ފިންލޭންޑް އިންޓަނޭޝަނަލް ސްކޫލާ ގުޅޭ ގޮތުން ބެލެނިވެރިންނަށް މައުލޫމާތު ދެނީ

އައިލެންޑާސް އެޑިއުކޭޝަން ގުރޫޕްގެ ދަށުން ހިންގަމުން އަންނަ އެޑުކަނެކްޓް ޕްރައިވެޓް ލިމިޓެޑުން އަންނަ އަހަރު ރާއްޖޭގައި ހުޅުވަން ތައްޔާރުވަމުން އަންނަ ފިންލޭންޑް އިންޓަނޭޝަނަލް ސްކޫލާ ގުޅޭ ގޮތުން ބެލެނިވެރިންނަށް މައުލޫމާތު ދޭން ޚާއްސަ ބައްދަލުވުމެއް ބާއްވަން ތައްޔާރުވެއްޖެ އެވެ.

މައުލޫމާތު ދިނުމުގެ ބައްދަލުވުން ބާއްވާނީ ރާއްޖޭގެ ފުރަތަމަ ފިންލޭންޑް އިންޓަނޭޝަނަލް ސްކޫލަށް ބަދަލު ކުރަން ޕްލޭން ކުރަމުން އަންނަ ބިލަބޮންގް ހައި އިންޓަނޭޝަނަލް ސްކޫލްގެ ޑްރީމް ކެމްޕަހުގައި ކިޔަވާ ކުދިންގެ ބެލެނިވެރިންނަށް ޚާއްސަކޮށް، މާދަމާ އެވެ.

އައިލެންޑާސް އިން ބުނީ މާދަމާ ބާއްވާ ބައްދަލުވުމުގައި ފިންލޭންޑް އިންޓަނޭޝަނަލް ސްކޫލްގެ ތަޖުރިބާކާރުން އެ ސްކޫލްގެ ކަރިކިއުލަމާއި ސްކޫލް ސްޓްރަކްޗާ، ފީ އަދި ރެޖިސްޓްރޭޝަންގެ މައުލޫމާތުތައް ދޭން ހަމަޖެހިފައިވާ ކަމަށެވެ. ރެޖިސްޓްރޭޝަން ފުރަތަމަ ހުޅުވާލާނީ ބިލަބޮންގް ހައި އިންޓަނޭޝަނަލް ސްކޫލްގެ ޑްރީމް ކެމްޕަހުގެ ގްރޭޑް1-4 ގެ ދަރިވަރުންނަށާއި، ކެންގަރޫ ކިޑްސް އިންޓަނޭޝަނަލް ޕްރީ ސްކޫލްގެ އެސްކޭޖީ ދަރިވަރުންނަށެވެ.

ލޮނުޒިޔާރަތް މަގުގައި ހުންނަ ބިލަބޮންގް ހައި އިންޓަނޭޝަނަލް ސްކޫލްގެ ޑްރީމް ކެމްޕަސް އަންނަ އަހަރަށް ފިންލޭންޑް އިންޓަނޭޝަނަލް ސްކޫލަށް ބަދަލު ކުރަން ޕްލޭން ކުރަން ނިންމާފައިވާކަން އައިލެންޑާސް އިން މިހާރު އޮތީ ބެލެނިވެރިންނަށް އަންގައިފަ އެވެ.

އައިލެންޑާސް އިން ބުނީ 2020 ވަނަ އަހަރަށް އަމާޒުކޮށްގެން ހުޅުމާލޭގައި ހުޅުވުމަށް މަސައްކަތް ކުރަމުން އަންނަ ފިންލޭންޑް އިންޓަނޭޝަނަލް ސްކޫލުގެ މަސައްކަތްތައް ވެސް މިހާރު ފެށިފައިވާ ކަމަށެވެ. އެގޮތުން، އެ ސްކޫލް އަޅަން ބޭނުންވާ ބިން އެޗްޑީސީން ދޫކޮށް، އެޑުކަނެކްޓާ އެކު ލީޒް އެގްރީމަންޓެއްގައި ސޮއި ކޮށްފައިވާ ކަމަށް އެ ކުންފުނިން ވަނީ ބުނެފަ އެވެ.

އެޑުކަނެކްޓް އިން ތައުލީމީ ގޮތުން ދުނިޔޭގައި އެންމެ ކުރިއަރާފައިވާ ގައުމުތަކުގެ ތެރޭގައި ހިމެނޭ ފިންލޭންޑްގެ ފިންލޭންޑް އިންޓަނޭޝަނަލް ސްކޫލް ރާއްޖޭގައި ހުޅުވަނީ، މަޝްހޫރު ޖޭވާސްކީލާ ޔުނިވާސިޓީގެ ދަށުން ހިންގަމުން އަންނަ އެޑުކްލަސްޓާ ފިންލޭންޑް އާއި ގުޅިގެންނެވެ.

Finland International School Raajje ah, anna aharu furathama school hulhuvaane

The most trusted news source in the Maldives

Mihaaru