ބ. މިރިއަންދޫގައި ހަދާ މެރިއޮޓް އިންޓަނޭޝަނަލްގެ ވެސްޓިން ބްރޭންޑްގެ ރިސޯޓު: ރާއްޖޭގައި ރިސޯޓުތައް ހަދަން ކުރާ ހޭދަ އަނބުރާ ލިބެން ނަގާ މުއްދަތު ދެގުނަ ވަނީ އިތުރުވެފައި.
18 ޖުލައި 2018 - 14:11
18 comments
ރާއްޖޭގައި ރިސޯޓުތައް ހަދަންކުރާ ހޭދަ އަނބުރާ ލިބެން މިހާރު 20 އަހަރު ނަގާނެ ކަމަށް ރިސޯޓުތައް ހިންގާ ބައެއް ވިޔަފާރިވެރިން ބުނެފި އެވެ.
ޓޫރިޒަމް ހަބަރުތައް ގެނެސްދޭ ޓީޓީޖީ އޭޝިއާ އަށް ދެއްވި އިންޓަވިއުއެއްގައި ކޮކޯ ކަލެކްޝަން ހޮޓެލްސް އެންޑް ރިސޯޓްސްގެ ޗީފް ކޮމާޝަލް އޮފިސަރު އެންޑްރޫ އޭޝްމޯ ވިދާޅުވީ ކުރިން އާއްމުކޮށް ރިސޯޓެއް ހަދަން ކުރާ ހޭދަ 10 އަހަރުގެ ތެރޭގައި އަނބުރާ ލިބޭ ކަމަށެވެ. ނަމަވެސް މިހާރު އެ މުއްދަތު ދެގުނަ އިތުރުވެ، 20 ނުވަތަ 25 އަހަރު ނަގާނެ ކަމަށް ވެސް އޭނާ ވިދާޅުވި އެވެ.
ރިސޯޓުތައް ހިންގަން ކުރާ ހޭދަ އަނބުރާ ލިބެން ނަގާ މުއްދަތު ދިގުލައިގެންދާ ސަބަބެއް ކަމަށް އިންޑަސްޓްރީގެ ވިޔަފާރިވެރިން ދެކެނީ ކުއްލިއަކަށް، އެއްވައްތަރެއްގެ އެތައް ރިސޯޓެއް މާކެޓަށް ނެރުމެވެ.
"ލަގްޒަރީ ރިސޯޓުތައް އިތުރުވެގެން ދިޔައީ މާ އަވަހަށް. އަދި އެ ހުރިހާ ތަނެއް ވެސް ހަދާފައި ހުންނަނީ ދާދި އެއްގޮތަކަށް، އެއް ކަމެއް ކުރެވޭ ގޮތަށް،" މަތީފަންތީގެ ގިނަ ރިސޯޓުތަކެއް ހިންގާ ކޮކޯ ކަލެކްޝަންގެ ސީސީއޯ ވިދާޅުވި އެވެ.
"މީގެ ގިނަ ރިސޯޓުތަކުގެ ވިލާތަކާއި ރެސްޓޯރަންޓްތައް ވެސް ހަދާފައި ހުންނަނީ އެއްގޮތަކަށް. އެ ހުރިހާ އެއްޗަކީ ވެސް އިމްޕޯޓުކޮށްގެން ހަދާ އެއްޗެތި."
މި އަހަރުގެ ނިޔަލަށް މަތީފަންތީގެ އިތުރު ވިއްސަކަށް ރިސޯޓު ހުޅުވާނެ ކަމަށް ޓޫރިޒަމްގެ ތަފާސްހިސާބުތަކުން ދައްކަ އެވެ.
ރާއްޖޭގައި މަތީފަންތީގެ ޓޫރިޒަމް ތައާރަފްކުރި ސޮނޭވާގެ ސީއީއޯ ސޯނޫ ސިވްދަސާނީ ވިދާޅުވީ ތަފާތުތަކެއް ނުގެނެވުމުން ރާއްޖޭގައި މަތީ ފެންވަރުގެ ރިސޯޓުތައް ހެދި ގިނަ ވިޔަފާރިވެރިންނަށް އޭގެ ގެއްލުން ކުރިމަތިވަމުން ދާ ކަމަށެވެ.
"އެ ރިސޯޓުތައް ހެދި މީހުންނަށް ކިރިޔާ ކުރެވޭ ކަމަކީ ރިސޯޓުގެ ކުއްޔާއި ޓެކްސްތަކާއި ބޭންކު ލޯނުތައް ދެއްކުން. އެ މީހުންނަށް ހަގީގަތުގައި އެއްވެސް ފައިދާއެއް ނުލިބޭ،" 1995ގައި ރާއްޖޭގައި ސޮނޭވާފުށި ރިސޯޓާ އެކު މަތީ ފެންވަރުގެ ޓޫރިޒަމް ތައާރަފްކުރި ވިޔަފާރިވެރިޔާ ވިދާޅުވި އެވެ.
ސޯނޫ ވިދާޅުވީ މަތީ ފެންވަރުގެ ގިނަ ރިސޯޓުތަކެއް ހުޅުވާތީ އެކަމާ ހައިރާންވެވަޑައިގަންނަވާ ކަމަށެވެ. ރިސޯޓުތަކަށް ތަފާތުތަކެއް ނުގެންނާތީ، ގިނަ މީހުން ލަފާކުރާ ރޭޓްތަކަށް އެނދު ނުވިއްކޭ ކަމަށް ވެސް އޭނާ ވިދާޅުވި އެވެ.
ސޯނޫ ދެކެވަޑައިގަންނަވާ ގޮތުގައި ސޮނޭވާއަކީ އަބަދުވެސް ތަފާތު ކޮންސެޕްޓްތަކަށް ރިސޯޓު ތަރައްގީކުރާ ކުންފުންޏެކެވެ. އެގޮތުން، ރާއްޖެ އަށް މުޅިން އާ ކޮންސެޕްޓަކަށް ތަރައްގީކުރާ ރިސޯޓެއް 2020 ވަނަ އަހަރު ހުޅުވާނެ ކަމަށް ވެސް އޭނާ ވިދާޅުވި އެވެ.
ރާއްޖޭގައި ގިނަ ރިސޯޓުތަކެއް ހިންގާ ސްރީލަންކާގެ އާދަރަން ހެރިޓަންސް ރިސޯޓުގެ އެސިސްޓެންޓް ވައިސް ޕްރެޒިޑެންޓް ސުރޭޝް ޑިސަނަޔަކަ ވިދާޅުވީ ރާއްޖޭގައި މަތީ ފެންވަރުގެ ރިސޯޓުތައް އިތުރުވުމުގެ މައްސަލައަކީ ވަގުތީ ކަމެއް ކަމަށެވެ. ވެލާނާ އިންޓަނޭޝަނަލް އެއާޕޯޓުގެ ޓާމިނަލާއި ރަންވޭ ހަދައި ނިމުމުން، ފްލައިޓްތައް އިތުރުވެ، ރިސޯޓުތަކުގެ ކޮޓަރިތައް ފުރޭ ވަރަށް ޓޫރިސްޓުން ގެނެވޭނެ ކަމަށް ވެސް އޭނާ ދެކެވަޑައިގަންނަވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެދުމިން
18 July 2018
ދޮން މީހުންނަށް ވިސްނެން ފެށީ ހިތުގެ ހިތްހަމަ ޖެހުން ލިބެނީ ދަތުރުކޮށް ޗުއްޓީކޮށްގެން ނޫން ކަން
ޢަހްމަދު
18 July 2018
99 އަހަރު ވާއިރުވެސް ރިސޯޓް ހަދަންދިޔަ ހަރަދު ނުލިބޭނެ. ރިސޯޓެއް ހެދެނީ 100 ބިލިއަން ޑޮލަރުން ވިއްޔާ
falaku ain
18 July 2018
އެހެންވީމާ ތީގެ މާނައަކީ އަނެއް 80 އަހަރަކީ ދިވެހިއްޔިތުންގެ އެސެޓްސް ހިލޭ ލިބިފައި ހުރި އަހަރޭދޯ؟ އޯ ގަދަ!
ތަރުޖަމާ
18 July 2018
ހުސްދޮގު 5 އހަރާއި 10 އަހަރާ ދެމެދު ކަވަރ ވަނެ!! ރީތި ރަޝުން އަހަރަކު 100 މިިލިއަން ޓުޜޑު ކުރެ ކިހަވަރެއް ފައިދާވާނެ ވެލާ ޕުރައިވެޓު އައިލޭންޑުން ފުރަތަމަ ހުޅުވިމަހުވެސް 12 މިލިއަން މޭކުކުރި މިލިަން މިކައަނީ ޑޮލަރުން!!!
އަލީގ
18 July 2018
ތި ރިސޯޓުތަކަކީ ކޮންމެ 10 އަހަރަކުން ނޫނީ ގިނަވެގެން ކޮންމެ 15 ވަރަކައް އަހަރުން މުޅިތަންހެން އަލުން ސުމަކުންފަށައިގެން އިމާރާތްކުރާތަންތަން ގިނަފަހަރު އިމާރާތްތައްވެސް ހުންނަނީ އެހާކައްހާދުވަހު ބޭނުންކުރެވޭ ފެންވަރަކައް ހާއްސަކޮއް ދަގަޑާ ކޮންކްރީޓުން އިމާރާތްކޮއްފަހުންނަ އޯވަ ވޯޓަރ ތަންތަން އެހާކައްހާވަރު މުއްދަތަކުން ހުންނަނީ އޭގެ އުމުރު ހަމަވެފަ އެހެންވީއިރު ތިހުރިހާތަނެއް ހިންގަންޖެހޭނީ ބޭބޭފުޅުންގެ ޖީބުން ހަރަދުކޮއްގެންތާ.
ސުލެއިމާނު
18 July 2018
ދައްކާމޮޅުވ/ަހަކަ. ހަމައެކަނި މީރާއަށްދއްކާ 12ޕަސެންޓަށްވިަސްނަމާ. ބާކީ އޮތްތަނުން އޮޕަރޭސަނަލް ކޯސްޓޭކިޔާއެއްޗެއް ވަކިކޮށްލީމަ ހައްތާހާވެސް ފައިދާ. ފައިދާއެއްނުވާވާހަކަ ގެއްލުންވާވާހަކަ އެކަކުވެސް ހިންގަހިނގާހުރިރިސޯޓު ނުހިންގިގެން ދޫކޮލިބާ. ކަންނެތްބަޔަކު ވަގުތީފައިދާއަކަށް ވިއްކާލަފާނެ. މޮޅުވާހަކަތަކުން ބަޔަކު ބޯހަލާކެއްނުކުރެވޭނެ
ޝިފާގު
18 July 2018
8 އަހަރު
12345
18 July 2018
99 އަހަރަށް ދީފަ ހުރި ތަންތަނުން ފައިދާއެއް ނުވެޔޭ ބުނީމަ އަންނަނީ ހިނި. 20 އަހަރު ފަހުން އެއޮތީ 100 ޕަސެންޓް ފައިދާ ނޫންބާ؟ އަނެއްކާ މިރިސޯޓްތަކަކީ ބޭރު ބޭންކުތަކުން ވަރަށް ކުޑަ އިންޓރެސްޓް ރޭޓަކުން ހަދާފް ހުންނަ ތަންތަން.
މީކު
18 July 2018
ތި ކުރާ ހޭދަ ދުވަހަކު ވެސް އަނބުރާ ލިބޭ ތަނެއް ނުފެނޭ. އަހަރުމެން ކުޑައިރުއްސުރެ ރާއްޖޭގެ ގުދުރަތީ މުއްސަނދިކަމުގެ މިލްކުވެރިކަން އޮތީ އެއް ބައެއްގެ އަތުގައި. އޭގެ ފައިދާ އާއި މަންފާ ލިބެނީ ރާއްޖެއިން ބޭރުގައި ދިރިއުޅޭ އެމީހުންގެ އާއިލާތަކަށް އެކަނި. އެއް ރިސޯޓުން ހަ އެއްކަ ރިސޯޓަށް އިތުރުވިއިުވެސް މަންފާއެއް ނުލިބޭ ދޮއްތޮ؟
ހަސަނު2
18 July 2018
"މަންފާ" ތި މާނަ ކުރަނީ ތިބޭފުޅާ ޖީބައް ސީދާ ވަންނަ ލާރިންތޯ؟ ބައްލަވާ އެ ރިސޯޓްތަކުން ދެއްކި ޓެކްސްއިން އެވަނީ ރާއްޖޭ ސަރުކާރުތަކުން ރައްޔިތުންނަށް ކުރާހާ އިންވެސްޓްމަންޓަކާ ޚަރަދެއް ހިފަހައްޓާފައި، ރާއްޖޭގެ އެއަރޕޯޓްސް ކޮމްޕެނީއާއި ކަސްޓަމްސް އަށް ލިބޭހާ ފައިސާގެ %90 އަކީ ރިސޯޓ ތަކުގެ ސަބަބުން ލިބޭ އާމްދަނީ؛ ރާއްޖޭގެ ވިޔަފާރިތަކުގެ %70 އާމްދަނީ އަކީ ރިސޯޓް ތަކާ ގުޅުން ހުރި ޚަރަދު؛ ރިސޯޓް ތަކުގް މުވައްޒަފުންނަށް ލިބޭ ލާރިން މީހުން އުޅޭ ރަށްރަށުގެ އުމްރާނީ ތަރައްގީގެ ބޮޑު ބައެއް ހިއްސާކުރޭ އަދި އާމްދަނީ ހިއްސާ ކުރޭ؛ ސަރުކާރުގެ މުވައްޒަފުންގެ މުސާރަ ހަމަޖެއްސެނީ ޓޫރިޒަމް ފައިސާއިން؛ އެހެން ވީމާ އަޅުގަނޑަކަށް ނުވިސްނޭ ތިބުނާ މަންފާއަކީ ކޮބާ ކަމެއް.
އަލް އިގްތިސާދިއްޔާ
18 July 2018
މިއީ ވަރަށް ރަނގަޅު ވާހަކައެއް، މިހާރު މިއޮތީ ޑިމާންޑަށްވުރެ ސަޕްލައި އިތުރުވެފައި، ދެންވާނެގޮތް ގްރޭޑް 8 ގައި އިކޮނޮމިކޮސް ކިޔަވާ ކުއްޖެއްކާރީ އަހާލާ، ކޮންމެހެން މާ މޮޅު އިކޮނޮމިސްޓެއްކާރީ އަހާކަށް ނުޖެހޭނެ.