ދުނިޔެ / ޔަމަން

ސައުދީގެ ވައިގެ ހަމަލާތަކުގައި ހޫތީންގެ ލީޑަރަކު މަރާލައިފި

ހުތީންގެ ސިޔާސީ ގޮފީގެ ލީޑަރު ސާލިހު އަލް ސަމަދު. --ފޮޓޯ:ރޮއިޓާސް

ހަސަން އާމިރު، މިހާރު

24 އެޕްރީލް 2018 - 10:49

4 comments

ރިޔާޒް (އެޕްރީލް 24) - ސައުދީ ކޯލިޝަނުން ދިން ވައިގެ ހަމަލާތަކުގައި ހޫތީންގެ ސިޔާސީ ގޮފީގެ ލީޑަރު މަރާލައިފި އެވެ.

ހޫތީން ހިންގާ އަލް މަސީރާ ޓީވީ ނެޓްވޯކުން ބުނީ ހޫތީންގެ ސުޕްރީމް ޕޮލިޓަލް ކައުންސިލްގެ ރައީސް ސާލިހު އަލް ސަމަދު މަރާލާފައި ވަނީ ބުރާސްފަތި ދުވަހު ހުދައިދާ ޕްރޮވިންސަށް ދިން ހަމަލާތަކުގައި ކަމަށެވެ. އަދި ސަމަދުގެ ބަދަލުގައި އެ މަގާމަށް މަހްދީ އަލް މަޝާތު ކިޔާ މީހަކު އައްޔަންކޮށްފައިވާ ކަމަށް ވެސް ހޫތިން ބުނެފައިވެ އެވެ.

ހޫތީންގެ ލީޑަރު އަބްދުލް މާލިކް އަލް ހޫތީ ޓީވީ މެދުވެރިކޮށް ދިން ބަޔާނެއްގައި ބުނީ ސައުދީ ކޯލިޝަނުން ބުރާސްފަތި ދުވަހު ދިން ވައިގެ ހަމަލާތަކުގައި ހަތް މީހުން މަރުވެފައިވާ ކަމަށެވެ.

"ސައުދީ އާއި އެމެރިކާ އިން މި ހިންގާ ޖަރީމާގެ އަގު އެ މީހުން އަދާކުރަން ޖެހޭނެ،" މާލިކް އަލް ހޫތީ ބުނެފައިވެ އެވެ.

ޔަމަނުގެ ބޮޑު ބައެއްގައި ވެރިކަން ކުރަނީ ހޫތީންނެވެ. ވެރިރަށް ސަންއާ އެ މީހުން ހިފީ 2014 ވަނަ އަހަރު އެވެ. ސައުދީ ކޯލިޝަނުން ޔަމަނަށް ވައިގެ ހަމަލާތައް ދޭން ފަށާފައި ވަނީ މާޗް 2015 ގަ އެވެ. އޭގެ ފަހުން މިހާތަނަށް ވަނީ 16،000 އަށް ވުރެ ގިނަ ވައިގެ ހަމަލާ ސައުދީ ކޯލިޝަނުން ޔަމަނަށް ދީފަ އެވެ. އެންމެ ފަހުން މިދިޔަ އާދިއްތަ ދުވަހު ދިން ހަމަލާގައި ވެސް ވަނީ 20 މީހުން މަރުވެފަ އެވެ. މީގެ ތެރޭން ގިނައީ ކައިވެނި ހަފުލާއަކަށް ގޮސް ތިބި މީހުންނެވެ.

ސައޫދީ އަރަބިއްޔާ ޔަމަން

4 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަޅިބައިސާ

24 April 2018

މިއުންމަތުގާ އުފެދުނު އެންމެ ހެއު ޖަމާޢަތަކީ އަހްލުސުންނާ ވަލްޖަމާޢަތް. އެކަމަކު ކުރީގެ އަހުލުސުންނާ ވަލްޖަމާޢަތް މިއަދު އިސްލާމީ ދުނިޔެއަކުން ނުފެނޭ. މިހާރު ސުންނީންނޭ ކިޔައިގެން މިއުޅޭ މީހުނަށްވުރެ ޝީޢީންވެސް މާރަނގަޅު. މާއެކުވެރި. އުންމަތް ނެގެހެއްޓުމުގާ އެކްޓިވްކޮށް އުޅެނީވެސް އެމީހުން. މިއީ ވިސްނަންވެއްޖެ ކަމެއް.