"ޕްލޭން ބީ" ގެ މަންޒަރެއްގައި ޖުމަލް.
03 އޯގަސްޓް 2016 - 06:30
8 comments
މާސްކޭގެ ސްޓޫޑިއޯ އިން އުފައްދާ ފިލްމް "ޕްލޭން ބީ" ގެ ޓްރެއިލާ 2014 ގައި އާންމުކުރި ފަހުން ޚަބަރެއް ނުވެ އެވެ. އެކަމަކު އެ ޓްރެއިލާއިން ފެންނަ ގޮތުގައި މިއީ އަނެއްކާ ވެސް ދިވެހި ސިނަމާ އަށް އަންނާނެ ތަފާތު ފިލްމަކަށް ވާނެ ކަމަށް ވަރަށް ބޮޑަށް ބެލެވެ އެވެ.
ހާއްސަކޮށް ފިލްމުގެ މަންޒަރުތައް ނަގާފައިވާ ގޮތާއި އޭގެ ނެރޭޝަން ގެނެސްފައިވާ ގޮތް އާންމުކޮށް، ނިކުންނަ ދިވެހި ފިލްމުތަކާ ތަފާތުކަން ފާހަގަކޮށްލެވެ އެވެ.
"ޕްލޭން ބީ" އަކީ 2014 ގައި ރިލީޒް ވެސް ކުރަން ކުރިން ޕްލޭން ކުރި ފިލްމެކެވެ. އެކަމަކު ފިލްމުގެ ޕްރޮޑިއުސަރު އަދި މަޝްހޫރު ކެމެރާމަން ޝިވާޒް އަބްދުﷲ (މާސްކޭ) އާއި ޑައިރެކްޓަރު ވިޝާލް ޒަކީ އެހެން މަސައްކަތްތަކެއްގައި ބިޒީވެގެން "ޕްލޭން ބީ" މަޑު ޖައްސައިލަން ޖެހުނީ އެވެ.
ނަމަވެސް ފިލްމުގެ ނުނިމި ހުރި މަސައްކަތް މިހާރު ވަނީ ނިންމަން އަމާޒު ހިފައިފަ އެވެ.
"އަސްލު އަހަރެމެން ދެ މީހުން ބިޒީވުމުގެ އިތުރަށް ފައިނޭންޝަލީ ވެސް ތަންކޮޅެއް ދަތިކޮށް ދިޔައިމަ ފިލްމުގެ މަސައްކަތް މަޑު ޖައްސާލަން ޖެހުނީ،" މާސްކޭ ބުންޏެވެ. "އެކަމަކު ލާރިކޮޅެއް އެއްކޮށްލައިގެން އަނެއްކާ ވެސް މި ވަނީ ފިލްމުގެ މަސައްކަތް ފަށާފައި. މިހާރު ވަރަށް ބާރަށް މަސައްކަތްތައް އެބަ ކުރިއަށް ދޭ."
"ޕްލޭން ބީ" ގެ މަންޒަރެއް.
މާސްކޭ ބުނީ "ޕްލޭން ބީ" ގެ ޝޫޓިން އޮތީ އެއްކޮށް ނިމިފައި ކަމަށެވެ.
"ޕްރޮމޯޝަނަލް ލަވަ އެކަނި ނުނަގައި މިހާރު އޮންނާނީ. އެކަމަކު ލަވަ ވެސް ވަރަށް އަވަހަށް ނަގަން ފަށާނަން،" މީގެ ކުރިން ދިވެހި ފިލްމުތަކުން ނުފެންނަ ކަހަލަ ސްޕެޝަލް އިފްކްޓްސް ވެސް ފެނިގެން ދާނެ ފިލްމާ ބެހޭ ގޮތުން މާސްކޭ ބުންޏެވެ. "ވަރަށް ފުރިހަމަ އަދި ޔޫތުންނަށް ކަމުދާ ކަހަލަ ފިލްމަކަށް މި ފިލްމުވެގެން ދާނެ."
މިހާރު މަސައްކަތް ދާ ގޮތުން ނަމަ "ޕްލޭން ބީ" ގެ މަސައްކަތް އަންނަ މަހުގެ ކުރީކޮޅު ނިންމައި ލެވޭނެ އެވެ. އަދި އަންނަ މަހުގެ އާ ޓްރެއިލާއެއް ވެސް ރިލީޒް ކުރަން ވަނީ ނިންމައިފަ އެވެ.
"ޑިސެމްބަރު ނޫނީ އެއަށް ވުރެ ކުރިން ވެސް ފިލްމް ރިލީޒް ކުރުން އެކަށީގެންވޭ،" ޝްވެކްގައި އަޅުވާ ފިލްމާ ބެހޭ ގޮތުން މާސްކޭ ބުންޏެވެ. "މި އަހަރު ފިލްމް ރިލީޒް ކުރުން އަމާޒަކީ."
މަޝްހޫރު ސްކްރީން ރައިޓަރު މަހުދީ އަހުމަދުގެ ސްކްރީންޕްލޭއަކަށް ހަދާ "ޕްލޭން ބީ" ގެ ތަރިންނަކީ އިސްމާއީލް ރަޝީދު (ކޮޕީ އިއްސެ)، ޖުމައްޔިލް ނިމާލް (ޖުމަލް)، މަރިޔަމް މަޖުދާ (މަޖޫ) އަދި އައިމިނަތު ރިޝްފާ އެވެ.
މީގެ އިތުރުން މުހައްމަދު ފައިސަލް (ބާސްކެޓް) ފައިސަލް މި ފިލްމުން ތައާރަފުވެގެން ދާނެ އެވެ.
"ޕްލޭން ބީ" ގައި ފެނިގެން ދާނީ މަސްތުވާތަކެތީގެ ވަބާގައި ޖެހިފައިވާ ބައެއްގެ ތެރޭގައި ހިނގާ ހާޖާނުގަނޑެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނިހާން ހުސައިން މަނިކު
04 August 2016
ދެން މިކަންކުރަން ނޭގޭ މީހުންނަށްވެސް ތިޔަ ވިޔާނުދާ ކަންތައް ދަސްކޮށްދީ. ވަރަށް ފޫހިތިވައްތަރުގެ ފިލްމް ބަލަން.
އަހްމަދު އިބްރާހީމް (އަހައްމާ)
03 August 2016
ދިވެހި ފިލްމުސްޓާރުންގެ ނަން ޖަހާ ކޮންމެ ތަނެއްގައި ބްރެކެޓެއް ތެރޭގައި އަދި އިތުރު ނަމެއް ނުޖަހާ ކޮންމެސް އެއް ނަމެއް ބޭނުން ކުރުން ކިހިނެއްތޯ؟ އިސްމާއީލް ރަޝީދު (ކޮޕީ އިއްސެ)، ޖުމައްޔިލް ނިމާލް (ޖުމަލް)، މަރިޔަމް މަޖުދާ (މަޖޫ) މުހައްމަދު ފައިސަލް (ބާސްކެޓް). މިއީ ދުނިޔޭގެ އެހެން ތާކުން ފެންނަ ކަމެއް ނޫން.
ބާބު ބީ
03 August 2016
ތި ބީ ދުވަސްކޮޅެއް ފަހުން އަނެއްކާވެސް ބުނާނެ މިއަހަރު އަޅުވާނޭ.. ނޭގިގެން މި އުޅެނީ މިއަހަރޭ މިބުނަނީ 2000 އަހަރުތަކުތެރޭން ކޮންއަހަރެއްގަތޯ؟ އަނެއްކާ ބީ ބާއްވާފަ ސީ ނާޅުވާތި.
ފިލްމީބީ
03 August 2016
ޕްލޭން ބީ މި ރިލީކުވަނީ ޕްލޭން ބީ ގެ ދަށުން.
އޭނަ
03 August 2016
މިޔައި މިތާ ކޮން ހަޑިއެއް ތިހާވަނީ
ދެން
03 August 2016
އަޅެ ތިޔާ ފިލުމެއް އަޅުވަންކިޔާތާ ކޮންދުވަހެއް؟ ސީޒަން ވެސް އޭގެ ފަހުން ކިތައް ފިލުމު ނެރެފި؟ ކަލޭމެން ހަޑިހާވާ އިނގޭ
މިޔައު
03 August 2016
މީއަޅެ ދެން ކޮން ހަޑިއެއް ހާވަން އުޅޭ ބައައްތަ ދެން؟ ފިލްމު ކުޅެ ކުޅެ ކުރިނޭރި ބައެއް މީ. ހިތުން މާ މޮޅެތި ނަން ނަން ކިޔާފަ ފިލްމެކޭ ކިޔާފަ ހަޑިހާވާ ބައެއް މީ. ޗީ ޗީ
ޜޮކެޓޭ
03 August 2016
ޕްލޭން އޭ ނުބަލާ ބީ ބަލަން އުޅޭ ހުރިހައި އެންމެންވެސް ތިހެން ކިޔާ އުޅެތެވެ. ފުއްމައިގެން އަރާ ބޮންތީގައި ހިފަން ނޫޅޭށެވެ...މިކަހަލަ ވަރުގަދަ ފިލްމުތަށް ބަލަން ވާނީ ބެލެނިވެރިޔަކާ އެކު އަދި ޕްލޭން އޭ ނިންމަވައިފައެވެ. ތިޔަ ބޭފުޅާ ތިޔައުޅުއްވަނީ ޖަންޕު ޖަހަންށެވެ.