ޚަބަރު / މީރާ

މިދިޔަ މަހު މީރާ މެދުވެރިކޮށް 1.3 ބިލިއަން ރުފިޔާ ދައުލަތަށް ލިބިއްޖެ

މީރާ: މިދިޔަ މަހު މީރާ މެދުވެރިކޮށް ލިބުނު އާމްދަނީ ވަނީ އިތުރުވެފައި --ފޮޓޯ/މިހާރު

މުއިއްޒު އިބްރާހިމް، މިހާރު

09 ޖުލައި 2018 - 15:10

6 comments

މޯލްޑިވްސް އިންލެންޑް ރެވެނިއު އޮތޯރިޓީ (މީރާ) މެދުވެރިކޮށް މިދިޔަ މަހު ދައުލަތަށް 1.3 ބިލިއަން ރުފިޔާ ލިބިއްޖެ އެވެ.

މީރާ އިން އާންމު ކުރި މިދިޔަ މަހުގެ ތަފާސް ހިސާބުތައް ދައްކާ ގޮތުން މިދިޔަ މަހު ލިބުނު 1.3 ބިލިއަން ރުފިޔާއަކީ ލިބޭނެ ކަމަށް ލަފާކުރި މިންވަރަށް ވުރެ 18 ޕަސެންޓް އިތުރު އަދަދެކެވެ. އަދި އެއީ މިދިޔަ އަހަރުގެ ޖޫން މަހާ އަޅައި ބަލާއިރު ވެސް 41 ޕަސެންޓް އިތުރު އަދަދެކެވެ. އޭގެ ތެރެއިން 769 މިލިއަން ރުފިޔާ ލިބުނީ އެމެރިކާ ޑޮލަރުންނެވެ. އެއީ 49.9 މިލިއަން ޑޮލަރެވެ.

މިދިޔަ މަހު ލިބުނު އާމްދަނީގެ އެންމެ ބޮޑު ބައެއް ހިއްސާ ކުރަނީ މުދަލާއި ޚިދުމަތުގެ އަގުން ނަގާ ޓެކްސް ނުވަތަ ޖީއެސްޓީ އެވެ. އެއީ ޖުމްލަ އާމްދަނީގެ 35 ޕަސެންޓެވެ. ދެ ވަނަ އަށް އެންމެ ގިނައީ ޓޫރިޒަމް ލޭންޑް ރެންޓެވެ. އެއީ އާމްދަނީގެ 22 ޕަސެންޓެވެ.

މީރާއިން ބުނި ގޮތުގައި މިދިޔަ އަހަރުގެ ޖޫން މަހަށް ވުރެ މިދިޔަ މަހުގެ އާމްދަނީ އިތުރުވީ މިދިޔަ އަހަރުގެ ފިތުރު އީދު އެ އަހަރުގެ ޖޫން މަހާ ދިމާވުމުން އެ އަހަރުގެ ޖުލައި މަހާ ހަމަ އަށް ޓެކްސް ދެއްކުމުގެ މުއްދަތު އިތުރުކޮށްދީފައި އޮތް އިރު، މި އަހަރު އެފަދަ ގޮތަކަށް މުއްދަތު އިތުރު ކޮށްދީފައި ނެތުމުންނެވެ. އަދި މިއަހަރު އާ ރިސޯޓްތަކެއް ހުޅުވުމާ ގުޅިގެން ލޭންޑް ރެންޓްގެ ގޮތުގައި ލިބުނު އަދަދު އިތުރުވުމަކީ ވެސް އާމްދަނީ އިތުރުވި ސަބަބެއް ކަމަށް މީރާއިން ބުންޏެވެ.

މީރާ ޓެކްސް ދައުލަތުގެ އާމްދަނީ ޖީއެސްޓީ ވިޔަފާރި ފައިދާ ޓެކްސް

6 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސައްޔާހް

10 July 2018

ޖީ އެސް ޓީ ނުވަތަ ޓެކްސް ނަގާތީ ކޯޓަށް ދުވި ބައިގަނޑު ވެރިކަމުގައި ތިބެ މަހަކު 1.3 ބިލިއަށް ރުފިޔާ ތަޅާ ބުރުވާ ހުސް ކުރާ އިރު ދިވެހިން އަދިވެސް ހޭ އަރާކަށް ނުވޭބާ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖައްސާތި

09 July 2018

މިދިޔަ މަހު މީރާ މެދުވެރިކޮށް 1.3 ބިލިއަން ރުފިޔާ ދައުލަތަށް ލިބިއްޖެ ނަމަ އެއީ މަމެން އުފާކުރާ ކަމެކޭ އެއީ އެކަމަކު މާ މަދު އަދަދެކޭ އެއަދަދު އެބަޖެހޭ މަދުވެގެން 1 ޓްރިލިއަން ރުފިޔާ އަށް މަހަކު ހަދަން އެކަން ކުރެވެން އޮތީ މާލެ ސަރަހައްދުގައި އޮތް ގުޅިފަޅު ހިއްކާ ގުޅިފަޅުން މާލެ ސަރަހައްދުގައި މަސައްކަތް ކުރާ އަމިއްލަ ކުންފުނި ތަކުން ކޮންމެ ކުންފުންނަކަށް މަހަކު އަކަފޫޓަކަށް 1 ރުފިޔާ ސަރުކާރަށް ދައްކާ ގޮތަށް 10 ހާސް އަކަފޫޓްގެ 50 ހާސް ގޯތި ކުއްޔަށް ދޭންވީއޭ ގުޅިފަޅު އެއްކޮށް ހިއްކާލާ އަދި ތިލަފުށި ފަޅުއެއްކޮށް ހިއްކާލާ އެއިރުން މަހަކު 500 މިލިއަން ރުފިޔާ ހަމަ އެކަނި ކުލީގެ ގޮތުގައި ލިބޭނެ ނޫންތޭ ދެން އެ 500 މިލިއަން ރުފިޔާ އަށް ގިރާވަރު ފަޅު ހިއްކާ އެތަނުން ވެސް މިދެންނުވުނު އަދަދަށް ބިން ތައް ކުއްޔަށް ދޫކޮށްލުމުން އަނެއް 500 މިލިއަން ރުފިޔާ ލިބޭނެއޭ ދެން މާލެ އާއި ވިލިގިލި އާއި ދެމެދު އޮތް ކަނޑުއޮޅި ހިއްކާލާނީ އެފައިސާ އިން އެއިރަށް ލިބޭނެއޭ އެތަނުގެ ބިން ތަައް ކުއްޔަށް ދީގެން 1 ޓްރިލި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިކަލޯ

09 July 2018

ކޮންތާކު....! ހަމަ އޭޗެކޭ މީޗެކޭ ކިޔާފަ އަތުލަނީ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައްބޭ ބައި

09 July 2018

އެހެންވީމާ، ވަކި އާމްދަނީ އިތުރެއް ނުވޭ ދޯ. ނެގި ދުވަސް ތަފާތުވީ. ލިބުނީ އެއްކަލަ ޖީ.އެސް.ޓީ ދޯ؟ ރައްޔިތުން މޮޔަކުރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަންނަވަންތޯ

09 July 2018

ސުރުހީ ބަދަލުކޮށްލުން ވަރަށް ރަނގަޅުވާނެ. "މިދިޔަ މަހު ރައްޔިތުންނާއި ވިޔަފާރިވެރިން ދައުލަތަށް 1.3 ބިލިޔަން ރުފިޔާ ޓެކްސްގެ ގޮތުގައި ދައްކައިފި". ނުވަތަ "ދައުލަތުގެ ޚަރަދުތައް ހަމަޖެއްސުމަށް ރއްޔިތުންނާއި ވިޔަފާރިވެރިން ޓެކްސްގޮތުގައި 1.3 ބިލިޔަން ރުފިޔާ މިދިޔަ މަހު ދީފި".

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެންނެވިން

10 July 2018

ތިހެން ބުނާއިރު ހީވަނީ ދައުލަތުގެ ޚަރަދަކީ ރައްޔިތުންގެ ޚަރަދެއް ނޫނޭ. ކިހިނެތް އާސަންދަ ލިބެނީ؟ ކިހިނެތް ތަރައްޤީގެ މަޝަރޫއުތައް ހިންގަނީ؟ އެއީ ރައްޔިތުންނަށް މަންފާވާ ކަންކަމެއް ނޫންތަ؟