މިނިވަން ޗެމްޕިއަންޝިޕްގައި ނިލަންދޫ ކުޅުނު މެޗެއްގެ ތެރެއިން.-- ފޮޓޯ: ކަޒިންސް ފޮޓޯގްރަފީ
30 އެޕްރީލް 2018 - 18:58
12 comments
އެސްޓީއޯ މިނިވަން ޗެމްޕިއަންޝިޕްގެ ސެމީ ފައިނަލުން ފުރުސަތު ހޯދައި މި އަހަރު ދިވެހި ޕްރިމިއާ ލީގުގެ ޖާގައެއް ފ. ނިލަންދޫ އާއި ށ. ފޯކައިދޫ އިން މިއަދު ކަށަވަރުކޮށްފި އެވެ.
ދިވެހި ޕްރިމިއާ ލީގުގެ ޖާގަ ލިބޭނީ މިނިވަން ޗެމްޕިއަންޝިޕްގެ ސެމީ ފައިނަލަަށްދާ ހަތަރު ޓީމުގެ އިތުރުން މިހާރު ކުރިޔަށްދާ އެސްޓީއޯ މާލޭ ލީގުގެ ގަދަ ހަ ޓީމަކަށެވެ.
ކުރީގެ މަޝްހޫރު ކުޅުންތެރިޔާ ލިރުގާމް ސައީދު (ލަރޭ)ގެ ކޯޗުކަމުގައި ކުޅެމުން އަންނަ ނިލަންދޫ އިން ވަނީ ގްރޫޕް އެކެއްގައި މިއަދު ކުޅުނު މެޗުން 8-2 އިން ގދ. ހޯޑެއްދޫ ބަލިކޮށްފަ އެވެ. މި މޮޅާ އެކު ނިލަންދޫ ވަނީ ކުޅުނު ހަތަރު މެޗުން އަށް ޕޮއިންޓް ހަމަކޮށް ގްރޫޕްގެ އެއް ވަނަ އަށް ޖެހިލައިފަ އެވެ.
މި ގްރޫޕުން ސެމީގެ ޖާގަ ހޯދާ އަނެއް ޓީމެއް އެނގޭނީ މާދަމާ ސ. ހިތަދޫ އާއި ތ. ތިމަރަފުށި ކުޅޭ މެޗުންނެވެ. މެޗު އެއްވަރުކޮށްލައިގެން ތިމަރަފުއްޓަށް ސެމީ އަށް ދެވެން އޮތްއިރު، ހިތަދޫ އަށް ފުރުސަތު އޮތީ މޮޅުވެގެންނެވެ.
މި ގްރޫޕުގައި އޮތް އަނެއް ދެ ޓީމު ކަމަށްވާ މިދިޔަ އަހަރުގެ ޗެމްޕިއަން ދ. ކުޑަހުވަދޫ އާއި ހޯޑެއްދޫ ވަނީ މުބާރާތުން ކަޓައިފަ އެވެ. ހޯޑެއްދޫ ކެޓީ ޕޮއިންޓެއް ނުލިބި އެވެ.
ފޯކައިދޫ ވަނީ މިއަދު ކުޅުނު މެޗުން ހއ. މުރައިދޫ އަތުން 3-2 އިން މޮޅުވެފަ އެވެ. މި މޮޅާ އެކު ގްރޫޕް ދޭއްގެ އެއް ވަނައިގެ ގޮތުގައި ފޯކައިދޫ އަށް ވަނީ ސެމީގެ ފުރުސަތު ލިބިފަ އެވެ.
މި ގްރޫޕުން ސެމީގެ އަނެއް ޖާގަ އަށް ވާދަކުރަނީ މިދިޔަ އަހަރު ޕްރިމިއާ ލީގުގައި ކުޅުނު އއ. މާޅޮހާއި ބ.ފެހެންދޫ އެވެ. ދެ ވަނައިގައި އޮތް މާޅޮހަށް މެޗު ހަމަވިއިރު، ލިބުނީ ހަތް ޕޮއިންޓެވެ. ފެހެންދޫ ތިން ވަނައިގައި ހަ ޕޮއިންޓާ އެކު އޮތްއިރު، އެ ޓީމަށް ބާކީ އެއް މެޗު އެބައޮތެވެ. އެއީ އދ. ފެންފުއްޓާ އެކު އޮތް މެޗެވެ. އެ މެޗުން ފެހެންދޫ މޮޅުވެއްޖެނަމަ މާޅޮސް ކަޓާނެ އެވެ. އަދި ފެހެންދޫ އަށް ޖާގަ ލިބޭނެ އެވެ. މާޅޮހަށް ޖާގައެއް އޮތީ ފެހެންދޫ ބަލިވެގެން ނޫނީ މެޗު އެއްވަރުވެގެންނެވެ.
މިދިޔަ އަހަރު ދިވެހި ޕްރިމިއާ ލީގުގައި ވާދަކުރި ހަތަރު ޓީމުން ކުރެ އެއް ޓީމަކަށް ވެސް މި ފަހަރުގެ ލީގުން އަދި ފުރުސަތެއް ނުލިބެ އެވެ. މިދިޔަ އަހަރު ޕްރިމިއާ ލީގުގައި ރަނގަޅު ވާދައެއް ކުރި ގދ. ތިނަދޫ އާއި ށ. މިލަންދޫ މި ފަހަރުގެ މިނިވަން ޗެމްޕިއަންޝިޕްގައި ނުކުޅެ އެވެ.
މިނިވަން ޗެމްޕިއަންޝިޕްގެ ސެމީ ފައިނަލް މެޗުތައް އޮންނާނީ އަންނަ ބުރާސްފަތި އަދި ހުކުރު ދުވަހު އެވެ. ފައިނަލް މެޗު އޮންނާނީ އަންނަ މަހު 10 ވަނަ ދުވަހު މާލޭގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރޮނާލްޑޯ
01 May 2018
ނިލަންދޫ މީ ވ އަމިއްލަ އެދުން ބޮޑުބައެއް.
ޤާޑިރު
01 May 2018
ތިބުނާ އެދުން ބޮޑު ނޫން ބަޔަކު ދައްކަބަލަ..
ޒޯން4
01 May 2018
ފަރުހާދު ކުޅެންވާނެ ނިލަންދޫއަށް ލީގުގަ
ާައައްލޯ ބެ ރުބިކަން
01 May 2018
ދިވެހި ޕުރެމިއާ ލީގުގަ ފޯކައިދޫ ކޮޅައް ނިއު އިން 22 ލަނޑު ނުޖަހާފިޔާ ރަނގަޚު
ފާގަ ހަސަނާ
30 April 2018
މުބާރަތް ބާއްވާއިރު ދަނޑުގެ ހާލަތު ވެސް ބަލާނަމަ... ނިލަންދޫ ދަނޑަ ކީ އޮޅު އަލަ ދަނޑަކޭ ނެއް ތަފާތެެށް
ނަން
30 April 2018
ބުރޯ އެކަމު މިމުބާރާތް މި ކުޅެ ނިންމާލަނީ މި އޮޅުއަލަ ދަނޑުގަ...ހަޖަމް
ކުޑޫ
30 April 2018
ބްރޯ ހަޖަމް ކުރޭ. މޮޅު ވުމަކީ ކޮންމެ ފެންވަރެއްގެ ދަނޑެއްގައިވެސް މޮޅުވުން
އަސަރު
30 April 2018
ހާދަ އަސަރެއް ކުރެޔޭދޯ ؟ ނިލަންދޫ ދަނޑު ކޮންމެ ޙާލެއްގައި އޮތަސް މި ފަހަރު މުބާރާތް އެހެން ރަށެއްގައި ބޭއްވުނު ކަމަކަށް ނުވާނެ. އިރާދަކުރެއްވިއްޔާ ސެމީގެ ދެ މެޗް ވެސް ކުޅޭނީ ނިލަންދޫ އޮޅުއަލަ ދަނޑުގައި.
ޤާދިރު
30 April 2018
ތީ ނިލަންދޫގެ މައްސަލައެއް ނޫން. އެފް. އޭ. އެމުން ހަމަޖެއްސީމަދޯ އެ އޮޅުއަލަ ދަނޑުގައި ކުޅުނީ..
ރަނިކަމަނާ
03 May 2018
ކަލޯ ހަޖަމް ކޮއްލާ މިފަހަރު ތިއޮތީ ކަޓާފަ ދެން ލަލަލާަަ
ވާލުސޮރު
30 April 2018
ފޯކައިދޫ އަކީ ގަލޮޅު ދަނޑުގަ މަޝްހޫރުކަން ހޯދާފަވާ ތާރީޚީ ނަމެއް. ކުރިން ޓީމެއް މާބޮޑަށް ބަލިވެއްޖިއްޔާ "ފޯކައިދޫ" އޭ ކިޔާފަ ސަޕޯޓަރުން ގޮވާނެ. ފޯކައިދޫ ޓީމް މިފަހަރު ތާރީޚް ބަދަލުކޮށްލާނެކަމަށް އުންމީދުކުރަން.
ޙަޤީޤަތް
01 May 2018
ފޯކައދޫ ވަނީ 2007 ވަނަ އަހަރު ޒޯން ޗެމްޕއަންކަން ހޯދާ މުޅރާއްޖޭން 1 ވަނަ ހޯދާފަ. އަދ 2005، 2006، 2007 ގާ މާލޭ ލީގްވެސް ކުޅެފައ. ފޯކައދޫން ކަމެއް އތުރަށް ސާބތުކޮށްދޭން ޖެހޭކަމަކަށް ނުދެކެން.