ރައީސް އަބްދުﷲ ޔާމީންގެ ދެ ކަނބަލުން ކުޑަކުއްޖަކާ ވާހަކަ ދައްކަވަނީ - ފޮޓޯ: ނިޝާން އަލީ/މިހާރު
15 ޖޫން 2018 - 13:26
54 comments
ރައީސް އަބްދުﷲ ޔާމީންގެ ދެކަނބަލުންނާއި އީދު ސަލާމްކުރަން މިއަދު ގިނަ އަދަދެއްގެ ބަޔަކު މިއަދު ރަސްރަނި ބަގީޗާއަށް ޖަމާވެއްޖެ އެވެ.
މިއަދު 9:00 ޖެހުމާ އެކު ރައީސްގެ ދެކަނބަލުން އީދު ސަލާމް ކުރައްވަން ފެއްޓުމާ އެކު ހެދި ކިޔޫ ހުކުރު މިސްކިތަށް ވުރެ ދުރަށް ދެމިގެންދިޔަ އެވެ. ކުރިން އޮތީ ސަލާންކުރެއްވުން ގަޑިއެއްހާ އިރަށް ކުރިއަށް ގެންދާ ގޮތަށެވެ. އެކަމަކު މީހުންގެ އަދަދު ގިނަވުމުން ރައީސް ޔާމީންގެ ދެކަނބަލުން އެ ތަނުގައި ދެ ގަޑިއިރަށް ވުރެ ގިނަ ވަގުތު ހޭދަކުރެއްވި އެވެ.
ރައީސް ޔާމީންގެ ރިޔާސީ ފުރަތަމަ ދައުރުގެ ފަހު ފިތުރު އީދު ސަލާމްކުރެއްވުމުގައި ކުރިއެކޭ އެގޮތަށް ކުޑަކުދިންގެ އިތުރުން އެކި އުމުރުގެ މީހުން ބައިވެރިވި އެވެ. އޭގެ ތެރެއިން ބައެއް މީހުން ވަނީ ރައީސާ އެކު ސެލްފީ ވެސް ނަގައިފަ އެވެ.
އިންޑިއާގެ ސަފީރު އަކިލޭޝް މިޝްރާއާ ރައީސްއާ ސަލާމް ކުރައްވަނީ -- ފޮޓޯ:ނިޝާން އަލީ/މިހާރު
އާންމުންގެ އިތުރުން ބޭރުގެ ސަފީރުންނާއި އިއްޒަތްތެރިން ވެސް އީދު ސަލާމުގައި ބައިވެރިވެވަޑައިގަތެވެ. އޭގެ ތެރޭގައި ރާއްޖޭގައި ހުންނަވާ އިންޑިއާ ސަފީރު އަކިލޭޝް މިޝްރާ ވެސް ހިމެނެ އެވެ.
ސަލާމް ކުރުން އިންތިޒާމްކޮށްފައި އޮތީ ތަފާތު ބުއިންތަކާއި ހަދިޔާ ވެސް ލިބޭ ގޮތަށެވެ.
ރަސްރަނި ބަގީޗާގައި މިއަދު ބޭއްވި ސަލާމް ކުރުމުގެ ހަފުލާގައި ބައިވެރިވި ބަޔަކު ކިއުގައި މަޑުކޮށްގެން. .---ފޮޓޯ:ނިޝާން އަލީ/މިހާރު
ރައީސް ޔާމީން މިއަދު ފޮނުއްވި އީދު ތަހުނިޔާގެ މެސެޖްގައި ވިދާޅުވެފައި ވަނީ މުސްލިމުން އެކަކު އަނެކަކާ ބައްދަލުވެ ހެޔޮއެދުމުގެ ޝުޢޫރުތައް ފާޅުކުރުމަކީ، އިސްލާމީ ރިވެތި އަހުލާގުގެ މަތިވެރި ނަމޫނާއެއް ކަމަށެވެ.
ފިތުރު އީދުގެ އުފާ ފާޅުކުރަމުން ދާއިރު، ދުނިޔޭގެ އެކި ކަންކޮޅުތަކުގައި ހިޔާވަހިކަމެއް ނުލިބި، ބަނޑުހައިހޫނުކަން ތަހައްމުލް ކުރަމުންގެންދާ ނިކަމެތި މުސްލިމުންނަށް ހަމްދަރުދީވެ، އެމީހުންނަށް ހެޔޮދުއާ ކުރުމަކީ މުހިންމު ކަމެއް ކަމަށް ވެސް ރައީސް ޔާމީން ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖިންސް މަނިކް
16 June 2018
އީދު ސަލާމް ކުރަންް ސަލާން ޖަހަނީތަ؟ ސަލާމަކީ ސަލާމް ކުރަން ބޭނުންވާ މީހާގޮަސް ސަލާމްގޮވާ ސަލާމްގަލާކުރުން
ްއަދުރޭ
16 June 2018
ބޮސް އެސްއެމްއެސް ކޮށްފަ ސަލާމް ކުރަން ދާންވާނޭ ބުނީމަ ނުގޮސް ނުކެރޭނެދޯ!
އާދަނު
16 June 2018
އިންޑިޔާ ސަފީރުވެސް ސަލާމް ކުރިދެއްތޯ! އެކަމް އ.ދ ގައި ވޯޓް ދިނީ ރާއްޖެއާ ދެކޮޅަށް. އެއީ މިސާލެއް.
ބޭބެ
16 June 2018
އީދު ދުވަހު މުސްކުޅިބޭބެ ޖަލުގަ ވަގުތު ހޭދަކުރަމުންދާއިރު އެބޭބެއާ ސަލާމްކުރަން ދިއުން މާއައުލާކަން ބޮޑު ވެ ތާހިރު ވާނެ.
މަޖުބޫރު
16 June 2018
ކޮމެންޓް ތައް ބަލާލީމާ އެގޭ ޔާމިން އައް ތާއިދު އޮތީ ކިހާވަރަކައް ކަން 10 ކޮމެންޓުން އެކެއް ކިރިޔާ ލައްވާލަނީ ޔާމިން އައް.
ކަދުރޭ
15 June 2018
ފުލުހުން އެންމެ ގިނައިން ގެންގޮސްފަ ތިބީ
އަލީ!
15 June 2018
ސަލާމް ކުރަން ނުގޮސްފިނަމަ ވަޒީފާ ޔަގީނެއްނޫން.
ސްކައިޕޭ
15 June 2018
ހަދިޔާ ބެހިއްޔޭ މަޖުބޫރޭ ކިޔައިގެން ވައި އަނގަ ތަޅަނީ ސަޕޯޓް އޮތްވަރު ފެނިގެން މޭކަރާތީ. ލޮލް!
ައަހުމަދު ވ.
15 June 2018
ހުކުރު ދުވަހު މާލެ އަދި ހުޅުމާލޭގެ ޕާރކްތަކަށްދާ މީހުން ހިތައްއަރާފާނެ ކަލޯ ދިވެހިންނަށްވުރެ ބަންގާޅީން ގިނައޭ މިހާރު ދިވެހިރާއްޖޭގަ. އެކަމަކު އެހެން ނުވާނެދޯ އަދި. އެކަހަލަކަމެއްތީ، ހީވަނީ ލައްކަ ގިނައޭ. ގިނަކޮޅު ގޭގަ ހެ ހެ
އަލިފް
15 June 2018
ސިޔާސީ މަގާމް ތަކުގަ ހުރި މީހުންގެ އާއިލާތައް ސަލާމް ކުރަން ދިޔައީމަ ދިހަ ހާހުން މައްޗަށް ދާނެއެވެ. މަގުތައް ފުރޭނެއެވެ. އެއީ ފާޑެއްގެ މަޖްބޫރު ކަމެކެވެ.