އެސްޓީއޯގެ އަހަރީ އާއްމު ޖަލްސާގައި އެ ކުންފުނީގެ ބޯޑު މެމްބަރުން މިރޭ ބައިވެރިވަނީ. ފޮޓޯ: ނިޝާން އަލީ / މިހާރު
30 މެއި 2018 - 23:15
5 comments
އެސްޓީއޯގެ މިދިޔަ އަހަރުގެ ފައިދާ އިން ހިއްސާ އަކަށް 55ރ. ބަހަން މިރޭ ފާސްކޮށްފި އެވެ.
ރާއްޖޭގެ އެންމެ ބޮޑު ވިޔަފާރި ކުންފުނިން ދަރުބާރުގޭގައި ބޭއްވި އަހަރީ އާއްމު ޖަލްސާގައި، ހިއްސާ އަކަށް 55ރ. ބަހަން ފާސްކުރީ އެ ޖަލްސާ އަށް ހާޒިރުވި 121 ހިއްސާދާރުންގެ ތެރެއިން 926،070 ހިއްސާގެ ވޯޓުންނެވެ. ސަތޭކަ އެކާވީސް ހިއްސާދާރުން ތަމްސީލް ކުރީ 928،602 ހިއްސާ އެވެ.
މިރޭގެ ޖަލްސާގައި، އެސްޓީއޯގެ ހިންގާ ގަވާއިދަށް ގެންނަން ހުށަހަޅާ އިސްލާހުތަކަށް ލިބުނު ހިއްސާދާރުންގެ ކޮމެންޓްތަކާއި ހިއްސާދާރުންނާ އެކު ބޭއްވި ބައްދަލުވުމުގައި ކުރި މަޝްވަރާތަކަށް ރިއާޔަތްކޮށް، ބޯޑުން ނިންމާފައިވާ އިސްލާހުތައް ވެސް ވަނީ ފާސްކޮށްފަ އެވެ. އޭގެ ތެރޭގައި، އެސްޓީއޯގެ މެނޭޖިން ޑައިރެކްޓަރުގެ މަގާމުގައި ހުންނަވާ ބޭފުޅަކަށް އެ ކުންފުނީގެ ޗީފް އެގްޒެކެޓިވް އޮފިސަރު (ސީއީއޯ)ގެ މަގާމު ވެސް ލިބޭ ގޮތަށް، ކުންފުނީގެ ހިންގާ ގަވާއިދަށް ގެނައި ބަދަލު ހިމެނެ އެވެ.
އެސްޓީއޯގެ ހިންގާ ގަވާއިދަށް ގެންނަން ހުށަހެޅި އިސްލާހުތަކަށް ވޯޓަށް އެހީ ކުރިން އާއްމު ކޮށްފައިވާ ޑޮކިއުމަންޓްގައި ވާ ގޮތަށެވެ.
މިދިޔަ އަހަރުގެ ވިޔަފާރިން ސާފު ފައިދާގެ ގޮތުގައި 211 މިލިއަން ރުފިޔާ އެސްޓީއޯ އަށް ލިބިފައި ވެ އެވެ.
އެސްޓީއޯ އިން 2016 ވަނަ އަހަރު ހިއްސާގެ ފައިދާގެ ގޮތުގައި ބަހާފައި ވަނީ ހިއްސާއަކަށް 51ރ. އެވެ. އެ ކުންފުންޏަށް 2016 ވަނަ އަހަރު ފައިދާގެ ގޮތުގައި 288 މިލިއަން ރުފިޔާ ލިބިފައިވާ ކަމަށް ތަފާސްހިސާބުތަކުން ދައްކަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލިހަންޑޯ ޓޮލޭޑޯ
31 May 2018
2008 ގެ ކުރިން ހިއްސާއަކަށް 70-77 ރުފިޔާ ދެމުން އައިކުންފުންޏެއް. މިދަރަޖައަށް ވެއްޓުމުން ހައިރާންވޭސް. އެސްޓޯއީ ބަނގުރޫޓުވުމުގެ ޒިންމާ ރ.ނަޝީދުއާއި ރ.ޔާމީން ނަގަންޖެގޭނެ. މިދެމީހުންގެ ވެރިކަމުގައި ސިޔާސީ ފައިދާއަށް އެސްޓީއޯގެ ކޭޝްފްލޯ ބޭނުންކުރުމުން މިހެންމިދިމާވަނީ.
މަރުމޯލު
31 May 2018
ބޮޑެތި ފައިދާތައް ނަގުންދާ އެހެން ތަންތަނާ އަޅާ ބަލާއިރު އެންމެ ރަނގަޅު ފައިދާއެއް ހިއްސާދާރުންނަށް ދެނީ އެސްޓީއޯ އިން. ޝުކުރިއްޔާ އެސްޓީއޯ
ބޮލި
31 May 2018
އެންމެ ފަންސާސް ފަސްރުފިޔާތަ! މަހީކުރީ މިގައުމުގެ އިޤްތިޞާދު މިހާރު ބާރު ދުވެއްޔެއްގައި ކުރިއަރާއިރު ފަންސަތޭކަ ފަންސާސް ފައްރުފިޔާ މިއަހަރު ބަހާނެ ކަމަށް. އިގްތިސާދު ރޮކެޓް ދުވެލީގައި ދުވާއިރު ކުންފުނިތައް މި ދުވަނީ ފިނިކަހަ ދުވެލީގައިތަ. އަރަތެއް ދޯ.
މުހުސިން
31 May 2018
ސާބަސް. ހާދަ ވަރަކަށޭ ތި އިނގެނީ. ބަލާބަ އެހެން ކުންފުނިތައް. އެސްޓީއޯ ވާ ރަނގަޅު
އަހުމަދު77
31 May 2018
ކޮބާހޭ އެމްޓީޑީސީ!!!! ކިހާދެރަކަމެއް. ލޯލާރިއެއްވެސް ނުލިބި މިދަނީ ކިތައް އަހަރު؟