ރަތް ޑޮޓުން ފާހަގަކޮށްފައި އެ ވަނީ ބޯޓުގެ ބައިތައް ކަމަށް ބެލެވޭ އެެއްޗެހި ފެނިފައިވާ ސަރަހައްދުތައް: ބޯޓު އޮންނާނެ ތަން ސައެންސްވެރިން ލަފާކޮށްފައި ވަނީ މި މައުލޫމާތުގެ މައްޗަށް ވެސް ބެލުމަށް ފަހު.
28 ޖުލައި 2016 - 13:40
4 comments
ކުއާލަ ލަމްޕޫރު (ޖުލައި 28) - ގެއްލިފައިވާ މެލޭޝިއަން އެއާލައިންސްގެ ފްލައިޓް އެމްއެޗް370 ވެއްޓިފައިވާނެ ކަމަށް ބެލެވެނީ ބޯޓު ހޯދަން މިހާރު ބަލާ ސަރަހައްދުގެ އުތުރުން ގާތްގަނޑަކަށް 500 ކިލޯމީޓަރުގެ ދުރަށް ކަމަށް ލަފާ ކުރެވޭ ކަމަށް އިޓަލީގެ ސައެންސްވެރިން ބުނެފި އެވެ.
ކުއާލަ ލަމްޕޫރުން ފުރައިގެން ޗައިނާގެ ބެއިޖިން އަށް ދަތުރު ކުރި ފްލައިޓް ވެއްޓިފައިވާނެ ކަމަށް ބެލެވޭ ސަރަހައްދު އިޓަލީގެ ސައެންސްވެރިން ލަފާކޮށްފައި ވަނީ ބޯޓުގެ ބައިތައް ފެނުނު ސަރަހައްދާއި ކަނޑުގެ އޮއިވަރާއި މޫސުމީ މައުލޫމާތުގެ މައްޗަށް ކޮމްޕިއުޓަރު މޮޑެލިންއެއް ތައްޔާރުކޮށްގެންނެވެ.
އެމްއެޗް370 ގެ ބައިތައް ކަމަށް ބެލެވޭ އެއްޗެހި އެކި ގައުމުތަކުން ވަނީ ފެނިފައި. --ފޮޓޯ:ރޮއިޓާސް
ޔޫރޯ-މެޑިޓެރޭނިއަން ސެންޓަ އޮން ކްލައިމެޓް ޗޭންޖުގެ ސައެންސްވެރިން ވަނީ ބޯޓު އޮތް ތަނާ ބެހޭ މައުލޫމާތު ހޯދަން ވަރަށް ގިނަ ދުވަސްތަކެއް ވަންދެން އިންޑިއާ ކަނޑުގެ މުހިންމު މައުލޫމާތުކެއް އެއްކޮށްފަ އެވެ. ސައެންސްވެރިން ބުނަނީ ގެއްލުނު ބޯޓުގެ މައިގަނޑު އޮންނާނެ ކަމަށް ބެވެނީ ދެކުނުން 28-35 ޑިގްރީއާ ދެމެދުގައި ކަމަށެވެ.
މާޗް 2014 ގައި 239 މީހުންނާ އެކު ގެއްލުނު ބޯޓު ހޯދުމުގެ މަސައްކަތް ހުއްޓާލަން މިހާރު ވަނީ ނިންމައިފަ އެވެ. ބޯޓު ހޯދަން ކަނޑު އަޑިން މިހާރު ބަލާ 120،000 އަކަ ކިލޯމީޓަރުގެ ސަރަހައްދު ބަލާ ނިމުމުން އެ މަސައްކަތް ސަސްޕެންޑް ކުރަން އޮސްޓްރޭލިއާ އިން ވަނީ ނިންމައިފަ އެވެ. ނުބަލާ މިހާރު އޮތީ 10،000 އަކަ ކިލޯ މީޓަރުގެ ސަރަހައްދެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ
28 July 2016
އަދި އަސްލު ވެއްޓުނުތަން ބަލަން ތިޔަ އުޅެނީ މިހާރު ބަލަންވީ އުތުރޭ ބުނާއިރު އެއީ ރާއްޖޭގެ ހުޅަނގުން އޮތް ސަރަހައްދު. ކުޑަހުވަދޫ މީހުން ބުނި ވާހަކަ ޤަބޫލު ނުކުރަނީ އެމީހުން ދެރަވީމާ، އެމީހުން ބުނިގޮތުން ބޯޓުވެއްޓުފައި ވާނީ ރާއްޖޭގެ ހުޅަނގުން މިހާރު މެޕުގައި ފާހަގަކޮށްފައި ތިޔަ އޮތް ސަރަހައްދުގެ އުތުރަށް. އެންމެ ފަހުން ހޯދާމީހުންވެސް މަޑުމަޑުން އެއަންނަނީ މިދިމާއަށް. ލޮލް
ލޮލް
31 July 2016
ބޯޓު އަސްލު ވެއްޓުނީއެއް ނޫން....... ކުޑަހުވަދޫ އެއަރޕޯރޓް ނިމެންދެން ރާއްޖޭގެ ހުޅަނގުން އޮތް ސަރަަހައްދޔގަ މަޑުކޮށްގެން އޮތީ..... ކުޑަހުވަދޫ މީހުންގެ ބަސް ތެދުވާނެ ޖެއްސީމަ..... ލޮލް
ޙަހު
28 July 2016
ތިވެއްޓުނުތަނެއް ކަލޭމެންނަކަށް ޭނޭގުނެއްނު ދެންތިކަން ހުްއްޓާާލާފަ އެހެންކަމަކާ އުޅެންވީނު
މެންޓަލިސްޓް
28 July 2016
ތިޔަކަންތަށް ވެއްޖެތާ މިހާރުއަރަތަކަށް ، މިހެންމިބުނީ 30-40 މިލިއަން އަލިއަހަރުގެ ދުރުގައި ހުންނާ ގެލެކްސީތަކާއި ޕްލެނެޓްތަކުގެ މައުލޫމާތް އެބަގެނެސްދޭ ސައިންސްވެރިން ، އޭގެބޮޑުމިނާ އެޓްމޮސްފިޔަރއާޢި ބެހޭ މައުލޫމާތު ، މިއުޅެނީ ދުނިޔޭގެ ކަނޑަށް ވެއްޓުނުކަމަށް ބުނާ ބޮޑު ޕްލައިޓެއް ނުހޯދިގެން ، އެހެންވީމާ ސައިންސާއި ޓެކްނިލޮޖީގެ ބޮޑުމައްސަލައެއް އެބައުޅޭތާ ، އެހެންނޫނީ ގަސްދިގައި އެމެރިކާކަހަލަ ގައުމަކުން ތިޔައުޅެނީ ތިޔަފްލައިޓްގެ ދުވަސް ދުއްވާލައިގެން ،، އެހެންނޫނީ މިހާރުހޯދެއްވެއްޖެކަމަށް ބެލެވެނީ