އެމްއޭސީއެލް އިން ހަދާ ދެ ޓަވަރުގެ ފްލެޓްތަކަށް ފޯމް ބަލައިގަންނަން ފެށީ މިއަދު.
22 މެއި 2018 - 22:18
ބޯހިޔާވަހިކަން ފޯރުކޮށްދިނުމަށް ސަރުކާރުން ހިންގާ "ހިޔާ" ޕްރޮގްރާމްގެ ދަށުން މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް)ގެ 14 ބުރީގެ ދެ ޓަވަރުގެ އެޕާޓްމަންޓުތަކަށް ކުރިމަތިލާން، އެ ކުންފުނީގެ މުވައްޒަފުންނަށް މިއަދު ފޯމް ދޫކުރަން ފަށައިފި އެވެ.
އެމްއޭސީއެލް އިން އަޅާ ދެ ޓަވަރުގެ އެޕާޓްމަންޓުތަކަށް ކުރިމަތިލާން ފޯމު ދޫކުރަން ފަށައި، އެ ތަންތަނަށް ކުރިމަތިލެވޭނެ ޝަރުތުތައް ވެސް ވަނީ އިއުލާނު ކޮށްފަ އެވެ. އެ ޓަވަރުތަކުން އެމްޕީއެލް މުވައްޒަފުންނަށް ގާތްގަނޑަކަށް 312 އެޕާޓްމަންޓް ދޫކުރަން ހަމަޖެހިފައިވާއިރު އޭގެ ތެރޭގައި ހިމެނެނީ އެއް ކޮޓަރި އާއި ދެ ކޮޓަރީގެ އެޕާޓްމަންޓުތަކެވެ.
ފޯމު ދޫކުރަން ފެށި ނަމަވެސް އެ ތަންތަނުގެ އަގުތައް އަދި ހާމައެއް ނުކުރެ އެވެ. އެމްއޭސީއެލް އިން ބުނީ އަގުތައް ވެސް ވަރަށް އަވަހަށް އިއުލާނު ކުރާނެ ކަމަށެވެ. އަދި އަގުތައް ހެޔޮވާނެ ކަމަށާއި، މުވައްޒަފުންނަށް އެންމެ އެކަށީގެންވާ ގޮތަށް އަގު އަދާކޮށް ނިންމޭނެ އިންތިޒާމުތައް ހަމަޖައްސާނެ ކަމަށް ވެސް އެ ކުންފުނިން ބުނެ އެވެ.
އެއާޕޯޓްސް ކޮންޕެނީން ބުނީ އެއް ކޮޓަރީގެ އެޕާޓްމަންޓުތަކަށް ކުރިމަތިލެވޭނީ، މިދިޔަ އަހަރުގެ ނޮވެމްބަރު މަހުގެ ނިޔަލަށް އެ ކުންފުންޏަށް ފަސް އަހަރު ޚިދުމަތް ކޮށްދީފައިވާ މުވައްޒަފުންނަށް ކަމަށެވެ. އަދި ދެ ކޮޓަރީގެ ތަންތަނަށް ކުރިމަތިލެވޭނީ ނޮވެމްބަރު މަހުގެ ނިޔަލަށް 10 އަހަރު ނުވަތަ އެއަށްވުރެ ގިނަ ދުވަސް ވަންދެން އުޅެފައިވާ މުވައްޒަފުންނަށް ކަމަށެވެ.
އޭގެ އިތުރުން މާލޭގައި، 600 އަކަފޫޓަށް ވުރެ ބޮޑު ބިމެއް އޮތް މުވައްޒަފެއް ނަމަ ފްލެޓަށް ކުރިމައްޗެއް ނުލެވޭނެ އެވެ. އެމްއޭސީއެލްގައި ގިނަ އަދަދަކަށް ބޭރު މުވައްޒަފުން މަސައްކަތް ކުރި ނަމަވެސް، ފުލެޓަށް ކުރިމަތިލެވޭނީ ދިވެހިންނަށް އެކަނި ކަމަށް ވެސް ބުންޏެވެ.
އެމްއޭސީއެލް އިން ދެ ޓަވަރު އަޅަން ހަވާލުކުރީ އެއާޕޯޓުގެ އާ ރަންވޭ މަސައްކަތާއި ކާގޯ ޓާމިނަލްގެ މަސައްކަތްތައް ވެސް ކުރަމުން އަންނަ ބެއިޖިން އާބަން ކޮންސްޓްރަކްޝަން ގްރޫޕް (ބީޔޫސީޖީ)އާ އެވެ. ހުޅުމާލޭގައި އެ ޓަވަރުތައް އަޅަން އެ ކުންފުންޏާ ހަވާލުކުރީ 400 މިލިއަން ރުފިޔާ އަށެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ސައިޚް
23 May 2018
ކުރިއަށް މިއޮތް 2-3 މަސްދުވަހު ތިކަހަލަ ވަރައްބައިވަރު ފޯމު ދޫކުރާނެ، ދިވެހި ރައްޔިތުންގެ ބަލިފައަކީ ފުލެޓް ، ފުލެޓް ދޭނަމޭ ބުނެ ވޯޓު ހޯދަން ކުރާކަމެއް، ފުލެޓެއް ނުލިބޭނެ، ގަބޫލުކުރޭ،
ތެނަދުއަންސް
23 May 2018
އެމް.އޭ.ސީ.އެލް އަކީވެސް ވެރިންގެ ލެވެލުން ކޮރަޕްޝަން ބޮޑު ކުންފުންޏެއް. ތި ހަދަނީ 2 ކޮޓަރީގެ ކޮތަރު ކޮށިތަކެއް ކަމުގައިވިއަސް ބޮޑެތިމީހުންނަށް ބަހާފަ ބާކީވާ އެއްޗެއް ނޫނީ އާދައިގެ މުވަޒަފުންނަށް ހައްޤެއް ނުވާނެ. ފޮޓޯއިން ތިފެންނަ ބޭފުޅުން ނޫން ބައެއް އެއަރޕޯރޓުގައި ނަގާ ފޮޓޯއަކުންވެސް ނުފެންނާނެ. އެކަންވެސް ފާހަގަކޮށްލަން. -ޝުކުރިއްޔާ ޤައުމު-
މެދުހެންވޭރު
23 May 2018
ވަރަށް ބޭއިންސާފު ގޮތަކަށް ފްލެޓް ދޫކުރަން ތިޔަ ނިންމީ! 5 އަހަރު ވެފައިވާ މުވައްޒިފަކަށްވެސް 2 ކޮޓަރިން ނޫނީ ދިރިއުޅެން ދަތިވެދާނެދޯ؟ ކަންކަން ތިޔަގޮތައް ނިންމާއިރު އިންސާނުންގެ ސިކުޑިން ވިސްނުން ރަގަޅުވާނެ. ސިޔާސީ ކުލަވަރު ނުޖައްސާ! އުއްމީދު ކުރަން މިކަން ރަގަޅު ކޮއްލަދޭނެކަމަށް.
ދެކޮޅުވެރިޔާ
23 May 2018
ޔުނިވަރުސިޓީގެ މުވައްޒަފުންނަށް ފޯމު ދޫކުރިތާ 6 މަސް ވެއްޖެ އަދި ބަޚަބަރު. އެހެންވީމާ ފޯމު ދޫކުރިޔަސް އަދި ފުލެޓު ލިބުނީ ކަމަށް ބަލައިގެން ނުވާނެ
ސުވާލެއް
23 May 2018
ކީއްވެ ތިބުނަނީ އެމްއޭސީއެލްގައި ބޭރު މުއައްޒަފުން ގިނައޭ؟ ދިވެހިންގެ އެއާޕޯޓު ދިވެހިންނަށް ހޯދައިދިނީމާ އެތަނުގައި ބޭރު މުއައްޒަފުން މަދުވާންޖެހޭނެ ދެއްތޯ؟ މިގައުމުގައި 94،000 ވަޒީފައި 'އުފައްދައި' ނިމުން އިރު އަދިވެސް ވަޒީފާނެތް މީހުން އަދިވެސް ގިނައީ.
ހުވަފެން
23 May 2018
އެކައުންޓްގައި 2 މިލިއަން ރުފިޔާ ހުރި އަދި އުމުރުން 40 އަހަރު ނުވާ އާއިލާގެ ނެމްބަރެއް ގެރެންޓީ ސީޓީއެއް ފައިނޭސިއަލް ޓޫލްސް އެއްގެ ގޮތުގައި ދައްކަން ޖެހެއެވެ ޅިބޭނެ ބާއެވެ.
މަގުފުޅާޓިނު
23 May 2018
އިމާރާތުގަ 14 ބުރި ހުރެއްޖެއްޔާ ވާނީ ޓަވަރަކަށްތަ.
ފައި
23 May 2018
މިއޮތްބޮޑުސިޓީގައިއެއްކޮޓަރިއާދެކޮޓަރީގެފުލެޓު އެޅީމަބޯހިޔާވަހިކަމުގެމަގުސަދުހާސިލެއްނުވޭ ދެންވެސްތިބޭނީތޮއްޖެހިގެން
ށުޓާފު
22 May 2018
ދެކޮޓަރި ވީމަ ދޯ؟! ދެ ދަރީން ދެކޮޓަރީގަ ނިންދަވާފަ، ދެމަފިރިން ސިޓިންރޫމްގަ ނިދާގޮތަށްދޯ. ޝުކުރިއްޔާ ތިކަމުގަ އުޅުނު ބަޔަކަށް. ށުޓާފުންގެ ބޭނުންތަކށް ވަރށް ބަލާފަ ތިކަން ކޮށްފަ ތިހިރީ.
މޫސަ
22 May 2018
ވުޖޫދުގައި ނެތް އަދި ތީގެން ޓަވަރެއް. ކުރެހުމެއް ދެއްކިދާނެ. ބަޔަކާ ހަވާލުވެސް ކުރެވިދާނެ.