އެސްބީއައިއަށް މިދިޔަ އަހަރު ލިބުނު ފައިދާ 109 މިލިއަން ރުފިޔާ ދަށްވެއްޖެ

އެސްބީއައިގެ މާލޭ ބްރާންޗް ހިންގާ ގަދަގޭ މުހައްމަދުފުޅު ބިލްޑިންގް: އެ ބޭންކަށް މިދިޔަ އަހަރު ލިބުނު ފައިދާ ދަށް. ފޮޓޯ: މިހާރު

އަބްދުﷲ ޖަމީލު، މިހާރު

01 މެއި 2018 - 10:46

4 comments

ސްޓޭޓް ބޭންކް އޮފް އިންޑިއާ (އެސްބީއައި)އަށް މިދިޔަ އަހަރު ރާއްޖެ އިން ލިބުނު ފައިދާ 109.6 މިލިއަން ރުފިޔާ ދަށްވެއްޖެ އެވެ.

ރާއްޖޭގައި ހިންގާ އެންމެ ދުވަސްވީ ބޭންކުން އިއްޔެ އާއްމުކުރި އެ ބޭންކުގެ މިދިޔަ އަހަރުގެ މާލީ ހިސާބުތައް ދައްކާ ގޮތުން 334.2 މިލިއަން ރުފިޔާ ލިބިފައިވެ އެވެ. ނަމަވެސް އެ ބޭންކަށް 2016 ވަނަ އަހަރު 443.8 މިލިއަން ރުފިޔާ ލިބިފައިވެ އެވެ.

އެސްބީއައި މިދިޔަ އަހަރު ލިބުނު ފައިދާ ދަށްވި ނަމަވެސް، ރާއްޖޭގައި ހިންގާ ބޭރުގެ ބޭންކުތަކުގެ ތެރެއިން އެންމެ ބޮޑު ފައިދާއެއް ކޮންމެ އަހަރަކު ހޯދަނީ އެ ބޭންކުންނެވެ.

އެ ބޭންކަށް މިދިޔަ އަހަރު އިންޓަރެސްޓުން އާމްދަނީގެ ގޮތުގައި ޖުމްލަ 415.5 މިލިއަން ރުފިޔާ ލިބިފައިވެ އެވެ. އޭގެ ތެރޭގައި ލޯނުން އިންޓަރެސްޓާއި ފީގެ ގޮތުގައި ލިބުނު 327.1 މިލިއަން ރުފިޔާ ހިމެނެ އެވެ. އިންޓަރެސްޓް އިންކަމްއަކީ ބޭންކުން ދޫކުރާ ލޯނާއި އޯވަ ޑްރާފްޓް އަދި އެހެނިހެން ފެސިލިޓީތަކުން އިންޓަރެސްޓްގެ ގޮތުގައި ލިބޭ ފައިދާ އެވެ.

އެސްބީއައި އިން ހާމަކުރި މާލީ ހިސާބުތައް ދައްކާ ގޮތުން މިދިޔަ އަހަރު ޓެކްސްގެ ގޮތުގައި 100 މިލިއަން ރުފިޔާ ދައްކާފައިވެ އެވެ.

ރާއްޖޭގައި ތިން ބްރާންޗް ހިންގާ ބޭންކުން ނެގި ލޯނުތައް ފައިސާ ނުދައްކައިގެން 23 މިލިއަން ރުފިޔާ އުނިކޮށްފައިވެ އެވެ.

އެސްބީއައި ބޭންކިން

4 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގުމުރީ

02 May 2018

ހާސްކަނޑާލާ، ދިވެހީންގެ ހިތްތަކުގެ ވިންދު އިސާހިތަކު ވެރިކަމާއި ހަވާލުވެ އެއާޕޯޓު ޖީއެމްއާރުއަށް ހިބަކޮށްދީ ރާއްޖެއަށް ލިބޭހުރިހާ ޑޮލަރެއް ތިޔަބޭންކަށް ވައްދަންފަށާނެ. އެހިސާބުން ސަތޭކަމިލިއަން ދަށަށްދިޔަތަން އެއްހާސް މިލިއަން މައްޗަށް ޖެހިލާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކްތެރަޕީ

01 May 2018

މިބެންކު ހުރެގެން ރާއްޖެއަ ލިބޭނީ ބޮޑެތިގެއްލުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެސްބީއައި

01 May 2018

ތީ މީގެ އަހަރުތަކެއް ކުރިން 100 މިލިއަން ޑޮލަރު ހޯދީ ބޭންކެއް. ވަރަށް ރަނގަޅު ލިބޭ ފައިދާ ކުޑަވާކަން. އިންޑިއާގެ ބަލާވެރިކަން ކުޑަވާނެ ވިއްޔާ އޭރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢައްޔޫ

01 May 2018

އެސްބީއައި އިން ހިސާބު އާންމު ކުރުމަކީ ވަރަށް ރަގަޅު ކަމެއް، ކީއްވެބާ ރާއްޖޭގައި ހުންނަ އެހެނިހެން ޕްރައިވެޓް ބޭންކް ތަކުން ހިސާބު އާންމު ނުކުރަނީ؟؟؟؟