އަންހެނަކު ޖީންސެއް ލައިގެން ހިނގާފައި ދަނީ.
02 ޖުލައި 2018 - 07:21
12 comments
އިންޑިއާގެ އަންހެނަކާއި އޭނާގެ ހަތަރު އަންހެން ދަރިން ޖީންސް ލާން ފިރިމީހާ އަދި ދަރިންގެ ބައްޕަ ދެކޮޅު ހަދާތީ ބަޔަކަށް ފައިސާ ދީގެން އޭނާ މަރައިލި މައްސަލައެއް ތަހުގީގުކުރަން ފަށައިފި އެވެ.
ޒާހިދާ ބޭގަމްގެ ފިރިމީހާ މެހެރްބާން އަލީ މަރާލައިފައި އޮއްވައި ފެނުނީ މިދިޔަ އާދީއްތަ ދުވަހު ހެނދުނު ކަމަށް ފުލުހުން ބުންޏެވެ. އޭނާގެ ހަށިގަނޑު އޮތީ އާއިލާ ދިރިއުޅޭ ގެއާ މާ ދުރު ނޫން ހިސާބެއްގައި ހުރި، ނަޖިސް ހިންދާ ޖަންކްޝަނެއްގެ ކައިރީގަ އެވެ.
ފުލުހުން ބުނި ގޮތުގައި އަލީގެ ހަށިގަނޑު ނަގައި، ޓެސްޓްތައް ހަދައި، ސީސީޓީވީގެ ކެމެރާގެ ފުޓެޖްތައް ވެސް ބަލައި، ތަހުގީގު ފެށުމާ އެކު މިކަމަކީ އާއިލާ ތެރޭގައި ހިންގާފައިވާ ކަމެއް ކަމަށް ތުހުމަތު ކުރެވެން ފެށި އެވެ.
މި މައްސަލާގައި ޒާހިދާ، 52، އާއި ދަރިން ކަމަށްވާ ސަބާ، 26، ޒީނަތު، 22، އިރާމް 19، އަދި އާލިއާ، 18، އާ ސުވާލު ކުރުމުން އެ، މީހުން ކުށަށް އިއުތިރާފުވެފައިވާ ކަމަށް ބުންޏެވެ.
މިކަމެއް ހިންގައިފައި ވަނީ ބަޔަކަށް ފައިސާ ދީގެންނެވެ. އަލީ މަރާލީ ދެ މީހަކަށް 1،450 ޑޮލަރު ދީގެންނެވެ. އެ މީހުން މިހާރު ވަނީ ހައްޔަރުކޮށްފަ އެވެ.
ފުލުހުން ބުނި ގޮތުގައި ޒާހިދާގެ ކޯލް ރިކޯޑްތަކުން، އޭނާ އެ ދެ މީހުންނަށް ވަރަށް ގިނައިން ގުޅައިފައިވާކަން ވެސް ސާބިތުވާ ކަމަށާއި މިއީ އޭނާ އާއި ހަތަރު ދަރިން ވަރަށް ބޮޑަށް ދުރާލައި ރާވައިން ހިންގާފައިވާ ޖަރީމާއެކެވެ.
"އެ މީހުން ފުލުހުންނަށް ދިން ބަޔާނުގައި ވަނީ އަލީ މަރާލި ކަމަށް އެއްބަސްވެފައި. އަދި އެކަން ކުރީ ޖީންސް ލާން ހުއްދަ ނުދޭތީ އެކަމާ ހިތްހަމަނުޖެހިގެން އަންނަ ރުޅީގައި ކަމަށް ބުނެފައިވޭ،" ދަޔާ ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސޭކުސްތާން
02 July 2018
މަންމަ އާއި ދަރިންނަށް ވެސް ނެތް 100 ޕަސެންޓް އިތުބާރު ކުރެވޭކަށް. ދެން ޖިންސުލާ. ތިއޮތީ ނުވެގެން އުޅޭ ކަންތައް ވެފަ.
އަހޫ
02 July 2018
ދެން ތި އޮތީ ރަނގަޅަށް ޖިންސް ލެވިފަ. ޖަލުގަ ތިބެގެން..
ޙުސެން
02 July 2018
ޢަސްލުސަބަބު ފޮރުވައިގެން ތިއުޅެނީ. ޢަންހެންކުދިންގެ ފިހާރައިން މަންމަ މުދާވިއްކިކަން ފިރިމީހާއަށް އެނގުންފަދަ ބޮޑުކަމެއް ފަހަތުވާނެ
ގެރި
02 July 2018
އިންކްރެޑިބްލް އިންޑިއާ.
ރިނީ
02 July 2018
ހަމައެކަނި ޖީންސްލާން ހުއްދަނުދީގެން އެވަރުކަމެއް ނުކުރާނެ. މެރުމުގެ ހައްގު އެއްވެސް އިންސާނަކަށް ނުވޭ. ބައެއް ފިރިހެނުންނަކީ އެމީހުންގެ ހިމާޔަތުގަވާ އަންހެނުންގެ ހައްގުތަކަށް އަރާގަނެ އިހުމާލުވެ ވަރަށްވެސް އަނިޔާވެރިވާބައެއް.
ފެމިނިސްޓް
02 July 2018
މީގަވެސް ގޯސްމިވީ ފިރިހެންމީހާ ދޯ.
ފުންއަސަރު
02 July 2018
ބޮޑުވަރު. އިންޑިޔާމީހުންނަކީ އަޅެ ކީތްވެފާތިބޭ ބައެއްތަ؟ ނާތަހުޒީބުގެވެސް އެންމެ މަތީދަރަޖަ. މިމީހުން ކޮށްފާ ނުކުރާނީ ކޮންކަމެއް.
ހިނގާހޮއްކޮ
02 July 2018
އަބުރުގެ ގާނޫނާހެދި ތިޔަކަހަލަ ވާހަކަތައް ރާއްޖޭގެ ނޫސްވެރިންނަށް ލިޔަން ނުކެރެނީ. ރާއްޖެވެސް މީ ވަކި ސަހަލު ތަނެއްނޫން.
ކެނެޑީ
02 July 2018
އިންޑިއާއަކީ ކިހާބޮޑު އާބާދީއެއް އޮތް ތަނެއްތަ؟ މިހާރުވެސް އާބާދީގެ ނިސްބަތުން މިރާއްޖޭގައި ކުރާ ކުށްތައް މާގިނަވާނެ އިންޑިއާއަށްވުރެ އެއީ ކޮންމެ ވައްތަރެއްގެ ކުށެއް ކަމުގައިވިޔަސް.
ރަދީފްް
05 July 2018
ނުވާނެ ގިނައެއް. ރާއްޖޭގައި އަހަރެެއްގެ ތެރޭ 5 މީހުން މެރި ކަމުގައިވިޔަސް، އިންޑިއާގައި ދުވާލަކު އެތައް ސަތޭކަ، ނޫނީ ހާހުން މީހުން މަރާނެ. ކުދިން މަރާ. ދެން އާބާދީގެ ނިސްބަތުން ކޮބާ އިންޑިއާ ރަނގަޅުވެފަ؟ ރާއްޖޭގައި އާބާދީ ކުޑަކަމުން މީހަކު މަރާއިރަށް އިނގޭ. އިންޑިއާގަ އެހެންތަ؟ މިކަހަލަ ވާހަކައެއް ނޫހެއްގަ ތަންކޮޅެއް ދުވަސްކޮށްލާފަ ޖަހާލީމަ ތިމީހުންނަށް ހީވަނީ އިންޑިއާގަ މިކަހަލަ ކަންތައް ހިނގަނީ އަހަރަކު އެއްފަހަރުއޭ؟ އެކަމަކު މިއީ ކޮންމެ ސްޓޭޓެއްގެ، ކޮންމެ ވިލެޖެއްގައިވެސް އަބަދުހެން ހިނގަހިނގާ ހުންނަ ކަންކަން.
މުސްލިމް
02 July 2018
އެމީހުން ގެ ނަން އެއީ މުސްލިމް ނަންތައް.. އަޅެ އެމީހުން އޭ މުސްލިމުންތަ؟
ކިލެގެފާނު
02 July 2018
އިންޑިޔާ އަކީ އެތައް ދީނެއް އޮންނަ ޤައުމެއް، މި ރާއްޖެ އަކީ ސައްތައިން ސައްތަ މުސްލިމުން އުޅޭކަމަށް ބުނާ ޤައުމެއް. މިރާްއްޖޭގައި މިހިންގާ ޖަރީމާތައް މަދުތަ.