އިސްލާމިކް ޔުނިވާސިޓީގެ ވައިސް ޗާންސެލާ އަކަށް އައްޔަން ކުރެއްވި އައިޝަތު ހަލީލާ.
09 ޖުލައި 2018 - 14:15
32 comments
މި އަހަރުގެ ރިޔާސީ އިންތިޚާބުގައި، ޕީޕީއެމްގެ ރިޔާސީ ކެންޑިޑޭޓް ރައީސް އަބްދުﷲ ޔާމީންގެ ރަނިން މޭޓަކަށް، އިސްލާމިކް ޔުނިވަސިޓީގެ ޗާންސެލަރު ޑރ. މުހައްމަދު ޝަހީމް އަލީ ސައީދު ހަމަޖެއްސުމުން، އެ ޔުނިވާސިޓީ ހިންގުމަށް ވައިސް ޗާންސެލާ އެއް މިއަދު އައްޔަން ކުރައްވައިފި އެވެ.
އެމަގާމަށް ރައީސް އަބްދުﷲ ޔާމީން އައްޔަން ކުރައްވާފައިވަނީ ހދ. ވައިކަރަދޫ، ބުލޫހައުސް، އާއިޝަތު ހަލީލާ ޢަބްދުއްސައްތާރު އެވެ.
ދީނީ ދާއިރާ އިން މަތީ މައުލީމް ހާސިލް ކުރައްވާފައިވާ އާއިޝަތު ހަލީލާ ވަނީ އަދާލަތު ޕާޓީގެ ޓިކެޓެއްގައި ވައިކަރު ދާއިރާގެ މަޖިލިސް މެމްބަރު ކަމަށް އެންމެ ފަހުން ބޭއްވި އިންތިހާބުގައި ވާދަކުރައްވާފަ އެވެ. އިންތިހާބުން ނާކާމިޔާބުވި އެވެ.
އައިޔޫއެމްގެ ޗާންސެލާ އަކަށް ހުންނެވި ޝަހީމް، ރަނިން މޭޓަކަށް އައްޔަން ކުރުމުން އޭނާ ވިދާޅުވީ ޗާންސެލާކަމުން އިސްތިއުފާ ދެއްވާނެ ކަމަށެވެ. ނަމަވެސް މިހާރު ޕީޕީއެމް އޮފީހުގައި ކުރިއަށްދާ ނޫސްވެރިންގެ ބައްދަލުވުމުގައި ޝަހީމް ވިދާޅުވީ މަގާމުން އިސްތިއުފާ ނުދެއްވުމަށް ރައީސް ޔާމީން އަންގަވާފައިވާ ކަމަށެވެ.
"އަޅުގަނޑު މަސައްކަތް ކުރާނީ އެޑްވައިޒަރެއްގެ ގޮތުގައި. ވައިސް ޗާންސެލާއެއް ކަނޑައަޅާނެ ހިންގުމަށް،" ޝަހީމް ވިދާޅުވި އެވެ.
ޕީޕީއެމް ނިންމާފައިވަނީ އެޕާޓީގެ ކެމްޕެއިންގައި އަމަލީ ގޮތުން އެންމެ އިސް ބޭފުޅެއްގެ ގޮތުގައި ޝަހީމް ބޭނުން ކުރެއްވުމެވެ. ޝަހީމް ވިދާޅުވީ ކެމްޕެއިނުގައި އުޅުއްވިޔަސް ޔުނިވާސިޓީ ހިންގުމަށް ހުރަހެއް ނޭޅޭނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެކްސް
10 July 2018
ކޮންމެހެން މާގިނަ ހާސަރުތަކެއް ދެމުމުގެ ބޭނުމެއްނެތް. ތިމަންނަ އިސްތިއުފާނުދޭނަމޭ ބުނީމަ ނިމުނީ. ބޭނުމީ މަގާމާއި ޖާހާއި، ފައިސާ. މިއީ ހަގީގަތަކީ.
ފީމޭލް
10 July 2018
އަންހެނެއް ވައިސް ޗާންސެލަރ ކަން ކުރަން އޯކޭ، އެކަމަކު ރަނިންގ މޭޓަކަށް......
ގަމާރުކޮއި
10 July 2018
މި ޚަބަރުކިޔާލީމާ ތިނެއްޗެއް ހިތައްއަރާ. ފުރަތަމަ ބުނީ އިސްތިއުފާދޭނަމޭ، މިހާރު ނުދޭނަމޭ. އެހާއަވަހަށް ޚިޔާލު އެބުރި ބުނެވުނު ބަހާއި އަމަލު ދިމާނުވުން؟ އިސްތިއުފާ ނުދެނީ ރައީސް އެކަމަށް އެންގުމުންނޭ. އެކަމު އަމިއްލަ ޒަމީރު ބުނަނީ ކީކޭބާ؟ މަސައްކަތްކުރާނީ އެޑްވައިޒަރެއްގެ ގޮތުގައި ބުނެފަ ހަމަ އެނޭވާގައި މިބުނަނީ ކެމްޕޭނުގައި އުޅުނަަސް ޔުނިވަރސިޓީ ހިންގުމަށް ހުރަހެއްނޭޅޭކަމަށް. އެޑްވައިޒަރުން ތަންތަން ހިންގާތަ؟
މަށޭމީ
10 July 2018
މި ޚަބަރު ކިޔާފާ މި ޚަލީލާ އަކީ އަދި ކާކު ކަމެއް ނޭނގޭ. މިއަށް ވުރެ ތަފްސީލު ބޭނުންވޭ. ޔުނިވަރސިޓީއެއްގެ ވައިސް ޗާންސެލރަކީ ތަން ހިންގާ އިލްމީ މީހެއް. މި ހޮވި ކަނބުލޭގެ ކިބައިގާ އެކަން އެބަހުރިބާ؟ ޚަބަރު ކިޔާ ބަޔަކަށް އެވަރު ވަޒަންކޮށްލެވޭ ވަރަށް މައުލޫމާތު ހިމަނާލަދިނުން އެދެން.
ޔަފީއު
09 July 2018
ޝަހީމް ކުރީގަ ބުނީ ސީޔާސީ ދާއީރާ ދޫކުރަންވެގެންނެ އީސްތީއުފާދީނީ މީނީސްޓަރު ކަމުން.. ފަހުން މީ ބުނަނީ އީމްރާނައް ޓަކައީއޭ އީސްތީއުފާދީނީ.. މީތަނުން ތެދަކީ ކޮބާ؟
ޢަލިދީދީއައްޑޫސިޓީ
09 July 2018
އައިޔޫއެމް ގެ ހަރަކާތްތައް ދެން ވަރަށް ގިނަ ގިނައިން ޓީވީ ތަކުން ފެންނާނެ. މީގެ ކުރިން އޮންނަ ތަނެއްކަން ވެސް ބަޔަކަށް ނެނގޭ. އެހެންވެ އިސްތިއުފާ ނުދޭން އެންގެވީ ވެސް. ނުފޫޒުގެ ތެރެއިން، ޚާއްޞަކޮށް ޓީވީ މީޑިޔާ ގައި ރަނިންމޭޓުގެ ކެމްޕޭން ޖައްސަން. ޓީވީ ތަކުން ހަމަހަމަ ފުރުޞަތު އޮންނާނީ ކޮންމެ ކެންޑިޑޭޓަކަށް، ދުވާލަކު 15 މިނިޓު އުސޫލުން. އެކަމަކު އައިޔޫއެމްގެ އެކިއެކި ހަރަކާތްތައް ބާކީ އޮތް 23 ގަޑީ ގައި ދެއްކޭނެ. އަދި އެޙަރަކާތް ތަކުގައި ޗާންސެލަރ ބައިވެރިވެ ވަޑައިގަންނަވާނެތާ!. #ގަޅިވިސްނުން
މޫން
09 July 2018
ހދ މެމްބަރަކަށް އަދާލަތުން ޚަލީލާ ނުހޮވުނުކަން ރަގަޅު. މީ ހަމަ ޔާމީން ޕަޕެޓެއްކަން މި ޔަޤީންވީ
ހައިވް
09 July 2018
އަދީބުވެސް ތިގޮތަށް ޓޫރިޒަމް މިނިސްޓްރީ ހިންގި!
ވާލުސޮރު
09 July 2018
ބަހުގެ އިތުބާރެއްނެތް، ބުނާ ބަސްވެސް ހިފަހައްޓަން ނޭންގޭ ދޮގު ހަދާ މީހުންނަށް ޝޭޙުންނޭ ކިޔަންވީތޯ؟. ތިމާ ނުކުރާ މަސައްކަތުގެ މުސާރަ ނަގަމުންދާ ނަމަ ހަލާލުވާނޭ ބުނާ މީހުންނަށްވެސް ދީނީ އިލްމުވެރިންނޭ ކިޔަންވީތޯ
ފފފފ
09 July 2018
ޔުނިވަރސިޓި ޤާނޫނުަގއި ސިޔާސީ މީހަކު އެތާ މަގާމް ފުރުމަކީ މަނާކަމެއް! މިބޭފުޅާ އަންހެނަކަށް ވީމާ ޔާމީނަށް ޗާންސެލަރަކަށް ކަމު ނުދިއައީތަ؟