ގާސިމް: އޭނާގެ ވިލާގެ ފަސް ކުންފުންޏަކާ ދެކޮޅަށް މީރާއިން ކުރި ދައުވާ އިއްޔެ ވަނީ އަނބުރާ ގެންގޮސްފައި --ފޮޓޯ/މިހާރު
26 އެޕްރީލް 2018 - 10:48
24 comments
ގާސިމް އިބްރާހީމްގެ ވިލާ ކުންފުނިން ދެ ބިލިއަނަށް ވުރެ ގިނަ ރުފިޔާ ހޯދަން މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ކުރި ދައުވާތައް އިއްޔެ އަނބުރާ ގެންގޮސްފި އެވެ.
ވިލާގެ ފަސް ކުންފުންޏަކުން 166 މިލިއަނަށް ވުރެ ގިނަ ޑޮލަރު (2.5 ބިލިއަނަށް ވުރެ ގިނަ ރުފިޔާ) ހޯދަން މީރާ އިން ދައުވާކުރީ އެ ކުންފުނިތަކަށް ސަރުކާރުން ކުރިން ދޫކޮށްފައި ހުރި ރަށްތަކާއި ފަޅުތަކުގެ ކުއްޔާއި ޖޫރިމަނާގެ ފައިސާ ހޯދުމަށެވެ. އެ ރަށްތަކާއި ފަޅުތައް ސަރުކާރުން 2015 ގައި ވަނީ އަތުލައިފަ އެވެ.
އެ މައްސަލަތައް އަނބުރާ ގެންދަން ބޭނުންވާ ކަމަށް ބުނެ، މީރާއިން ކޯޓަށް އެންގުމުން ކޯޓުން އިއްޔެ ވަނީ އެ ދައުވާތައް ބާތިލްކޮށްފަ އެވެ. ދައުވާ އަނބުރާ ގެންދިއުމުގެ ކުރިން، މީރާއިން ވަނީ ފްރީޒް ކޮށްފައިވާ ވިލާގެ އެކައުންޓްތައް ވެސް ދޫކޮށްލައިފަ އެވެ.
އެ ދައުވާތައް މީރާއިން އަނބުރާ ގެންދިޔައީ އެ މައްސަލާގައި ހިމެނޭ ރަށްތައް ވިލާ ކުންފުނި އަތުން އަތުލީ ގާނޫނާ ޚިލާފަށް ކަމަށް ސުޕްރީމް ކޯޓުން މިމަހު ހުކުމް ކޮށްފައި ވަނިކޮށެވެ. ދައުވާ އަނބުރާ ގެންދިއުމުގެ ކުރިން މީރާއިން ވަނީ ފްރީޒް ކޮށްފައިވާ ވިލާގެ ބޭންކް އެކައުންޓްތައް ވެސް ދޫކޮށްލައިފަ އެވެ.
ރަށްތަކާއި ފަޅުތައް އަތުލީ ގާނޫނާ ޚިލާފަށް ކަމަށް ސިވިލް ކޯޓުން 2016 ގައި ހުކުމް ކޮށްފައި ވަނިކޮށް މިދިޔަ އަހަރު ހައި ކޯޓުން ވަނީ ސިވިލް ކޯޓުގެ ހުކުމް ބާތިލްކޮށް، ހައި ކޯޓުން މިދިޔަ އަހަރު ނިންމީ އެތަންތަން އަތުލީ ރަނގަޅަށް ކަމަށެވެ. އެ މައްސަލަ ވިލާއިން ސުޕްރީމް ކޯޓުގައި އިސްތިއުނާފް ކުރުމުން އެ ކޯޓުން މިމަހު ވަނީ ހައި ކޯޓުގެ ހުކުމް ބާތިލްކޮށް، ސިވިލް ކޯޓުގެ ހުކުމް ރަނގަޅު ކަމަށް ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔަޒީދު
26 April 2018
ސާބަހޭ ރީޝާ ތިއީ ވަކީލާއިނަކީ
ގެދާނޯމޮސް
26 April 2018
ގާސިމް މިސަރުކާރު ގެނެސްދިނުމަށް ކުރެއްވި މަސައްކަތުގެ އަގު މެދެވުނީ އެވެ. ދެންވެސް އަނގައިން ވިދާޅުވާ ބަސްމަގު ގާނޫނީ އިމުގައި ހިފެހެއްޓޭ ތޯ ބެއްލުން އެފެމެވެ.
އެކޯ
26 April 2018
މާނައަކީ ވިލާއިން ދައުލަތަށް ޖޫރިމަނާގެ ގޮތުގައި ދައްކަންއޮތް ފައިސާއެއް މިހާރުނެތޭ ،،،، ކުއްލިއަކަށް އެގެއްލުނީއޭތޯ ؟ ނޫނީ އެފައިސާ ގާސިމް ދެއްކީއޭތޯ ؟؟ ނޫނީ ގާސިމް ސިޔާސީ ޑީލްއެއް ޔާމިންއާއި ހެދީއޭތޯ ؟؟ ނޫނީ ޑީލްއެއް ހެދިކަން އެހެންމީހުންނަށް ދައްކަންކުރިކަމެކޭތޯ ؟؟ އޭގެސަބަބުން އިދިކޮޅު ކޯލިޝަން ކޯޅޭޝަންއަަކަށް ބަދަލުވާނީއޭތޯ ؟؟ މިހުރިހާ ސުވާލެއްގެ ޖަވާބު އެބަޖެހޭ ފުންކޮށް ވިސްނާލާ ހޯދަން ،،،، އޭރުން އަސްލާއި ހަމައަށް ރުޖޫއަ ވެވޭނީ ،،، ،
މުހައްމަދު ޑެންޓް
26 April 2018
ކަލޭގެ ތިހިރަ ގަމާރު ކަމެއް.
ދޮންމަނިކުބެ
26 April 2018
ފެންނަން މިފެށި މަންޒަރަކީ ޤާސިމު ގެ މުސްތަޤްބަލަށް ޤާސިމު ވިސްނަވައި އެޅުއްވި ލިންކެއްގެ ނަތީޖާ. 2018 ގައި ރައީސް ޔާމީނު ވެރިަކަމަށް ހޮވޭނީ ޤާސިމުގެ ފުރިހަމަ އެހީއާއެކު....މީދެންވަރަށް ވާހަކަ. ޝުކުރިއްޔާ
ސާދު
26 April 2018
ސާބަހޭ ގާސިމް ގާސިމް އަށް ވެރިކަން މި ފަހަރު ދިނުން އެއްމެ ރަގަޅީ ގާސިމް ވަރެއް ނެތް ތި އުފުލައިގެން އުޅޭ ދައުވާތަށް ވެސް އަނބުރާ ގެންދާނ ެނުހައްގުން މަނިކުފާނަށް ކޮށްފަވާ ހުކުމެއް
ފަހުބަސް
26 April 2018
ދެންކިހިނެތް އާޒިމާމެން ދައްކާވާހަކައަށް އިތުބާރުކުރާނީ ގާސިމަށް ގޮވާލަށް ލިބުނުގެއްލުމުގެ ބަދަލު ހޯދުމަށް އާޒިމާ ޝުކޫރުގެ މައްޗަށްށާއި ސަރުކާރަށް ދައުވާކުރަން
ހައްޤުބަސް
26 April 2018
މި އަކީ ޓެކްސް އާއި ބެހޭ ފައިސާއެއްނޫން. އެހެންވީ އިރު މީރާއިން ޖެހޭތޯ އިސްތިއުނާފް މަރުހަލާގައި ސްޕްރީމް ކޯޓުގައި ނުނިމި އޮތް މައްސަލައެއްގެ މައްޗަށް އަތްގަދަކޮށް އެކައުންޓްސްތައް ފްރީޒް ކުރަން. މީރާއިން މިކަމުގައި ޤާސިމަށް ލިބުނު އިޔާދަނުކުރެވޭވަރުގެ ބޮޑެތި ގެއްލުމުގެ ބަދަލު ދޭނަންތޯއެވެ.
ކަލާ123
26 April 2018
މީރާއަށް ކުންފުނިތަކުގެ ނުވަތަ އަމިއްލަ ވިޔަފާރިކުރާ މީސްމީހުންގެ އެކައުންޓުތައް ފުރީޒްކުރުމުގެ ބާރު ދީފައި އޮންނަން ވެއްޖެއްޔާ ނިކުންނާނެ ނަތީޖާ ވިލާ ކުންފުނީގެ މައްސަލައިން ތިއޮތީ ދިމާއަށް ފެންނަން! އެކައުންޓު ފުރީޒު ކުރުމަކީ ޝައުޢީ ހުކުމެއްގެ ދަށުން ނޫނީ ކުރެވިގެން ވާނެ ކަމެއް ނޫން!
އަމުރޭ
26 April 2018
ގާސިމް އަށާއި ވިލާ ކުންފުންޏަށް ލިބުނު ފަރުދީ، އިގްތިސާނީ އަދި ނަފްސާނީ ގެއްލުމުގަ ޒިންމާ ވާނީ ކާކު ؟ މުޅި ދައުލަތު ހުރިހާ މުއައްސަސާތައް ބޭނުންކޮށްގެން ސިޔާސީ މީހުން ސިޔާސީ ބޭނުމެއްގައި ގާސިމް އާއި އޭނަގެ ވިޔަފާރީގެ އިތުބާރާއި ހައިބަތު ނަގާލައި، ފަރުދީ ގޮތުން ކަތިލި އަބުރުގެ ބަދަލު ދޭނީ ކޮންތަނަކުން ؟
ވޭތަ
26 April 2018
ޚުދު ވިލާ އާއި ގާސިމްވެސް ތިކަމާ ނޫޅޭނެހެން ހީވަނީ. ދެން އެހެން ބަޔަކު ތިކަމާ ވިސްނުމުގެ ބޭނުމެއްނެތް. މިހާރު ވިޔަފާރީގެ އިތުބާރާ ހައިބަތަކީ ނަގާލެވޭ އެއްޗެއްނޫން އަދި އަބުރަކީވެސް ކަތިލެވޭ އެއްޗެއްނޫން. މިހެން ހިނގާ ހުރިހާ ކަމަކީ ބަޔަކު ކުޅޭ ކުޅިގަނޑެއް. އެއްވެސް އެއްޗަކީ އަގެއް އޮތް އެއްޗެއްނޫން.
އަބުރުވެރިޔާ
26 April 2018
ގާސިމުގެ އަބުރެއް އެބައޮތްތަ.. އޮތްނަމަހީ އެއް އެހެން ނުވީސް... ތީ ހަމަ ގާސިމު އަމިއްލަ އަށް ޖަހާ ސަކަރާތް.މީހުންގެ ބޮލުގަ އިލްތިޒާމު ނާޅުވާ ވޭތޯ ބަލާ.
އެކްސް
26 April 2018
ކޮބާތަ ދެއިރު ކާބޭހެއްހެން ޓީވީތަކަށް އަރާ ގާސިމް ދައްކަންޖެހޭ ލާރި ނުދައްކައިގެން ތަރައްގީއަށް ހުރަސް އެޅޭ ކިޔައިގެން ހަޅޭލަވާ އުޅުނުމީހުން؟ މިހާރު ޔަގީން މިގައުމުގެ ތަރައްގީ ހުއްޓޭނެކަން.