މައުމޫން، މާފުށީ ޖަލުން ދޫނިދު އަށް ބަދަލުކޮށްފި

ކުރީގެ ރައީސް މައުމޫން: އެމަނިކުފާނުގެ ސިއްހީ ހާލުކޮޅު ގޯސްވުމާ ގުޅިގެން މިއަދު ވަނީ ދޫނިދު އަށް ބަދަލުކޮށްފައި.

ފަޒީނާ އަހުމަދު، މިހާރު

23 އޯގަސްޓް 2018 - 15:57

މާފުށީ ޖަލުގައި ހުކުމް ތަންފީޒު ކުރައްވަމުން ގެންދަވާ ކުރީގެ ރައީސް މައުމޫން އަބްދުލްގައްޔޫމް، ފުލުހުންގެ ބެލުމުގެ ދަށަށް، ދޫނިދު އަށް މިއަދު ބަދަލުކޮށްފި އެވެ.

މައުމޫންގެ ސިއްހީ ހާލުކޮޅު ގޯސްވެ، ގެއަށް ބަދަލު ނުކޮށްގެން އާއިލާ އާއި ވަކީލުން ކަންބޮޑުވުން ފާޅުކުރަމުން ދަނިކޮށް، ކަރެކްޝަނަލް ސާވިސް އިން މިއަދު ނިންމީ، ފުލުހުންގެ ބެލުމުގެ ދަށުން މައުމޫން ދޫނިދޫގައި ބަހައްޓާށެވެ.

ކަރެކްޝަނަލް ސާވިސްގެ އޮފިޝަލަކު ވިދާޅުވީ މައުމޫން ފުލުހުންގެ ބެލުމުގެ ދަށަށް ބަދަލުކުރީ "ޚާއްސަ ހާލަތެއް މެދުވެރިވެގެން" ކަމަށެވެ. އެކަމަކު އޭގެ ތަފްސީލެއް ނުދެއްވަ އެވެ.

އުމުރުފުޅުން 80 އަހަރަށް ވުރެ މައްޗަށް ގޮސްފައިވާ މައުމޫން ގެންދަވަނީ، ބެނައިން ޕްރޮކްސިސިމަލް ޕޮޒިޝަނަލް ވާޓިގޯގެ ބައްޔަށް ފަރުވާ ހޯއްދަވަމުންނެވެ. އެއީ ކުއްލިއަކަށް ބޯއަނބުރައި ކޮއްޅަށް ހުންނަން ދަތިވެ އަމިއްލަ އަށް އެއްވެސް ކަމެއް ނުކުރެވޭ ޒާތުގެ ބައްޔެކެވެ.

މި ބަލީގައި އެމަނިކުފާނުގެ ހާލުކޮޅު ސީރިއަސްވުމުން، މިދިޔަ އަންގާރަ ދުވަހު މާފުށީ ޖަލަށް ޑޮކްޓަރަކު ގެންގޮސްގެން ވެސް ފަރުވާ ދިނެވެ. މައުމޫނަށް އެކަށީގެންވާ ފަރުވާ ޖަލުގައި ނުދެވޭނެތީވެ، ޑޮކްޓަރު ލަފާ ދެއްވީ ގެއަށް ބަދަލުކުރާށެވެ. އެކަމަކު ކަރެކްޝަންސުން އެކަމަށް ދެކޮޅު ހަދަމުންދާ ކަމަށް ބުނެ ވަކީލުން އަންނަނީ ކަންބޮޑުވުން ފާޅުކުރަމުންނެވެ.

"ވަރަށް ދަތި ހާލުކޮޅުގައި ރައީސް މައުމޫން ހުންނެވީ. އިސްތަށިފުޅު ގުޑުވުން ވެސް މަނާ. އޮށޯވެ އޮންނަވާއިރު ވެސް ވަކި ފަޅިއަކަށް އޮންނަވަން ޖެހިވަޑައިގެންފައި ވަނީ،" ވަކީލް މުހައްމަދު ފައިސަލް ވިދާޅުވި އެވެ.

އޭނާ ވިދާޅުވި ގޮތުގައި، މައުމޫންގެ ހާލުކޮޅުގެ ތަފްސީލު ހިއުމަން ރައިޓްސް ކޮމިޝަން (އެޗްއާރުސީއެމް) އަށް އަނެއްކާވެސް ވެސް ވަނީ ހުށަހަޅައިފަ އެވެ. އެކަމަކު ހައްލެއް ނުލިބި ލަސްވުމަކީ ކަންބޮޑުވުން އޮތް މައްސަލައެއް ކަމަށް ވިދާޅުވި އެވެ.

މައުމޫން، އެއް އަހަރާއި ހަތް މަހަށް ޖަލަށް ލާން ކްރިމިނަލް ކޯޓުން މިދިޔަ ޖުލައިގައި ހުކުމް ކުރީ ފެބްރުއަރީ 1 ގައި ސުޕްރީމް ކޯޓުން ނެރުނު އަމުރަށް ފަހު ފުލުހުން ހިންގި ތަހުގީގަށް އެމަނިކުފާނުގެ ފޯނު ނުދެއްވި ކަމަށް ބުނެ، އަދުލު އިންސާފު ގާއިމް ކުރުމަށް ހުރަސް އެޅުމުގެ ކުށުގަ އެވެ.

މިދިޔަ ފެބްރުއަރީ 5 ވަނަ ދުވަހުގެ ރޭ މައުމޫން ހައްޔަރު ކުރީ އެއްބަފާ ކޮއްކޯފުޅު ރައީސް އަބްދުﷲ ޔާމީންގެ ވެރިކަން ގާނޫނާ ޚިލާފަށް ވައްޓާލަން އުޅުނު ކަމުގެ ތުހުމަތުގަ އެވެ. އެމަނިކުފާނުގެ މައްޗަށް ދައުލަތުން އުފުލި ޓެރަރިޒަމްގެ ދައުވާގެ ޝަރީއަތްތައް ކްރިމިނަލް ކޯޓުގައި ދަނީ ހިންގަމުންނެވެ. ޓެރަރިޒަމްގެ އެ ދައުވާ ސާބިތުވެއްޖެ ނަމަ 17 އަހަރާއި 20 އަހަރާ ދެމެދުގެ ޖަލު ހުކުމެއް މައުމޫންގެ މައްޗަށް އަންނާނެ އެވެ.

ރައީސް މައުމޫން އަބްދުލްގައްޔޫމް މާފުށީ ޖަލު ކަރެކްޝަނަލް ސާވިސް ދޫނިދޫ

18 ކޮމެންޓް, 72 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދަރަނިބޯ

24 August 2018

30 އަހަރު ގައުމަށް ޚިދުމަތްކުރުމުގެ އަގު ޔާމީނު ވަރަށްރީއްޗަށް މައުމޫނަށް ދީފިތާ މީ އަމިއްލަލެއަށްވެސް ކުލުނުނެތް މީހެން ދެން ރައްޔިތުންވިސްނާ ނިކަމެތިންނަށް ކޮށްލާނެވަރު އެއްގޮތަކަށްވެސް ނުހޮވާތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އީމަން

24 August 2018

ރައީސް ޔާމީން ހިތެއްް ނެތީތޯ؟ އިންސާނިޔަތު ކަމުގެ ކަންފުޅެއް ވެސް ނުތީތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުނި

24 August 2018

އަނިޔާވެރިންނަށް އެއްގޮތަކަށްވެސް ދެވަނަ ދައުރެއްދީގެން ނުވާނެ އެނގޭތާ ދެން ބާރެއްލިބުނަސް ކޮށްލާނެވަރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުނި

24 August 2018

މުޅިއާއިލާ އެއްކޮށް ޖަލަށްލައިގެންވެސް އަދުލުއިންސާފޭ ކިޔަކިޔާތިބޭ ގައުމެއްމީ މީމީހުނަށް ދެވަނަ ދައުރެއްދީފިއްޔާ މުޅި ދިވެހިރާއްޖެ ޖަލަށް ލާނެތާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތެމާ

24 August 2018

ރަން 30 އަހަރޭ ކިޔައިގެން މައުމޫނުގައިގައި އެލިގަނެގެން ވެރިކަންލިބުނީ ލިބުނީމަ ލީޖަލަށް ދެން ވިސްނާ ދިވެރި ރައްޔިތުންނަށް ކޮށްލަނެވަރު މިވަރުބަޔަކު އަޅެ ހޮވަން ހެޔޮނުވާނެ އަނިޔާވެރިކަމުގެ އިންތިހާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު މުހައްމަދު ބިން އިބް

24 August 2018

ތިހެން ހަދަން ޖެހުނީ މާގިނައިން މާފުށީ ޖަލަށް ދާތީ ދަތުރު ކުރަން އުނދަގޫވާނެތީ. އެއީ ޖަލު ހުކުމެއް އިއްވަން ކުރި ކަމެއް ނޫން. ފާރިޝްއާއި ބައްދަލު ކުރަން ދާ ދިޔުން ފަސޭހަ ކޮށްލަދޭން އަދުގެ ސަރުކާރުން ކޮށްދެއްވި އަގުހުރި ޚިދުމަތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Aseyla

23 August 2018

** ޖަލުން ޖަލަށް **

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަތްނެތްކުއްޖާ

23 August 2018

ހުރިހާ ކުދިންވެސް ކެތްތެރިވެ ތިބުމަށް އިލްތިމާސް ކުރަން. ތިކުދިން ކުރަންވީ ކަމަކީ ތިކުދިންގެ ހިތު ތެރޭގައި ތިހިރަ ތިހަރަ ޝުޢޫރު ތައް މިފަހަރު ވޯޓުން ދައްކާލަދީ މި ވެރިން ފޮށި ތަންމަތި ބަނދެގެން ގެއަށް އަނބުރާ ފޮނުވާލަންޖެހޭ ވަރު ކުރަންވީ. ދެން އަންނަބަޔަކު އެވެރިންނާއި މެދު ކަންތައްތައް ކުރަންވާގޮތް އެނގޭނީ. މަމެންގެ ޒިންމާ މަމެން އަދާ ކުރީމާ އޭރުން ނިމުނީ. ވ ސަލާން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޮކެޓް ސައިންސް

23 August 2018

މައުމޫނަށް ޖެއްސުން ކުރީމާ ހާދަ ވޯޓެއް ލިބޭނެޔޭ ޔާމިންގެ ހިތަށް އަރާތީތާ އެވަރު އެކޮއްލަނީ. ޔާމީނޫ މައުމޫނަކީ ޔާމިންގެ ބައްޕަގެ މަގާމުގަ މިހާރު ހުރިމީހެކޭ ހެޔޮނުވާނެ ތިހާއަނިޔާދޭކަށް. ގާނޫނަށް ބަދަލުގެނެސްގެން ޑުރަގުވިއްކާމީހުންނަށް މާފުދޭއިރު، މައުމޫންއަށް މާފުދެވޭނެ ގޮތެއް ހަދާދީބަލަ. ނޫނީ އަދަބު ލުއި ކޮއްދީބަލަ ހެޔޮނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޮކެޓް ސައިންސް

23 August 2018

ކޮންމެ ވެރިކަމެއްގަ ވެސް ކޮންމެސް ވަރަކަށް ވައްކަމާ އަނިޔާއޮވޭ. އެކަމަކު އެއްވެސް ކަމެއް ހައްދުފަހަނައަޅާ ދިޔުން އެއީ ގޯހެއް. ޔަގީނުންވެސް މިހާރު ޖަލުތަކުގަ އެތިބަ ސިޔާސީ މީހުންނަށް އެލިބެނީ ހައްދުފަހަނައަޅާފައިވާ އަނިޔާ. އަދި އެމްއެމްޕީއާރުސީގެ ވައްކަމަކަކީ ހައްދުފަހަނަ އަޅާފައިވާ ބޮޑުވައްކަމެއް. ސޮރީ ޔާމިން ވޯޓެއް ނުދޭނަން