އީރާންގެ ރައީސް ހަސަން ރޫހާނީ. --ފޮޓޯ:އޭއެފްޕީ
08 އޯގަސްޓް 2018 - 11:53
3 comments
ތެހެރާން (އޮގަސްޓް 8) - ދަތިކުރުމުގެ ފިޔަވަޅުތަކުގެ ދަށުގައި އީރާން އޮތްހާ ދުވަހަކު "އިތުބާރު ނުކުރެވޭ" އެމެރިކާއާ ކުރާނެ އެއްވެސް މަޝްވަރާއެއް ނޯންނާނެ ކަމަށް ރައީސް ހަސަން ރޫހާނީ ވިދާޅުވެއްޖެ އެވެ.
އީރާނާ ދެކޮޅަށް އެމެރިކާ އިން އަޅާ ދަތިކުރުމުގެ ފުރަތަމަ ފިޔަވަހީގެ ފިޔަވަޅުތައް އިއްޔެ ތަންފީޒް ކުރަން ފެށުމުގެ ކުރިން ރޫހާނީ ވިދާޅުވީ "މީހެއްގެ ގަޔަށް ވަޅި ޖެހުމަށް ފަހު އެ ވަޅި އުފުރާ ނުލައި އުޅެނިކޮށް އޭނާއާ މަޝްވަރާކުރާނެ ކަމަށް އުއްމީދުކޮށްގެން ނުވާނެ" ކަމަށެވެ.
ރޫހާނީ ވިދާޅުވީ އެމެރިކާ އަކީ މަޝްވަރާ ކުރަން އިތުބާރު ނުކުރެވޭ ބައިވެރިއެއްކަން އެ ގައުމުން ސާބިތުކޮށްދީފައިވާ ކަމަށެވެ. އެކަމުގެ ހެއްކެއްގެ ގޮތުން ރޫހާނީ ދައްކަވާފައި ވަނީ ދުނިޔޭގެ ބޮޑެތި ބާރުތަކާ އެކު 2015 ވަނަ އަހަރު ގާއިމްކުރި ނިއުކްލިއާ އެއްބަސްވުމުން އެއްވެސް އުޒުރެއް ނެތި އެމެރިކާ ވަކިވުމެވެ.
"އިތުބާރު ކުރެވޭ ފަރާތްތަކާ އެކު މަޝްވަރާ ކުރަން އީރާނުން އަބަދުވެސް މަރުހަބާ ކިޔާނެ. އެކަމަކު ދަތިކުރުމުގެ ފިޔަވަޅުތަކުގެ ދަށުގައި އީރާން އޮވެ ކުރާނެ މަޝްވަރާތަކުގެ ފައިދާއެއް ނެތް،" ރޫހާނީ ވިދާޅުވި އެވެ.
މިދިޔަ މަހު ފަހުކޮޅު ޓްރަމްޕް ވަނީ އެއްވެސް ޝަރުތެއް ނެތި އީރާނުގެ ވެރިންނާ މަޝްވަރާ ކުރަން ތައްޔާރަށް ހުންނެވި ކަމަށް ވިދާޅުވެފަ އެވެ. ރޫހާނީ ވިދާޅުވީ އީރާނުގެ ވެރިންނާ މަޝްވަރާ ކުރަން ޓްރަމްޕް ހުށަހެޅުއްވީ އީރާނުގެ އެތެރޭގައި ބައިބައިވުން އުފައްދަން ކަމަށެވެ. އަދި އެއީ އީރާނުގެ ރައްޔިތުންނާ ދެކޮޅަށް ނަފްސާނީ ހަނގުރާމައެއް ފަށަން ކުރާ ކަމެއް ކަމަށް ވެސް ވިދާޅުވި އެވެ.
އީރާނަށް ދަތިކުރުމުގެ ފިޔަވަޅު އެޅުމަށް ފަހު ޓްރަމްޕް ވަނީ އެއްވެސް ގައުމަކުން ތެހެރާނާ އެކު ވިޔަފާރި ނުކުރަން އިންޒާރު ދެއްވައިފަ އެވެ. ދަތިކުރުމުގެ ދެ ވަނަ ފިޔަވަހި ތަންފީޒް ކުރަން ފަށާނީ ނޮވެމްބަރު މަހު 5 ވަނަ ދުވަހު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސައުދީ ޕްރިންސް
09 August 2018
ސާބަހޭ ރޫހާނީ
ސަޅިބައިސާ
08 August 2018
އިސްލާމީ އުންމަތް މިހާ ނިކަމެތިވެ ކަފާސްވެފައި ވަނިކޮން ހަސަން ރޫޙާނީމެން ހުޅަނގަށް ގޮއްޖައްސަވާ އަދި ޚާއްޞަކޮށް އެމެރިކާއަށް ތިއަ ގޮންޖައްސަވާ ކުރިއަށް ވަޑައިގެންނެވުމަކީ ހަޤީޤީ މުސްލިމުންގެ ހިތްތަކަށް ވަރަށްބޮޑު ފިނިކަމެއް ލިބޭ ކަމެކެވެ. އުސްމާނީ ޚިލާފަތް ވައްޓާލުމަށްފަހު ޢަރަބިންގެ ބަޔަކުވަނީ ހުޅަނގާއެކު ބައިޢަތުހިފާ އުންމަތަށް ޚިޔާނާތްތެރިވެފައެވެ. މިއަދުވެސް އެދަނީ ޚިޔާނާތްތެރި ވަމުންނެވެ. އިރާނުގެ ހިތްވަރުގަދަ ވެރިންނަށް ﷲ ހެއު ރަޙްމަތް ލައްވާށިއެވެ.
ފުންއަސަރު
08 August 2018
ރޫހާނީ ތިބުނާހެން އެމެރިކާއަކީ ބަޔަކު އިތުބާރުކުރާ ވަރުގެ ބައެއްނޫން. އަދި މިހާރު އެމެރިކާގެ ރައީސް ކަމުގާ އެހެރީ ތީން އެއްވެސް އެއްޗެއް ގަބޫލުކުރާނޭ މީހެއްނޫން. މަޝްވަރާކުރާނަމޭ ދުނިޔެއަށް ހާމަ ކުރިޔަސް މުޅިންވެސް އެދައްކަނީ ހުސްދަޅަ. ބޭނުންވަނީކީ މަޝްވަރާކުރާކަށްނޫން. ބޭނުންވަނީ އެމެރިކާގެ އަޅުވެތިކަމުގެ ދަށުގާ މުޅި ދުނިޔެވެސް ބާއްވަން. ބާރުގަދަ އިސްލާމީ ގައުމުތައް ދަށުދަރަޖައަކަށް ވައްޓާލަން ކުރާ ކަންތަކުގެ ބޮޅެއް ތިވެސް. ކުޑަތަންކޮޅެއްވެސް ދޫނުކުރާތި. އެއީ ޔަހޫދީން. އެމީހުނަށް އިތުބާރު ކުރާކަށް ނުވާނެ.