ހިދުމަތުގެ އަގުހެޔޮކުރި ނަމަވެސް ދިރާގަށް މިދިޔަ ކުއާޓަރުގައި ލިބުނު ފައިދާ ނުވަ ޕަސެންޓް އިތުރުވެއްޖެ
މިދިޔަ އަހަރު ދިރާގުން ބޭއްވި އަހަރީ އާއްމު ޖަލްސާގައި އެ ކުންފުނީގެ ހިއްސާދާރުންނާއި އިސް ބޭފުޅުން ބައިވެރިވެވަޑައިގަންނަވަނީ.
01 މެއި 2018 - 21:11
2 comments
ހިދުމަތުގެ އަގު ހެޔޮކުރި ނަމަވެސް ދިރާގަށް މިދިޔަ އަހަރުގެ ފަހު ކުއާޓަރާ އަޅާބަލާއިރު، މިއަހަރުގެ ކުއާޓަރުގައި ލިބުނު ފައިދާ ނުވަ ޕަސެންޓް އިތުރުވެއްޖެ އެވެ.
ރާއްޖޭގެ އެންމެ ބޮޑު މުވާސަލާތީ ކުންފުނިން އިއްޔެ އާއްމުކުރި މާލީ ހިސާބުތައް ދައްކާ ގޮތުން މިދިޔަ ކުއާޓަރުގައި އެ ކުންފުންޏަށް 254.1 މިލިއަން ރުފިޔާ ސާފު ފައިދާގެ ގޮތުގައި ލިބިފައިވެ އެވެ. އަދި އެ ކުންފުންޏަށް އާމްދަނީގެ ގޮތުގައި 704 މިލިއަން ރުފިޔާ ލިބިފައިވެ އެވެ. މިއީ މިދިޔަ އަހަރުގެ ފުރަތަމަ ކުއާޓަރާ އަޅާބަލާއިރު ނުވަ ޕަސެންޓްގެ ކުރިއެރުމެކެވެ.
ދިރާގުން ނެރުނު ރިޕޯޓުގައި ބުނެފައި ވަނީ މިދިޔަ ކުއާޓަރުގައި ލިބުނު އާމްދަނީ އިތުރުވެފައި ވަނީ ޓޫރިސްޓު ސީޒަންގައި އިންޓަނޭޝަނަލް ރޯމިން ހިދުމަތުން ލިބުނު އާމްދަނީ މައްޗަށް ދިއުމާއި މޮބައިލް ޑޭޓާ ބޭނުންކުރާ މިންވަރު އިތުރުވެ އަދި ގޭގެއަށް ފައިބާ އިންޓަނެޓްގެ ހިދުމަތް ދިނުން ފުޅާކުރުމުން ކަމަށެވެ.
އެ ހިސާބުތައް ދައްކާ ގޮތުން ޓެކްސްގެ ގޮތުގައި 45.1 މިލިއަން ރުފިޔާ މިދިޔަ ކުއާޓަރުގައި އެ ކުންފުނިން ދައުލަތަށް ދައްކާފައިވެ އެވެ.
ދިރާގުން ނެރުނު ރިޕޯޓުގައި ބުނެފައި ވަނީ މިދިޔަ ކުއާޓަރުގައި އެ ކުންފުނިން ފައިނަލް ޑިވިޑެންޑްގެ ގޮތުގައި 444.6 މިލިއަން ރުފިޔާ ބަހާފައިވާ ކަމަށެވެ. އެއީ ހިއްސާއަކަށް 5.85ރ.ގެ މަގުންނެވެ.
އެ ކުންފުނިން އިއްޔެ އާއްމުކުރި ތަފާސްހިސާބުތައް ދައްކާ ގޮތުން މިދިޔަ އަހަރު ސާފު ފައިދާގެ ގޮތުގައި 898 މިލިއަން ރުފިޔާ ލިބިފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢިބޫ
02 May 2018
ޢެކަށީގެން ނުވާ ބޮޑު އަގެއް ނަގާތީ މިވަރުގެ ފައިދާއެއް މިލިބެނީ
އަތްފުނާ
01 May 2018
''' މަތުގެ އަގު ހެޔޮކުރި ނަމަވެސް ދިރާގަށް މިދިޔަ އަހަރުގެ ފަހު ކުއާޓަރާ އަޅާބަލާއިރު، މިއަހަރުގެ ކުއާޓަރުގައި ލިބުނު ފައިދާ ނުވަ ޕަސެންޓް އިތުރުވެއްޖެ އެވެ ''' އެހެންވީ ދިރާގަކީ އަދިވެސް މެޖޯރިޓީ ލީޑަރު ފިކްސްޑް ލައިން ފޯން ތަކުގައި އަދި ބޮޑު ށެއާރއެއް މޮބައިލް ފޯނުގައި.