ރިޔާސީ އިންތިޚާބުގައި ވާދަކުރާ ޕީޕީއެމްގެ ކެންޑިޑޭޓް ރައީސް ޔާމީން (ވ) އަދި އިދިކޮޅު ކޯލިޝަންގެ ކެންޑިޑޭޓް އިބޫ.--ފޮޓޯ: މިހާރު
15 އޯގަސްޓް 2018 - 11:39
11 comments
ރިޔާސީ އިންތިޚާބުގައި ވާދަކުރާ ކެންޑިޑޭޓުންގެ ނަން ތަރުތީބުކުރުން އަންނަ ހޮނިހިރު ދުވަހު ބާއްވަން އިލެކްޝަންސް ކޮމިޝަން (އީސީ) އިން ނިންމައިފި އެވެ.
އެ ކޮމިޝަނުން ކުރި އިއުލާނުގައި ބުނީ އަންނަ މަހުގެ 23 ގައި ބާއްވާ އިންތިޚާބަށް ކުރިމަތިލުމަށް ޝަރުތު ހަމަވެފައިވާ ބޭފުޅުންގެ ނަންތައް ތަރުތީބު ކުރުން ހޮނިހިރު ދުވަހުގެ ހެނދުނު 10:30ގައި އޮންނާނެ ކަމަށެވެ.
އިންތިޚާބުގައި ވާދަކުރުމަށް ހަތް ބޭފުޅަކު ފޯމް ނެގިކަމުގައި ވިއަސް މުއްދަތު ހަމަވިއިރު ހުށަހަޅާފައިވަނީ ތިން ބޭފުޅުންގެ ފޯމެވެ. އެއީ ރިޔާސީ ދެ ވަނަ ދައުރަކަށް ޕީޕީއެމްގެ ކެންޑިޑޭޓް ރައީސް އަބްދުﷲ ޔާމީން އާއި އިދިކޮޅު ކޯލިޝަންގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހު (އިބޫ) ގެ އިތުރުން އަމިއްލަ ގޮތުން އިންތިޚާބުގައި ވާދަކުރުމަށް ނިންމެވި ހުސެއިން ނަސީރުގެ ފޯމެވެ. ނަމަވެސް އޭނާގެ ފޯމް އީސީން ވަނީ ބާތިލްކޮށްފަ އެވެ.
ކެންޑިޑޭޓުންގެ ނަން ތަރުތީބުކުރަން އަންނަ ހޮނިހިރު ދުވަސް ހަމަޖެއްސިއިރު، ހުސެއިންގެ ކެންޑިޑެސީ ފޯމް ބާތިލްކުރި މައްސަލަ ވަނީ ހައި ކޯޓަށް ހުށަހަޅައިފަ އެވެ. ނަމަވެސް އެ މައްސަލަ ބަލައިގަތް ކަމެއް އަދި ސާފެއް ނުވެ އެވެ.
އަންނަ މަހުގެ 23 ގައި ބާއްވާ އިންތިޚާބުގައި 491 ވޯޓު ފޮށި ބަހައްޓާއިރު 263،000 މީހަކަށް ވޯޓުލުމުގެ ހައްގު ލިބިގެންވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރުމާލު10
15 August 2018
މިސަރުކާރު 2 ވަނަދައުރަކަށް ހޮވިއްޖެނަމަ ޗައިނާގެ ބާރުދަށަށް ރާއްޖޭގެ ސަރަހައްދުން ބޮޑުބައެއްދާނެ،
ޗޮޮއިސް
15 August 2018
އިންޑިއާ ކަހަލަ ބާރުދެރަ ނުސީދާކޮށް ރާއްޖެ އަޅުވެތިކުރާ ގައުމެއްގެ ދަށުގަ އޮތުންދޯ ދެން ރަގަޅީ؟
އާދަނު
15 August 2018
ތަރުތީބުވާންޖެހޭނީ ފޯމްލީ ތަރުތީބުން، 1.،އިބޫ 2 ވަނައަށްފޯމްލީމީހާގެ ފޯމް ބާތިލްވީމަ ޔާމީނަށް 2.
ބަފާބެ
15 August 2018
ރީދޫ ބުއްޅަބޭގެ ވެރިކަން ފެށޭއިރަށް އިންޑިޔާގެ ފައިބުޑަށް އަނެއްކާ މިރާއްޖެ ވެއްޓި ފިނިހަކަ ދުވެލީގައި ދުވަންފަށާނެ! ދަރުމަވަންތަ ހޮސްޕިޓަލާއި އެއަރޕޯރޓް އަނެއްކާވެސް އިންޑިޔާއަށް ހިބައިންދީފަ ދިރާގު ޓާޓާޔަށް ވިއްކާލާފަ ލާރިކޮޅުކާލައިގެން ފިލާނެ!
ކިއްލިބާޝާ
15 August 2018
1. އިބޫ 2. ޔާމީން.
ދެރަ
15 August 2018
ބަލަ ތިޔަކަން ސިއްރުސިއްރުން މުލީއާގޭގައި ކޮށްލާފާ ޓެބްލެޓުން ނޫސްވެރިންނާއި އާއްމުރައްޔިތުންގެ ޣައިރު ހާޒިރުގައި އިއުލާންކޮށްލަންވީނު. އެކަމަކު ދެރައީ މިފަހަރު ގައިމުވެސް ނަމްބަރ 3 ނުލިބޭނެ.
ސައީދާ
15 August 2018
ތަރުތީބު ކުރާނެކަމެއްނެތް. 1 ޔާމީނުއަަށްދީ. އަހަރުމެން މިހާރުކަމިޝަނުގަ ތިބިމީހުނަކަށް އިތުބާރެއްނުކުރަން.
ރައްޔިތުން
15 August 2018
އާއިލާއަށް ކާންދެނީ ހަލާލްތަކެތިކަން ކަށަވަރު ކުރާށެވެ. މުސާރައާއި ނުބައްދަލު ހަދިޔާ ދޭނަމަ އެމީހަކާ ސުވާލުކުރާށެވެ. ލިބުނު ހަދިޔާގެ ހަލާލް ކަމާމެދު ޝައްކުވާނަމަ އެތަކެތި ޕޮލިސް/އޭސީސީއާ ހަވާލުކޮށް އެކަން ބެލުމަށް އަންގާށެވެ! ޔާﷲ އަމާނާތްތެރި ތެދުވެރިން ކަމުގައި އަޅަމެން ލައްވާށި! އަދި މިފަދައިން ވާހަކަ ދައްކާ ހެޔޮނަސޭހަތްދޭނެ މީހަކު ހޮވާން މަސައްކަތް ކުރާނެކަން އިބަ ﷲ ހެކިކޮށް ވަޢުދުވަމެވެ.
އަންތަރީސް1000
15 August 2018
އަޅޭ މިއަށް ޑިސްލައިކް ޖަހަނީ މިއީ މުސްލިމުން އުޅޭ ގަުއމެއްތަ؟
ޙިންނަވަރު
15 August 2018
ޥާހަކައެއް ދައްކަފާނެ އަމަލުން ނުދެއްކިއަސް ދައްކާ ވާހަކަ ޔާ އެއްގޮތައް އަމަލުވެސް ކުރާމިހަކު އެހެންވިމަ އަހަރެންގެ ވޯޓް ނުލިބޭނީ އިބޫއަށް މިސްކިތެއް އަޅަށް ބުނެ ވައުދު ވެފަ މިސްކިތް އަޅައިނުދިން.
ހެހެ
15 August 2018
އެފަދައިން ވާހަކަ ދައްކާ ހެޔޮ ނަސޭހަތްދީފަ އެބަހަށް ފަހުން އަމަލުކުރާނެ ކަމުގެ ޔަގީންކަން ނެތުމާއެކު އެ ކޮމެންޓަކީ ވަކި މީހަކާ ޒާތީ ގޮތުން ޖައްސާލައިގެން ކޮށްފަ އޮތް ކޮމެންޓެއްކަން ސާފުވާ ހާލު އެ ކޮމެންޓަށް ޑިސްލައިކް ނުޖެހެންވީ ސަބަބެއްނެތް.