މެލޭޝިއާ ބޭންކުގެ ވައްކަމާ ގުޅިގެން ސިންގަޕޫރުން 180 މިލިއަން ޑޮލަރު ހިފަހައްޓައިފި

މެލޭޝިއާގެ އިންވެސްޓްމެންޓް ބޭންކުގެ ކޮރަޕްޝަނުގެ މައްސަލަތައް އެކި ގައުމުތަކުން ދަނީ ތަހުގީގު ކުރަމުން. --ފޮޓޯ:މެލޭޝިއަން އިންސައިޑާ

ހަސަން އާމިރު، މިހާރު

21 ޖުލައި 2016 - 15:29

4 comments

ސިންގަޕޫރު (ޖުލައި 21) - މެލޭޝިއާގެ އިންވެސްޓްމެންޓް ބޭންކް 1އެމްޑީބީގެ ބޮޑު ޚިޔާނާތާ ގުޅިގެން ސިންގަޕޫރުން ފަށާފައިވާ ތަހުގީގުގައި މިހާތަނަށް 180 މިލިއަން ޑޮލަރު ހިފަހައްޓާފައިވާ ކަމަށް އެ ގައުމުން މިއަދު ބުނެފި އެވެ.

ސިންގަޕޫރުގެ މަރުކަޒީ ބޭންކާއި ޕޮލިސް އަދި އެޓާނީ ޖެނެރަލްގެ އޮފީހުން ނެރެފައިވާ ގުޅިފައިވާ ބަޔާނެއްގައި ބުނީ ހިފެހެއްޓި ފައިސާ އާއި މުދަލުގެ ތެރޭން ދެބައިކުޅަ އެއްބަޔަކީ މެލޭޝިއާގެ ބޮޑު ވަޒީރު ނަޖީބު ރައްޒާގުގެ ގާތް ރަހުމަތްތެރިޔާ އަދި އެ ގައުމުގެ ވިޔަފާރިވެރިޔާ ލޯ ޓައެކް ޖޯ އަށް ނިސްބަތްވާ ފައިސާ ކަމަށެވެ.

މެލޭޝިއާ ބޭންކުގެ ވައްކަމާ ގުޅިގެން ސިންގަޕޫރުން ހިފެހެއްޓި ފައިސާގެ އަދަދު ހާމަކުރި އިރު އެމެރިކާގެ ޖަސްޓިސް ޑިޕާޓްމަންޓުން ވެސް ވަނީ އެ ބޭންކުގެ ބޮޑު ވައްކަމާ ގުޅިގެން އެމެރިކާގައި ހިންގާފައިވާ މުއާމަލާތާ ގުޅޭ އެއް ބިލިއަން ޑޮލަރުގެ މުދާ ހިފެހެއްޓުމަށް އަމުރު ނެރެފަ އެވެ. އެފްބީއައި އާއި ޖަސްޓިސް ޑިޕާޓްމަންޓުގެ ތަހުގީގުގައި ވެސް ބުނެފައި ވަނީ 1އެމްޑީބީގެ ބޮޑު ޚިޔާނާތުގައި އެމެރިކާގައި މަނީ ލޯންޑްރިން ހިންގާފައި ވަނީ ލޯ ކަމަށެވެ. ބޭންކުގެ ބޮޑު ވައްކަމުން އެންމެ ބޮޑު ފައިދާއެއް ނަގާފައި ވަނީ ނަޖީބުގެ ދޮންދަރިއެއް ކަމަށްވާ ރިޒާ އަޒީޒެވެ.

ސިންގަޕޫރުން ބުނެފައި ވަނީ ކޮރަޕްޝަނާއި ވައްކަމަށް މަގު ފަހި ކުރުމަށް އެ ގައުމުގެ މާލީ ނިޒާމު ބޭނުން ނުކުރެވޭނެ ކަމަށެވެ.

ސިންގަޕޫރު މެލޭޝިއާ ކޮރަޕްޝަން މަނީ ލޯންޑްރިން

4 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހެހެހެހެ

21 July 2016

1އެމްޑީބީ އަކީ އިންވެސްޓުމެންޓު ބެންކެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާނެގޮތް

21 July 2016

އިދިކޮޅު އިއްތިހާދު ހަދައިގެން އުޅޭ ޓީމް ލީޑަރު މިރާއްޖޭގައި ވެރިކަން ފަސް އަހަރު ވަންދެން ކުރިނަމަ މިގައުމުގެ ހާލަތަކީ ވެސް މީކަމަށް އަޅުގަނޑުމެން ދެކެނީ. ނަސީބު އެވެރިން އަތުން ތިން އަހަރު ތެރޭގައި އެކަން ވިދްޑްރޯ ވި ކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓީ

22 July 2016

މިސަރުކާރުގެ ވެރިންގެ ކޮރަޕްޝަން އަވަހަށް ބަލަންވީ. މިވެރިކަން އިތުރު ދައުރަކަށް މިމީހުން ކޮށްފިއްޔާ ރާއްޖެ އެންމެ ފަގީރު ގައުމުތަކުގެ ލިސްޓަށް ވައްޓާލާނެ ކަން ޔަގީން. ރާއްޖޭގެ ތާރިހުގައިވެސް ހިގި އެންމެ ބޮޑު ވައްކަމުގައި ފަހަތުގައި މުޅި ސަރުކާރު ޖަވާބުދާރީ ވާންޖެހޭ ދުވަހެއް އަންނާނެ. މިވެރިންގެ ކިބައިން އަވަހަށް ދިވެހި މުޖުތަމައު ސާލާމަތްވެ މިންޖުވޭތޯ ހުރިހާ ރައްޔިތުންވެސް މަސައްކަތް ކުރަންވީ