ވިލާއަށް ދިން ލުއިތަކުގެ ސަބަބުން ދައުލަތަށް ގެއްލުނު 1.6 ބިލިއަން ރުފިޔާ ހޯދަން އޭސީސީން އަންގައިފި

ގާސިމް: އޭނާގެ ވިލާ ކުންފުންޏަށް ދޫކުރި ރަށްތަކާ ގުޅިގެން ސަރުކާރުން ދިން ލުއިތަކުގެ ސަބަބުން 110 މިލިއަން ޑޮލަރު ދައުލަތަށް ގެއްލުނު ކަމަށް އޭސީސީން ބުނޭ --ފޮޓޯ/މިހާރު

މުއިއްޒު އިބްރާހިމް، މިހާރު

14 ޖޫން 2018 - 13:57

63 comments

ވިލާގެ އެކި ކުންފުނިތަކަށް ދޫކޮށްފައިވާ ރަށްތަކާއި ފަޅުތަކާ ގުޅިގެން އެ ކުންފުނިތަކަށް ސަރުކާރުން ދިން ލުއިތަކުގެ ސަބަބުން ދައުލަތަށް ގެއްލުނު 110 މިލިއަން ޑޮލަރު (1.6 ބިލިއަނަށް ވުރެ ގިނަ ރުފިޔާ) އަނބުރާ ދައުލަތަށް ހޯދަން އެންޓި ކޮރަޕްޝަން ކޮމިޝަން (އޭސީސީ) އިން އަންގައިފި އެވެ.

ގާސިމް އިބްރާހިމްގެ ވިލާ ކުންފުންޏަށް ސަރުކާރުން ދޫކުރި ރަށްތަކާއި ފަޅުތަކަކާ ގުޅިގެން ބޮޑެތި ލުއިތަކެއް ދޭން ޖެހޭ ގޮތަށް ސެޓްލްމަންޓް އެގްރިމެންޓެއް ހެދީ ޑިސެމްބަރު، 2013 ގަ އެވެ. އެ އެއްބަސްވުން ހެދީ ގާސިމްގެ ކޮއްކޮއެއް ކަމަށްވާ އިބްރާހިމް އަލީއަށް ދައުލަތުން 9.7 މިލިއަން ޑޮލަރު ދައްކަން ޖެހުމުން އެކަމުގައި ލުއި ގޮތްތަކެއް ހަމަޖެއްސުމުގެ ގޮތުންނެވެ. އެ އެއްބަސްވުންތައް 2015 ގައި ސަރުކާރުން ބާތިލް ކޮށްފައި ވަނިކޮށް ސުޕްރީމް ކޯޓުން މިދިޔަ އޭޕްރީލް މަހު ވަނީ އެ އެއްބަސްވުންތައް އުވާލީ ގާނޫނާ ޚިލާފަށް ކަމަށް ހުކުމްކޮށްފަ އެވެ.

ސެޓްލްމަންޓް އެއްބަސްވުންތަކުގެ މައްސަލަ ބެލުމަށް ފަހު އޭސީސީން ނިންމީ އެ އެއްބަސްވުންތަކުގެ ސަބަބުން 110 މިލިއަން ޑޮލަރު ދައުލަތަށް ގެއްލިފައިވާ ކަމަށެވެ. އެގޮތުން ހަ ތަނެއްގެ ކުލީގެ ގޮތުގައި ލިބެން ޖެހޭ 95 މިލިއަން ޑޮލަރު އެ އެއްބަސްވުންތަކުގެ ދަށުން ފަސް ކޮށްފައިވާ ކަމަށާއި އެތަންތަނުގެ މުއްދަތު އިތުރު ކުރުމުގެ ފީގެ ގޮތުގައި ލިބެން ޖެހޭ އިތުރު 15 މިލިއަން ޑޮލަރު ވެސް ދައުލަތަށް ލިބިފައިނުވާ ކަމަށް އޭސީސީގެ ނިންމުމުގައިވެ އެވެ.

ޓޫރިޒަމް ގާނޫނު އޭރު އޮތް ގޮތުން ބިމެއް ނުވަތަ ރަށެއްގެ ކުލީގެ މުއްދަތު އިތުރުކޮށް ދެވެނީ އަހަރަކަށް އެއް ލައްކަ ޑޮލަރުގެ ފީއެއް ނެގުމަށް ފަހު ކަން ފާހަގަކޮށް، އޭސީސީގެ ނިންމުމުގައި ވަނީ ސެޓްލްމަންޓް އެއްބަސްވުންތަކުގެ ދަށުން އެ ތަންތަނުގެ ކުލީގެ މުއްދަތު 50 އަހަރަށް އިތުރުކުރީ އެ ފީ ނެގުމެއް ނެތި ކަމަށެވެ. އަދި އެތަންތަން ތަރައްގީކޮށް ހުޅުވަން ޖެހޭ ތާރީޚު ބަދަލުކޮށްފައިވަނީ ވެސް އެ ފީ ނެގުމެއް ނެތި 50 އަހަރަށް އެތަންތަން ދިނުމުގެ ބޭނުމުގައި ކަމަށް އޭސީސީގެ ނިންމުމުގައިވެ އެވެ.

މީގެ އިތުރުން ދައުލަތަށް ލިބެން ޖެހޭ ފައިސާ ނުލިބޭ ގޮތަށް ދޫކޮށް ލެވެނީ އޮޑިޓާ ޖެނެރަލް ކަނޑައަޅާ ގޮތެއްގެ މަތިން ފިނޭންސް މިނިސްޓަރު އެކަމާ ބެހޭ ހިސާބުތަކުގައި އެކަން ހިމެނުމަށް ފަހު ރައީސުލް ޖުމްހޫރިއްޔާގެ ހުއްދަ ލިބިގެން ކަމަށް ވާއިރު، އެތަންތަނުގެ ކުއްޔާއި ޖޫރިމަނާ ދައްކަން ނުޖެހޭ ކަމަށް ކަނޑައަޅާފައިވަނީ އެ އުސޫލުގެ މަތިން ހުއްދަ ލިބިގެން ނޫން ކަމަށް ވެސް އޭސީސީގެ ނިންމުމުގައި ބުނެ އެވެ.

އޭސީސީން ނިންމާފައި ވަނީ އެ އެއްބަސްވުންތައް ހެދީ މަގާމުގެ ނުފޫޒު ބޭނުން ކޮށްގެން ނާޖާއިޒް ފައިދާ ލިބޭ ގޮތަށް ކަމަށް ކަނޑައަޅައި، އެ މައްސަލާގައި އޭރުގެ ޓޫރިޒަމް މިނިސްޓަރު އަހުމަދު އަދީބުގެ މައްޗަށް ދައުވާ ކުރަން ޕްރޮސެކިއުޓާ ޖެނެރަލްގެ އޮފީހަށް ފޮނުވާށެވެ.

މެމްބަރު ގާސިމް އިބްރާހިމް (މާމިގިލި) އެންޓި ކޮރަޕްޝަން ކޮމިޝަން ވިލާ ގްރޫޕް ކޮރަޕްޝަން

63 ކޮމެންޓް, 209 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދޯ

15 June 2018

މިއީ ޕާޓީން ކަޑާލި މެމްބަރުން އަލުން ޕާޓީއަށްވައްދާފަ އަލުންކަޑާލި މީހުންތައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުޅި

15 June 2018

ތިޔަ ފައިސާ ދައްޖަންޖެހޭނީ. ގައުމު ހިންގަން ރައްޔިތުން ހަވާލުކޮށްފައިވާ ފަރާތުން ބަލަންވާވަރަށް ނުބެލުމުންނާއި އަދި ރައްޔިތުން ހޮވި ނާއިބުރއަީސް ބޭރުކޮށް އަމިއްލައަށް އިންތިޚާބުކުރި ނާއިބުރައީސްގެ އަތުން. އަދި ތިޔަހެން ފައިސާ ހޯދަންޏާ ދޫދިން އެންމެންގެ އަތުން ފައިސާހޯދަންޖެހޭނެ. އޭގެތެރޭގައި ނަސަންދުރަ ވެސް ހިމެނޭ. އޭސީސީ ލުތުފީމެންގެ ނަޒާހަތްތެރިކަން ފެނިފަ ސައިތޯނާވެސް ލަދުގަންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްދޫ

15 June 2018

ފުރަތަމަ އައިޖީއެމް އެޗް ބިލްޑިންގ ކަރަޕްޝަނަށް މަގުފަހިވާގޮތަށް ދިނުމުގެ ސަބަބުން ދައުލަތަށް ގެއްލުންވާ އެއްބިލިއަނަށްވުރެ ގިނަރުފިޔާ ހޯދަން ދައުވާކުރުން ބުއްދިވެރި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭބެ

15 June 2018

މިއީއޭ ގާސިމްބެގެ މައްސަލައަކީ. ހުރިހާކަމަކުންވެސް އޭނައަށް ފައަދާ. ގައުމުގެ ގިނަފަޅުރައްތަކެ އަތުއޅުވާލައިގެން އެތަންތަން ނުހަދާ އެތްއަހަރެއްވެދާއިރުވެސް މިއުޅެނީ ވެރިކަން ލބޭތޯ. ރައްތައް ނުހަދާ ގިނަދުވަސްވުމުންވެސް އދިވެސް އެބައްލަވަނީ 50 އަހަރަށް ނުވަތަ އެއަށްވުރެންވެސް ދިގުމުއްދަތައް އެގުރިމެންޓު އިތުރުކުރެވޭތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުނޑު ހަސަނު

15 June 2018

ތިޔަ ލުޔެއް ދިންނަމަ ދީފައިވާނީ އެއަށްވުރެ ބޮޑު މަންފާއެއް ބަޔަކު ހޯދުމަށެވެ. އެއީ ޤާނޫނު އަސާސީއަށް ގެނެވުނު ބޮޑެތި އިޞްލާޙުތައް ގެނައުމުގައި ބޭނުންވި އެހީހޯދުން ކަމަށްވެސް ވެދާނެއެވެ. ޔަގީންވާ ކަމަކީ ބަދަލެއްނެތި ހެޔޮ އެދިގެން އެއްކަމެއް ވެސް ކޮށްދީފައި ނުވާނެކަމެވެ. އެކަން އަންގައިދޭ އެއްކަމަކީ ކޮޅު ބަދަލުކޮށްލި މީހުންގެ އަތުން ނެގި ބިންތަކާއި އުވާލި ކޮންޓްރެކްޓްތަކެވެ. ނުވަތަ ނަގާނެ ކަމުގެ ބިރު ދެއްކުމަށްފަހު އަލުން ރުޖޫޢަވުމުން ނުނަގާގޮތަށް ނިންމި ނިންމުމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާމިރު

15 June 2018

ކުރަންޖެހޭ ގޮތަށް ކަންތައްނުކޮށް, ހުއްދަ ހޯދަންޖެހޭ ފަރާތްތަކުން ހުއްދަނުހޯދާ ޓޫރިޒަމް މިނިސްޓްރީ އިން ތައްގަނޑުޖަހައި ސޮއިކޮށް އެއްބަސްވުން ހެދުމަކީ ވިލާގެ މައްސަލައެއްނޫނެވެ. ތި މައްސަލަ ވިލާއާއި ދެކޮޅަށް ނިންމާނެ ކޯޓަކީ އިންސާފުގެ ކުނޑިފުކެއްވެސްނެތް ކޯޓެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިއްތި

15 June 2018

ޜައީސް ޔަމީންގެ ކަންފަސޭހަކަމުން އަދި ބެލުންކުޑަކަމުން ގެއްލުނު އެމް އެން ޕީ އާރް ސީގެ 4 ބިލިޔަންގެ ގެއްލުމުގެ ބަދަލް އެހެން ވެރިކަމެއްގަ ކިހާވަރަކަށް އަރާނެބާ... ވ ބަލާލަން ބޭނުން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު ބަކުރު

15 June 2018

ރައްޔިތުންނަށް ކާޑާއި ތެލުން ސަބުސިޑީ ދިނުމުގެ ސަބަބުން ދިވެހިދައުލަތުން 500 ބިލިޔަންރުފިޔާގެއްލުން ވެފައިވޭ. ވީމާ މިފައިސާ ރައީސުމައުމޫނު ދިވެހިދައުލަތައް ދައްކަންޖެހޭނެ.