ނޯތު ހާބަރު ސަރަހައްދުގައި ބަޔަކު އަލުވި ބަސްތާއެއް ހިފައިގެން ދަނީ: ބާޒާރުގައި އަލުވި މަދުވެ އަގު ވަނީ އުފުލިފައި.-- ފޮޓޯ: ހުސައިން ވަހީދު/މިހާރު
21 މެއި 2018 - 15:21
2 comments
ބާޒާރުގައި އަލުވި މަދުވެ، ވިއްކާ އަގު ބޮޑުވުމުން، އަލުވީގެ އަގުހެޔޮކުރަން އެސްޓީއޯ އިން ބޮޑު ސްޓޮކެއް ރޭ ގެނެސްފި އެވެ.
އެސްޓީއޯ ސުޕަމާޓްގެ އިސް އޮފިޝަލަކު މިއަދު ވިދާޅުވީ އަލަށް ގެނައި ސްޓޮކް މިރޭ ބޯޓުން ބާލާނެ ކަމަށެވެ. އަދި މާދަމާއިން ފެށިގެން ކަސްޓަމަރުންނަށް ލިބެން ހުންނާނެ ކަމަށް ވެސް އޭނާ ވިދާޅުވި އެވެ.
"މި ރޯދައަށް ދެ ޝިޕްމަންޓް ގެނެސްފައިވާނެ. މިފަހަރު ގެނައި ޝިޕްމަންޓުން ކުރިޔަށް އޮތް ދިހަ ދުވަހަށް ހިފަހައްޓާލެވޭނެ،" އެ އޮފިޝަލް ވިދާޅުވި އެވެ.
އޭނާ ވިދާޅުވީ މިފަހަރު ގެނައި އަލުވި އިންޑިއާއިން ލިބުނު އަގު ބޮޑުވެފައިވާ ކަމަށެވެ. ނަމަވެސް ބާޒާރުގައި މިހާރު ލިބެންހުރި އަގަށްވުރެ ހެޔޮވާނެ ކަމަށް ވެސް އެ އޮފިޝަލް ވިދާޅުވި އެވެ.
އެސްޓީއޯ އިން އެންމެފަހުން އަލުވި ބަސްތާއެއް ވިއްކާފައި ވަނީ 190ރ. އަށެވެ. އެކަމަކު ބާޒާރުގައި ވިއްކާފައި ވަނީ 220ރ. އަށެވެ. އަދި ބާޒާރުން އަލުވި ހުސްވުމުން ބަސްތާއެއްގެ އަގު 500ރ. އަށް އެރި އެވެ.
"މިރޭ ބޯޓުން ބާލައިގެން މާދަމާ ވިއްކަން ފެށޭނެ. އަޅުގަނޑުމެން ހޯސޭލްކޮށް ވެސް ވިއްކާނަން. އެއާއެކު ބާޒާރުގައި މިހާރު ހުރި އަގުތައް ތިރިވާނެ،" އޭނާ ވިދާޅުވި އެވެ.
އެސްޓީއޯގެ އޮފިޝަލް ވިދާޅުވީ މިފަހަރު ގެނައި އަލުވި ބަސްތާއަކުން ދިހަ ރުފިޔާވަރު ބޮޑުވާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕޮގުބާ
21 May 2018
ތިބުނާމީހަކަށް އެސްޓީއޯ ހިންގަދިނަސް ނަހަމަގޮތުގަ ބޭނުންރާނެ ހެޔޮ ނޯންނާއެއްގޮތެއްވެސް އަމިއްލަނަފްސަށްވެސް ހުރިހާއެންމެންވެސް ވައްކަންކުރާނެ
އައިމިނަ
21 May 2018
އެސްޓީއޯއަކީ ސީދާ ރައްޔިތުންގެ ލާބައާއި މަންފާއަށް އުފެއްދީއްސުރެއް އަދިވެސް ހިންގަމުން އަންނަ ކުންފުންޏެއް. ނަމަވެސް ކުންފުނީގެ ފައިދާ ވަކި ބަޔަކު ދަނީ ނަހަމަގޮތުގައި ހާޞިލް ކުރަމުން.