. ހިލްޓަން އާލިފް ރައޫފާއި ގދ. ވާދޫ ކަރަންކާގޭ މުހައްމަދު ނޫރައްދީންގެ މައްޗަށެވެ. އެ މައްސަލައިގެ މިއަދުގެ އަޑުއެހުމަކީ ދައުލަތުން ހުށަހެޅި ހެކިންގެ ހެކިބަސް ނެގުމަށް ތާވަލް ކުރި އަޑުއެހުމެކެވެ.

އެނގިފައިވާ ގޮތުގައި އެ އަޑުއެހުން ކެންސަލްކުރީ ހެކިން ހާޒިރު ނުކުރެވިގެންނެވެ. މީގެ ކުރިން ވެސް ހެކިން ހާޒިރު ނުކުރެވިގެން ބައެއް އަޑުއެހުންތައް ކެންސަލް ކުރަން ޖެހުނެވެ.

އާލިފާއި ނޫރައްދީންގެ އިތުރުން ސ. ހުޅުދޫ އަތިރިއާގޭ މުހައްމަދު ސުއައިދުގެ މައްޗަށް ވެސް އެ މައްސަލާގައި ދައުލަތުން ދައުވާ ކުރި އެވެ. އެކަމަކު ސުއައިދު ރާއްޖޭގައި ނެެތުމުން އޭނާގެ ބައި ވަނީ އަނބުރާ ފޮނުވާލައިފަ އެވެ. ސުއައިދު ރާއްޖެ އިން ބޭރުގައި ހުއްޓާ މަރުވެފައިވާ ކަމަށް އޭނާގެ އާއިލާ އިން އެންގިޔަސް ދައުލަތުން ބުނެފައިވާ ގޮތުގައި އޭނާ މަރުވިކަން ކަށަވަރެއް ނުވެ އެވެ.

ކުށްކުރުން ކްރިމިނަލް ކޯޓް ކިޑްނެޕްކުރުން އަހުމަދު ރިލުވާން

5 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަކީމްމޮހޮނު

15 April 2018

ކްރިމިނަލް ކޯޓުން ރިލްވާނުގެ މައްސަލަ ކުރިއަށް ގެންދާނެ ކަން ނުވަތަ ނޫންކަން އެންގުން މުހިއްމު.. ޝަރީއަތަކީ ގޭމަކަށް ހަދައިގެން ރައްޔިތުން ގުބޯހައްދަން އުޅުން ދޫކޮށްލަން ވެއްޖެ.