އޯޕެކް ފަންޑުގެ ލޯނާ ގުޅޭ ގޮތުން ތިމާވެއްޓާ ބެހޭ މިނިސްޓަރު ތޯރިގް (ކ) އާއި ހައުސިން މިނިސްޓަރު މުއިއްޒު ނޫސްވެރިންނާ މިއަދު ވާހަކަ ދައްކަވަނީ.
16 ޖުލައި 2018 - 17:39
25 comments
ރާއްޖެ އަށް، އޯޕްކް ފަންޑް ފޯ އިންޓަނޭޝަނަލް ޑިވެލޮޕްމަންޓް (އޯޕެކް) އިން 40 މިލިއަން ޑޮލަރު (616.8 މިލިއަން ރުފިޔާ) ގެ ލޯނެއް ދީފި އެވެ.
ހައުސިން މިނިސްޓްރީ އާއި އެންވަޔަރުމެންޓް މިނިސްޓްރީގެ ފަރާތުން މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން އެންވަޔަރުމެންޓް މިނިސްޓަރު ތޯރިގް އިބްރާހިމް ވިދާޅުވީ، ތިން ދާއިރާ އަކަށް އެ ލުއި ލޯނުން ހޭދަކުރުމަށް ރައީސް އަބްދުﷲ ޔާމީން ނިންމަވާފައިވާ ކަމަށެވެ.
އެއީ، ތޯރިގް ވިދާޅުވި ގޮތުގައި އެންވަޔަރުމެންޓް މިނިސްޓްރީ އާއި ހައުސިން މިނިސްޓްރީގެ އިތުރުން ޓޫރިޒަމް މިނިސްޓްރީގެ ދަށުން ހިންގާ ރީޖަނަލް އެއާޕޯޓުގެ މެންޑޭޓުގެ ދާއިރާތަކެވެ.
އޯޕެކް ފަންޑަކީ ރާއްޖެ އަށް ޒަމާނުއްސުރެ ވަރަށް ގިނަ އެހީތައް ވަމުން އަންނަ މާލީ އިދާރާއެއް ކަމަށް މިނިސްޓަރު ތޯރިގް ވިދާޅުވި އެވެ.
އަދި ވިދާޅުވީ، އޯޕެކް ފަންޑުން ދިން ލޯނުން، ތިމާވެއްޓާ ބެހޭ މިނިސްޓްރީން ހޭދަކުރާނީ އަށް ރަށެއްގެ ނަރުދަމާ އާއި ގޮނޑުދޮށް ހިމާޔަތް ކުރުމުގެ މަޝްރޫއުތަކަށް ކަމަށެވެ. އެގޮތުން، ހދ އަތޮޅުން ނެއްލައިދު އާއި ނޭކުރެންދު އާއި މަކުނުދޫ އަދި ށ. ފޭދޫގައި، އެ ލޯނުގެ ދަށުން ނަރުދަމާގެ ނިޒާމު ގާއިމް ކުރާނެ ކަމަށް ތޯރިގް ވިދާޅުވި އެވެ. މީގެ އިތުރުން ށ. މަރޮށީގެ ގޮނޑުދޮށް ހިމާޔަތް ކުރުމުގެ މަޝްރޫއު ވެސް އެ ލޯނުގެ އެހީގައި ކުރިއަށް ގެންދާނެ އެވެ.
ލޯނުގެ އެހީގައި، ގއ އާއި ގދ އަދި އައްޑޫގެ ރަށްރަށުގެ ތެރެއިން ވާދު އާއި ފިޔޯރީގެ ނަރުދަމާގެ ނިޒާމު ގާއިމް ކުރުމާއި ކޮލަމާފުއްޓާއި ހޯޑެއްދޫ އަދި މަރަދޫފޭދޫގެ ބަނދަރު ހެދުމާއި މީދޫގެ ގޮނޑުދޮށް ވެސް ހިމާޔަތް ކުރުމުގެ މަޝްރޫއު ކުރިއަށް ގެންދާނެ ކަމަށް ސަރުކާރުން ބުނެ އެވެ.
މީގެ އިތުރުން، ބ. އަތޮޅުގެ ރަށްރަށުގެ ތެރެއިން ކުޑަރިކިއްޔާއި ދޮންފަނާއި ކިހާދޫގެ ބަނދަރު ހަދާނެ އެވެ. އަދި ދަރަވަންދު އާއި ކެންދޫގެ ނަރުދަމާގެ ނިޒާމު ވެސް އޯޕެކްގެ ލޯނުގެ އެހީގައި ފަށާނެ ކަމަށް ސަރުކާރުން ބުންޏެވެ.
ފ. އަތޮޅަށް އަމާޒު ކޮށްގެން، އޯޕެކް ފަންޑުގެ ލޯނުގައި ކުރިއަށް ގެންދާނީ ނިލަންދޫ އެއާޕޯޓު ހެދުން ކަމަށް ތިމާވެއްޓާ ބެހޭ މިނިސްޓަރު ވިދާޅުވި އެވެ. އެއީ، 6.5 މިލިއަން ޑޮލަރެވެ.
ބައެއް މަޝްރޫއުތަކަށް ތިމާވެއްޓާ ބެހޭ މިނިސްޓްރީން 19.5 މިލިއަން ޑޮލަރު ޚަރަދު ކުރުމަށް ހަމަޖެހިފައިވާއިރު، މަޝްރޫއުތަކުގެ އަމަލީ މަސައްކަތް މި އަހަރު ފަށާނެ ކަމަށް އޭނާ ވިދާޅުވި އެވެ.
އޯޕެކް ފަންޑުގެ ލޯނުން ހައުސިން މިނިސްޓްރީ އަށް ކަނޑައެޅި ފައިސާ އިން އެ މަޝްރޫއުތަކަށް 13.5 މިލިއަން ޑޮލަރު ހަރަދު ވާނެ ކަމަށާއި ކުރިއަށް އޮތް ކުޑަ ދުވަސްކޮޅުގެ ތެރޭގައި އިދާރީ ކަންކަން ނިންމުމަށް ފަހު އަމަލީ މަސައްކަތް މި އަހަަރުގެ ތެރޭގައި ފަށާނެ ކަމަށް ވެސް ހައުސިން މިނިސްޓަރު ޑރ. މުހައްމަދު މުއިއްޒު މިއަދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔުނައިޓެޑް އައްޑޫ
17 July 2018
މީހަކު އެއްޗެކޭ ބުނާއިރަށް ހަބަރޭ ކިޔައިގެން ނޫހުގައި ލިޔުނީމައި ކަމަކުނުދާނެ. ވަކިން ޚާއްސަކޮށް އިންތިޚާބާއި ދިމާކޮށް ސަރުކާރުން ހަދާ ދޮގުތައް ޕްރޮމޯޓް ކުރުމަކީ ނޫސްވެރިކަމެއް ނޫން. އަމިއްލަފުޅަށް ބައްލަވާ އޯޕެކް/އޯފިޑް ލޯންތަކުގެ ތަފްސީލް: http://www.ofid.org/COUNTRIES/Asia/Maldives
މޮޔަސޮރު
17 July 2018
ފިނޭންސް މިނިސްޓްރީގެ ފަރާތުން ލޯނެއްގައި ސޮއިކޮށް ފިއްޔާ ބޮޑު ރަސްމިއްޔާތެއް މިހާތަނަށް ބާއްވަ، މިކަން އަދި ގަބޫލު ނުކުރެވިފަ މިހުރީ، މިނޫހުގެ ފަރާތުން މިކަން ފިނޭންސުން ސާފު ކޮއްލަން ފެނޭ
ބަލާމީހާ
17 July 2018
މިއަހަރުތެރޭގައި ކިތައްލޯނު ނެގިތޯއާއި ކިތައްބޮންޑު ވިއްކާފައިވާކަން އަދި މިދަރަނިތަކުގެ ޖުމުލަ ކިހާވަރެއްކަން އަދި މިފައިސާއިން މިއަހަރު ކުރެވުނު މަސައްކަތަކީ ކޮބައިކަން މިނޫހުގެ ފަރާތުން ޝާއިޢު ކޮށްލަ ދެވިދަނެތޯ.
ގޮބިޅި
17 July 2018
ދިވެހި ބައިތުލްމާލަށް ލިބޭ ލާރިމަދުވީމަ ކެވޭވަރު ކުޑަކަމުން ބޮޑެތި ސިންގާހާ ލޯނުނަގައިގެން ހަމަ ކަނީ 10 މިލިއަނަށް ވާންހުންނަ ކަންކަން 50 މިއަނަށް ކޮށްފަ ޖީބަށް ޖީބަށް ޖީބަށް
ހުދުކާޅު ހުދުހުދު
17 July 2018
ނުއަތުފިޔާގެ ކުދިންކޮޅަށް ރަގަޅު އެއްގޮތެއްނެތް! އެމީހުން ނުދަނޭ އެމީހުން ހައްދަވާ ގެންގުޅުއްވާ ފަރާތެއް ވާކަމެއްވެސް! އެފަރާތުގެ ރޭއްވެވުމުގެ ދަށުން އެންމެހާ ކަމެއް ހިނގާކަމަށް ޤަބޫލުނުކުރެވޭތީ މީހުނަށް ބަދުބަސް ގޮވެނީ! ތިމާ އީމާންވެ ފުރިހަމަ މުއުމިނެއްގެ ގޮތުގައި ތަޤުވާވެރިކަން މަތީ ދެމިހުންނާން ޖެހޭކަން ހަނދުމަފުޅު ބެހެއްޓެވުން އެދެން! ވ. ބޮޑަށް ޝުކުރިއްޔާ!
ގުއިއްޒު
17 July 2018
އަވަހަށް ފެންތައްޓަކާ ނުލާ ދިރުވާލާ.
ޝަމްމޫން
17 July 2018
ފަހުވަގުތުކޮޅުވެސް ލޯނު ރައްޔީތުން ކަރުގައަޅުވާފަ މީއުޅެނީ ލޯނުދެއްކުމައް ފައީސާނުލީބޭކަހަލަ ކަންކަމައް ޚަރަދު ކުރެވޭތޯ.. އެޔާޕޯޓުގެ ލޯނުވެސް އަދީ ދެއްކޭނީ ހަމަ ކީރީޔާ.. އަދީ ބޮންޑާއީ.. 25 ބުރީ އީމާރާތުގެ ކޮންޓުރެކްޓަރ އައްދައްކާ ލާރީއާއީ ބުރީޖުގެ ލާރީވެސް ހަމަ ޔޫއެސް ޑޮލަރުން ދެއްކުން އޮތީ.. މީކަމުގައީ މީސަރުކާރު ޒީންމާވާނެ ބަޔަކުނުތީބޭނެ.. އެކަން އެޅޭނީ އަންނަ ސަރުކާރަކާއީ ރައްޔީތުންގެ ކަރުގަ...ދެން ބާޒާރުގަ ހުރީ ޑޮލަރުތައް ގަނެގެން ގޭގެ ކޮޓަރީއަކައް ލައީގެން ޑޮލަރު ދަތީކޮއްގެން އަންނަ ސަރުކާރަކައް ޖެއްސުން ކުރާނީ..
އައްޑޫ ބެއްޔާ
17 July 2018
ބާކީ 5 ލައްކަ ޑޮލަރު ދިޔައީ ކޮންތަނަކަށްބާ؟ ހަމަ އަހާލެވުނީ
އަހްމަދހ
17 July 2018
ތީގެން ލެވޭނެ ބުރިޖުގަ ކުލަ އެއްފަހަރު ... ވަރަށް ވާހަކަ މިއީ
އުމަރުބެ
17 July 2018
ތިޔައިން އެއްވެސް ލޯނެއްގެ ބައެއް އަމާޒްކޮށްފައިނެއް އިޤްތިސާދު ކުރިއަރުވަން އެއްވެސް ކަމެއް ކުރުމަކަށް، އެކަމަކު ލޯނަށް ފައިސާދައްކަންޖެހެނީ ޓެކުސްގެ ފައިސާއިން، ހަމަ އެތަކެއް މިލިއަނެއް މިހޭދަކޮށްލަނީ ކޮންކުރީޓަށާއި ބިން ހިއްކުމަށް، މިހުރިހައި ފައިސާ މިދެވެނީ ބޭރުގެ ކުންފުނިތަކަށް، މިއިން އެއްވެސް ލޯނެއްގެ މަސައްކަތެއް ދިވެހިންނަކަށް ނުލިބޭ، މިއީ ވަރަށް ހިތާމަހުރިކަމެއް، ބައެއް ފަހަރު މިފަދަ މިނިސްޓަރުންނަށް ހީވާނެ ތިޔަ ޕްރޮޖެކްޓް ރައީސުލް ޖުމްހޫރިއްޔާގެ ނަމުގައި ހިންގައިގެން ވޯޓް ލިބޭނެކަމަށް، ދިވެހިން އެތިބީ ވަޒީފާއެއް ނެތިފައި ނިކަމެތިވެފައި، އެމީހުން ވޯޓެެއްނުދޭނެ