މީރާއަށް ހިދުމަތް ހޯދަން ގޮސް ތިބި ބަޔަކު މަޑުކޮށްލައިގެން: ކުދި ވިޔަފާރިތަކުގެ ޓެކްސް ޖޫރިމަނާ މައާފްކޮށްދޭން ވަނީ ނިންމާފައި.
27 އޯގަސްޓް 2018 - 20:30
28 comments
ކުދި ވިޔަފާރިތަކުން ދައްކަން ޖެހޭ ޓެކުހާ ގުޅޭ ހުރިހާ ޖޫރިމަނާއެއް މީރާއިން މިއަދު މާފުކޮށްދޭން ނިންމައިފި އެވެ.
ދައުލަތުގެ ޓެކްސް އިދާރާ އިން ބުނީ އެއީ، ޖޫރިމަނާ މާފު ކުރުމުގައި މިހާރު ވެސް އަމަލުކުރާ އާއްމު އުސޫލުގެ އިތުރުން ކުދި ވިޔަފާރިތަކަށް ދޭ ހާއްސަ އިނާޔަތެއް ކަމަށެވެ. މިގޮތުން، ކުދި ވިޔަފާރިތަކަށް ހާއްސަ އިނާޔަތް ދިނުމަށް ހަމަޖެހިފައި ވަނީ މިއަދުން ފެށިގެން އަންނަ އޮކްޓޯބަރު 27 ގެ ނިޔަލަށް ކަމަށް މީރާ އިން ބުންޏެވެ.
އެ އޮތޯރިޓީން ބުނިގޮތުގައި، ކުދި ވިޔަފާރިތަކުގެ ގޮތުގައި މީރާއިން ގިންތި ކޮށްފައި ވަނީ، އަހަރަކު 10 މިލިއަން ރުފިޔާ އަށް ވުރެ މަދުން އާމްދަނީ ލިބޭ ފަރާތްތަކެވެ. އެ ފަރާތްތަކުން ބީޕީޓީ އާއި ވިތްހޯލްޑިން ޓެކްސް އާއި ޖީއެސްޓީ އަދި ގްރީން ޓެކުހާ ގުޅިގެން، މިދިޔަ ޖޫން 30 ގެ ނިޔަލަށް ދައްކަން ޖެހޭ ހުރިހާ އިލްތިޒާމުތަކާ ގުޅޭ ޖޫރިމަނާތައް ލުއި ކޮށްދިނުމަށް އެދި، ކަނޑައެޅިފައިވާ މުއްދަތުގައި ހުށަހެޅުމަށް މީރާއިން ވަނީ އިލްތިމާސް ކޮށްފަ އެވެ.
މީރާއިން ބުނީ ކުދި ވިޔަފާރިތަކަށް ހާއްސަ ކޮށްގެން މިދިޔަ އަހަރު ތެރޭގައި ވެސް މީރާއިން އެފަދަ ކެމްޕޭނެއް ކުރިއަށް ގެންގޮސްފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސޮރުބެ
29 August 2018
ބޮޑު ޚަރަދުކޮށްގެން އަސްލު ހިސާބު ކިތާބު ބަލަހައްޓަނީ ބޮޑެތި ވިޔަފާރިވެރިން. ކުދި ވިޔަފާރިވެރިން މި ތިބީ ހަމަ ތިބި ހިސާބުގަ ކަންނޭނގޭ... އެކަމަކު ކުޑަޔަސް ބޮޑަސް ޖޫރިމަނާ ވަނީ އެއްރޭޓަކުން.. އެހެންވީމަ، ކުދި މީހުންނަށް މިކަހަލަ އެމްނެސްޓީ ދީގެން އަދި ބޮޑުކޮށްދެވޭނ.
ހުތާ
28 August 2018
ކޮބައިތޯ ޖޫރިމަނާ ނުވާން އެތަކެއް ހަރަދެއްކޮށް ހިސާބުކޮތާބު ބަލަހައްޓައިގެން ފައިސާ ދެއްކީ މީހުންގެ ހައްގު، ވަކިވައެއްގެ މަންފާއަށް މުޅިދިވެހިރާއްޖޭގެ އެންމެހާ ރައްޔިތުންގެ ފައިސާ ހޭދައެއް ނުކުރެވޭނެ އެއްވެސް ބަޔަކަށް އެއްވެސް ސަރުކާރަކަށް، ގައުމު ހިންގަން ރައްޔިތުން ވެރިކަން ހަވާލު މިކުރަނީ ހިތުހުރި ގޮތަކަށް ސަރުކާރުގެ މުދަލާއި ވަސީލަތާއި ފައިސާ ބޭނުންކުރާކަށް ނޫން. މިކަންކަމާ ރައްޔިތުން ވިސްނަންވެއްޖެ.
އަންވަރު
28 August 2018
މީރާ ވަރަށް ރަނގަޅު އެހެނަސް އިކޮނޮމިކް މިނިސްޓްރީއިން އެބަހުރޭ އަހަރީ ރިޕޯޓް ހުށަނާޅައިގެން 30000 ރުފިޔާއިން ޖޫރިމަނާކޮށްފަ . މިއީ އަދި އެއްގޮތަކަށް ވިޔަފާރީގެ މުއާމަލާތެއް ނުހިންގިޔަސް ޖޫރިމަނާ ކުރަނީ ކުރުމުގަ ބަލާލާގޮތެއް ނުހުރޭ. ބޮޑަތި ކުންފުނި ތަކެއް ކުދިކުންފުނިތަކެއް ތަފާތެއްނުވޭ. ކުދިވިޔަފާރިތަކަށް އެހީތެރިވުމުގެ އެއްވެސް ކަމެއް އިކޮނޮމިކް މިނިސްޓްރީގަ ނޯވޭ.
ސަލީމު އިދުރީސް
28 August 2018
ތިހަމަ ތެދެއް ރައްޔިތުން ގާނުތަކާ ހިލާފުވުމައް ހިއްވަރު ދެވެނީ
ސުލްތާން
28 August 2018
ޖުރިމަނާވެ ޖޫރިމަނާ ފައިސާ ދެއްކި މީހުންނަށް ކިހާ ދެރަގޮތެއް މީރާއިން މިހަދަނީ. ބައެއްފަހަރު ޖޫރިމަނާ ނުދައްކައިގެންވެސް އެންފޯސްމަންޓުން ސިޓީފޮނުވާ ވަރުުން ނުކުޅަދާނެ. އަނެއްކާ ވަކި ބަޔަކަށްތަ އެންފޯސްމަންޓް ޕޮލިސީ އެޕްލިކަބަލްވަނީ؟
މުހައްމާ
28 August 2018
ދެން ހެވެއް ލިބެންޏާ ރަނގަޅުތާދޯ،
ނާނަ
28 August 2018
މިހާރު ދެން ކޮންމެ ކަމެއް ކުރިޔަސް ރަނގަޅު ގޮތެއް ނު އޮންނާނެ... ކޮންމެވެސް އެއްބަޔަކަށް ރަނަގަޅުވާނެ، އަނެއްބަޔަކަށް ގޯސްވާނެ، ހަޖަމު ކޮށްލީމަ ރަނގަޅުވާނެ
ފާތުމަތު
28 August 2018
ގަވައިދުން ދެއްކިމީހުންނަށް އިނާޔަތެއް ދިނިއްޔާ މާރަގަޅުނު. ހުރިހާފައިދާއަކާމަންފާއެއް އޮތީ ގަވައިދާހިލާފަށް އުޅުމުގަތަ
ހުއްބުލްވަތަން އަސްލު
28 August 2018
ޔަޒީދަށްވެސް މަގާމުގާ ހުރެވެން އަންނަނީ މި ވެރިކަން ދަމަހައްޓައިގެން، އަދި ކޮށްކޮމެންގެވެސް ވަޒީފާ ދަމަހައްޓަން މަސައްކަތް ކުރަންޖެހޭ. އެހެންވީމާ މި ސަރުކާރު ދެމެހެއްޓުމަށް ކުރާންޖެހުނު ކޮންމެ ކަމެއް ފަސްޖެހުމެއްނެތި ޔަޒީދުކުރާނެ، އެކަމާ ހައިރާންވާކަށް ނުޖެހޭ. ޖޫރިމަނާގެ ބޭނުމަކީ ޖޫރިމަނާ ކުރެވޭ ބަޔަކު ޒިންމާދާރުކުރުވުން، ނަމަވެސް މި ގައުމުގާ ވަކި މޫސުމެއްގާ ކޮންމެފަދަ ޖޫރިމަނާއެއްވެސް މާފުކޮށްދީފާނެ ހެޔޮފުޅުކަމުން. މިއީވެސް ނަމޫނާ މުއައްސަސާގެ ސިފަޔަކީތޯއްޗެއް! ވެދުމާ ސަލާމް.
އަންތަރީސް77
28 August 2018
މީގަ ރަނގަޅީ ޖޫރިމަނާ ނުދެއްކުންދޯ އެހެންމަ. މާފުކުރަންދެން މަޑުކޮށްލަންވީދޯ. ޓްރެފިކް ވިޔަސް، ވިޔަފާރިވިޔަސް. ޖޫރިމަނާ ދެއްކުނު ބައި ލިބޭނެގޮތެއްނެތްތަ؟