އެމްޕީއެލްގެ ކެފޭ ހިންގަން ބަޔަކާ ހަވާލުކޮށް، އަލުން ހުޅުވައިފި

ނޯތު ހާބަރުގައި އިއްޔެ ހުޅުވި ފީސްޓް ކެފޭ ބިސްޓްރޯ.-- ފޮޓޯ: އަހުމަދު ނިޝާތު/މިހާރު

22 ޖޫން 2018 - 19:42

އެމްޕީއެލް އިން މާލޭގެ ނޯތު ހާބަރުގައި ކުރިން ހިންގި ކެފޭ އެހެން ބަޔަކާ ހަވާލުކޮށް، "ފީސްޓް ކެފޭ ބިސްޓްރޯ" ގެ ނަމުގައި އިއްޔެ ހުޅުވައިފި އެވެ.

ދެ ބުރި އަށް ހަދާފައިވާ ފީސްޓް ކެފޭ ބިސްޓްރޯ އަކީ 180 މީހުންގެ ޖާގައިގެ ކެފޭ އެކެވެ. އާ ކުންފުންޏަކާ ހަވާލުކޮށްގެން އެމްޕީއެލްގެ ކެފޭ ހިންގަން ފެށިއިރު، އެ ކެފޭއާ ހަމައަށް ސައިކަލްގައި ދިއުމުގެ ހުއްދަ އެމްޕީއެލް އިން ވަނީ ދީފަ އެވެ. އަދި ކެފޭ އަށް ދާ މީހުންގެ ސައިކަލްތައް ޕާކް ކުރުމަށް ވަކި ޕާކިން ޒޯނެއް ވަނީ ކަނޑައަޅައިފަ އެވެ.

އެމްޕީއެލްގެ އޮފިޝަލަކު މިއަދު ވިދާޅުވީ ކެފޭ ހިންގާނެ ބަޔަކު ކަނޑައެޅީ އެ ކުންފުނީގެ ބޯޑުން، ޖޮއިންޓް ވެންޗާ އުސޫލުން ކަމަށެވެ. ނަމަވެސް، ކެފޭ ހިންގުން ހަވާލުކުރީ ކޮން ބަޔަކާ ކަމެއް ސާފެއް ނުވެ އެވެ.

މިދިޔަ މަހުގެ ތެރޭގައި އެ ކެފޭ ހުޅުވަން މަސައްކަތް ކުރި އެވެ. އެކަން ލަސްވެގެން ދިޔައީ ކީއްވެގެން ކަމެއް ސާފެއް ނުވެ އެވެ.

ފީސްޓް ކެފޭ ބިސްޓްރޯގެ އޮފިޝަލަކު ވިދާޅުވީ، ކުރިއަށް އޮތް ހަފުތާއެއްހާ ދުވަހުގެ ތެރޭގައި އެތަނުގެ ޚިދުމަތް ރަނގަޅުކޮށް ބުފޭ ވެސް ތައާރަފު ކުރާނެ ކަމަށެވެ.

MPL cafe hingan ehen bayakaa havaalukoh, hukuru dhuvahu alun hulhuvanee

The most trusted news source in the Maldives

Mihaaru

އެމްޕީއެލްގެ ކެފޭ ކުރިން ހިންގަމުން އައީ އެ ކުންފުނިންނެވެ. ނަމަވެސް، 2016 ވަނަ އަހަރުގެ ފަހުކޮޅު ހުޅުވި ކެފޭ އަށް މަހަކު 400،000ރ. ގެ ބޮޑު ގެއްލުމެއްވާ ކަމަށް ބުނެ މިދިޔަ އަހަރުގެ މެއި މަހު އެތަން ބަންދު ކުރީ އެވެ.

ފީސްޓް ކެފޭ ބިސްޓްރޯ، 180 މީހުންނަށް އެއްފަހަރާ ޚިދުމަތް ދެވޭނެ.-- ފޮޓޯ: އަހުމަދު ނިޝާތު/މިހާރު

އެމްޕީއެލް އަށް ގެއްލުންވާތީ ކެފޭ ބަންދު ކުރުމަށް ފަހު، އެތަން ހިންގާނެ ބަޔަކު ހޯދަން މިދިޔަ އަހަރުގެ ސެޕްޓެމްބަރު މަހު އިއުލާނު ކުރި އެވެ. އަދި އެކަމަށް އެކަށީގެންވާ ފަރާތަކުން ކުރިމަތި ނުލުމުން ކަމަށް ބުނެ، އެ އިއުލާނާ ގުޅިގެން ހުށަހެޅި ބިޑުތައް އެމްޕީއެލް އިން ފަހުން ކެންސަލް ކުރީ އެވެ.

ކެފޭ ހިންގަން އެމްޕީއެލް އިން އިއުލާނު ކުރީ އެ ކުންފުންޏާ އެކު ޖޮއިންޓް ވެންޗާ އުސޫލުން ނެވެ. އަދި ކެފޭ ހިންގަން ޝައުގުވެރިވާ ފަރާތްތަކަށް އެމްޕީއެލް އިން ކުރިން ދޫކުރި ލިޔުމުގައި ބުނެފައި ވަނީ ކެފޭ ކުއްޔަށް ހިފާ ފަރާތުން ކެފޭގެ ޕާޓްނަޝިޕް ފީގެ ގޮތުގައި މަހަކު މަދުވެގެން 200،000ރ. ދައްކަން ޖެހޭނެ ކަމަށެވެ.

ފީސްޓް ކެފޭ ބިސްޓްރޯ، އެތަން ހަދާފައިވަނީ ދެ ބުރި އަށް.-- ފޮޓޯ: އަހުމަދު ނިޝާތު/މިހާރު

އެ ތަން ހިންގަން ވާނީ އެމްޕީއެލްގެ 50 ޕަސެންޓް ހިއްސާ އެކުލެވޭ ގޮތަށް ކަމަށް ވެސް އެ ލިޔުމުގައި ބުނެފައި ވެ އެވެ. އަދި އެ ލިޔުމުގައި ބުނެފައިވާ ގޮތުން، ކެފޭގެ މުވައްޒަފުންގެ ހުރިހާ ކަމެއް ބަލަހައްޓަން ޖެހެނީ އެތަން ކުއްޔަށް ހިފާ ފަރާތުންނެވެ.

ކެފޭ/ރެސްޓޯރެންޓް އެމްޕީއެލް މާލެ

4 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލިފް

24 June 2018

ކިހާ ދެރަކަމެއް ހެއްޔެވެ؟ މުޅި ރާއްޖެއިން މާލެ އަންނަ ދަތުރުވެރީން ގެ މަންޒިލަކީ މިރު ބަހުރު ބަނދަރެވެ. ދެން އެތާ ހުންނަ ކެފޭ ނޫނީ ރެސްޓޯރަންޓް ވާން ޖެހޭނީ ހަމައެކަނި އަގު ބޮޑުކޮށް ހިދުމަތް ދޭ ކުންފުންޔަށް ބޮޑުފައިދާ އެއްވާ ތަނަކަށެއް ނޫނެވެ. ދަތުރުވެރީންނަށް ވެސް އަގު ހެޔޮކޮށް ހިދުމަތް ލިބޭ ތަނަކަށް ވުން ވަރަށް މުހިއްމުވާނެއެވެ. ރަށްރަށުން އަންނަ ގިނަ މީހުންނަކީ ުއްސަނދިންނެއް ނޫނެވެ. ވީމާ ތިޔަ ކެފޭގައި ދަތުރުވެރީންނަށް އަގުހެޔޮކޮށް ކެވޭނެ ކޯނާރ އެއް ހަދާ ދިނުން އެދެމެވެ.