ލަނޑު ޖެހުމަށް ފަހު ދަގަނޑޭ އުފާފާޅުކުރަނީ.-- ފޮޓޯ: ހުސެއިން ވަހީދު/ މިހާރު
25 އެޕްރީލް 2018 - 20:56
14 comments
އޭއެފްސީ ކަޕްގައި މިއަދު ހަވީރު އިންޑިއާގެ ގަދަބާރު ބެންގަލޫރު އެފްސީ އަތުން 2-0 އިން ނިއު ރޭޑިއަންޓް މޮޅުވީ މުޅި ޓީމު ދެއްކި ހިތްވަރުން ކަމަށް ނިއުގެ ކެޕްޓަން އަލީ އަޝްފާގު (ދަގަނޑޭ) ބުނެފި އެވެ.
މިއީ ރާއްޖޭގެ ކްލަބަކުން ބެންގަލޫރުގެ މައްޗަށް ކުރިހޯދި ފުރަތަމަ ފަހަރެވެ. މީގެ ކުރިން ރާއްޖޭގެ ޓީމުތަކާ ދެކޮޅަށް ބެންގަލޫރުން ދިޔައީ 100 ޕަސެންޓް ރެކޯޑެއް ދަމަހައްޓަމުންނެވެ. ބެންގަލޫރު އަތުން މާޒިޔާ ހަތަރު ފަހަރު ބަލިވެފައިވާއިރު ޓީސީ ދެ ފަހަރު އަދި ނިއު ވަނީ އެއް ފަހަރު ބަލިވެފަ އެވެ.
މި މެޗުގައި ނިއު މޮޅުކޮށްދިނުމުގައި އެންމެ މުހިއްމު ދައުރެއް އަދާކުރީ މެޗުގެ މޮޅު ކުޅުންތެރިޔާގެ މަގާމު ހޯދި ދަގަނޑޭ އެވެ. ނިއުގެ ފުރަތަމަ ލަނޑު ޖަހަން އަލީ ފާސިރު (ސެންޓޭ) އަށް ފުރުސަތު ތަނަވަސްކޮށްދިނީ ދަގަނޑޭ އެވެ. އޭގެ ފަހުން ދެ ވަނަ ލަނޑު ޖެހީ ވެސް އޭނާ އެވެ.
މެޗަަށް ފަހު ދަގަނޑޭ ބުނީ މުޅި ޓީމު ކުރި މަސައްކަތް ފާހަގަކުރަން ޖެހޭ ކަމަށެވެ.
"އިންޝާ ﷲ. މިއީ ހަމަ މުޅި ޓީމުގެ ހިތްވަރު. މިއީ މުޅި ޓީމުން އެކުގައި ހޯދި ކާމިޔާބެއް،" ދަގަނޑޭ ބުންޏެވެ.
ބެންގަލޫރު ވަނީ އިންޑިއަން ސުޕަ ލީގުގެ ލީގު ބުރު ނިމުނުއިރު، އެއް ވަނަ ހޯދައިފަ އެވެ. އަދި އެ ޓީމު ވަނީ މިދިޔަ ހުކުރު ދުވަހު އިންޑިއަން ސުޕަ ލީގު ވެސް ކާމިޔާބު ކޮށްފަ އެވެ.
"މަސައްކަތް ކޮށްފިއްޔާ ކިތަންމެ ގަދަ ޓީމެއް ވެސް ބަލިކުރެވޭނެ،" ދަގަނޑޭ ބުންޏެވެ.
މެޗުގެ ކުރިން ނިއުގެ ކޯޗު އޮސްކާ ބްރުޒޮން ވަނީ މި މެޗަކީ ދެކުނު އޭޝިއާގެ އެންމެ ހުނަރުވެރި ދެ ކުޅުންތެރިން ކަމަށްވާ ބެންގަލޫރުގެ ކެޕްޓަން ސުނިލް ޗެތުރީ އާއި ދަގަނޑޭގެ ކުރިމަތިލުމެއްގެ ގޮތުގައި ސިފަކޮށްފަ އެވެ. މި މޮޅާ އެކު ދަގަނޑޭ ވަނީ ކްލަބް ލެވެލްގައި ޗެތުރީގެ މައްޗަށް ފުރަތަމަ ފަހަރަށް ކުރި ހޯދައިފަ އެވެ.
މި ފަހަރުގެ އޭއެފްސީ ކަޕްގައި ދަގަނޑޭ ވަނީ މާލޭގައި ކުޅުނު ދެ މެޗުގައި އިންޑިއާގެ އައިޒޯލް އާއި ބެންގަލޫރު ކޮޅަށް ހަތަރު ގޯލު ޖަހައިފަ އެވެ. ނިއު އަށް އޭއެފްސީ ކަޕްގައި ދެން އޮތީ މާލޭގައި ބަންގްލަދޭޝްގެ ޗެމްޕިއަން ޑާކާ އަބަހާނީއާ ދެކޮޅަށް ކުޅޭ މެޗެވެ.
މި މޮޅާ އެކު ނިއު އެއް ވަނަ އަށް އެރީ ހަތަރު މެޗުން ނުވަ ޕޮއިންޓް ހަމަކޮށްގެންނެވެ. ދެ ވަނައިގައި އޮތް ބެންގަލޫރަށް ވެސް ހަތަރު މެޗުން ނުވަ ޕޮއިންޓް ލިބިފައިވާއިރު، ނިއު އަށް ކުރިލިބެނީ ހެޑް ޓު ހެޑް ގަވައިދުންނެވެ. މި ގްރޫޕުން އަނެއް ބުރަށްދަނީ އެއް ވަނަ އަށްދާ ޓީމު ކަމަށްވާއިރު، ބެންގަލޫރު އަތުން ހޯދި މޮޅާ އެކު އޭއެފްސީ ކަޕްގެ ތާރީހުގައި ތިން ވަނަ ފަހަރަށް ގްރޫޕް ސްޓޭޖު ފަހަނައަޅައި ދިއުމުގެ ފުރުސަތު ނިއު އަށް ވަނީ ބޮޑުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފުންއަސަރު
26 April 2018
ހަގީގަތުގާވެސް އިއްޔެގެ މެޗަކީ ނިއުގެ ހަމަ ހުރިހާކުޅުންތެރީންގެ ފަރާތުންވެސް ރީތިމޮޅު ކުޅުމެއް ފެނުނު ދުވަހެއް. އެކަމަކުވެސް ބޮޑާނުވާތި. އިރާދަކުރެއްވިއްޔާ ތީ ސަޅިފެށުމެއް. ކޮންމެ މެޗެއްގާ އެއްވަރަކަށް ނުކުޅެވުނަކަސް، ކޮންމެ މެޗެއްގާވެސް ހިތްވަރާއެކު މޮޅުވާން މަސައްކަތް ކުރެވޭނެއްނު.
އޮސްކާ
26 April 2018
މިމޮޅު ހަދިޔާކޮށްލާނީ ތުލުސްދޫ ހުރިހާ ރައްޔިތުންނަށާ ތުލުސްދޫ ދަނޑަށް، އަދި ރޮޒައިނާއަށް
މޫސަ
25 April 2018
ރިލޭ ކައިރި ޗެތުރީއަކަށް އެއްވެސް ވަރަކަށް ކުޅެވޭގޮތެއް ނުވި ރިލޭގެ ޗެތުރީ ނަގައިގެން އަފްއެންޑް ޑައުންގަ ކުޅެލި ގޮތް ހަމަ ވ ވަރަށް މޮޅުއިގޭ .އަމީރީ ތަފާތު ދެއްކި ދުވަހެއް.
ނަގިއްޔާ
25 April 2018
ނިއުގެ ކުޅުންތެރިންގެ ތެރެއިން އެންމެބޮޑު ޖޯޝަކާ ތަންފުކެއްވެސް ދޫނުކުރާ ކަހަލާ ގޮތަކަށް ކުޅުނީ އަމީރީ. ދެތިން ހަތަރު ފަހަރު ސަޕޯޓަރުން ބާރަށް ސަޕޯޓްކުރާށޭ ކިޔާފަ ދެއަތުން އިޝާރާތް ކުރިތަން ފެނުނު. މިކަހަލަ މެޗުތަކުގަ އޭނަގެ ފަރާތުން ފެނުނީ އަސްލު ދިވެހި ހުރިހާ ކުޅުންތެރިންގެ ފަރާތުންވެސް ފެންނަން ޖެހޭކަންތަށް. މެޗުތަކުން މޮޅުވަނީ މިކަހަލަ ކުޑަކުޑަ އެހެނަސް މުޅިޓީމަށް އޭގެ ރަގަޅު އަސަރު ކުރާނޭ ކަންތަކުން. ޝުކުރިއްޔާ އަމީރީ
ހަމައިގަތިބެބަލަ
25 April 2018
ދިވެހިންނަކީ ލޭހޫނު ބޢެކޭ ބުނެއުޅޭ.... ފުޓުބޯޅައަކީ ދިވެހިންގެ ލޭ ހެސްކިޔަފަ ކައްކުވާލާ އެއްޗެއް މީގެ ކުރިން.... މިހާރުގެ ކުދިން ފެންނަނީ މާ ނެގިމަޑުވެފަ ތިބޭތަން
ވަގުތީ
25 April 2018
ރިލޭ ޗެތުރީ ކުޅުނަނުދީ ހިފެހެއްޓި ހިފެހެއްޓުންވެސް ފާހަގަ ކުރަން ދަގޭ ބުނިހެން މީ މުޅިޓީމް ކުރި ހިތްވަރުގެ ނަތީޖާ މަރުހަބާ ނިއުރޭޑިއަންޓް
ކުދުރޭއޯ
25 April 2018
ސެންޓޭ ހެދި އެއްޗަކުން މިއަދު މަ އަންތަރީސްވެއްޖެ. ބެންގަލޯ ޓީމަށް ހަމްދަރުދީ ވީވަރުނުން ލިބުނު ރަނުގެ ފުރުސަތު ތަކުގަ އެމީހުން ދެރަވެދާނެތީ ބޯޅަ ޖެހީ ގޯލުކައިރިން ބޭރަށް ނުން. އަދި އަހަރުމެންގެ ހިތާ ކުޅެލަން އެކަތި ޖެހިއެއްނުން ގޯލު ދަނޑީގަވެސް. މަޖާމީހެއް އިނގޭ
އުސްތާޒް
25 April 2018
ސައުތު އޭސިޔާގެ ޗެންފިއަނުން ނަކީ ނިއުކަށް މީގެން ހާމަމިވީ..ބެންގަލޫރަށް ގަދަކަށް ދެއްކޭނި އިންޑިޔާ ޓީމްތައް ކައިރީ އެއްވެސް ފޮރިން 6 ފުލެޔަރުން ލައިގެން. މީ ހަގީގަތަކީ..
އާރީ
25 April 2018
ގައުމީޓީމް ކުޅޭއިރު ދަނޑަށް ނުވަންނަ ވަރަށް ސަފޯޓަރުން ނިއު ކުޅޭއިރު އެބަވަދޭ މީ އެފްއޭއެމް ލަދުވާންވީ ކަމެއް. ނިއުގެ ސަފޯޓަރުން ކުރާ ބުރަމަސައްކަތުން ދަނޑަށް މީހުންވަނި ފިނިކުރި ކޮޓަރީގަ ތިބެން ނެއް ނޫން. ދަގޭމެންގެ މަގޫބޫލުކަށް މީގެން ވަރަށް ބޮޑަށް ދައްކުވައިދޭ.
ޖަމަލޭ
25 April 2018
މަހީކުރީ ދަގޭ މިއަދުގެ ގޯލް ހަދިޔާ ކުރާނީ ނިއު ބަލިވާނެޔޭ ބުނި ކޮމެންޓް ކުރި ކުދިންނަށް ކަމަށް
ޓޮޓީ
25 April 2018
ބެންގަލޫރު ޓީމް އެއްވެސް މޮޅެއް ނޫން ބޯޅައެއް ހިފާގެން އިދިކޮޅު ޓީމް ކުޅުންތެރިޔަކު ބީޓް ކޮށް ނުލެވުނި. ކޮބާތަ މަސްހޫރު ކުރި ޗެތުރީ އޭނަ ކުޅުނިތަ. ހެހެހޭ..